Tag: ICC Cricket WorldCup 2023

سابق کیوی پیسر شین بانڈ بھی بابر اعظم کی کپتانی سے مطمئن نظر نہیں آتے، انھوں نے نیدر لینڈز کے کپتان کو پاکستانی کپتان سے بہتر قرار دیا ہے۔

آئی سی سی کرکٹ ورلڈکپ میں لگاتار تین میچز ہارنے اور بروقت فیصلے نہ کرنے پر بابراعظم کی کپتانی تنقید کی زد میں ہے۔ سوشل میٹیا پلیٹ فارم ایکس پر وائرل ہونے والی ویڈیو میں دیکھا جاسکتا ہے کہ شین بونڈ بہتر کپتانوں کے حوالے سے اپنے خیالات کا اظہار کررہے ہیں۔

اسپورٹس ویب سائٹ کی جانب سے ایک ویڈیو شیئر کی گئی ہے جس میں سابق کیوی کرکٹر شین بانڈ سے عالمی کپ میں شریک ٹیموں کے کپتانوں کا موازنہ کرنے کا کہا جاتا ہے۔

سب سے پہلے ان سے پوچھا جاتا ہے کہ بحیثیت کپتان پاکستان کے بابر اعظم اور نیدر لینڈز کے اسکاٹ ایڈورزڈ میں سے کون بہتر کپتان ہے؟ شین بونڈ فوراً ایڈورڈز کا نام لیتے ہیں اور بابر کے نام کو نظر اندز کردیتے ہیں۔

Well played on the last one, Shane Bond 😅 pic.twitter.com/FZWhgPw3p1

— ESPNcricinfo (@ESPNcricinfo) October 26, 2023

اس کے بعد فاسٹ بولر نے انگلش کپتان جوز بٹلر کو اسکاٹ ایڈورڈز، حشمت اللہ شاہدی، کوشل مینڈس اور شکیب الحسن سے اوپر رکھا۔ آخر میں روہت شرما اور ٹام لیتھم میں سے انھوں نے کیوی کرکٹر کو بہتر کپتان چُنا۔

اس سے قبل ایشیا کپ اور اب موجودہ عالمی کپ میں بابراعظم کی کپتانی پر بہت سارے سوالات اٹھائے جارہے ہیں۔ یہاں تک کہ سابق کرکٹر شعیب ملک کی رائے میں بابر کو کپتانی چھوڑ دینی چاہیے۔

انگلینڈ کے سابق کپتان مائیکل وان نے اس یقین کا اظہار کیا ہے کہ ویرات کوہلی میگا ایونٹ میں سب سے زیادہ ون ڈے سنچریوں کا سچن ٹنڈولکر کا ریکارڈ توڑ دیں گے۔

مائیکل وان نے ماسٹر بیٹر کا موازنہ ارجنٹائن کے لیجنڈ فٹبالر لیونل میسی سے بھی کیا، جنھوں نے 2022 میں ارجنٹائن کو فیفا ورلڈ کپ جتوایا تھا اور پلیئر آف دی ٹورنامنٹ قرار پائے تھے۔ انھوں نے کہا کہ شاید کوہلی کی قسمت میں بھی ایسا ہی کچھ لکھا ہے۔

انھوں نے کہا کہ ویرات ہدف کے تعاقب میں اپنا ثانی نہیں رکھتے، اگر وہ فائنل سے پہلے 49 ویں اور فائنل میں 50 ویں سچنری اسکور کرتے ہیں تو مجھے حیرت نہیں ہوگی شاید ان کی قسمت میں ایسا ہی لکھا ہے جسے میں نے سوشل میڈیا پر پوسٹ کردیا ہے۔

وان نے کہا کہ عظیم کھلاڑی ہمیشہ ورلڈ کپ میں کاکردگی دکھاتے ہیں۔ فٹبالرز کو ہی دیکھ لیں، لیونل میسی کو ارجنٹائن کے لیے ورلڈ کپ جیتنا تھا، اور انھوں نے یہ کر دکھایا۔

