ARYNews.tv | Urdu – Har Lamha Bakhabar

Tag: ICC Test Ranking

  • آئی سی سی ٹیسٹ رینکنگ: پاکستانی کھلاڑی چھا گئے

    آئی سی سی ٹیسٹ رینکنگ: پاکستانی کھلاڑی چھا گئے

    دبئی: چٹاکانگ ٹیسٹ میں پاکستانی ٹیم نے عمدہ پرفارمنس نے آئی سی سی کی ٹیسٹ رینکنگ کو تبدیل کردیا ہے۔

    آئی سی سی کی جانب سے ٹیسٹ میچز کی تازہ ترین رینکنگ جاری کردی گئیں ہے، بنگلا دیش کے خلاف چٹاکانگ ٹیسٹ میں قومی کھلاڑیوں نے عمدہ پرفارمنس کے باعث آئی سی سی ٹیسٹ رینکنگ میں نمایاں بہتری حاصل کی ہے۔

    آئی سی سی کے مطابق بنگلا دیش کے خلاف ٹیسٹ میں 7 وکٹیں لینے کے عوض شاہین شاہ آفریدی کو ٹاپ ٹین بولرز میں شامل کرلیا گیا ہے، یہ سال دوہزار اکیس میں پہلا موقع ہے جب ٹیسٹ کی ٹاپ رینکنگ میں کسی پاکستان بولرز نے جگہ بنائی۔

    شاہین شاہ آفریدی شاندار کارکردگی کے باعث 5ویں پوزیشن پر براجمان ہیں جبکہ فاسٹ بولر حسن علی کی بھی 5 درجے بہتری ہوئی ہے جس کے بعد وہ 11ویں نمبر پر آگئے ہیں۔

    آئی سی سی کے مطابق پاکستانی ٹیم کے کپتان بابر اعظم کی 8ویں پوزیشن پر موجود ہیں جبکہ چٹاگانگ ٹیسٹ کے ہیرو عابد علی کیرئیربیسٹ20ویں پوزیشن پر پہنچ گئے ہیں۔

    یہ بھی پڑھیں: قومی ویمن کرکٹ ٹیم قرنطینہ میں چلی گئی

    واضح رہے کہ آئی سی سی ٹیسٹ چیمپئن شپ کے تحت ہونے والی ٹیسٹ میچز سیریز کے پہلے میچ میں پاکستان نے بنگلا دیش کو 8 وکٹوں سے آؤٹ کلاس کیا تھا۔

     

  • آئی سی سی کی نئی ٹیسٹ رینکنگ : شاہین شاہ آفریدی فہرست میں شامل

    آئی سی سی کی نئی ٹیسٹ رینکنگ : شاہین شاہ آفریدی فہرست میں شامل

    دبئی : کنگسٹن میں کھیلے جانے والے پاکستان اور ویسٹ انڈیز کے درمیان ٹیسٹ سیریز ختم ہونے کے بعد آئی سی سی نے نئی ٹیسٹ رینکنگ جاری کردی۔

    تفصیلات کے مطابق آئی سی سی نے نئی ٹیسٹ رینکنگ جاری کردی، ٹیسٹ سیریز میں اٹھارہ وکٹیں لینے والے شاہین شاہ آفریدی کیریئر بیسٹ رینکنگ پر پہنچ گئے۔ شاہین شاہ آفریدی لمبی چھلانگ لگاتے ہوئے بولرز کی فہرست میں آٹھویں نمبر پر آگئے۔

    بابر اعظم ایک درجے بہتری کے بعد ساتویں اور فواد عالم اکیسویں نمبر پر براجمان ہیں۔ رینکنگ میں فاسٹ بولرحسن علی اور محمد عباس کی تنزلی ہوئی ہے۔

    آئی سی سی رینکنگ کے مطابق فواد عالم بھی چونتیس درجے ترقی کے بعد پچپن سے اکیس ویں نمبر پر آگئے ہیں۔ قومی ٹیم کے کپتان بابر اعظم نے ایک درجے بہتری کے بعد ساتویں پوزیشن حاصل کرلی۔

    اس کے علاوہ نئی ٹیسٹ رینکنگ میں اظہر علی، عابد علی حسن علی، محمد عباس اور فہیم اشرف کی رینکنگ میں تنزلی آئی ہے۔

