ARYNews.tv | Urdu – Har Lamha Bakhabar

Tag: house

  • کراچی: وفاقی وزیر علی محمد مہر پر حملے اور ڈکیتی کا مقدمہ درج

    کراچی: وفاقی وزیر علی محمد مہر پر حملے اور ڈکیتی کا مقدمہ درج

    کراچی: شہرقائد میں وفاقی وزیر علی محمد مہر پر حملے اور گھر میں ڈکیتی کا مقدمہ درج کر لیا گیا۔

    تفصیلات کے مطابق ایف آئی آر علی محمد مہر کے گھریلو ملازم کی مدعیت میں درج کی گئی، جس میں دس نامعلوم افراد کو نامزد کیا گیا ہے۔

    ایف آئی آر کے متن میں کہا گیا ہے کہ مقدمہ لوٹ مار اور دھمکیاں دینے کی دفعات کے تحت مقدمہ درج کیا گیا، آٹھ سے دس افراد گھر میں گھسے اور گھر میں موجود افراد کو یرغمال بناکر لوٹ مارکی گئی۔

    مسلح افراد گھر سے پانچ موبائل فون اور پانچ تولہ سونا لوٹ کرفرار ہوئے، مسلح ملزمان نے گھر میں موجود ملازموں سے ایک لاکھ روپے بھی چھینے، ملزمان لوٹ مار کے بعد دھمکیاں دیتے ہوئے فرار ہوئے۔

    واضح رہے کہ گذشتہ روز کراچی کے علاقے گذری میں واقع سابق وزیراعلیٰ سندھ علی محمد مہر گھر میں ڈکیتی کے دوران زخمی ہوئے تھے۔

    آئی جی سندھ پولیس ڈاکٹرکلیم امام نے واقعے کا نوٹس لیتے ہوئے ڈی آئی جی ساؤتھ سے رپورٹ طلب کی تھی، بعد ازاں سیاسی رہنماؤں نے حملے کی شدید الفاظ میں مذمت بھی کی تھی۔

    دوران ڈکیتی پستول کا بٹ لگنے سےعلی محمد مہر زخمی ہوئے، ایس ایس پی ساؤتھ

    ایس ایس پی ساؤتھ پیر محمد شاہ کا کہنا تھا کہ علی محمد مہر کے گھر میں ڈکیتی کی واردات کرنے والے 8 ملزمان ہیں۔

  • وہ پودے جو سخت گرمی میں آپ کے گھر کو ٹھنڈا رکھیں گے

    وہ پودے جو سخت گرمی میں آپ کے گھر کو ٹھنڈا رکھیں گے

    موسم گرما کی آمد آمد ہے اور رواں برس جس طرح موسم سرما اپنے عروج پر رہا ایسے ہی موسم گرما بھی اپنی تمام تر شدت کے ساتھ ظاہر ہوگا۔

    گرمیوں کے موسم میں پنکھوں اور اے سی کا استعمال بڑھ جاتا ہے جس کے باعث بجلی کے بل میں بھی اضافہ ہوجاتا ہے۔

    ویسے تو گھروں میں پودے لگانا اور انہیں سرسبز رکھنا گھر کے مجموعی درجہ حرارت اور بجلی کے بل کو کم رکھتا ہے تاہم کچھ پودے ایسے بھی ہیں جو نہایت کم قیمت میں فوری طور پر آپ کے گھر کو ٹھنڈا کر سکتے ہیں۔

    آج ہم آپ کو ایسے ہی پودوں سے متعارف کروانے جارہے ہیں۔

    ایلو ویرا

    ایلو ویرا کا پودا اپنے اندر بے شمار فوائد رکھتا ہے، ایلو ویرا ہوا کو جراثیموں اور زہریلے اشیا سے پاک کر کے اسے صاف بناتا ہے جبکہ یہ کمرے کے درجہ حرارت میں بھی کمی کرتا ہے۔

    آریکا پام ٹری

    یہ پودا کم روشنی میں بھی ہرا بھرا رہتا ہے اور ہوا کو صاف رکھنے کے ساتھ ساتھ درجہ حرارت میں کمی کرتا ہے۔