ویرات کوہلی پہلے ہی ورلڈ کپ جیت چکے ہیں لیکن اس بار بھی ایسا لگتا ہے کہ وہ بھاتی ٹیم کو ہر طرح سے آگے بڑھانے میں اپنا حصہ ڈالیں گے۔

واضح رہے کہ کوہلی اب تک 48 ون ڈے سنچریاں اسکور کرچکے ہیں۔ دھرم شالہ میں نیوزی لینڈ کے خلاف وہ پانچ رنز کی کمی سے سنچری اسکور نہیں کرپائے ورنہ وہ اس فارمیٹ میں ٹنڈولکر کے 49 سنچریوں کے عالمی ریکارڈ کو برابر کردیتے۔

سابق بھارتی کرکٹر اور موجودہ تجزیہ کار گوتم گمبھیر نے پاکستان کی موجودہ پرفارمنس کا پوسٹ مارٹم کرتے ہوئے شکست کی وجہ بتا دی۔

پاکستان کی لگاتار شکست پر گوتم گمبھیر کا کہنا تھا کہ پاکستان کی فیلڈنگ اس کی ذمہ دار ہے۔ اس سے قبل ایشیا کپ میں بھی اس پر بات کی جا چکی ہے، بولنگ اور بیٹنگ میں کسی ٹیم کا دن برا ہو سکتا ہے لیکن فیلڈنگ میں نہیں ہو سکتا،

بھارت کے سابق جارح مزاج اوپنر نے کہا کہ گرین شرٹس کی ناقص فیلڈنگ ایشیا کپ سے جاری ہے جسے بہتر نہیں بنایا جاسکا، میں تو یہ کہوں گا کہ پاکستان آئی سی یسی ورلڈکپ کی ایک معمولی فیلڈنگ ٹیم ہے۔

گوتم گمبھیر نے مزید تجزیہ کرتے ہوئے کہا کہ دوسری مشکل جس سے پاکستان برسرپیکار ہے وہ ان کی اسپن بولنگ ہے، افغانستان کے خلاف میچ میں اوس نہ ہونے کے باوجود تینوں میں سے کوئی پاکستانی اسپنروکٹ نہ لے سکا۔

ان کا کہنا تھا کہ آج کی کرکٹ 1990 یا 2011 جیسی نہیں جب آپ 270 یا 280 اسکور کریں اور سوچیں بولرز دفاع کرلیں گے اب کرکٹ کافی جدید ہوچکی ہے۔

ورلڈکپ میں بھارت نے اپنی فتح کا تسلسل برقرار رکھتے ہوئے کیویز کو بھی قابو میں کرلیا۔ ویرات کوہلی کی عمدہ اننگز کی بدولت نیوزی لینڈ کو 4 وکٹوں سے شکست کا سامنا کرنا پڑا۔

آئی سی سی کرکٹ ورلڈکپ میں بھارت نے پانچویں کامیابی حاصل کرتے ہوئے نیوزی لینڈ کی جانب سے دیا گیا 274 رنز کا ہدف باآسانی پورا کرلیا۔ ویرات کوہلی نے ایک بار پھر اپنی ٹیم کے لیے جیت کی راہ آسان کی۔ تاہم محمد شامی کو 5 وکٹیں لینے پر مرد میدان قرار دیا گیا.

کوہلی 5 رنز کی کمی سے اپنی سنچری مکمل نہ کرسکے وہ 95 رنز پر ہنری کا شکار بنے۔ ان کے علاوہ روہت شرما 46 اور شریاس آئر 33 رنز بنا کر نمایاں رہے۔

بھارت نے دو اوورقبل ہی 6 وکٹوں کے نقصان پر ہدف پورا کرلیا۔ لوکی فرگوسن 63 رنز دے کر 2 وکٹیں حاصل کرنے میں کامیاب رہے۔ ٹرینٹ بولٹ، میٹ ہنری اور مچل سینٹنر کے حصے میں ایک ایک وکٹ آئی۔

