ARYNews.tv | Urdu – Har Lamha Bakhabar

Tag: ICC T20 rankings

  • ‘بابراعظم شاندار اعزاز کے ساتھ سال 2021 کا اختتام کرینگے’

    ‘بابراعظم شاندار اعزاز کے ساتھ سال 2021 کا اختتام کرینگے’

    دبئی: سال 2021 میں کئی عالمی ریکارڈ کو پاش پاش کرنے والے محمد رضوان کو آئی سی سی نے بڑی خوشخبری سنادی ہے۔

    تفصیلات کے مطابق آئی سی سی نے ٹی ٹوئنٹی کرکٹ کی رینکنگ جاری کردی ہے، قومی ٹیم کے کپتان اور مایہ باز بلے باز بابر اعظم ایک بار پھر نمبر ایک پوزیشن پر براجمان ہوگئے ہیں، انہوں نے انگلینڈ کے ڈیوڈ ملان کو پیچھے چھوڑتے ہوئے پہلی پوزیشن پر پھر قبضہ جمایا۔

    بابراعظم کو ویسٹ انڈیز کے خلاف 79رنز کی اننگز نےپہلےنمبر پرپہنچایا،اس کے ساتھ ہی قومی ٹیم کے کپتان سال 2021 کا اختتام ون ڈے اور ٹی ٹوئنٹی رینکنگ میں ٹاپ پوزیشن کو ساتھ لیکر کریں گے۔

    انگلینڈ کے ڈیوڈ میلان دوسرے نمبر پر ہیں جبکہ کلینڈر ایئر 2021 میں ٹی ٹوئنٹی فارمیٹ میں 2000 رنز بنانے پر پاکستان کے وکٹ کیپر بلے باز محمد رضوان کی ترقی ہوئی ہے اور اپنے کیریئر میں وہ تیسرے نمبر پر آگئے ہیں، محمد رضوان نے جنوبی افریقا کے بلے باز ایڈن مکرم کو تیسرے نمبر سے دھکیلا۔

    آئی سی سی رینکنگ کے مطابق سابق بھارتی کپتان ویرات کوہلی ٹاپ ٹین کھلاڑیوں کی فہرست سے باہر ہوگئے ہیں، آئی سی سی کے دس بہترین بلے بازوں میں کے آر راہول پانچویں نمبر پر براجمان ہیں۔

  • آئی سی سی نے ٹی ٹوینٹی کی رینکنگ جاری کردی

    آئی سی سی نے ٹی ٹوینٹی کی رینکنگ جاری کردی

    دبئی: انٹرنیشنل کرکٹ کونسل (آئی سی سی) نے ٹی ٹوینٹی انٹرنیشنل کی نئی رینکنگ جاری کردی۔

    تفصیلات کے مطابق آئی سی سی نے پاکستان اور زمبابوے کی سیریز کے اختتام پر ٹی ٹوینٹی کی نئی رینکنگ جاری کردی جس کے مطابق قومی ٹیم کے کپتان بابر اعظم کی ریٹنگ پوائنٹس میں اضافہ ہوا ہے۔

    بابر اعظم دوسری پوزیشن پر برقرار ہیں لیکن پہلے نمبر پرموجود انگلینڈ کے ڈیوڈ ملان سے فرق صرف 6 پوائنٹس کا باقی رہ گیا ہے۔

    بولرز رینکنگ میں عماد وسیم دسویں نمبر پر براجمان ہیں، آل راؤنڈرز رینکنگ میں افغانستان کے محمد نبی بدستور سرفہرست ہیں۔

    بیٹسمین رینکنگ میں ڈیوڈ ملان پہلے نمبر پر براجمان ہیں، بابر اعظم دوسرے، آسٹریلوی کپتان ایرون فنچ تیسرے، بھارت کے کے ایل راہول چوتھے، نیوزی لینڈ کے کولن منرو پانچویں نمبر پر براجمان ہیں۔

    بولرز رینکنگ میں افغانستان کے لیگ اسپنر راشد خان کا پہلی پوزیشن پر قبضہ برقرار ہے، افغانستان کے مجیب الرحمان دوسرے، آسٹریلوی اسپنر ایشٹن اگر تیسرے، جنوبی افریقہ کے تبریز شمسی چوتھے، آسٹریلوی اسپنر ایڈم زمپا پانچویں جبکہ عماد وسیم دسویں نمبر پر موجود ہیں۔

    آل راؤنڈرز رینکنگ میں افغانستان کے محمد نبی کا پہلا نمبر ہے، شکیب الحسن دوسرے، آسٹریلیا کے گلین میکسویل تیسرے، اسکاٹ لینڈ کے رچرڈ بیرنگٹن چوتھے اور زمبابوے کے سین ولیمز پانچویں نمبر پر براجمان ہیں۔

  • آئی سی سی ٹی 20 رینکنگ: پاکستان چوتھے نمبرپرآگیا

    آئی سی سی ٹی 20 رینکنگ: پاکستان چوتھے نمبرپرآگیا

    دبئی : انٹرنیشل کرکٹ کونسل آئی سی سی نے ٹی ٹوئنٹی کرکٹ کی رینکنگ جاری کردی، درجہ بندی میں پاکستان چوتھے نمبر پر پہنچ گیا۔ نیوزی لینڈ پہلی پوزیشن پر تاحال برقرارہے۔ 

    تفصیلات کے مطابق آئی سی سی نے ٹی ٹوئنٹی رینکنگ جاری کردی جس میں نیوزی لینڈ کی ٹیم 127 ریٹنگ پوائنٹس کے ساتھ رینکنگ میں ٹاپ پوزیشن پر برقرار ہے۔ بھارت کی پوزیشن 124 ریٹنگ پوائنٹس کے ساتھ دوسرے نمبر پر جبکہ 117 ریٹنگ پوائنٹس لے کرساؤتھ افریقہ تیسرے نمبرپر ہے۔

    icc-ranking

     پاکستان کی ٹیم انٹرنیشل کرکٹ کونسل کی بین الاقوامی ٹی ٹوئنٹی کرکٹ درجہ بندی میں 116 ریٹنگ پوائنٹس لے کر چوتھے نمبر پر ہے۔ حالیہ ٹی ٹوئنٹی سیریز جیتنے کے بعد قومی ٹیم کی رینکنگ میں دو درجے ترقی ہوئی، تیسری پوزیشن والے جنوبی افریقہ اور پاکستان کے درمیان صرف آٹھ پوائنٹس کا فرق ہے۔

    ٹی ٹوئنٹی بولنگ کے شعبے میں پاکستان کے بہترین بولر عماد وسیم ہیں جن کا چوتھا نمبر ہے۔ اس کے علاوہ ٹی ٹوئنٹی کے علاوہ پاکستان کی ایک روزہ میچوں میں آٹھویں اور ٹیسٹ کرکٹ میں پانچویں پوزیشن ہے۔

    ٹی ٹوئنٹی میں کھلاڑیوں کی انفرادی درجہ بندی میں بلے بازی میں پہلے دس کھلاڑیوں میں کوئی بھی پاکستان کھلاڑی شامل نہیں ہے۔