ARYNews.tv | Urdu – Har Lamha Bakhabar

Tag: Hurriyat leader

  • یوم پاکستان پرمقبوضہ کشمیرمیں حریت رہنمانظربند

    یوم پاکستان پرمقبوضہ کشمیرمیں حریت رہنمانظربند

    سری نگر: مقبوضہ کشمیرمیں قابض بھارتی فورسز نےحریت رہنماؤں کویوم پاکستان کی تقریب میں شرکت سےروکنےکےلیےگھروں میں نظربند کردیا۔

    کشمیر میڈیاسروس کےمطابق کٹھ پتلی انتظامیہ کی جانب سے حریت رہنماعلی گیلانی،میرواعظ عمرفاروق اور یاسین ملک کونئی دہلی میں پاکستانی ہائی کمیشن میں یوم پاکستان کی تقریب میں شرکت سےروکنے کےلیےگھروں میں نظربندکردیاگیا۔

    کٹھ پتلی انتظامیہ کی جانب سے کشمیریوں کویوم پاکستان نہ منانے کی کوششوں کے باوجودآسیہ اندرابی نے اپنی ساتھیوں کے ہمراہ یوم پاکستان منایا۔

    یوم پاکستان کی مبارکباد دیتے ہوئےحریت رہنماعلی گیلانی کاکہناتھا کشمیریوں کی اخلاقی و سفارتی حمایت پرپاکستانی عوام اورحکومت کےشکر گزار ہیں۔

    کشمیر میڈیا سروس کے مطابق پاکستانی ہائی کمیشن نےحریت رہنماؤں کو23 مارچ کی تقریب میں شرکت کی دعوت دے رکھی تھی۔

    مزید پڑھیں:پاک فضائیہ کےشیردل فارمیشن کا دلکش فضائی مظاہرہ

    دوسری جانب پاکستان نے بھارت کی جانب سے حریت رہنماؤں کی نظر بندی پر تشویش کا اظہار کرتے ہوئے ان کی فوری رہائی کا مطالبہ کیا ہے۔

    ترجمان دفتر خارجہ نفیس ذکریا نےحریت رہنماؤں کی نظر بندی پر تشویش کا اظہار کرتے ہوئےکہاکہ سید علی گیلانی اور میر واعظ عمرفاروق سمیت دیگر حریت رہنماؤں کو فوری رہا کیا جائے۔

    واضح رہےکہ یوم پاکستان کی تقریب آج نئی دلی میں پاکستانی ہائی کمیشن میں منعقد ہوئی جس میں سید علی گیلانی اور میرواعظ عمر فاروق کی شرکت کا امکان ظاہر کیاجارہاتھا۔

  • مقبوضہ کشمیر: معروف حریت رہنما ایک بار پھرگرفتار

    مقبوضہ کشمیر: معروف حریت رہنما ایک بار پھرگرفتار

    سری نگر:بھارتی پولیس نے حریت رہنما سیدعلی گیلانی، یاسین ملک اور میر واعظ کو گرفتارکرلیا ہے‘ یاسین ملک کو بھارتی پولیس نے گزشتہ سال متعدد بار حراست میں لیا تھا۔

    تفصیلات کے مطابق بھارتی پولیس نے سیدعلی گیلانی، یاسین ملک اور میر واعظ کو گرفتارکرلیا ہے، حریت رہنما سری نگر کے علاقے حیدر پورہ میں احتجاج کررہے تھے ، اس موقع پر بھارتی پولیس نے نے کارروائی کرتے ہوئے انہیں گرفتارکرلیا.

    حریت رہنماؤں کی گرفتاری

    واضح رہے کہ گذشتہ سال حریت رہنما یاسین ملک کی گرفتارکیا گیا تھا اور ان کی ناسازی طعبیت کی وجہ سے پاکستانی دفترخارجہ نے حریت رہنما یاسین ملک کو بہتر طبی سہولت فراہم نہ کرنے پر دفترخارجہ کے ترجمان نفیس ذکریا نے شدید مذمت بھی کی تھی۔

    یاد رہے بھارتی سیکورٹی کی جانب سے یہ کارروائی پہلی بار عمل میں نہیں آئی، اپنے تئیں سیکولر بھارت اس قسم کی تنگ نظری کا ثبوت باربار دیتا رہا ہے، پاکستان کے یوم آزادی پرحریت رہنماؤں کے ریفرنڈم مارچ پربھارتی فوج تلما اٹھی تھی، بھارت کی سرکار نے طاقت کا بے دریغ استعمال کرتے ہوئے بھارت فوجیوں نے حریت رہنماؤں کوتحویل میں لے لیا تھا.

