Tag: Houthi militant

ریاض : ایرانی سرپرستی میں مسلح جد وجہد کرنے والے حوثیوں کی جانب سے سعودی شہر نجران پر داغا گیا میزائل فورسز نے فضا میں ہی تباہ کردیا۔

تفصیلات کے مطابق یمن میں برسر پیکار ایرانی نواز حوثی باغیوں کی جانب سے گذشتہ روز بھی سعودی عرب کے جنوبی شہر نجران پر میزائل حملہ کیا گیا تھا، جسے جوابی کارروائی میں سودی عرب کی افواج نے پیٹریاٹ میزائل کے ذریعے تباہ کردیا۔

عرب میڈیا کا کہنا تھا کہ حوثی باغیوں نے سعودی عرب کے جنوبی شہروں کی جانب بیلسٹک میزائلوں سے حملوں میں تیزی کردی ہے جبکہ سعودی اتحاد کی فورسز بھی بھرپور جوابی کارروائی کر رہی ہیں۔

غیر ملکی خبر رساں ادارے کا کہنا تھا کہ یمن حوثیوں کی جانب سے دانستہ طور پر گنجان آباد شہری آبادیوں کو بیلسٹک میزائلوں کے ذریعے نشانہ بنا رہے ہیں۔

عرب اتحاد کا کہنا ہے کہ شہری آبادیوں پر حوثیوں کے مسلسل میزائل حملے فائر ہونا اس بات کا ثبوت ہے کہ ایرانی حکومت حوثی باغیوں کو مختلف نوعیت کا اسلحہ فراہم کررہی ہے جو عالمی قوانین کی قرارداد نمبر 2216، 2231 کی خلاف ورزی ہے۔

عرب اتحاد کا کہنا ہے کہ ایران کا مسلسل حوثیوں کا حمایت کا مقصد سعودی عرب اور خطے کے امن و استحکام کو نقصان پہنچانا ہے۔

یاد رہے کہ 6 ستمبر کو بھی ایران نواز حوثی جنگجوؤں کی جانب سے سعودی عرب کے شہر نجران پر داغے گئے میزائلوں کو فضا میں ہی تباہ کردیا گیا تاہم 2میزائل کا ملبہ گرنے سے بچوں سمیت 26 افراد زخمی ہوگئے۔