ویڈیو رپورٹ: امتیاز علی چنہ
دیہی سندھ میں ہوٹل سینما کا کلچر بہت ہی منفرد، دل چسپ اور سستی تفریح مہیا کرنے کا ذریعہ ہے، دیہات میں رہنے والے مزدور دن بھر کام کاج کی مصروفیات کے بعد جھونپڑے نما ہوٹل کا رخ کرتے ہیں، آپ نے کبھی ان جھونپڑے نما ہوٹل سینما میں بیٹھ کر فلم سے لطف نہیں اٹھایا ہے تو آج ہم آپ کو اس ویڈیو میں مٹیاری میں بنے اس منی سنیما کی سیر کرواتے ہیں۔
جھونپڑے نما چائے خانے پر ٹی وی اسکرین سے بڑے لاؤڈ اسپیکرز کو جوڑ کر اسے ایک منی سینما میں تبدیل کیا جاتا ہے، یہ ہوٹل سینیما کلچر اپنے اندر سماجی و ثقافتی خوب صورتی کے ساتھ ساتھ مزدور کلاس طبقے کو سستی تفريح مہیا کرنے کا بھی ذریعہ ہے۔
لورالائی کا زیتون کا تیل امریکا میں مقابلے میں عالمی معیار کا قرار، ویڈیو رپورٹ
سندھ کے اکثر دیہی علاقوں میں جھونپڑوں میں بنی یہ سینما نما اوطاقیں قائم ہیں، جہاں دن بھر کھیتوں میں کام کرنے کے بعد تقریباً ہر عمر کے لوگ رخ کرتے ہیں اور چائے کی چسکیوں کے ساتھ فلم دیکھتے ہیں اور ساتھ ساتھ دن بھر کی روداد بھی ایک دوسرے کو سنا کر سماجی رابطوں کو پختہ کرتے ہیں۔
چند روپے میں چائے کے ساتھ فلمی تفریح فراہم کرنے والے یہ ہوٹل دیہی سندھ کی خوب صورتی کو چار چاند لگائے ہوئے ہے۔