    ویپنگ فگ

    ویپنگ فگ نامی پودا گرمی سے پیدا ہونے والی بدبو کو ختم کر کے کمرے کی فضا کو خوشبو دار بناتا ہے جبکہ گرمی میں بھی کمی کرتا ہے۔

    بے بی ربڑ پلانٹ

    یہ پودا بھی کمرے کو ٹھنڈا رکھنے اور گرمی کم کرنے میں معاون ثابت ہوتا ہے۔

  • برطانیہ: گھر میں ہولناک آتشزدگی، چار بچے ہلاک

    برطانیہ: گھر میں ہولناک آتشزدگی، چار بچے ہلاک

    لندن: برطانیہ کی خودمختار ریاست اسٹیفورڈ شائر میں رہائشی مکان میں خطرناک آتشزدگی کے باعث 4 بچے ہلاک ہوگئے۔

    تفصیلات کے مطابق یہ واقعہ ریاست اسٹیفورڈ کے ضلع اسٹیفورڈ میں پیش آیا جہاں گھر میں لگنے والی آگ نے 4 بچوں کی جانیں لے لیں۔

    غیر ملکی خبر رساں ادارے کا کہنا ہے کہ آتشزدگی کے باعث ایک بچے اور دو افراد نے گھر کی کھڑکی سے کود کر اپنی جانیں بچائیں تاہم وہ معمولی زخمی ہوئے۔

    پولیس کے مطابق ہلاک ہونے والے بچوں کی عمریں تین سے آٹھ سال کے درمیان ہیں، ایک بچہ سمیت دیگر دو زخمی افراد اسپتال میں زیر علاج ہیں۔

    آگ کی شدت کے باعث ریسکیو عملے کو آگ بجھانے میں شدید مشکلات کا سامنا کرنا پڑا، پولیس واقعے سے متعلق تحقیقات کررہی ہے جلد آتشزدگی کی وجہ سامنے آجائے گی۔

    حکام نے واقعے کو ناقابل یقین قرار دیتے ہوئے لواحقین سے اظہار تعریت کیا، جبکہ بروقت ریسکیو آپریشن کرکے مزید جانی یا مالی نقصان سے بچانے پر عملے کو سراہا۔

    لندن : فلیٹ میں گیس کے سبب دھماکا، 1 خاتون ہلاک

    خیال رہے کہ اپریل 2017 میں برطانوی دارالحکومت لندن کے شمال مغربی علاقے چنگ فورڈ میں معذور افراد کی تربیت کے لیے بنائی گئی عمارت میں لگنے والی آگ نے ایک خاتون کو جھلسا کر ہلاک کردیا تھا۔

    یاد رہے کہ گذشتہ سال اکتوبر میں لندن کے شمال مغربی علاقے ہورو کے فلبیک وے اسٹریٹ میں واقع فلیٹ میں گیس کے سبب اچانک دھماکے کے بعد آگ لگی جس کے نتیجے میں خاتون سمیت 3 افراد زخمی ہوگئے تھے۔

  • فجیرہ: گھر میں ہولناک آتشزدگی، باپ ہلاک، والدہ زخمی

    فجیرہ: گھر میں ہولناک آتشزدگی، باپ ہلاک، والدہ زخمی

    فجیرہ میں واقع بنگلے میں بھڑکنے والی خوفناک آگ کی لپیٹ میں آکر باپ جھلس کر ہلاک جبکہ ماں زخمی ہوگئی، والدہ کو شدید زخمی حالت میں اسپتال منتقل کیا گیا تھا۔

    تفصیلات کے مطابق متحدہ عرب امارات کی ریاست فجیرہ کے علاقے الفیصل میں واقع گھر میں جمعرات کے روز   اچانک ہولناک آگ بھڑک اٹھی، آتش زدگی کا سب الیکٹرک مصنوعات میں شاٹ سرکٹ بتایا گیا ہے۔

    مقامی خبررساں ادارے کا کہنا تھا کہ آتشزدگی کے واقعے  میں ایک شخص ہلاک جبکہ ملازموں سمیت گھر کے دیگر افراد زخمی ہوگئے۔