    واضح رہے کہ نوجوان فاسٹ بولر شاہین شاہ آفریدی نے ویسٹ انڈیز کے خلاف دوسرے ٹیسٹ میں شاندار کارکردگی کا مظاہرہ کیا دس وکٹیں لے کر ٹیم کو کامیابی دلائی۔ سیریز میں اٹھارہ وکٹیں لیں اور ریکارڈز بھی
    بنائے۔

    اکیس سالہ شاہین شاہ آفریدی نے چھوٹی عمر میں بڑے کارنامے دکھائے، شاہین نے پہلےٹیسٹ میں آٹھ دوسرے میں دس وکٹیں اڑائیں، اٹھارہ وکٹوں کے ساتھ وہ سیریز کے بہترین کھلاڑی بھی رہے۔

    ویسٹ انڈیز کیخلاف سیریز شاہین آفریدی کیلئے ریکارڈ ساز ثابت ہوئی۔ دوٹیسٹ کی سیریز میں شاہین سب سے زیادہ وکٹیں لینے والے دوسرے پاکستانی بولر بنے اس کے علاوہ اکیس سال کی عمر میں بطورپاکستانی زیادہ ٹیسٹ وکٹیں لینےوالے دوسرے بولر بھی بن گئے۔

    انہوں نے سوئنگ کے سلطان وسیم اکرم کو بھی پیچھے چھوڑدیا، نوجوان فاسٹ بولرز اپنے کیریئر کے ابتدائی تین سالوں میں ہی161وکٹیں حاصل کرچکے ہیں۔

  • آئی سی سی کی نئی ٹیسٹ رینکنگ جاری

    آئی سی سی کی نئی ٹیسٹ رینکنگ جاری

    دبئی : انٹرنیشنل کرکٹ کونسل کی تازہ ترین ٹیسٹ رینکنگ میں قومی ٹیم کے کپتان بابر اعظم بلے بازوں کی فہرست میں بدستور دسویں نمبر پر موجود ہیں۔

    آئی سی سی کی جانب سے جاری کھلاڑیوں کی تازہ ترین رینکنگ کے مطابق بلے بازوں کی فہرست میں پہلی تینوں پوزیشنز پر بالترتیب نیوزی لینڈ کے کپتان کین ولیمسن، آسٹریلیا کے اسٹیون اسمتھ اور آسٹریلیا ہی کے مارنس لبوشین براجمان ہیں۔

    بھارتی ٹیم کے کپتان ویرات کوہلی ایک درجہ تنزلی کے بعد چوتھی سے پانچویں پوزیشن پر چلے گئے ہیں جبکہ انگلینڈ کے جوئے روٹ ایک درجہ بہتری کے بعد چوتھے نمبر پر آ گئے ہیں۔ قومی ٹیم کے کپتان بابر اعظم نیوزی لینڈ کے ہنری نکولس کے ہمراہ بدستور دسویں نمبر پر موجود ہیں۔

    بولرز کی فہرست میں بھی پہلی 6 پوزیشنز پر کوئی تبدیلی نہیں آئی جبکہ انگلش فاسٹ بولر جیمز اینڈرسن ایک درجہ ترقی پاکر ساتھی فاسٹ بولر کرس براڈ کی جگہ ساتویں نمبر پر آ گئے ہیں۔

    بھارت کے جسپریت بھمرا 10 درجے ترقی پاکر ایک بار پھر ٹاپ ٹین میں شامل ہو گئے ہیں اور اس وقت 760 پوائنٹس کے ساتھ نویں نمبر پر موجود ہیں۔

  • آئی سی سی نے نئی ٹیسٹ رینکنگ جاری کردی

    آئی سی سی نے نئی ٹیسٹ رینکنگ جاری کردی

    لاہور : آئی سی سی نے نئی ٹیسٹ رینکنگ جاری کردی ہے جس کے مطابق محمد عباس آٹھویں سے چودھویں پوزیشن پر آگئے بیٹسمینوں میں بابراعظم پانچویں پر ہیں۔

    تفصیلات کے مطابق آئی سی سی کی جانب سے جاری کردہ نئی ٹیسٹ رینکنگ کے مطابق محمد عباس آٹھویں سے چودھویں پوزیشن پر آگئے ہیں۔

