منی پور : بھارت کی ریاست منی پور میں خواتین کو برہنہ گھمانے کی ویڈیو دیکھ کر لوگ بھڑک اٹھے، مشتعل افراد نے ملزم کے گھر کو جلا ڈالا۔
دو خواتین کو برہنہ کرکے سڑکوں پر گھمائے جانے کی ویڈیوز وائرل ہونے کے بعد شدید غصے کی لہر دوڑ گئی واقعے کے دو روز بعد مشتعل گاؤں والوں نے مرکزی ملزم ہیریم ہیرا داس سنگھ کا گھر جلا ڈالا۔
بھارتی میڈیا کے مطابق ویڈیو وائرل ہونے کے بعد پولیس نے کہا کہ یہ واقعہ 4 مئی کو پیش آیا تھا، ذرائع کے مطابق جب سے اب تک واقعے کے حوالے سے میڈیا پر کوئی خبر نشر نہیں ہونے دی گئی۔
تاہم اب پولیس حکام نے بتایا ہے کہ اب تک چار ملزمان کو گرفتار کیا جاچکا ہے، جن میں مرکزی ملزم ہیریم ہیرا داس سنگھ بھی شامل ہے۔ مشتعل افراد نے ملزم کے گھر والوں پر بھی تشدد کیا۔
واضح رہے کہ منی پور میں مردوں کے ایک گروپ نے مخالف گروپ کی دو خواتین کو برہنہ کرکے سڑک پر گھمایا تھا، اوباش نوجوانوں نے خواتین کے ساتھ نازیبا حرکات بھی کیں اور بعد ازاں انہیں کھیتوں میں لے جاکر اجتماعی زیادتی کا نشانہ بھی بنایا گیا، ویڈیو میں موجود متاثرہ خواتین میں سے ایک کی عمر 20 جبکہ دوسری کی 40 سال بتائی گئی ہے۔
VIDEO | Local women burnt down the house of one of the accused, who was seen in the May 4 video of two women being paraded naked in Manipur. pic.twitter.com/HtM7LJfIK5
— Press Trust of India (@PTI_News) July 21, 2023
واقعہ کانگپوکپی ضلع کے ایک گاؤں میں 4 مئی کو شمال مشرقی ریاست میں نسلی تشدد پھوٹنے کے ایک دن بعد پیش آیا تاہم یہ خوفناک فوٹیج بدھ کے روز ہی منظر عام پر آئی اور انٹرنیٹ پر عائد پابندی ختم ہونے کے بعد وائرل ہوگئی، متاثرہ خواتین کا تعلق منی پور کی بی جے پی مخالف کوکی برادری سے ہے۔
مذکورہ واقعہ کے خلاف کیے جانے والے مظاہرے میں مظاہرین کا کہنا تھا کہ مودی منی پور میں جاری نسلی فسادات کو ہوا دے کر یہاں فوج کی مستقل تعیناتی چاہتا ہے، مودی کی کوشش ہے کہ فوج کی مستقل تعیناتی سے انتخابات میں فائدہ اٹھایا جاسکے۔