    فجیرہ سول ڈیفینس کے ڈائریکٹر بریگیڈئر علی التوناجی کا کہنا ہے کہ گزشتہ روز سہ پہر 3 بجے کے قریب کنٹرول روم کو گھر میں آتشزدگی کی اطلاع موصول ہوئی، جس کے بعد ہنگامی خدمات انجام دینے والا عملہ، پولیس اہلکار اور ایمبولینسوں سمیت جائے حادثہ پر پہنچ کر آگ پر قابو  پایا۔

    بریگیڈئر علی التوناجی کا کہنا ہے کہ ریسکیو اہلکاروں نے امدامی سرگرمیاں انجام دیتے ہوئے ماں اور بچوں سمیت خاندان کے 9 افراد کو بچالیا تھا تاہم والد آگ کی لپیٹ میں آکر بری طرح جھلس گئے اور موقع پر ہی ہلاک ہوگئے جس کی لاش اسپتال منتقل کردی گئی ہے۔

    سول ڈیفینس کے ڈائریکٹر کا کہنا ہے کہ آتشزدگی کے نتیجے میں ماں کو شدید زخم آئے تھے جس کے باعث انہیں قریبی اسپتال منتقل کیا گیا جہاں ان کا علاج جاری ہے۔

    بریگیڈئر علی التوناجی کا کہنا تھا کہ شہری اپنے گھروں میں آگ کی اطلاع دینے والے آلات نصب کریں تاکہ آتشزدگی کے حادثات سے بچا جاسکے۔

  • جسٹس اعجاز الاحسن کے گھر پر فائرنگ، آئی ایس پی آرکی مذمت

    جسٹس اعجاز الاحسن کے گھر پر فائرنگ، آئی ایس پی آرکی مذمت

    راولپنڈی: پاک فوج کے ترجمان نے جسٹس اعجاز الاحسن کے گھر پر فائرنگ کی مذمت کرتے ہوئے کہا ہے کہ متعلقہ فریقین کو ریاستی اداروں کے تحفظ کو یقینی بنانا چاہیے۔

    پاک فوج کے شعبہ تعلقات عامہ (آئی ایس پی آر) سے جاری بیان کہا گیا ہے کہ جسٹس اعجاز الاحسن کی رہائش گاہ پر فائرنگ قابل مذمت ہے، بہترین امن و استحکام کے لیے کوششیں جاری رکھی جائیں۔

    آئی ایس پی آر کا اپنے بیان میں کہنا تھا کہ تمام اسٹیک ہولڈرزکو ریاستی اداروں کے لیے محفوظ ماحول کو یقینی بنانا چاہیے۔

    واضح رہے سپریم کورٹ کے جج جسٹس اعجاز الاحسن کے گھر پر گذشتہ رات اور آج صبح فائرنگ کے واقعات پیش آئے تھے، رات کو نامعلوم افراد نے اُن کے گھر کے مرکزی دروازے پر فائرنگ کی تھی جبکہ صبح باورچی خانے کی کھڑکی پر گولی فائر کی گئی تھی۔

    مزید پڑھیں: سپریم کورٹ کے جج جسٹس اعجاز الاحسن کے گھر پر فائرنگ

    واقعے کے بعد چیف جسٹس آف پاکستان سپریم کورٹ کے جج کے گھر پہنچے اور تمام تر تفصیلات حاصل کر کے آئی جی پنجاب کو رپورٹ پیش کرنے کی ہدایت کی جبکہ تمام سیاسی جماعتوں کی جانب سے فائرنگ کے واقعے کی مذمت کی گئی۔

    علاوہ ازیں قومی اسمبلی کے اسپیکر ایاز صادق نے جسٹس اعجاز الاحسن کے گھر پر فائرنگ کے واقعے کو افسوسناک قرار دیتے ہوئے کہا کہ اس حرکت کے ذریعےخوفزدہ کرنے کی کوشش کی گئی، فائرنگ میں جو بھی لوگ ملوث ہیں انہیں کیفرکردار تک پہنچانا چاہیے۔