    انٹرنیشنل کرکٹ کونسل (آئی سی سی ) کی جانب سے جاری کردہ نئی ٹیسٹ رینکنگ کے مطابق بولرز میں پیٹ کمنز پہلی، اسٹورٹ براڈ بدستور دوسری، نیل ویگنر تیسری، ٹم ساوتھی چوتھی، جیسن ہولڈرپانچویں، کاگیسو ربادا چھٹی اور مچل اسٹارک ساتویں پوزیشن پر ہیں۔

    اس کے علاوہ انگلینڈ کے جیمز اینڈرسن 6 درجے چھلانگ لگاتے ہوئے محمد عباس کی آٹھویں پوزیشن پر قابض ہوگئے ہیں اور پاکستانی پیسر 14 ویں نمبر پر چلے گئے ہیں، جسپریت بمرا اور ٹرینٹ بولٹ کے نام بھی ٹاپ 10 میں شامل ہیں۔

    دوسری جانب بیٹسمینوں کی ٹاپ 6 پوزیشنز میں کوئی فرق نہیں آیا، اسٹیون اسمتھ پہلے، ویرات کوہلی دوسرے، مارنس لبوشین تیسرے، کین ولیم سن چوتھے، بابراعظم پانچویں اور ڈیوڈ وارنر چھٹے نمبر پر ہیں جب کہ چتیشور پجارا ساتویں، بین اسٹوکس آٹھویں، جو روٹ نویں اور اجنکیا رہانے دسویں نمبر پر ہیں۔

  • آئی سی سی نے ٹیسٹ کی نئی رینکنگ جاری کردی

    آئی سی سی نے ٹیسٹ کی نئی رینکنگ جاری کردی

    دبئی: انٹرنیشنل کرکٹ کونسل (آئی سی سی) نے ٹیسٹ کی نئی رینکنگ جاری کردی۔

    تفصیلات کے مطابق انگلینڈ اور ویسٹ انڈیز کے درمیان کھیلے جانے والے ساؤتھمپٹن ٹیسٹ کے بعد آئی سی سی نے ٹیسٹ کی نئی رینکنگ جاری کردی، انگلش بیٹنگ لائن کو تہس نہس کرنے والے ویسٹ انڈین کپتان جیسن ہولڈر کیریئر بیسٹ دوسرے نمبر پر آگئے، جیسن ہولڈر نے میچ میں سات وکٹیں حاصل کی تھیں۔

    بولرز رینکنگ میں آسٹریلیا کے پیٹ کمنز کی پہلی پوزیشن برقرار ہے، ویسٹ انڈیز کے جیسن ہولڈر دوسرے، نیوزی لینڈ کے نیل ویگنر تیسرے، ٹم ساؤتھی چوتھے، جنوبی افریقا کے ربادا پانچویں نمبر پر براجمان ہیں، ٹاپ ٹین بولرز میں کوئی پاکستانی شامل نہیں ہے، محمد عباس 12ویں نمبر پر موجود ہیں۔

    بیٹسمین رینکنگ میں آسٹریلیا کے اسٹیون اسمتھ سرفہرست ہیں، بھارتی کپتان ویرات کوہلی دوسرے، آسٹریلیا کے مارنس لبوشین تیسرے، کیوی کپتان ولیم سن چوتھے اور پاکستان کے بابر اعظم پانچویں نمبر پر موجود ہیں۔

    ٹیسٹ آل راؤنڈر کی فہرست میں کوئی پاکستانی کھلاڑی شامل نہیں ہے، اس فہرست میں ویسٹ انڈیز کے کپتان جیسن ہولڈر پہلے، انگلینڈ کے بین اسٹوکس دوسرے، بھارت کے رویندر جڈیجا تیسرے، آسٹریلیا کے مچل اسٹارک چوتھے، بھارت کے روی چندر ایشون پانچویں نمبر پر براجمان ہیں۔

  • آئی سی سی کی نئی ٹیسٹ رینکنگ جاری، بابراعظم پہلی بار ٹاپ فائیو میں شامل

    آئی سی سی کی نئی ٹیسٹ رینکنگ جاری، بابراعظم پہلی بار ٹاپ فائیو میں شامل

    دبئی : پاکستان کے اسٹار بیٹسمین بابراعظم کو آئی سی ٹیسٹ رینکنگ میں دو درجے ترقی مل گئی، بابراعظم تینوں فارمیٹس میں ٹاپ فائیو میں پہچنے والے چند بیٹسمینوں میں شامل ہوگئے ۔

