Tag: hospital

اسپتالوں کی نجکاری کیخلاف ڈاکٹرزوپیرا میڈیکل اسٹاف کی احتجاجی ریلی

کراچی: سندھ کے سرکاری ہسپتالوں کونجی سیکٹر کے حوالے کرنے کے فیصلے کے خلاف کراچی سمیت سندھ بھرکے ڈاکٹروں اور پیرامیڈیکل اسٹاف نے اوپی ڈی کابائیکاٹ کیاجس سے مریضوں کی مشکلات بڑھ گئیں۔

سول ہسپتال سمیت کراچی کے دیگر سرکاری ہسپتالوں میں ڈاکٹراورپیرامیڈکل اسٹاف نے احتجاج کیااوراوپی ڈی بندکردیں جس کے باعث کراچی کے مختلف علاقوں اوراندرون سندھ سے آنے والے مریضوں اور انکے تیمارداردربدر کی ٹھوکریں کھاتے نظر آئے ۔

این آئی سی ایچ میں سندھ بھرکے ڈاکٹروں اور نمائندہ تنظیموں کااجلاس ہوا۔اجلاس کے بعد ڈاکٹروں اور پیرامیڈیکل اسٹاف نے کراچی پریس کلب تک ریلی نکالی۔ریلی کے شرکاء کاکہناتھاکہ سرکاری اسپتالوں کی نجکاری بندنہ کی گئی توغیرمعینہ مدت تک کی ہڑتال پر غوکیاجاسکتاہے۔

دسمبر 1, 2014
سرگودھا اسپتال: تین روزمیں انیس بچےجان کی بازی ہارگئے

سرگودھا : ڈسٹرکٹ اسپتال سرگودھا میں ڈاکٹروں کی ٖغفلت ایک اورماں کی گوداُجاڑگئی، تین دن میں انیس بچے زندگی کی بازی ہار گئے، تحقیقاتی کمیٹی کی رپورٹ اب تک سامنے نہیں آسکی۔

سرگودھامیں شیرخواربچوں کی اموات بڑھتی چلی جارہی ہیں۔ڈسٹرکٹ ہیڈکوارٹراسپتال کے بچہ وارڈمیں ڈاکٹروں اورطبی عملے کی لاپرواہی سے ایک اورمعصوم بچہ زندگی کی بازی ہارگیا۔

تین روزکے دوران اٹھارہ بچےکی جانوں کا زیاں ہوچکا ہے۔ اسپتال انتظامیہ بچوں کی اموات کوطبعی قراردے رہی ہے۔ لیکن روزبروزبڑھتی ہلاکتیں اسپتال انتظامیہ کی کارکردگی پرسوالیہ نشان ہیں۔

وزیرِاعلیٰ پنجاب شہبازشریف نے ہلاکتوں کا نوٹس لے کرتحقیقاتی کمیٹی توبنادی لیکن تحقیقاتی کمیٹی کی رپورٹ اب تک منظرِعام پرنہیں آسکی۔ ذرائع کے مطابق محکمہ صحت کے ذمہ دارافسران کوبچانے کے لئے مختلف سیاسی رہنما متحرک ہوچکے ہیں۔

نومبر 22, 2014
پاکستان کےعوام تبدیلی چاہتےہیں، پرویزمشرف

اسلام آباد: سابق صدر ریٹائرڈ جنرل پرویز مشرف نے کہا ہے کہ نیٹوافواج کی واپسی کے بعد افغانستان میں پاکستان اوربھارت کی پراکسی جنگ ہوسکتی ہے۔

غیرملکی خبرایجنسی کوانٹرویومیں سابق صدرپرویز مشرف کا کہنا تھا کہ افغانستان میں بھارت کا اثررسوخ پاکستان اورپورے خطے کے لئے خطرہ ہے، بھارت کی خواہش ہے کہ افغانستان میں پاکستان کی مخالفت میں اضافہ ہو،اگربھارت نےافغانستان میں بعض گروپوں کو پاکستان کے خلاف استعمال کرنے کی کوشش کی تو پاکستان بھی اپنے حامی گروپوں کی حمایت کرے گا۔ افغانستان میں پراکسی جنگ سے گریز کیا جانا چاہئیے۔

