اسلام آباد: وزیراعظم عمران خان نے اس عزم کا اظہار کیا ہے کہ افغانستان میں انسانی بحران سے نمٹنے کیلئے آواز اٹھا تا رہوں گا، ساتھ ہی انہوں نے ” سیو افغان لائیوز” کا ہیش ٹیگ متعارف کرادیا۔
تفصیلات کے مطابق وزیراعظم عمران خان نے اپنے آفیشل ٹوئٹر اکاؤنٹ سے “افغانوں کی زندگیاں بچاؤ” مہم کی تصویر شیئر کردی ہے۔
وزیراعظم عمران خان نے اپنی ٹویٹ میں کہا ہے کہ میں چاہتا ہوں کہ لوگ افغانستان میں پھیلنے والے انسانی بحران کے بارے میں بیداری پیدا کرنے کی بین الاقوامی مہم میں شامل ہوں، افغانستان میں لاکھوں افغانوں، خاص طور پر بچوں کو فاقہ کشی کا خطرہ لاحق ہے۔
یہ بھی پڑھیں: وزیراعظم کی عالمی برادری سے افغانستان کے لیے فوری امداد کی اپیل
اپنے ٹوئٹ میں وزیراعظم عمران خان نے کہا کہ افغانستان میں انسانی بحران سے نمٹنے کیلئے آواز اٹھا تا رہوں گا، ساتھ ہی
وزیراعظم نے’سیو افغان لائیوز’کا ہیش ٹیگ متعارف کرایا۔
I will add my voice also and want people to join an international initiative to raise awareness about the humanitarian crisis unfolding in Afghanistan, putting at risk of starvation millions of Afghans, especially children. #SaveAfghanLives pic.twitter.com/HFrsAOfZSm
— Imran Khan (@ImranKhanPTI) January 23, 2022
واضح رہے کہ وزیراعظم مسلسل عالمی برادری سے اپیل کررہے ہیں کہ بھوک کے دہانے پر لاکھوں افغانوں کو فوری امداد فراہم کی جائے،افغانستان کی مدد کرنا اقوا م متحدہ کےاصولوں کے مطابق فرض ہے۔
وزیراعظم کا کہنا تھا کہ ورلڈ فوڈ پروگرام چیف نے بھی افغانستان میں انسانی بحران پرالرٹ جاری کردیا ہے پاکستان ہر ممکنہ ریلیف فراہم کرتا رہے گا مگر عالمی برادری کواقدام کرناہوں گے ، یہ سب کی اخلاقی ذمہ داری ہے کہ افغان عوام کو بحران سے بچایا جائے۔
اقوام متحدہ کے ہائی کمشنر برائے مہاجرین نے مزید بتایا کہ جو لوگ بارڈر کراس کررہے ہیں، ان کے پاس بہت کم مقدار میں ساز وسامان ہیں۔