    گزشتہ سال  معروف حریت رہنماء یاسین ملک کی اہلیہ مشعال ملک نےخبردار کیا تھا کہ تحریک آزادی کشمیر پر امن طور پر جاری ہے لیکن کشمیریوں کو آزادی نہ دی گئی تو تحریک مسلح شکل اختیار کر سکتی ہے۔

  • جمعے کی نماز جامع مسجد میں ہوگی، میر واعظ عمر فاروق

    جمعے کی نماز جامع مسجد میں ہوگی، میر واعظ عمر فاروق

    سری نگر: حریت رہنماء میرواعظ عمر فاروق نے کہا ہے کہ بھارتی فوج کی جانب سے لگائے گئے کرفیو کے سبب کشمیری مسلمان 15 ہفتوں سے نماز جمعہ ادا کرنے سے قاصر ہیں تاہم آئندہ جمعے کی نماز ہر صورت جامع مسجد سری نگر میں ادا کی جائے گی۔

    ان خیالات کا اظہار انہوں نے بھارتی جنتا پارٹی کے رہنماء یشونت سنہا سے ملاقات کے بعد میڈیا سے گفتگو کرتے ہوئے کیا۔ حریت رہنماء میر واعظ عمر فاروق کا کہنا تھا کہ بھارتی فوج کے کرفیو کی وجہ سے کشمیری مسجد میں نماز جمعہ ادا نہیں کرسکتے تاہم آئندہ جمعے کرفیو اور پابندیوں کے باوجود جامع مسجد سری نگر میں باجماعت نماز ہوگی۔

    پڑھیں:  بھارت کشمیرمیں جاری ظلم وبربریت کوفوری بندکرے،اوآئی سی

     انہوں نے اعلان کیا کہ ’’پابندیوں کے باوجود آئندہ جمعے کی نماز ہر صورت جامع مسجد سری نگر میں ادا کروں گا‘‘۔

    یاد رہے حریت رہنماء برہان مضطفر وانی کی زیر حراست شہادت کے بعد کشمیر میں ہزاروں افراد نے بھارتی تسلط کے خلاف احتجاج شروع کیا تاہم مظاہرین کو منتشر کرنے کے لیے قابض فوج کی جانب سے پیلٹ گنز سمیت دیگر گولیوں کا استعمال کیا گیا۔

    مزید پڑھیں: کشمیری رہنما یاسین ملک کی حالت بدستور تشویشناک

    بھارتی فوج نے کشمیریوں کے احتجاج کو دیکھتے ہوئے وادی میں کرفیو لگانے کا اعلان کیا جو تاحال جاری ہے جبکہ مختلف علاقوں میں بھارتی مظالم سے اب تک سینکڑوں نہتے کشمیری شہید ہوچکے ہیں۔

  • بھارتی جارحیت جاری، کشمیری حریت رہنما آسیہ اندرابی گرفتار

    بھارتی جارحیت جاری، کشمیری حریت رہنما آسیہ اندرابی گرفتار

    سری نگر: کشمیر میں بھارتی جارحیت کا سلسلہ جاری ہے، رہنماؤں کو نظر بند کرنے کے بعد اب کشمیری خاتون حریت رہنما آسیہ اندرابی کو گرفتار کرلیا گیا۔

    بھارتی میڈیا نے گرفتاری کی تصدیق کرتے ہوئے کہا ہے کہ کشمیر میں گرفتاریاں جاری ہیں جس کے تحت کشمیری رہنماؤں کو نظر بند کرنے اور گرفتار کرنے کا سلسلہ جاری ہے ، کچھ گھنٹوں قبل کشمیری خاتون رہنما آسیہ اندرابی کو گرفتار کرلیا گیا ہے۔

    قبل ازیں بھی 18 ستمبر کو بھارتی فوجیوں نے آسیہ اندرابی کو اپنی رہائش گاہ پر پرچم لہرانے کے جرم میں گرفتار کرلیا تھا۔

    یہ بھی پڑھیں:کشمیری خاتون رہنماء آسیہ اندرابی کو گرفتارکرلیا گیا

    آسیہ اندرابی نے 14 اگست کو پاکستانی پرچم لہرایا تھا اورپاکستان کا قومی ترانہ پڑھا تھا جبکہ مقبوضہ وادی میں گائے کے ذبیحہ پر پابندی کے خلاف بھی آسیہ اندرابی پیش پیش تھیں اورانہوں نے گائے کی قربانی کر کے پابندی کو ماننے سے انکارکردیا تھا۔

    اسی سے متعلق: پاکستانی پرچم لہرانے پرحریت رہنماء آسیہ اندرابی کے خلاف مقدمہ درج

    پاکستان کے یومِ آزادی پر سبز ہلالی پرچم لہرانے کے جرم میں کشمیری حریت رہنماء آسیہ اندرابی کے خلاف مقدمہ درج کرلیا گیا ہے۔
    واضح رہے کہ اس سے قبل رواں سال 23 مارچ کو آسیہ پاکستانی پرچم لہرانے اور قومی ترانے پڑھنے کی جرات کا اظہار کرچکی ہیں۔