Tag: ICC

  • آئی سی سی انڈر19ورلڈ کپ آج سے نیوزی لینڈ میں شروع ہوگا

    آئی سی سی انڈر19ورلڈ کپ آج سے نیوزی لینڈ میں شروع ہوگا

    ویلنگٹن : آئی سی سی انڈر 19 کرکٹ ورلڈ کپ کا آغاز آج سے نیوزی لینڈ میں ہوگا، پہلے روز چار میچز کھیلے جائیں گے، پاکستان اپنا پہلا میچ افغانستان کے خلاف کھیلے گا۔

    تفصیلات کے مطابق آئی سی سی انڈر نائنٹین ورلڈ کپ آج بروز ہفتے سے نیوزی لینڈ میں شروع ہورہا ہے، ورلڈ کپ کی رنگا رنگ افتتاحی تقریب منعقد کی جائے گی۔

    ایونٹ میں ویسٹ انڈیز کی ٹیم اپنے ٹائٹل کا دفاع کرے گی، آئی سی سی انڈر 19 ورلڈ کپ میں شرکت کیلئے آنے والی ٹیموں کا ایئر پورٹ پہنچنے پر روایتی ہاکا رقص سے استقبال کیا گیا۔

    تمام ٹیموں کے کپتانوں نے ایک ساتھ سیلفی بنائی اور چمچماتی ٹرافی کے ساتھ خصوصی پوز بھی دیا، میگا ایونٹ میں سولہ ٹیمیں حصہ لے رہی ہیں جنہیں چار گروپوں میں تقسیم کیا گیا ہے۔

    پاکستان گروپ ڈی میں ہے جس میں افغانستان، آئرلینڈ، سری لنکا اور آئرلینڈ بھی شامل ہیں، افتتاحی روز چار میچز کھیلے جائیں گے، دو مرتبہ کی چیمپئن پاکستانی ٹیم اپنے پہلے میچ میں افغانستان کے مدمقابل ہو گی۔

    گروپ اے میں میزبان نیوزی لینڈ اور ویسٹ انڈیز کے درمیان ڈے اینڈ نائٹ میچ کھیلا جائے گا، جبکہ گروپ بی میں پاپوا نیو گنی کا مقابلہ زمبابوے اور گروپ سی میں بنگلہ دیش کا مقابلہ نمیبیا سے ہوگا، ٹورنامنٹ کا فائنل تین فروری کو کھیلا جائے گا۔


    مزید پڑھیں: یوتھ ون ڈے انڈر19سیریز: پاکستان نے آسٹریلیا کو سے ہرا دیا


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • ٹیسٹ کرکٹ اب چار روزہ ہوگئی، ایک انقلابی قدم

    ٹیسٹ کرکٹ اب چار روزہ ہوگئی، ایک انقلابی قدم

    لندن: کرکٹ کو جدید تقاضوں سے ہم آہنگ کرنے کے لیے یوں تو ٹیسٹ کرکٹ میں کئی اہم تبدیلیاں کی گئیں، مگر چار روزہ ٹیسٹ میچ کو ماہرین سب سے بڑا اور سنسنی خیز تجربہ ٹھہرا رہے ہیں۔

    خیال رہے کہ ہم ایک عرصے سے چار روزہ ٹیسٹ کرکٹ کے بارے میں خبریں سن رہے تھے، اب آئی سی سی کی جانب سے پہلے سرکاری چار روزہ ٹیسٹ میچ کی تفصیلات اور نئے قوانین کا اعلان کر دیا گیا ہے۔

    تفصیلات کے مطابق یہ ٹیسٹ میچ رواں ہفتے جنوبی افریقہ اور زمباوے کے درمیان پورٹ ایلزبتھ میں کھیلا جائے گا۔ یہ ڈے اینڈ نائٹ مقابلہ ہوگا، جس میں پنک گیند استعمال کی جائے گی۔

    اس نئے فارمیٹ کے لیے نئے قوانین وضع کیے گئے ہیں۔ میچ کے ہر روز98  اوورز کا کھیل ہوگا۔ واضح رہے کہ پانچ روزہ کرکٹ میں ایک دن میں  90 اوورز کی شرط عائد ہوتی ہے۔ اسی طرح کھیل کا دورانیہ ساڑھے چھ گھنٹے ہوگا، جو عام دورانیہ سے آدھے گھنٹے زائد ہے۔ کھیل کو نتیجہ خیز بنانے کے لیے آخری روز اضافی وقت بھی دیا جائے گا۔