اس سے قبل دھرم شالا میں نیوزی لینڈ نے بھارت کو جیت کے لیے 274 رنز کا ہدف دیا تھا، آخری بال پر کیوی ٹیم آل آؤٹ ہوگئی۔

آئی سی سی کرکٹ ورلڈکپ کے اکیسویں میچ میں بھارت نے ٹاس جیت کر پہلے نیوزی لینڈ کو کھیلنے کی دعوت دی۔ کیوی ٹیم کا آغاز اچھا نہ تھا اور 19 رنز پر اس کے دونوں اوپنر آؤٹ ہو کر پویلین لوٹ چکے تھے۔

ایسے میں راشن رویندرا اور ڈیرل مچل نے عمدگی سے کھیلتے ہوئے اسکور 159 رنز کی شراکت قائم کی۔ راشن 75 رنز بنا کر محمد شامی کی وکٹ بنے۔

اس کے بعد تھوڑے تھوڑے وقفے سے نیوزی لینڈ کی وکٹیں گرتی رہیں تاہم ڈیرل مچل ایک اینڈ پر ڈٹے رہے، وہ 130 رنز کی شاندار اننگزکھیل کر آخری اوور میں آؤٹ ہوئے۔ گیلن فلپس نے 23 رنز کی باری کھیلی۔

نیوزی لینڈ کی پوری ٹیم 273رنز بنا کر آخری بال پر آل آؤٹ ہوگئی۔ میزبان بھارت کی جانب سے محمد شامی نے عمدہ بولنگ کرتے ہوئے 54 رنز دے کر 5 وکٹیں حاصل کیں جبکہ کلدیپ یادیو نے 73 رنز کے عوض2 شکار کیے۔

اس ورلڈکپ میں دفاعی چیمپئن انگلینڈ کی کارکردگی اتنی خراب رہی ہے کہ ماہرین اور شائقین سب ہی حیرانی کا اظہار کررہے ہیں۔

عالمی کپ سے قبل انگلش ٹیم کے حوالے سے جو اندازے لگائے جارہے تھے وہ سب کے سب غلط ثابت ہوئے۔ ٹیم ایونٹ میں جدوجہت کا شکار نظر آرہی ہے جبکہ اہم بولر ریسی ٹوپلے کے ورلڈکپ سے باہر ہونے کے بعد انگلینڈ کو ایسے پلیئر کی تلاش ہے جو ان کے لیے ’ایکس فیکٹر‘ ثابت ہو۔

ای سی بی کے مطابق فاسٹ بولر ریسی ٹوپلے انگلی میں فریکچر کی وجہ سے ورلڈکپ سے باہر ہوچکے ہیں اور وہ آئندہ میچز کے لیے دستیسب نہیں ہونگے۔ ورلڈکپ کے 15 رکنی اسکواڈ میں اب متبادل پلیئر کو شامل کیا جائے گا۔

جنوبی افریقا کے خلاف میچ کے دوران فاسٹ بولر کی انگلی میں چوٹ لگی تھی، اسکین میں ان کے فریکچر کی تصدیق ہوگئی ہے جس کے بعد انگلینڈ کی مشکلات میں مزید اضافہ ہوگیا ہے۔

انگلینڈ کرکٹ بورڈ کے مطابق فاسٹ بولر اگلے 24 گھنٹے میں انگلینڈ کے لیے روانہ ہوجائیں گے، ٹوپلے کے متبادل کا ابھی تک اعلان نہیں کیا گیا تاہم انگلینڈ ضرور کسی ایسے پلیئر کی تلاش میں ہو گا جو ورلڈکپ کے اگلے میچز میں ان کے لیے اہم کردار ادا کرسکے۔

آئی سی سی ون ڈے ورلڈکپ میں دفاعی چیمپئن انگلینڈ کو جنوبی افریقا کے ہاتھوں 229 رنز کی عبرتناک شکست سے دوچار ہونا پڑا اور اس کی بیٹنگ ہدف کے تعاقب میں بری طراھ ڈھیر ہوئی تھی۔