    تفصیلات کے مطابق آئی سی سی نے نئی ٹیسٹ ریکنگ جاری کردی ہے جس کے مطابق پاکستان کی ٹیم کی رینکنگ میں تو کوئی بہتری نہیں لاسکی۔ ٹیم کی ساتویں پوزیشن برقرار ہے لیکن ریٹنگ پوائنٹ بہتر ہوئے، البتہ بابر اعظم نے کیریئر کی بیسٹ پانچویں پوزیشن حاصل کرلی۔

    بنگلہ دیش کے خلاف راولپنڈی ٹیسٹ میں ایک سو تینتالیس رنز کی شاندار اننگز کھیلنے پر بابراعظم کی ٹیسٹ رینکنگ میں ٹاپ فائیو میں انٹری ہوگئی، بابراعظم دنیا کے ان چند بلے باز وں میں سے ہیں جنہوں نے تینوں فارمیٹس میں ٹاپ فائیو میں شامل ہونے کا اعزاز حاصل کیا ہے۔

    آئی سی سی کی نئی فہرست کے مطابق بلے بازوں میں اس وقت ویرات کوہلی پہلے، آسٹریلیا کے سٹیو سمتھ دوسرے، آسٹریلیا کے مارنس تیسرے اور نیوزی لینڈ کے کین ولیمسن چوتھے نمبر پر براجمان ہیں۔

    دیگر کھلاڑیوں کی انفرادی کارکردگی پر بھی درجہ بندی بہتر ہوئی ہے، اسد شفیق ترقی کر کے 18 ویں نمبر کے بیٹسمین بن گئے، کپتان اظہر علی 27 ویں، نسیم شاہ ترقی کر کے 52 ویں، یاسر شاہ کی 23 ویں، شاہین شاہ آفریدی32 ویں، اور محمد عباس 14 ویں نمبر کی پوزیشن پر ہیں۔

  • آئی سی سی ٹیسٹ پلیئرز رینکنگ، بابر اعظم کی کیریئر بیسٹ پوزیشن

    آئی سی سی ٹیسٹ پلیئرز رینکنگ، بابر اعظم کی کیریئر بیسٹ پوزیشن

    دبئی: انٹرنیشنل کرکٹ کونسل (آئی سی سی) نے ٹیسٹ پلیئرز کی رینکنگ جاری کردی، بابر اعظم کیریئر بیسٹ چھٹی پوزیشن پر پہنچ گئے۔

    تفصیلات کے مطابق آئی سی سی نے پاکستان اور سری لنکا کے درمیان جاری ٹیسٹ سیریز کے اختتام پر ٹیسٹ پلیئرز کی نئی رینکنگ جاری کردی، بھارت کے ویرات کوہلی بدستور پہلی پوزیشن پر براجمان ہیں۔

    سری لنکا کے خلاف ٹیسٹ سیریز میں دو سنچریوں نے بابر اعظم کو تین درجہ بہتری کے بعد بلے بازوں کی فہرست میں چھٹے نمبر پر پہنچادیا ہے۔

    بلے بازوں کی رینکنگ میں بھارتی کپتان ویرات کوہلی بدستور پہلے نمبر پر براجمان ہیں، آسٹریلیا کے اسٹیو اسمتھ دوسرے، نیوزی لینڈ کے کپتان کین ولیم سن تیسرے، بھارت کے چیتیشور پجارا چوتھے نمبر پر موجود ہیں۔

    آسٹریلوی بلے باز مارنس لبوچانے 5ویں، بابر اعظم چھٹے، اجنکیا رہانے ساتویں، ڈیوڈ وارنر آٹھویں، جوئے روٹ نویں اور راس ٹیلر دسویں نمبر پر براجمان ہیں۔

    بولرز رینکنگ میں کوئی پاکستانی بولر ٹاپ ٹین میں جگہ نہیں بناسکا، آسٹریلوی فاسٹ بولر پیٹ کمنز نے پہلی پوزیشن پر قبضہ برقرار رکھا ہے، جنوبی افریقہ کے کیگسو ربادا دوسرے، نیوزی لینڈ کے نیل ویگنر تیسرے، ویسٹ انڈین کپتان جیسن ہولڈر چوتھے اور مچل اسٹارک پانچویں نمبر پر موجود ہیں۔