    آئی سی سی ایونٹس میں بھارت پاکستان سے کھیل سکتا ہے تو سیریز کیوں نہیں؟ نجم سیٹھی

    ماہرین کرکٹ اس فیصلے کو انقلابی اقدام قرار دے رہے ہیں، یاد رہے کہ ماضی میں ٹیسٹ کرکٹ کو زیادہ دل چسپ بنانے کے لیے ڈے اینڈ نائٹ میچ اور پنک گیند متعارف کروائی گئی ہے، تاہم سب سے انقلابی اقدام اسے چار روز پر محیط کرنا ہے۔

  • آزادی کپ کے کامیاب انعقاد پر آئی سی سی کی پی سی بی کو مبارکباد

    آزادی کپ کے کامیاب انعقاد پر آئی سی سی کی پی سی بی کو مبارکباد

    دبئی : کرکٹرز کی فول پروف سیکورٹی، والہانہ استقبال، شاندار انتظامات اور آزادی کپ کے کامیاب انعقاد پر آئی سی سی نے پی سی بی کو مبارکباد پیش کی ہے۔

    تفصیلات کے مطابق پاکستان میں انٹرنیشنل کرکٹ کی بحالی کیلئے اٹھائے جانے والے اقدام کی آئی سی سی نےبھی تعریف کردی۔

    آئی سی سی کے ڈائریکٹر جائلز کلارک کا کہنا ہے کہ آزادی کپ کیلئے پی سی بی کے سیکیورٹی سمیت تمام انتظامات شاندار تھے۔


    مزید پڑھیں: تیسرا ٹی ٹوئنٹی: ورلڈ الیون کو شکست، آزادی کپ پاکستان کے

    نام


    اس حوالے سے آئی سی سی کے چیف ایگزیکٹو ڈیو رچرڈسن نے کہا کہ پاکستان میں انٹرنیشنل کرکٹ کی بحالی میں پی ایس ایل کا فائنل پہلا اور آزادی کپ دوسرا قدم ہے۔

    آزادی کپ سیریز کے لئے پاکستان کا دورہ کرنے والے جائلز کلارک نے کہا کہ کرکٹ کیلئے شائقین کا ایسا جنون انہوں نے پہلے کہیں نہیں دیکھا۔

  • ویرات کوہلی اور میرا کوئی موازانہ نہیں، بابر اعظم

    ویرات کوہلی اور میرا کوئی موازانہ نہیں، بابر اعظم

    کراچی: پاکستان کرکٹ ٹیم کے مڈل آرڈر بلے باز بابر اعظم نے کہا ہے کہ ویرات کوہلی اور میرا کوئی موازنہ نہیں پاکستان کا بابر اعظم کہلوانا پسند کروں گا۔

    سماجی رابطے کی ویب سائٹ ٹوئٹر پر مداحوں کے سوالات کے جوابات دیتے ہوئے بابر اعظم کا کہنا تھا کہ ویرات کوہلی ایک تجربہ کار کھلاڑی ہیں جبکہ میں نے اپنا کیریئر ابھی شروع کیا ہے میرا اور ویرات کوہلی کا کوئی موازنہ نہیں ہے۔

    مداح نے بابر اعظم سے سوال کیا کہ انہیں ایکشن فلمیں پسند ہیں یا رومانوی؟ جس پر بابر اعظم کا کہنا تھا کہ ایکشن فلمیں زیادہ شوق سے دیکھتے ہیں۔

    بابر اعظم سے کھانے کے بارے میں پوچھا گیا کہ بریانی اور پیزا میں سے کیا زیادہ پسند ہیں جس پر بابر نے کہا کہ دونوں ہی نہیں۔

    بہت کم لوگ ہی جانتے ہوں گے کہ بابر اعظم کو ٹیم میں ان کے نام بابر اعظم سے نہیں بلکہ ‘‘بوب سے’’ کہہ کر پکارا جاتا ہے۔ جب بابر سے پوچھا گیا کہ مداح آپ کو اسی نام سے پکار سکتے ہیں جس پر بابر اعظم کا کہنا تھا کہ ہاں پکار سکتے ہیں۔

    مڈل آرڈر بلے باز سے جب یہ پوچھا گیا کہ انہوں نے اب تک اپنے ون ڈے کیریئر میں کتنے رنز بنارکھے ہیں؟ جس پر بابر اعظم کا کہنا تھا کہ 1455 رنز بنائے ہیں۔