مشرف نے کہا کہ بھارت جنوبی افغانستان میں تربیتی کیمپوں کے ذریعے بلوچستان میں علیحدگی پسندوں کو مدد فراہم کررہا ہے۔نائن الیون کے بعد امریکا کا ساتھ دینے کے فیصلے کا دفاع کرتے ہوئے سابق صدر کا کہنا تھا وہ اپنے فیصلے پرقائم ہیں۔عمران خان اورطاہر القادری کا احتجاج عوام کے دل کی آواز ہے، اس پر کسی کو شک نہیں ہونا چاہئے کہ پاکستان کے عوام تبدیلی چاہتے ہیں۔

نومبر 18, 2014
پرویزمشرف کی والدہ،اہلیہ اوربیٹی کراچی پہنچ گئیں

کراچی: سابق صدر پرویز مشرف کی والدہ زرین مشرف اہلیہ صہبامشرف اورصاحبزادی کےہمراہ کراچی پہنچ گئیں۔

سابق صدر مشرف کی والدہ صحت یابی کے بعد دبئی سے پاکستان کیلئے روانہ ہوئی تھیں، زریں مشرف کچھ عرصہ قبل شدید علیل تھیں اور اسپتال میں زیر علاج تھیں، تاہم صحت یابی کے بعد وہ اپنے بیٹے اور سابق آرمی چیف اور صدر مملکت پرویز مشرف سے ملاقات کیلئے دبئی ایئرپورٹ سے کراچی پہنچ گئیں۔

ذرائع کے مطابق پرویز مشرف کی والدہ کا پاکستان میں مستقل قیام کا امکان ہے، سابق صدر کی والدہ کے ہمراہ پرویز مشرف کی اہلیہ صبا مشرف، بیٹی عالیہ بھی طیارے میں ان کے ہمراہ کراچی پہنچیں ہیں۔

واضح رہے کہ سابق صدر پرویز مشرف نے بارہا اپنی والدہ سے ملاقات کے لئے بیرون ملک جانے کی اجازت مانگی لیکن ان کا نام ای سی ایل سے نہیں نکالا گیا۔

اکتوبر 28, 2014
ملک کے دیگرشہروں میں بھی ہسپتال بناؤں گا، شاہد آفریدی

کراچی: آل راؤنڈرشاہد آفریدی کا کہنا ہے ضروت مند لوگوں کی خدمت کرنے کیلئے وہ کوہاٹ کے علاوہ دیگر شہروں میں بھی شاہد آفریدی فاؤنڈیشن کے تحت اسپتال بنائیں گے۔کراچی میں ایک نجی کمپنی کے تعاون سے شاہد آفریدی فاؤنڈیشن فنڈ ریزنگ پروگرام کے تحت ایک تقریب کا اہتمام کیا گیا

۔تقریب میں مختلف شعبہ جات سے تعلق رکھنے والے سرمایہ کاروں کے ساتھ سابق کرکٹرز اور شوبز کی شخصیات نے بھی شرکت کی۔ اس موقع پر بوم بوم آفریدی نے کہا کہ اگر سب ایمانداری دکھائیں توغربت ختم ہوسکتی ہے۔

فلاحی کاموں کیلئے حکومت سے کبھی کوئی مدد نہیں مانگی ہے۔ اس موقع پرشائقین کو اپنے پسندیدہ کھلاڑی سے ملنے کا موقع بھی ملا اور انہوں نے بوم بوم آفریدی سے آٹوگراف لئے اور ان کے ساتھ تصاویر بھی بنائیں۔