    دوسری جانب پیپلزپارٹی کے سینئر صوبائی وزیر نثار کھوڑو نے دعویٰ کیا ہے کہ شہباز شریف جج پر حملہ کرواکے بڑے بھائی نواز شریف کو  نااہلی کے بعدعمر قید  کی سزا بھی دلانا چاہتے ہیں۔ان کا کہنا تھا کہ جج کے گھر پر پولیس محافظوں کے تعینات ہوتے ہوئے اگر حملہ ہو تو اس کی ذمہ داری وزیراعلیٰ پنجاب پر عائد ہوتی ہے۔

    دفاعی تجزیہ نگار حارث نواز کا کہنا تھا کہ جسٹس اعجاز الاحسن کے گھر پر فائرنگ میں وہ لوگ ملوث ہوسکتے ہیں جنہیں آنے والے فیصلوں کا خوف ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں.

  • مٹی سے بنی چار سو سال پرانی عمارت میں رہنے والا سعودی شہری

    مٹی سے بنی چار سو سال پرانی عمارت میں رہنے والا سعودی شہری

    ریاض: سعودی شہری نے اپنی پرانی یادیں اور تاریخی ورثے کو زندہ رکھنے کے لیے مٹی سے بنی چار سو  سال پرانی عمارت میں سکونت اختیار کر لی۔

    تفصیلات کے مطابق سعودی شہری ’خالد محمد آل سالم‘ مٹی کے بنے چار سو سال پرانے اپنے آبائی گھر میں رہ رہے ہیں جس کا مقصد اپنے باپ دادا کی میراث میں ملنے والے اس گھر کی تاریخ اور اس کے ورثے کو زندہ رکھنا ہے۔

    مقامی میڈیا سے گفتگو کرتے ہوئے خالد محمد آل سالم نے کہا کہ یہ مکان 4 سو سال سے بھی زیادہ قدیم ہے، تعیر کے اعلی معیار کے سبب اب تک محفوظ ہے، مجھے یاد ہے کہ میرے والد نے انتقال سے قبل مجھے وصیت اور ہدایت کی تھی کہ اس گھر کو ہمیشہ قائم رکھنا۔

    دنیا بھر کے تاریخی مقامات رکھنے والا ننھا منا شہر

    انہوں نے کہا کہ میں نے اس گھر کی بھرپور مرمت اور تزئین وآرائش کرائی ہے، اس عمل میں لکڑی، لوہے کے گارڈرز، سمینٹ اور پتھروں کا بھی استعمال ہوا ہے جبکہ اس کام کے لیے مقامی ماہر آرٹسٹ و خوب صورت نقش نگار کا بھی سہارا لیا گیا ہے، پورے ڈھائی سال کی محنت کے بعد اس مکان کو نئی شکل دی گئی ہے۔

    سعودی شہری کا مزید کہنا تھا کہ تزئین کے بعد اس گھر کا افتتاح اپنی والدہ کے ہاتھوں کرایا جبکہ گھر کے نچلے حصے کو والد کے زیر استعمال چیزوں اور نادر ونایاب نوعیت کے ساز و سامان سے آراستہ کر کے میوزیم کی شکل دے دی ہے۔

    دنیا بھر کی خوبصورت و تاریخی مساجد

    خیال رہے کہ سعودی عرب میں سیاحت اور قومی ورثے سے متعلق جنرل اتھارٹی کے سربراہ شہزادہ سلطان بن سلمان کی جانب اس عظیم کارنامے پر خالد کو اعزاز سے بھی نوازا گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • گھر میں آگ لگنے سے ایک ہی خاندان کے 4 افراد جاں بحق

    گھر میں آگ لگنے سے ایک ہی خاندان کے 4 افراد جاں بحق

    لاہور: کوٹ لکھپت کے گھر میں آگ لگنے سے جھلس کر زخمی ہونے والے مزید دو افراد اسپتال میں دم توڑ گئے، گزشتہ روز ہونے والی آتشزدگی سے جاں بحق ہونے والے افراد کی تعداد چار ہوگئی۔