    آخر میں بابر اعظم نے مداحوں کا شکریہ ادا کیا اور دعاؤں کی درخواست کی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ون ڈے کے بعد سرفراز ٹیسٹ ٹیم کے بھی کپتان مقرر

    ون ڈے کے بعد سرفراز ٹیسٹ ٹیم کے بھی کپتان مقرر

    اسلام آباد: چیئرمین پاکستان کرکٹ بورڈ شہریار خان نے سرفراز احمد کو ون ڈے ٹیم کے بعد ٹیسٹ ٹیم کا کپتان مقرر کرنے کا بھی اعلان کردیا۔

    وزیر اعظم ہاؤس میں چیمپیئنز ٹرافی 2017 کی فاتح ٹیم کے اعزاز میں منعقد ہونے والی تقریب میں چیئرمین پی سی بی شہریار خان نے سرفراز احمد کو ٹیسٹ ٹیم کا کپتان بنانے کا اعلان کیا۔

    تقریب سے خطاب کرتے ہوئے شہریار خان کا کہنا تھا کہ ٹیسٹ کرکٹ ٹیم کی کپتانی کے لیے سرفراز احمد بہترین ہیں۔

    انہوں نے کہا کہ آئی سی سی چیمپیئنز ٹرافی جیتنے کے بعد ہر ٹیم ہم سے کھیلنا چاہتی ہے۔ پاکستان میں آ کر کھیلیں ہم بھرپور سیکیورٹی فراہم کریں گے۔

    شہریار خان کا کہنا تھا کہ چیمپیئن بننے کے بعد بھارت کو چیلنج کرتے ہیں کہ ہم سے سیریز کھیلیں۔ ہار جیت کھیل کا حصہ ہوتی ہے۔

    ان کا کہنا تھا کہ پوری ٹیم متحد ہو کر کھیلی اور اسی لیے ہم آئی سی سی چیمپیئنز ٹرافی جیتے۔

    یاد رہے کہ سرفراز احمد کی کپتانی میں پاکستان نے 2017 کا آئی سی سی چیمپیئنز ٹرافی ٹورنامنٹ جیتا۔ سرفراز سے قبل مصباح الحق ٹیسٹ ٹیم کے کپتان تھے۔

    سرفراز احمد نے اپنا ٹیسٹ ڈیبیو سنہ 2010 میں آسٹریلیا کے خلاف کیا تھا۔ وہ اب تک 36 ٹیسٹ میچوں میں 2 ہزار 85 رنز بنا چکے ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نئے کرکٹ قوانین نافذ، امپائرکھلاڑی کوریڈ کارڈ دکھا کرنکال سکتا ہے

    نئے کرکٹ قوانین نافذ، امپائرکھلاڑی کوریڈ کارڈ دکھا کرنکال سکتا ہے

    دبئی : کرکٹ کے نئے قوانین کے مطابق امپائر سے بدتمیزی کرنے والے کھلاڑی کو سزا ملے گی، ریڈ کارڈ دکھا کر امپائرکھلاڑی کو گراؤنڈ سے باہر نکال سکتاہے۔

    تفصیلات کے مطابق آئی سی سی نے کرکٹ میں نئے قانون نافذ کرنے کا فیصلہ کیا ہے۔ نئے قوانین کا اطلاق یکم اکتوبر سے ہوگا، امپائرز سے لڑنا یا الجھنا اب کرکٹرز کو مہنگا پڑسکتا ہے، ریڈ کارڈ دکھا کر امپائرکھلاڑی کو گراؤنڈ سے باہر نکال سکتاہے۔

    اس کے علاوہ ایل بی ڈبلیو فیصلے کو چیلنج کرنے کی صورت میں اگر امپائرکا فیصلہ برقرار رہا تواس ٹیم کا ریویو ضائع نہیں ہوگا۔ ٹیسٹ کرکٹ میں اسی اوور کےبعد دو ریویو بحال کرنے کی شق بھی ختم کردی گئی۔

    آئی سی سی کے مطابق ٹی ٹوئنٹی کا ہر میچ اب ریویو کے ساتھ کھیلا جائے گا۔ بیٹ اور بال میں توازن برقرار رکھنے کیلئے بلےکا سائز بھی کم کردیا گیا۔ بیٹ کی موٹائی کم کرکے چالیس ملی میٹر کردی گئی ہے.

