ARYNews.tv | Urdu – Har Lamha Bakhabar

Tag: hot-air balloon

  • ویڈیو: ہوا میں شادی کا خواہش مند جوڑا زمین سے 70 فٹ اوپر معلق ہو گیا

    ویڈیو: ہوا میں شادی کا خواہش مند جوڑا زمین سے 70 فٹ اوپر معلق ہو گیا

    چھتیس گڑھ: ہوا میں شادی کرنے کے خواہش مند جوڑے کی آرزو پوری ہو گئی، دولہا دلہن نے ایک دوسرے کو زمین سے 70 فٹ اوپر معلق ہو کر شادی کی مالائیں پہنائیں۔

    میڈیا رپورٹس کے مطابق بھارتی ریاست مدھیہ پردیش میں ایک جوڑے نے اپنی شادی کا دن بہت خاص بنانے کے لیے فضا میں شادی کی منصوبہ بندی کر لی، اور دلہن کے والد نے اس شادی کے لیے راجستھان سے گرم ہوا کا غبارہ منگوایا۔

    جب دولہا دلہن ہوا میں معلق ہو کر ایک دوسرے کو مالا پہنا رہے تھے، تب ستر فٹ نیچے موجود مہمان ان کی ایک جھلک دیکھنے کے لیے سر اٹھائے آسمان کی طرف دیکھ رہے تھے۔

    شادی کی ویڈیو بھی سوشل میڈیا پر منظر عام پر آ گئی ہے، یہ شادی درگ ضلع کے بھیلائی کے سیکٹر 7 میں ہوئی، ویڈیو کو اس کیپشن کے ساتھ شیئر کیا گیا ہے: ’’ضلع درگ میں شادی کی تقریب ایئر بلون میں منعقد ہوئی، 70 فٹ کی بلندی پر دولہا اور دلہن نے ایک دوسرے کو ہار پہنائے۔‘‘

    اطلاعات کے مطابق گرم ہوا کا غبارہ اتنا بڑا تھا کہ اسے ایک بڑے میدان کی ضرورت تھی، چناں چہ اس کے لیے سیکٹر 7 دسہرہ میدان میں شادی کا اہتمام کیا گیا، اور دلہن پریتی اور دولہا روی نے ایک دوسرے کو ہوا سے 70 فٹ کی بلندی پر مالا پہنایا۔

    سات افراد کی ٹیم نے رسی کی مدد سے غبارے کو اوپر نیچے کھینچا، اور مالا پہناتے وقت ہاٹ ایئر بلون میں دولہا، دلہن کے ساتھ غبارہ اڑانے والا پائلٹ بھی موجود تھا۔

  • ایئر بلون زمین سے جا ٹکرایا، خوفناک ویڈیو

    ایئر بلون زمین سے جا ٹکرایا، خوفناک ویڈیو

    امریکا میں ہاٹ ایئر بلون کی سواری کے دوران خوفناک حادثہ پیش آیا جس میں ایئر بلون زمین سے جا ٹکرایا، خوش قسمتی سے بلون میں سوار افراد محفوظ رہے۔

    یہ واقعہ امریکی ریاست کیلی فورنیا میں پیش آیا، ہاٹ ایئر بلون میں بیٹھنے والے ایک شخص نے تمام واقعے کی ویڈیو بنا لی۔

    ویڈیو میں دیکھا جاسکتا ہے کہ ایئر بلون معمول کی رفتار سے اڑ رہا ہے اور اس میں کچھ افراد سوار ہیں۔

    تاہم ہوا کی تیز رفتار سے ایئر بلون لڑکھڑا جاتا ہے اور کچھ دیر بعد زمین سے ٹکراتا ہے، اس کے بعد وہ جھاڑیوں میں کچھ دور تک گھسٹتا ہوا جاتا ہے۔

    اس دوران بلون کا پائلٹ لوگوں سے اپنی جگہ پر رہنے کو کہتا ہے، خوش قسمتی سے ایئر بلون میں موجود تمام افراد محفوظ رہے۔

    ویڈیو وائرل ہونے کے بعد سوشل میڈیا صافین نے پائلٹ کو سراہا جس نے حاضر دماغی سے کسی کو کوئی نقصان پہنچنے سے محفوظ رکھا۔

  • چینی شہری ایئر بلون سے گر کر ہلاک، دل دہلا دینے والی ویڈیو

    چینی شہری ایئر بلون سے گر کر ہلاک، دل دہلا دینے والی ویڈیو

    بیجنگ: چین میں ایک شخص فضا میں 33 فٹ بلند ایئر بلون سے نیچے گر کر ہلاک ہوگیا، حادثے کی دل دہلا دینے والی ویڈیو نے لوگوں کو خوفزدہ کردیا۔

    یہ واقعہ چین کے جنوب مغربی صوبے میں ایک تفریحی مقام پر پیش آیا، پارک کا ایک ملازم ایک ایئر بلون کو لینڈنگ کے وقت زمین پر اتار رہا تھا۔

    اچانک ہوا کے ایک زوردار جھونکے سے غبارہ دوبارہ فضا میں بلند ہوگیا اور ملازم بھی اس کے ساتھ ہی فضا میں چلا گیا۔

    ایئر بلون جب زمین سے33 فٹ بلند ہوگیا تو ملازم جو پہلے ہی غیر محفوظ حالت میں غبارے سے لٹکا ہوا تھا، غبارے کی حفاظتی رسی پر پھسلا اور وہاں سے نیچے آگرا۔

    ملازم کے نیچے گرنے کے دوران ایئر بلون کی حفاظتی رسی بھی ٹوٹ گئی۔

    حادثے کے وقت وہاں درجنوں افراد موجود تھے جو ملازم کی کوئی بھی مدد کرنے سے قاصر رہے۔ مقامی میڈیا کے مطابق پارک کا ملازم موقع پر ہی ہلاک ہوگیا۔

    تفریحی پارک کی انتظامیہ نے ملازم کی موت کی تصدیق کردی تاہم مزید تفصیلات بتانے سے گریز کیا۔

    اس سے قبل گزشتہ ماہ بھی اسی نوعیت کے ایک حادثے میں ایک اور شخص ہلاک ہوگیا تھا۔ چینی صوبے ہونان میں ایئر بلون سینٹر کا ملازم اپنی ملازمت کے پہلے ہی دن ایئر بلون کی پرواز کے دوران نیچے گر کر ہلاک ہوگیا۔

    متعلقہ سینٹر کی انتظامیہ کا کہنا تھا کہ ملازم ایک یونیورسٹی کا طالب علم بھی تھا، ساتھی ملازمین کے مطابق اسے بہت مختصر ٹریننگ دی گئی تھی جو حادثے کی وجہ بنی۔

  • گرم ہوا کے غباروں پر سوار ہوکر فضاء میں 100 جوڑوں کی اجتماعی شادی

    گرم ہوا کے غباروں پر سوار ہوکر فضاء میں 100 جوڑوں کی اجتماعی شادی

    بیجنگ : ہر شخص کی یہ خواہش ہوتی ہے کہ وہ اپنی زندگی کا سفر اس انداز میں شروع کرے کہ وہ ہمیشہ کیلئے یادگار بن جائے، چین میں گرم ہوا کے غباروں پر سوار ہوکر فضاء میں 100 جوڑوں کی اجتماعی شادی نے عالمی ریکارڈ بنا ڈالا ۔

    تفصیلات کے مطابق کون نہیں چاہتا کہ اسکی شادی یادگار ہو لیکن کچھ لوگوں کی شادی ایسی ہوتی ہے جو ہمیشہ یاد رہتی ہے، چین کے شہر ووہان میں ہونے والی فلائی اِن ایکسپو کے دورانسو جوڑوں نے گرم ہوا کے غباروں پر سوار ہوکر فضاء میں ایک دوسرے کو انگوٹھی پہنائی۔

    مختلف ممالک سے آنے والے سو جوڑوں کی اجتماعی شادی سے ایک عالمی ریکارڈ بن گیا۔

    اس سے پہلے یہ ریکارڈ پچاس جوڑوں نے گرم ہوا کے غباروں پراْڑان بھر کر رشتہ ازدواج میں منسلک ہوکر قائم کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