    تفصیلات کے مطابق آگ لگنے کا واقعہ گزشتہ روز لاہور کے علاقے کوٹ لکھپت میں پیش آیا، آگ لگنے کے واقعے میں ایک ہی خاندان کے افراد متاثر ہوئے۔

    پولیس کے مطابق مظہر نامی شخص نے دو شادیاں کررکھیں تھیں دوسری بیٹی صائمہ سے تین بیٹیاں تھیں، دوسری بیوی صائمہ نے چند ماہ قبل خودکشی کی بھی کوشش کی تھی جس کا مقدمہ تھانہ کوٹ لکھپت میں درج ہوا۔

    ایس پی لاہور کے مطابق آگ لگنے کے واقعے کا مقدمہ مظہر کے گھر والوں کے خلاف درج کرلیا گیا ہے اور اس واقعے کی تحقیقات بھی شروع کردی گئیں ہیں۔

    اسپتال انتظامیہ کے مطابق جاں بحق ہونے والوں میں مظہر، بیوی صائمہ، تین سالہ بیٹی ایمان اور پانچ سالہ مناہل شامل ہیں جبکہ 8 سالہ کائنات کی حالت نازک ہے اور وہ انتہائی نگہداشت وارڈ میں داخل ہے۔

  • ارجنٹینیا: سابق آرمی چیف پر کرپشن کا الزام ثابت‘ فرد جرم عائد

    ارجنٹینیا: سابق آرمی چیف پر کرپشن کا الزام ثابت‘ فرد جرم عائد

    ارجنٹائن: سابق آرمی چیف پر کرپشن کا الزام ثابت ہونے کے بعد فرد جرم عائد کردی گئی ‘ ریٹائرڈ جنرل سیزر میلانی نے 2013 سے 2015 تک ارجنٹائن فوج کی کمان سنبھالی۔

    غیر ملکی خبررساں ایجنسی کے مطابق ارجنٹائن کے سابق آرمی چیف پر الزام تھا کہ انہوں نے ایک گھر خریدا اور  اس کی رقم کا ذریعہ ثابت کرنے میں ناکام رہے جس کے بعد کرپشن عدالت نے فرد جرم عائد کی۔

    کرپشن عدالت نے آرمی چیف سے گھر کی خریداری سے متعلق دستاویزی ثبوت طلب کیے تھے تاہم وہ عدالت میں گھر کی خریداری کا ذریعہ بتانے میں ناکام ثابت ہوئے۔

    پڑھیں: ’’ ملک سے کرپشن خاتمے کیلئے حکومت کی انوکھی کوشش کا آغاز ‘‘

    خیال رہے سابق آرمی چیف ریٹائرڈ جنرل سیزر میلانی پر الزام عائد تھا کہ انہوں نے 2010 میں  ایک مکان خریدا تھا جس پر کرپشن عدالت میں درخواست دائر کی گئی تھی عدالت کی جانب سے میلانی کو موقع دیا گیا کہ وہ مکان کی خریداری کے دستاویزات فراہم کریں۔

    سرکاری وکیل کے مطابق 62 سالہ سابق آرمی چیف کے پاس پرآسائش کار ہے اور وہ شایانِ شان زندگی گزار رہے تھے جو اُن کی سرکاری تنخواہ کے حساب سے کافی مہنگی تھی ‘ کرپشن عدالت میں شہری کی جانب سے درخواست دائر کی گئی اور عدالت نے دیڑھ سال بعد مقدمے کا فیصلہ سنایا۔

    خیال رہے ارجنٹائن کے ڈپٹی پبلک منسٹر  کے پاس سے 160 بیگ برآمد ہوئے تھے جن میں 9 ملین ڈالر کیش برآمد ہوا تھا، جو لوزپیز کو عدالت کی جانب سے سزا سنائی جاچکی ہے۔