    نئے قانون کا زیادہ نقصان ہارڈ ہٹرز کو ہوگا، واضح رہے کہ ڈیوڈ وارنر کے بیٹ کی موٹائی 85 ملی میٹر ہے۔ نئے قوانین کے مطابق رننگ کے دوران کھلاڑی کا بلا کریز پر پہنچ جانے کے بعد ہوا میں ہو اور وکٹیں اڑا دی جائیں تو اس صورت میں وہ ناٹ آؤٹ تصور کیا جائےگا۔

  • ورلڈ الیون ستمبر میں پاکستان آئے گی، آئی سی سی کی تصدیق

    ورلڈ الیون ستمبر میں پاکستان آئے گی، آئی سی سی کی تصدیق

    لندن : ورلڈ الیون رواں برس ستمبر میں پاکستان کا دورہ کرے گی اور تین ٹی ٹوئنٹی میچز کھیلے گی، آئی سی سی نے دورے کی تصدیق کردی۔

    تفصیلات کے مطابق پاکستان میں انٹرنیشنل کرکٹ کی بحالی کے لیے آئی سی سی نے بڑا فیصلہ کرلیا، لندن میں انٹرنیشنل کرکٹ کونسل کااجلاس منعقد ہوا۔

    اجلاس میں آئی سی سی بورڈ نے پاکستان میں بین الاقوامی مقابلوں کی حمایت کا عندیہ دے دیا، آئی سی سی کے مطابق رواں سال لاہور میں پاکستان اور ورلڈ الیون کے درمیان تین ٹی ٹوئنٹی میچز کی سیریز کھیلی جائے گی، ٹیم ستمبر میں پاکستان آئے گی۔

    ان میچز کو عالمی کھیل درجہ حاصل ہوگا، اجلاس میں فیصلہ کیا گیا کہ اس حوالے سے تفصیلات کااعلان بعد میں کیاجائےگا۔


    مزید پڑھیں: پاکستان میں انٹرنیشنل کرکٹ جلد بحال ہوگی، جائلزکلارک


    یاد رہے کہ آئی سی سی ٹاسک فورس کے سربراہ جائلز کلارک نے اپنے لاہور کے دورے کے موقع پر کہا تھا کہ پاکستان میں کرکٹ نہ ہونے سے شائقین کی مایوسی سے آگاہ ہیں، کوشش کررہے ہیں کہ پاکستان میں انٹرنیشنل کرکٹ جلد بحال ہو۔


    مزید پڑھیں: آئی سی سی نے انٹرنیشنل کرکٹرز پاکستان بھیجنے کی یقین دہانی

    کرادی، سیٹھی


    جائلز کلارک کا کہنا تھا کہ انٹرنیشنل کرکٹ کی بحالی کے لیے پاکستان کی کاوشوں کی قدر کرتے ہیں، جلد ہی پاکستانی شائقین اپنے ہیروز کو ایکشن میں دیکھ سکیں گے۔


    مزید پڑھیں: پی ایس ایل ملک میں انٹرنیشنل کرکٹ کی بحالی کا سبب

    بنےگا‘نجم سیٹھی


  • جیت کواہل خانہ،نیوی کوچ کےنام کرتاہوں‘ فخرزمان

    جیت کواہل خانہ،نیوی کوچ کےنام کرتاہوں‘ فخرزمان

    مردان: چیمپیئنز ٹرافی میں شاندار کارکردگی دکھانے والے قومی ٹیم کے اوپنر فخر زمان کاکہناہےکہ چیمپیئنز ٹرافی میں فتح قوم کے لیے عید کا تحفہ ہے۔

    تفصیلات کےمطابق مردان میں اپنے آبائی علاقے کاٹلنگ پہنچنے کے بعد میڈیا سے بات کرتے ہوئے فخر زمان کا کہنا تھا کہ میچ جیتنے کا کریڈٹ ٹیم منیجمنت کوجاتا ہے لیکن اپنی کارکردگی کو پاک بحریہ کے کوچ کے نام کرتا ہوں۔

    فخز زمان نےکہاکہ ٹیم کی کامیابی سے قوم کے چہروں پر خوشی دیکھ کر مجھے بہت خوشی ہوئی جبکہ وطن واپس آنے پر میری سوچ سے بھی زیادہ والہانہ استقبال کیا گیا۔


    چیمپیئنزٹرافی جیتنے والی قومی کرکٹ ٹیم کا وطن واپسی پرشانداراستقبال


    انہوں نےکہاکہ والد نے کہا تھا کہ زیادہ اونچے شاٹس مت لگانا اور ان کے اس مشورے پر عمل کرکے سرخرو ہوا، موقع ملا تو انشا اللہ آئندہ بھی اچھی پرفارمنس دوں گا۔

