کراچی : سیاسی امور پر اپنے خیالات کا اظہار کرنے والے اداکار حمزہ علی عباسی نے امریکہ میں ہم جنس پرستوں کو شادی کی اجازت کو تنقید کا نشانہ بنایا ہے۔
سماجی رابطے کی ویب سائٹ فیس بک ایک اسٹیٹس میں حمزہ علی عباسی میں ان آزاد خیال لوگوں اور سیاسی رہنماوں کو تنقید کا نشانہ بنایا ہے جو امریکہ میں ہم جنس پرستوں کو شادی کو قانونی اجازت دینے کی حمایت کررہےہیں۔
امریکہ کی سپریم کورٹ نے فیصلہ سنایا ہے کہ امریکہ کی کسی بھی ریاست میں ہم جنس پرستوں کا شادی کرنا ایک قانونی حق ہے۔
سپریم کورٹ کے اس فیصلے کے بعد 14 امریکی ریاستوں میں ہم جنس پرستوں کی شادی پر عائد پابندی ختم ہو گئی ہے۔
بعد ازاں ہم جنس پرستوں نے اپنے حقوق کے لئے ایک ریلی نکالی اور اسی مناسبت سے فیس بک نے خصوصی فیچر متعارف کرادیا ہے جس کے استعمال کرنے سے خود کار طریقے سے آپ کی شناختی تصویر ہم جنس پرستوں کے جھنڈے کے رنگ میں تبدیل ہوجائے گی۔
My heart sank when my 12 yr old nephew asked me what is gay? and why are people celebrating gay marriage being legal in... Posted by Hamza Ali Abbasi on Saturday, June 27, 2015
فیس بک پر اپنی ڈسپلے تصویر قوسِ قزح والی تصویر لگانے حمزہ علی عباسی نے کہا کہ پاکستانی عوام کی ایسی پوسٹوں پر مایوسی ہوئی ہے جو ایسے اقدام کی حمایت کرہے ہیں جو جانورو ں میں برا سمجھا جاتا ہو۔
ایک اور پوسٹ میں ان کا کہنا تھا کہ میرا دل اس وقت ڈوب گیا جب میرے 12 سالہ بھانجے نے مجھ سے سوال کیا ہم جنس پرستی کیا ہوتی ہے ؟ حمزہ وعلی عباسی نے کہا کہ میں ایسے اقدام کی سخت مخالفت کرتا ہوں، لیکن اگر کوئی ہم جنس پرست ہے تو میں اس سے نفرت نہیں کروں گا۔
WOW...I am surprised by the level of criticism, curse words and insults i have recieved from the same "liberal" people... Posted by Hamza Ali Abbasi on Sunday, June 28, 2015
واضح رہے کچھ عرصہ قبل حمزہ علی عباسی نے پاکستان تحریک انصاف کئ سکریٹری کلچرل کے عہدے سے استعفیٰ دیاتھا کیونکہ انہوں نے اپنے عقائد کے مطابق کام نہیں کیا، ان کی فلم جوانی پھر نہیں آنی پر انہوں نے کہا تھا کہ یہ فلم کی پاکستان کی ثقافتی اقدار کے خلاف ہے۔
