لندن: سابق انگلش بیٹسمین این بیل نے پروفیشنل کرکٹ سے ریٹائرمنٹ کا اعلان کردیا۔
تفصیلات کے مطابق آسٹریلیا کے خلاف ایشیز سیریز میں عمدہ کارکردگی کا مظاہرہ کرنے والے انگلش کرکٹر این بیل نے کرکٹ کو خیرباد کہہ دیا۔
انگلش کرکٹر این بیل ان تین کھلاڑیوں میں شامل ہیں جنہوں نے پانچ بار ایشیز سیریز جیتی۔
این بیل نے اپنی ریٹائرمنٹ کا اعلان کرتے ہوئے کہا کہ وہ اس سیزن کے اختتام کے بعد کرکٹ چھوڑ کر کوچنگ کے فرائض سر انجام دیں گے۔
It’s true when they say you know when the time’s right, and unfortunately, my time is now.
It’s been a pleasure.
Thank you.
🏴🐻 pic.twitter.com/u7Altf9qpT— Ian Bell (@Ian_Bell) September 5, 2020
واضح رہے کہ این بیل نے اپنے انٹرنیشنل کیریئر میں 118 ٹیسٹ میچ انگلینڈ کی نمائندگی کی اور 7727 رنز 22 سنچریوں اور 46 نصف سنچریوں کی مدد سے بنائے۔
این بیل کا ٹیسٹ کرکٹ میں سب سے زیادہ انفرادی اسکور 235 ہے، انہوں نے 161 ون ڈے میچز کھیلے اور 4 سنچریوں اور 35 نصف سنچریوں کی مدد سے 5416 رنز بنائے۔
Ian Bell's cover drives were a sight to watch 😍
Happy retirement, @Ian_Bell 🙌pic.twitter.com/lCPZZonk7O
— ESPNcricinfo (@ESPNcricinfo) September 5, 2020
انگلش کرکٹر نے 8 ٹی 20 میچز بھی کھیلے اور ایک نصف سنچری کی مدد سے 188 رنز بنائے۔
واضح رہے کہ گزشتہ ماہ سابق بھارتی کپتان مہندر سنگھ دھونی اور لیفٹ ہینڈر بیٹسمین سریش رائنا نے انٹرنیشنل کرکٹ سے ریٹائرمنٹ کا اعلان کیا تھا، دونوں کھلاڑیوں کا کہنا تھا کہ وہ انڈین پریمیئر لیگ (آئی پی ایل) کے لیے دستیاب ہوں گے۔