اس وقت انگلش ٹیم ورلڈکپ کے پوائنٹس ٹیبل پر نویں نمبر پر موجود ہے۔ انگلینڈ کو عالمی کپ کے4 میں سے 3 میچز میں شکست کا سامنا کرنا پڑا ہے جس سے اس کے سیمی فائنل میں پہنچنے کے چانسز کافی کم ہوگئے ہیں۔

دھرم شالا: نیوزی لینڈ نے بھارت کو جیت کے لیے 274 رنز کا ہدف دے دیا، آخری بال پر کیوی ٹیم آل آؤٹ ہوگئی۔

تفصیلات کے مطابق آئی سی سی کرکٹ ورلڈکپ کے اکیسویں میچ میں بھارت نے ٹاس جیت کر پہلے نیوزی لینڈ کو کھیلنے کی دعوت دی۔ کیوی ٹیم کا آغاز اچھا نہ تھا اور 19 رنز پر اس کے دونوں اوپنر آؤٹ ہو کر پویلین لوٹ چکے تھے۔

ایسے میں راشن رویندرا اور ڈیرل مچل نے عمدگی سے کھیلتے ہوئے اسکور 159 رنز کی شراکت قائم کی۔ راشن 75 رنز بنا کر محمد شامی کی وکٹ بنے۔

اس کے بعد تھوڑے تھوڑے وقفے سے نیوزی لینڈ کی وکٹیں گرتی رہیں تاہم ڈیرل مچل ایک اینڈ پر ڈٹے رہے، وہ 130 رنز کی شاندار اننگزکھیل کر آخری اوور میں آؤٹ ہوئے۔ گیلن فلپس نے 23 رنز کی باری کھیلی۔

نیوزی لینڈ کی پوری ٹیم 273رنز بنا کر آخری بال پر آل آؤٹ ہوگئی۔ میزبان بھارت کی جانب سے محمد شامی نے عمدہ بولنگ کرتے ہوئے 54 رنز دے کر 5 وکٹیں حاصل کیں جبکہ کلدیپ یادیو نے 73 رنز کے عوض2 شکار کیے۔

پاکستان کے سابق کپتان مصباح الحق نے کہا ہے کہ ورلڈکپ میں سنسنی خیز میچز کم ہورہے ہیں کیوں کہ زیادہ تر ٹیمیں ون ڈے کرکٹ کو ٹی ٹوئنٹی کی طرح کھیل رہی ہیں۔

اے اسپورٹس کے پروگرام میں گفتگو کرتے ہوئے ان کا کہنا تھا کہ افغانستان کی ٹیم نے انگلینڈ کو شکست دی اور اس میچ میں ایک اسٹیج پر صاف پتا چل گیا تھا کہ کون سی ٹیم فاتح بننے جارہی ہے۔

انھوں نے کہا کہ پہلے دس، پندرہ اوور کے بعد ہی اندازہ ہوگیا تھا کہ انگلینڈ اس میچ سے باہر ہوگیا ہے۔ جنوبی افریقہ کا نیدرلینڈز کے ساتھ میچ بھی کچھ اوورز کے بعد ون سائیڈڈ ہوگیا تھا۔ ورلڈکپ میں ٹیموں کو سوچنا پڑے گا کہ ون ڈے کرکٹ ٹی ٹوئنٹی سے مختلف ہے۔

مصباح نے کہا کہ مجھے یہ لگتا ہے کہ ابھی تک دو ٹیمیں بھارت اور نیوزی لینڈ نے ون ڈے کرکٹ کو ون ڈے کرکٹ کی طرح کھیلا ہے اور اس کی بنیادی باتوں کا دھیان رکھا ہے۔

ان کا پورا ایک منصوبہ ہے کہ ہم نے پاور پلے ایسے کھیلنا ہے، درمیان کے اوورز میں اس طرح سے بیٹنگ کرنی ہے۔ پھر فنش کس طریقے سے کرنا ہے، یہاں تک کہ وہ جب دفاع کرنے بھی آتے ہیں تو انہیں پتا ہوتا ہے کہ بولنگ میں کیا کرنا ہے۔