  • عزیز آباد سے برآمد اسلحہ بڑی لڑائی میں استعمال ہونا تھا، ڈی جی رینجرز

    عزیز آباد سے برآمد اسلحہ بڑی لڑائی میں استعمال ہونا تھا، ڈی جی رینجرز

    کراچی: ڈی جی رینجرز میجر جنرل بلال اکبرنے کہا ہے کہ سندھ پولیس نے عزیز آباد نائن زیرو کے قریب سے اسلحے کی بڑی کھیپ برآمد کر کے دہشت گردوں کے عزائم خاک میں ملا دیے۔

    ان خیالات کا اظہار انہوں نے  پولیس کے ہاتھوں عزیز آباد نائن زیرو کے قریب خالی گھر سے بھاری تعداد میں برآمد کیے گئے اسلحے کے معائنے کے موقع پر کیا۔

    ڈی جی رینجرز بلال اکبر کا کہنا تھا کہ ’’برآمد کیا جانے والا اسلحہ بڑی لڑائی میں استعمال ہونا تھا جسے پولیس نے بروقت کارروائی کر کے دہشت گردوں کی حکمتِ عملی ناکام بنادی‘‘۔

    پڑھیں:  عزیزآباد،زیرزمین ٹینک سے بھاری مقدارمیں اسلحہ برآمد

     انہوں نے کراچی پولیس کو مبارک بار پیش کرتے ہوئے 3 سالہ آپریشن کی تاریخ میں سب سے بڑی کارروائی قرار دیا، بلال اکبر نے میڈیا سے گفتگو کرتے ہوئے کہا کہ ’’پولیس نے بروقت کارروائی کرتے ہوئے دشمن کے عزائم خاک میں ملا دیے‘‘۔

    لندن قیادت نے اسلحہ برآمدگی کو ڈرامہ قرار دے دیا

    دوسری جانب ایم کیوایم لندن قیادت کے اراکین واسع جلیل، مصطفٰی عزیزآبادی اوردیگر نے جاری اپنے ایک مشترکہ بیان میں کہا کہ’’ کراچی کےعوام ایسے ڈرامے کئی سال سے دیکھ رہے ہیں وہ ان کے مقاصدکواچھی طرح سمجھتے ہیں‘‘۔

    لندن رابطہ کمیٹی نے جاری کردہ اعلامیے میں کہا کہ ’’22 اگست کے بعد متعدد بار قانون نافذ کرنے والے اداروں نے نائن زیرو اور اُس کے اطراف میں واقع گھر گھر تلاشی لے چکے ہیں جبکہ ایک ماہ سے زیادہ سے یہ علاقہ قانون نافذ کرنے والے اداروں کی کڑی نگرانی میں ہے جہاں فورسز کے اہلکار دن بھر گلیوں کا گشت کرتے رہتے ہیں‘‘۔

    مزید پڑھیں: ایم کیوایم کے مرکز سے ملک مخالف لٹریچراور اسلحہ برآمد ، نائن زیرو سیل،سیکٹر کمانڈر بریگیڈیئر خرم

    لندن قیادت نے مزید کہا کہ ’’نائن زیرو کے اطراف میں رہائش پذیر لوگوں کو اپنے گھروں تک جانے کے لیے متعدد مقامات پر شناختی کارڈ دکھانے کے عمل سے گزرنا پڑتا ہے‘‘۔

    مشترکہ بیان میں کہا گیا ہے کہ ’’ایسے علاقے سے اسلحہ برآمد کرنے کا دعویٰ کرکے اُسے ایم کیو ایم سے جوڑنا محض ڈرامہ ہے جس سے عوام بخوبی واقف ہیں کیونکہ وہ اس طرز کی کارروائیاں کئی سالوں سے دیکھ رہے ہیں۔

  • پولیس کی بھاری نفری نےعمران خان کے گھر کاگھیراؤ کرلیا

    پولیس کی بھاری نفری نےعمران خان کے گھر کاگھیراؤ کرلیا

    اسلام اباد:رات گئےعمران خان نے پولیس کی تحویل سے کارکنوں کو چھڑایا تھا جس پر پولیس کی بھاری نفری نےعمران خان کے گھرکا گھیراؤ کرلیا ہے، پولیس کا کہنا ہے کہ چھڑائے گئے افرادکو ہمارے حوالے کیا جائے