Tag: ICAO

کراچی: ہوا بازی کی عالمی تنظیم اکاؤ کی جانب سے سی اے اے کا آڈٹ مکمل کر لیا گیا۔

تفصیلات کے مطابق انٹرنیشنل سول ایوی ایشن آرگنائزیشن (اکاؤ) نے سول ایوی ایشن اتھارٹی کے کردار کی تعریف کی ہے۔

سی اے اے کے ڈائریکٹر جنرل خاقان مرتضیٰ نے کہا کہ اکاؤ کی جانب سے سی اے اے کے آڈٹ میں اطمینان کا اظہار کیا گیا ہے۔

انھوں نے بتایا پاکستان سول ایوی ایشن اتھارٹی کا ICAO USOAP آڈٹ آج اختتام کو پہنچا، یہ ایک سال کی ان تھک کوششوں کا نتیجہ ہے کہ آڈٹ کا نتیجہ بغیر کسی اہم خدشات کے انتہائی مثبت رہا ہے۔

ڈی جی سی اے اے کے مطابق اختتامی سیشن میں اکاؤ آڈٹ ٹیم نے سی اے اے کی طرف سے پیش رفت اور آڈٹ سے قبل تیاری اور محنت کو سراہا۔

اکاؤ کے طریقہ کار کے مطابق رسمی رپورٹ چند ہفتوں میں جاری کی جائے گی، جسے عوامی سطح پر شیئر کیا جائے گا۔

خاقان مرتضیٰ نے ڈپٹی ڈی جی سی اے اے ریگولیٹری نادر شفیع ڈار کی قیادت میں پوری ٹیم کی کوششوں کو سراہا۔

انھوں نے کہا ریگولیٹری ڈویژن کے تمام ڈائریکٹرز جن میں محمد ضیا خان (لائسنسنگ)، افتخار عثمانی (فلائٹ اسٹینڈرڈز)، لقمان احمد (ایئروارڈینس)، افتخار احمد (ڈی اے آر)، زاہد بھٹی (کوآرڈینیشن) ایم رضوان (لیگل)، اور عاطف ستار (ایچ آر) شامل ہیں، کی کارکردگی سراہے جانے کی مستحق ہے۔

ڈی جی سی اے اے نے کہا کہ ایوی ایشن سیکٹر اور تمام پاکستانی ایئر لائنز پر اس کے مثبت اثرات مرتب ہوں گے۔

کراچی: سول ایوی ایشن اتھارٹی (سی اے اے) پاکستان کے سیفٹی اقدامات پر بین الاقوامی ایوی ایشن آرگنائزیشن کے تحفظات برقرار ہیں۔

اے آر وائی نیوز کے مطابق ایکاؤ کے تحفظات پر کی جانے والی اصلاحات اور پیش رفت کے حوالے سے سی اے اے نے رپورٹ ایکاؤ کو پیش کی تھی، جس پر ہوا بازی تنظیم نے تحفظات کا اظہار کیا ہے۔

ایکاؤ نے سی اے اے کے پرسنل لائسنسنگ اور ٹریننگ کے شعبوں پر اطمینان کا اظہار کیا، تاہم پرسنل لائسنسنگ پر ایکاؤ نے سب سے زیادہ ریٹنگ 97.4 فی صد میں 83 فی صد اقدامات کی توثیق کی، جب کہ ایکاؤ کی جانب سے لائسنسنگ پر لگائی جانے والی MIR کو بند کر دیا گیا ہے۔

ایکاؤ کی جانب سے رپورٹ میں شامل 3 شعبوں پر اظہار اطمینان کیا گیا ہے، جب کہ 5 شعبوں میں سی اے اے کو مزید اصلاحات اور پیش رفت کی ہدایت کی گئی ہے۔

بین الاقوامی تنظیم ہوا بازی نے پاکستان کا اہم دورہ ملتوی کر دیا

جن شعبوں میں اصلاحات پر ایکاؤ نے اظہار اطمینان کیا ہے، ان میں آرگنائزیشن ، پرائمری ایوی ایشن اور آپریٹنگ پروسیجر لائسنسگ شامل ہیں، جب کہ بہتری کی ہدایت والے شعبوں میں فلائٹ اسٹینڈرڈ اور ایئر وردینس شامل ہیں۔

ایئر کرافٹ ایکسیڈنٹ اینڈ انویسٹی گیشن بورڈ ،ایئر نیوی گیشن سروسز، اور ڈارک ایئرو ڈروم کے شعبے بھی مزید اصلاحات کے متقاضی قرار دیے گئے۔

واضح رہے کہ سی اے اے اقدامات پر جولائی میں ایکاؤ کی آڈٹ ٹیم کی آمد کرونا کے باعث نومبر تک ملتوی کی گئی ہے۔

کراچی: بین الاقوامی تنظیم ہوا بازی (ایکاؤ) نے پاکستان کا اہم دورہ ملتوی کر دیا جو سول ایوی ایشن کے آڈٹ کے سلسلے میں تھا۔

تفصیلات کے مطابق انٹرنیشنل سول ایوی ایشن آرگنائزیشن (ICAO) کی آڈٹ ٹیم نے سول ایوی ایشن اتھارٹی پاکستان کے سیفٹی اقدامات پر تحفظات کی کلیئرنس کے سلسلے میں شیڈول دورہ ملتوی کر دیا ہے۔

ایکاؤ آڈٹ ٹیم کو 5 جولائی کو پاکستان پہنچنا تھا، تنظیم نے پاکستان میں کرونا کی تیسری لہر میں اضافے کی وجہ سے دورہ ملتوی کیا، سی اے اے نے ایکاؤ کا دورہ ملتوی ہونے کی تصدیق کر دی ہے۔

سی اے اے کے ڈپٹی ڈی جی ریگولیٹری نادر شفیع ڈار نے بتایا کہ ایکاؤ سے ہم نے درخواست کی ہے کہ آن لائن بھی آڈٹ کیا جا سکتا ہے، اس سلسلے میں اتھارٹی نے ایکاؤ کو ای میل ارسال کی ہے۔

انھوں نے کہا پاکستان میں کرونا وائرس کو کنٹرول کر نے کے لیے اقدامات کیے جا رہے ہیں، ویکسی نیشن کا عمل بھی جاری ہے، سی اے اے نے مخلتف شعبوں پر اکاؤ کے تحفظات کو دور کرنے میں نمایاں پیش رفت کی ہے۔

نادر شفیع کا کہنا تھا کہ ایکاؤ کی جانب سے سی اے اے کے اقدامات پر مبینہ طور سے 80 فی صد اطمینان کا اظہار کیا گیا ہے۔ ڈپٹی ڈی جی نے کہا کہ عالمی ہوا بازی کی تنظیم نے کہا ہے کہ رواں سال نومبر دسمبر میں سول ایوی ایشن اتھارٹی کا خصوصی آڈٹ کیا جائے۔