خیبرپختونخوا میں حالیہ دنوں میں غیرت کے نام پر قتل کے واقعات میں اضافہ دیکھا گیا ہے، دیہی علاقوں کے ساتھ ساتھ بڑے شہروں میں بھی غیرت کے نام پر قتل کے واقعات رونما ہونے لگے ہیں، ہیومین رائٹ کمیشن آف پاکستان (ایچ آر سی پی) کے مطابق 2022 میں غیرت کے نام پر قتل کے 92 واقعات رپورٹ ہوئے۔
2023 میں یہ تعداد 63 تھی، جب کہ 2024 میں غیرت کے نام پر قتل کے 93 واقعات رپورٹ ہوئے، ایسے واقعات یا وارداتوں کی روک تھام کے لیے قانون موجود ہے، تو پھر اضافے کی کیا وجوہ ہیں؟
ایس پی فقیر آباد ڈویژن سید طلال شاہ کہتے ہیں کہ قانون میں ترمیم ہو چکی ہے، دفعہ 311 لگ جائے تو فریقین کے پاس راضی نامہ کا حق نہیں رہتا، سینئر قانون دان استغراللہ خان کہتے ہیں دفعہ تین سو گیارہ ثابت ہو جائے تو اس میں عمر قید کی سزا ہو سکتی ہے۔
گوند کتیرا کا حکیمی شربت کن اجزا سے بنتا ہے؟ ویڈیو دیکھیں
پروگرام منیجر عورت فاؤنڈیشن صائمہ منیر کہتی ہیں جب تک قوانین کے اندر نقائص موجود ہیں واقعات کم نہیں ہو سکتے، سماجی رہنما کے مطابق ایسے واقعات کی روک تھام تب ہی ممکن ہے جب قانون پر عمل در آمد اور واقعات میں ملوث ملزمان کو سخت سزائیں دی جائیں۔