    واضح رہے کہ فخر زمان چیمپئنز ٹرافی کے 4 میچوں میں دو نصف اور ایک سنچری اسکور کرکے پاکستان کی جانب سے سب سے زیادہ رنز بنانے والے کھلاڑی ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • چیمپیئنزٹرافی کی فتح کوبڑےعرصےتک یادرکھاجاےگا‘ سرفرازاحمد

    چیمپیئنزٹرافی کی فتح کوبڑےعرصےتک یادرکھاجاےگا‘ سرفرازاحمد

    کراچی : قومی کرکٹ ٹیم کےکپتان سرفرازاحمد کا کہناہےکہ چیمپیئنزٹرافی کی جیت قومی ٹیم اور قوم کے لیے بہت بڑی فتح ہے۔

    تفصیلات کےمطابق چیمپیئنزٹرافی کے فائنل میں بھارت کو عبرت ناک شکست دینے والی قومی کرکٹ ٹیم کےکپتان سرفراز احمد نے اپنی رہائش گاہ پرمیڈیا سے گفتگوکرتے ہوئےکہاکہ بھارت کے خلاف پہلےمیچ میں شکست کےبعد ٹیم نے بہت اچھا کم بیک کیا۔

    قومی ٹیم کے کپتان کا کہناتھاکہ چیمپیئنزٹرافی میں ہرشعبے میں اچھی کارکردگی دکھائی جس سے چیمپیئن بنے۔انہوں نےکہاکہ اس فتح کو بڑے عرصے تک یاد رکھاجائےگا۔

    سرفرازاحمد کاکہناتھاکہ قوم کی دعائیں ٹیم کے بہت کام آئیں اوردنیا بھر سے لوگ پیغامات اور دعائیں بھیج رہے تھے۔

    سوشل میڈیا کے استعمال سے متعلق سوال کےجواب میں قومی ٹیم کےکپتان کا کہناتھاکہ ٹورنامنٹ کےدوران سوشل میڈیا سے اجتناب برتا۔

    خیال رہےکہ آج صبح قومی ٹیم کے کپتان سرفراز احمد اور رومان رئیس دبئی سے کراچی ائیرپورٹ پہنچے جہاں گورنر سندھ محمد زبیر، صوبائی وزرا اور میئر کراچی وسیم اختر سمیت اہم حکومتی شخصیات نے کیا ان کا پرتپاک استقبال کیا۔

    سرفرازاحمد اور رومان رئیس کو روایتی سندھی ٹوپی اور اجرک بھی پہنائی جبکہ ائیرپورٹ کے اندر موجود شائقین کرکٹ نے دونوں کھلاڑیوں کے ساتھ سیلفیاں بنائیں اور ان پر پھول بھی نچھاور کیے جس کے بعد دونوں کھلاڑی وی آئی پی پروٹوکول کے ساتھ ائیرپورٹ سے اپنے گھرپہنچے۔

    اس موقع پر قومی ٹیم کےکپتان سرفراز احمد کا کہنا تھا کہ کامیابی پر اللہ کا شکر ہے،بھارت کے خلاف فتح قوم کی دعاؤں اور ٹیم اسپرٹ کا نتیجہ ہے۔


    چیمپیئنزٹرافی جیتنے والی قومی کرکٹ ٹیم کا وطن واپسی پرشانداراستقبال


    یاد رہےکہ اس سےقبل قومی ٹیم کے کھلاڑی بابراعظم، حسن علی، احمد شہزاد اور فہیم اشرف دبئی سے لاہور ائیرپورٹ پہنچےجہاں صوبائی وزرا رانا مشہود، مجتبیٰ شجاع اوربلال یٰسین سمیت اہم حکومتی شخصیات نے ان کا پرتباک استقبال کیا۔

    واضح رہےکہ پولیس بینڈ نےکرکٹ ہیروز کو گارڈ آف آنر پیش کیا۔اس موقع پرشائقین کرکٹ کی بڑی تعداد نے قومی ہیروزکےساتھ سیلفیاں بھی بنائیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • چیمپیئنزٹرافی جیتنے والی قومی کرکٹ ٹیم کا وطن واپسی پرشانداراستقبال