View this post on Instagram

A post shared by ASports (@asportstv.pk)

باقی ٹیمیں ٹی ٹوئنٹی والے فلو میں کھیل رہی ہیں۔ جہاں ان کو دوبارہ سے منصوبندی کرنی ہوتی ہے تو پھر ان کے پاس کور نہیں ہوتا اور وہ سنبھل نہیں پاتے۔ اس وجہ سے مقابلوں میں اتنا بڑا فرق بن جاتا ہے کہ شروع میں ہی پتا چل جاتا ہے کہ کون سی ٹیم میچ جیت رہی ہے۔

اس حوالے سے ٹیموں کو سوچنا پڑے گا کہ کس طرح سے منصوبہ بندی کرنی ہے اور ون ڈے کرکٹ کو درمیانی اوورز میں کس سے منصوبہ بندی کے ساتھ کھیلنا ہے۔

شعیب ملک کا اس موقع پر کہنا تھا کہ نیوزی لینڈ اور بھارت کی بنیادی چیزیں اس لیے کور ہیں کہ ان کے تھنک ٹینک کو یہ سمجھ ہے کہ ون ڈے کرکٹ کس طرح کھیلنی ہے۔

ورلڈ کپ فاتح آسٹریلوی کپتان رکی پونٹنگ نے بھارت کو خبردار کیا ہے کہ آئی سی سی کرکٹ ورلڈکپ میں صرف ایک ہار ان پر بہت زیادہ دباؤ کا باعث بن جائے گی۔

آسٹریلیا کے لیجنڈری سابق بیٹر رکی پونٹنگ نے بنگلہ دیش کے خلاف اگلے میچ سے قبل بھارتی ٹیم کے بارے میں اپنی آرا کا اظہار کرتے ہوئے کہا کہ ہوم کراؤڈ کے سامنے صرف ایک برا میچ بھارتی ٹیم پر دباؤ بڑھا سکتا ہے۔

پوٹنگ نے کہا کہ اگر بھارت اپنے لیگ میچز میں سے کسی ایک میں بھی شکست کھاتا ہے تو انتہائی جذباتی بھارتی شائقین کا کیا ردعمل ہوگا؟ انفرادی اور ٹیم کی سطح پر صرف ایک خراب میچ بھاتی ٹیم کو دباؤ میں لے آئے گا۔

انھوں نے کہا کہ میں نے شروع سے ہی کہا تھا یہی وہ ٹیم ہے جسے ٹورنامنٹ میں ہرانا ہے کیوں یہ ایک بہت ہی باصلاحیت ٹیم ہے،

پونٹنگ کا کہنا تھا کہ انڈیا کے پاس اپنی فاسٹ بولنگ، اسپن، ٹاپ آرڈر اور مڈل آرڈر بیٹنگ کے باعث جیتنے کے لیے تمام بنیادی جزیات موجود ہیں۔ انھیں شکست دینا انتہائی مشکل ہو گا لیکن ہمیں دیکھنا ہوگا کہ وہ انتہائی دباؤ میں کیسا کھیلیں گے۔

اب تک، روہت شرما اور ان کی ٹیم نے بھارتی شائقین کی جانب سے بھرپور حمایت کا خوب فائدہ اٹھایا ہے۔ بھارتی ٹیم نے بھی موقع سے بھرپور فائدہ اٹھاتے ہوئے ہوم گراؤنڈ اور کراؤڈ کا بھرپور ایڈوانٹیج حاصل کیا ہے۔

موجودہ ورلڈ کپ 2023 میں بھارتی ٹیم نے آسٹریلیا، افغانستان اور پاکستان کو شکست دیتے ہوئے شاندار آغاز کیا ہے۔ میزبان سائیڈ ایونٹ کے آغاز سے قبل ہی ہاٹ فیورٹ کے طور پر سامنے آئی اور پہلے تین میچوں میں ان کی کارکردگی سے اس بات کو مزید تقویت ملی ہے۔