حیدرآباد میں قتل ہونے والی شادی شدہ خاتون قرۃ العین کو آخرکار دو سال بعد انصاف مل گیا، عدالت نے مقتولہ کے شوہر کو عبرتناک سزا سنادی۔
تفصیلات کے مطابق حیدرآباد کے ماڈل کرمنل ٹرائل کورٹ نے قرۃ العین عرف عینی قتل کیس کا محفوظ کیا گیا فیصلہ سنادیا۔
مذکورہ عدالت نے مقتولہ قرۃ العین کے شوہر عمر میمن کو پھانسی اور 10 لاکھ روپے جرمانے کی سزا سنا دی ہے۔
یاد رہے کہ15جولائی 2021 کو مجرم عمر میمن نے حیدرآباد کے علاقے برج کالونی میں اپنی اہلیہ قرۃ العین عرف عینی کو بہیمانہ تشدد کرکے قتل کردیا تھا، پولیس کے مطابق نسیم نگر تھانے کی حدود میں دریائے سندھ سے خاتون کی لاش ملی تھی۔
قبل ازیں ماڈل کرمنل ٹرائل کورٹ نے مقدمے کی مسلسل سماعت کی اور 7 گواہان کے بیانات قلمبند کرنے کے بعد فیصلہ محفوظ کر لیا تھا۔