    چیمپیئنزٹرافی جیتنے والی قومی کرکٹ ٹیم کا وطن واپسی پرشانداراستقبال

    لاہور: چیمپیئینز ٹرافی میں بھارت کو شکست دینے والی قومی ٹیم کاوطن واپس پہنچنے پرشاندار استقبال کیا گیا۔

    تفصیلات کےمطابق چیمپیئیز ٹرافی میں بھارت کوعبرت ناک شکست دینے والی قومی ٹیم کے کھلاڑی بابراعظم، حسن علی، احمد شہزاد اور فہیم اشرف دبئی سے لاہور ائیرپورٹ پہنچے۔

    پنجاب کے وزیر کھیل رانا مشہود ، مجتبیٰ شجاع اوربلال یٰسین سمیت اعلیٰ حکومتی عہدیداروں کے ہمراہ کھلاڑیوں کا استقبال کیا۔کھلاڑیوں نے وزراء اور فینر کے ساتھ سلفیاں بھی بنوائیں۔

    دوسری جانب سیکورٹی کلیئرنس نہ ملنے پر وزیراعلیٰ پنجاب شہباز شریف کی لاہور ایئرپورٹ آمد ملتوی کردی گئی۔

    پولیس بینڈ نےقومی ٹیم کے ہیروز کو گارڈ آف آنر پیش کیاجبکہ شائقین کرکٹ کی جانب سے کھلاڑیوں پر پھولوں کی پتیاں نچھاور کی گئیں۔

    اس موقع پر سیکیورٹی کے بھی سخت انتظامات کیے گئے تھے تاہم ائیرپورٹ کے باہر موجود شائقین کرکٹ جذبات پر قابو نہ رکھ سکے اور ایئرپورٹ کے لاؤنچ میں جا پہنچےجہاں انہوں نے پاکستان ٹیم کے حق میں نعرے بھی لگائے۔


    اسلام آباد اورپشاور میں بھی کھلاڑیوں کا پرتباک استقبال


    دوسری جانب نوجوان کھلاڑی شاداب خان، عماد وسیم اسلام آباد پہنچے جہاں ایئرپورٹ پر پولیس اہلکاروں کے دستے نے انہیں گارڈ آف آنر پیش کیا۔

    سابق وفاقی وزیر اور پاکستان پیپلز پارٹی کے سینیٹر رحمٰن ملک بھی قومی کرکٹ ٹیم کے کھلاڑیوں کو خوش آمدید کہنے اسلام ایئرپورٹ پہنچے۔

    رحمٰن ملک کا کہنا تھا کہ چیمپیئنز ٹرافی کا فاتح بن کر آنے پر کھلاڑیوں اور قوم کو مبارک باد پیش کرتا ہوں۔اس موقع پر انہوں نے کھلاڑیوں کے اعزاز میں سینٹ کی قائمہ کمیٹی برائے داخلہ کی جانب سے عشائیے کا اعلان بھی کیا۔

    ادھرچیمپیئنز ٹرافی کے فائنل میں بھارت کے خلاف شاندار کھیل پیش کرتے ہوئے ون ڈے کرکٹ میں اپنی پہلی سنچری مکمل کرنے والے فخر زمان پشاورایئر پورٹ پہنچے تو مداحوں کی بڑی تعداد ان کے استقبال کے لیے موجود تھی۔

    کرکٹ فینز نے ان پر پھولوں کی پتیاں نچھاور کیں، اس دوران فضا پاکستان زندہ باد کے نعروں سے گونجتی رہی۔

    یاد رہےکہ گزشتہ روزچیمپیئنز ٹرافی کی فاتح پاکستانی ٹیم نے لندن کے گیٹ وک ایئرپورٹ سے براستہ دبئی وطن واپسی کے لیے اڑان بھری تھی۔

    وطن واپس آنے والے کھلاڑیوں میں قومی ٹیم کے کپتان سرفراز احمد، فخر زمان، شاداب خان، عماد وسیم، رومان رئیس، حارث سہیل، بابر اعظم، حسن علی، فہیم اشرف، احمد شہزاد، کوچ مکی آرتھر اور دیگر بورڈ اسٹاف شامل ہے۔


    بھارت کو 180 رنز سے شکست، پاکستان کرکٹ کا چیمپیئن بن گیا


    واضح رہےکہ قومی ٹیم کے فاسٹ بولر محمد عامر، جنید خان، محمد حفیظ، شعیب ملک اور اظہر علی انگلینڈ میں ہی کچھ روز قیام کرنے کے بعد وطن لوٹیں گے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں