Tag: hot weather

کراچی : محکمہ موسمیات کا کہنا ہے کہ کراچی والے ہوشیارہوجائیں، شہر قائد میں  آج سے گرم اورخشک ہواکا آغازہوگا،آئندہ 3 روزمیں گرم اور خشک ہوائیں چلنے کا امکان ہے۔

تفصیلات کے مطابق محکمہ موسمیات نے خبردار کیا ہے کہ کراچی میں گرمی کی نئی لہر کا آغاز ہوگیا ، جس سے گرمی کی شدت میں اضافہ متوقع ہے۔

ڈائریکٹرمیٹ کا کہنا ہے کہ کراچی میں آج سے گرم اورخشک ہوا کا آغازہوگا، شمال مغرب کی جانب سےچلنےوالی ہواخشک ہوگی، خشک ہواسےگرمی کی شدت زیادہ محسوس کی جائے گی۔

محکمہ موسمیات کے مطابق کراچی کاموجودہ درجہ حرارت34ڈگری سینٹی گریڈہے جبکہ ہوامیں نمی کاتناسب 44فیصدہے۔

ڈائریکٹرمیٹ نے کہ آئندہ 3روزمیں گرم اورخشک ہوائیں چلنے کا امکان ہے۔

اس سے قبل محکمہ موسمیات نے پیش گوئی کی تھی کہ 15اپریل کے بعد کراچی کے موسم میں تبدیلی کا امکان ہے ۔

مزید پڑھیں : خبردار ! 15 اپریل کے بعد کراچی کے موسم میں تبدیلی کا امکان

پی ڈی ایم اے کا کہنا تھا کہ اپریل اورمئی کے دوران ملک بھرمیں گرمی برقرار رہے گی اور بارشیں معمول سے کم ہونے کاامکان ہے جبکہ آندھی اور جھکڑ چلیں گے، آندھی اور جھکڑ سے گندم کی کٹائی اور تھریشنگ متاثر ہوگی۔

یاد رہے ایک ہفتے قبل کراچی میں شدید گرمی کی لہر جاری تھی ، جس نے شہریوں کا برا حال کردیا تھا اور درجہ حرارت 40 ڈگری تک جا پہنچا تھا۔

دوسری جانب محکمہ موسمیات نے پیر اور منگل کو بھی بالائی پنجاب میں تیز ہوائیں چلنے اور کہیں کہیں ہلکی بارش کی پیشگوئی کی ہے۔

محکمہ موسمیات کے مطابق آج اسلام آباد،پنجاب، بالائی سندھ ،شمال مشرقی بلوچستان،خیبرپختونخوا، فاٹا، گلگت بلتستان اورکشمیر میں کہیں کہیں بارش کا امکان ہے۔

یاد رہے کہ لاہور سمیت پنجاب کےمختلف شہروں میں تیزآندھی اورموسلادھار بارش شیخوپورہ،لاہورمیں چھتیں گرنےسے لڑکی جاں بحق، اور بارہ افرادزخمی ہوگئے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

کراچی : محکمہ موسمیات نے خبردار کیا ہے کہ شہر قائد میں آج بھی شدید گرمی پڑے گی ،درجہ حرارت زیادہ سے زیادہ اڑتیس سے چالیس ڈگری سینٹی گریڈ رہنے کا امکان ہے جبکہ آئندہ2سے3 روز میں درجہ حرارت معمول پر آجائے گا۔

تفصیلات کے مطابق کراچی میں سورج آج بھی آگ برسائے گا، شدید گرمی کی لہر نےشہریوں کو نڈھال کردیا، محکمہ موسمیات کا کہنا ہے جمعہ کے روز کراچی کا درجہ حرارت زیادہ سے زیادہ اڑتیس سے چالیس ڈگری سینٹی گریڈ رہنے کا امکان ہے۔ ہوا کی رفتار انتہائی کم ہونے سے گرمی اور حبس کی کیفیت رہے گی۔

کراچی کا موجودہ درجہ حرارت 33ڈگری سینٹی گریڈ ہے جبکہ ہوا میں نمی کا تناسب 29فیصد ہے۔

ڈی جی محکمہ موسمیات نے آج سے پارہ نیچے آنے کی نوید سناتے ہوئے کہا ہے کہ آئندہ دو سے تین روز میں درجہ حرارت معمول پر آجائے گا۔

محکمہ موسمیات کا کہنا ہے کہ رواں موسم گرما میں کراچی سمیت سندھ بھر میں گرمی کی شدت میں اضافے اور کمی کا سلسلہ برقرار رہے گا۔

ڈاکٹرز نے بڑھتی ہوئی گرمی کے پیش نظر شہریوں کو احتیاط برتنے، غیر ضروری طور پر گھروں سے باہر نہ نکلنے اور پانی زیادہ پینے کا مشورہ دیا ہے۔

دوسری جانب کراچی میں شدید گرمی کی لہر کے بعد الیکٹرک نے مختلف علاقوں میں لوڈشیڈنگ کا دورانیہ اچانک بڑھا دیا گیا، ناظم آباد، نارتھ ناظم آباد، شادمان ٹاؤن، کلفٹن، ڈیفنس سمیت بیشتر علاقے جہاں بل سو فیصد ادا کیا جاتا رہاہ ے اور برسوں سے لوڈشیڈنگ سے مستثنیٰ رہے اب وہاں بھی دو دو گھنٹے تین بار غیر اعلانیہ لوڈشیڈنگ کا عمل جاری ہے۔

لانڈھی، کورنگی، ملیر، نیو کراچی، بلدیہ ٹاؤن، کھارادر، قائد آباد سمیت مختلف علاقوں میں تین تین گھنٹے چار بار غیر اعلانیہ کی جارہی ہے، غیر اعلانیہ لوڈشینڈنگ سے کاروبار زندگی شدید متاثر ہوکر رہ گیا ہے جبکہ کراچی بورڈ کے امتحانات کی وجہ سے طلبہ و طالبات شدید پریشانی کا شکار ہیں کیونکہ لوڈشینڈنگ سے امتحانات کی تیاریوں میں مشکلات پیدا ہورہی ہیں۔

سندھ کے دیگر شہروں میں بھی سورج آگ برسا رہا ہے، محکمہ موسمیات نے آئندہ چوبیس گھنٹے کے دوران کوئٹہ ، لاہور، اسلام آباد،پشاور سمیت ملک کے بیشترعلاقوں میں موسم گرم اور خشک رہنے کی پیشگوئی کی ہے، تربت میں سورج آج بھی آگ برسائے گا اور درجہ حرارت پینتالیس ڈگری سینٹی گریڈ تک جانے کا امکان ہے۔

گزشتہ روز سب زیادہ درجہ حرارت چھور،تربت،شہید بینظیر آباد میں پینتالیس ڈگری سینٹی گریڈ تک ریکارڈ کیا گیا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

کراچی: شہر آج پھر گرمی کی لپیٹ میں ہیں تاہم ہیٹ اسٹروک کا کوئی خدشہ نہیں، محکمہ موسمیات کا کہنا ہے کہ درجہ حرارت38تک پہنچنے امکان ہے جبکہ گرمی کی شدت42 ہوگی۔

تفصیلات کے مطابق کراچی والے گرمی سے نڈھال ہیں ، جھلسا دینے والی دھوپ نے ہر کسی کو پریشان کر دیا، محمکہ موسمیات نے خبردار کیا ہے کہ کراچی میں گرمی کی لہر آئندہ چند روز برقرار رہے گی اور رواں ہفتے گرم ہوائیں چلتی رہیں گی اور پارہ 40ڈگری سینٹی گریڈ رہنے کا امکان ہے جبکہ گرمی44ڈگری سینٹی گریڈ تک محسوس ہوگی۔

محکمہ موسمیات کا کہنا ہے شہر میں آج درجہ حرارت اڑتیس تک پہنچنے امکان ہے جبکہ شدت بیالیس درجے کی ہوگی۔ تاہم درجہ حرارت بڑھنے سے ہیٹ اسٹروک کا کوئی خدشہ نہیں۔

کراچی کا موجودہ درجہ حرارت 37 ڈگری سینٹی گریڈ جبکہ ہوا میں نمی کا تناسب 14فیصد ہے۔

ڈائریکٹر محکمہ موسمیات کے مطابق کراچی میں گرمی کی شدت 2روز تک برقرار رہے گی، درجہ حرارت45ڈگری سےزیادہ ہوتوہیٹ اسٹروک کاامکان ہوتا ہے، آئندہ 2روز بعد گرمی کی شدت میں کمی ہوگی۔

محکمہ موسمیات کا کہنا ہے کہ رواں موسم گرما میں کراچی سمیت سندھ بھر میں گرمی کی شدت میں اضافے اور کمی کا سلسلہ برقرار رہے گا

کراچی میں اتوار اور پیر کو زیادہ درجہ حرارت انتالیس ڈگری سینٹی گریڈ ریکارڈ کیا گیا۔

دوسری جانب میئرکراچی کی ہدایت پر کے ایم سی کے اسپتالوں میں ہیٹ ویو کے خدشے کے پیش نظر اقدامات کئے جارہے ہیں، سینئرڈائریکٹرمیڈیکل اینڈہیلتھ سروسز نے اسپتال منتظمین کو مراسلہ جاری کیا ہے ، جس میں اسپتالوں کوہیٹ اسٹروک مینجمنٹ سینٹر قائم کرنےکی ہدایت کی گئی ہے۔

مراسلہ میں کہا گیا ہے کہ 13 اسپتالوں میں ہیٹ اسٹروک سینٹر قائم کئےجائیں۔

ڈاکٹرز نے بڑھتی ہوئی گرمی کے پیش نظر شہریوں کو احتیاط برتنے، غیر ضروری طور پر گھروں سے باہر نہ نکلنے اور پانی زیادہ پینے کا مشورہ دیا ہے۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