اکتوبر 20, 2014
اسلام آباد:زخمی کارکنان کی اسپتالوں سے گرفتاریاں جاری

اسلام آباد کے اسپتالوں میں پولیس کا کریک ڈاؤن جاری ہے۔ پاکستان عوامی تحریک اور تحریک انصاف کے متعدد زخمی کارکنان کو لواحقین سسمیت اسپتالوں سے گرفتارکیا جارہا ہے۔

لاٹھی چارج، شیلنگ اور پنجاب پولیس کا تشدد۔ شاہراہ دستور پر وہ ہوا جس کا خدشہ ظاہر کیا جارہا تھا۔ پرامن مظاہرین پر پولیس نے دھاوا بول دیا جس کے نتیجے میں سیکڑوں کارکنان زخمی ہوئے۔

جن میں بچے،بزرگ اور جوان سب شامل ہیں۔ ترجمان پمزاسپتال نےبتایاجاں بحق شخص کو تشویشناک حالت میں اسپتال لایا گیا تھا۔ اسپتال میں بھی پولیس زخمیوں اور ان کے اہل خانہ کو نہیں بخش رہی بلکہ انہیں گرفتارکرنے وہاں بھی پہنچ گئی۔

اگست 31, 2014
ایبٹ آباد :سرکاری اسپتال سے نو مو لود بچہ اغواء

ایبٹ آباد : سرکاری اسپتال سے دو روز کا نو مو لود بچہ اغواء، پولیس نے تھانہ کینٹ میں مقدمہ درج کرکے تفتیش شروع کردی۔تفصیلات کے مطابق وومن اینڈ چلڈرن اسپتال میں بگنو ترکی رہائشی خاتون ارم کے ہاں دو روز قبل بچے کی پیدائش ہوئی، جسے گائنی وارڈ میں منتقل کیا گیا ۔

ارم بی بی کے مطابق آج صبح ایک خاتون اس کے پاس آئی اور بچہ کے رونے پر اسے اٹھا یا ،اور دیکھتے ہی دیکھتے اسے لے کر فرار ہو گئی، یہ خاتون گزشتہ چار روز سے مسلسل وارڈ کے اندر آتی جاتی رہی ہے ،خاتون کے شوہرکے مطابق اس نے اسپتال انتظامیہ کو آگاہ کیا تاہم اس وقت نہ تو اسپتال میں کوئی سیکو رٹی پر مامورعملہ موجود تھااور نہ ہی سی سی ٹی وی کیمرے۔

پولیس نے خاتون کے خاوند کے بیان پر بچہ کے اغواء کا مقدمہ درج کرکے تفتیش شروع کر دی ہے، اسپتال انتظامیہ نے میڈیا کو اس معاملہ پر اپنامؤقف دینے سے انکارکردیا

اگست 23, 2014
امریکہ: پنسلوانیا کےاسپتال میں فائرنگ، ایک خاتون ہلاک

پنسلوانیا:امریکی ریاست پنسلوانیا کےاسپتال میں مسلح شخص نے فائرنگ کرکے ایک خاتون کوہلاکااوردوافرادکو زخمی کردیا۔

امریکی ریاست پنسلوانیا میں ایک مسلح شخص نےاسپتال میں گھس کرفائرنگ کردی جس کے نتیجے میں اسپتال میں موجود خاتون سماجی کارکن ہلاک ہوگئی جبکہ ایک ڈاکٹر زخمی ہوگیا۔

اسپتال کےسیکیورٹی عملے نےکارروائی کرتے ہوئےحملہ آورکو زخمی حالت میں گرفتارکرلیا،ابتدائی تحقیقات کےمطابق پولیس نےحملہ آورکو ذہنی مریض قراردیا ہے۔

جولائی 25, 2014
سانحہ لاہور:پولیس افسران ریکارڈ میں تبدیلی کیلئے اسپتال پہنچ گئے

جون 18, 2014
الطاف حسین کا انٹرنیشنل سیکریٹریٹ کے ارکان سے ٹیلیفونک رابطہ

جون 4, 2014