    ٹیسٹ آل راؤنڈرز کی رینکنگ میں جیسن ہولڈر پہلے نمبر پر براجمان ہیں، رویندر جڈیجا دوسرے، بین اسٹوکس تیسرے، ورنن فلیندر چوتھے اور مچل اسٹارک پانچویں نمبر پر موجود ہیں۔

  • آئی سی سی کی نئی ٹیسٹ رینکنگ جاری، آسٹریلوی بولر اور بلے باز سرفہرست

    آئی سی سی کی نئی ٹیسٹ رینکنگ جاری، آسٹریلوی بولر اور بلے باز سرفہرست

    لاہور : آئی سی سی نے نئی ٹیسٹ رینکنگ جاری کردی، جس کے مطابق بیٹنگ اور باؤلنگ میں آسٹریلوی کھلاڑی سرفہرست ہیں جبکہ پاکستانی فاسٹ باؤلر محمد عباس دسویں نمبر پر جگہ بنا پائے۔

    تفصیلات کے مطابق ایشز سیریز کے ختم ہونے کے بعد آئی سی سی نے نئی ٹیسٹ رینکنگ کا اجراء کردیا، رینکنگ کے مطابق ایشز سیریز میں رنز کے ڈھیر لگانے والے آسٹریلوی کھلاڑی اسٹیو اسمتھ کی پہلی پوزیشن ہے۔

    اسمتھ نے انگلینڈ کیخلاف ٹیسٹ میں80 اور23 رنز کی شاندار اننگز کھیلی، وہ 937پوائنٹس کے ساتھ پہلے نمبر پر ہیں، اس کے علاوہ بھارتی ٹیم کے کپتان ویرات کوہلی903 پوائنٹس کے ساتھ رینکنگ میں دوسرے نمبر پر براجمان ہیں۔

    آئی سی سی کی جانب سے جاری کی گئی نئی رینکنگ کے دیگر بہترین بیٹسمینوں میں نیوزی لینڈ کے کپتان کین ولیمسن، بھارت کے چیشتور پجارا، کیویز کے ہینری نکولس، بالترتیب تیسرے، چوتھے اور پانچویں پر ہیں۔

    دس بہترین بلے بازوں میں بھارت، نیوزی لینڈ کے 3.3 جبکہ انگلینڈ، آسٹریلیا، جنوبی افریقہ، سری لنکا کا ایک ایک کھلاڑی شامل ہے جبکہ نئی بیٹنگ رینکنگ میں کوئی بھی پاکستانی جگہ نہ بنا سکا۔

    علاوہ ازیں بہترین باؤلنگ کی رینکنگ میں آسٹریلیا کے پیٹ کمنز908 پوائنٹس کے ساتھ سرفہرست ہیں، پروٹیز کے کگیسو رابادا، دوسرے، بھارتی جیسپرت بمراہ تیسری پوزیشن پر موجود ہیں۔

    دیگر باؤلرز میں جیسن ہولڈر، کیماروچ، ٹرینٹ بولٹ، نیل واگنز، جیمز اینڈرسن اور پاکستان کے محمد عباس شامل ہیں، آئی سی سی کی طرف سے نئی ٹیسٹ رینکنگ میں بہترین آل راؤنڈر ویسٹ انڈیز کے کپتان جیسن ہولڈر ہیں، بنگلہ دیشی شکیب الحسن دوسری اور بھارتی روندرا جدیجا تیسری پوزیشن پر موجود ہیں۔

  • آئی سی سی کی نئی ٹیسٹ رینکنگ جاری، بھارت سر فہرست، پاکستان کا ساتواں نمبر

    آئی سی سی کی نئی ٹیسٹ رینکنگ جاری، بھارت سر فہرست، پاکستان کا ساتواں نمبر

    دبئی : انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی، بھارت پہلے جبکہ پاکستانی ٹیم ساتویں نمبر پر پہنچ گئی۔ بلے بازوں اور آل راﺅنڈرز کی فہرست میں بھی کوئی پاکستانی شامل نہیں۔

    تفصیلات کے مطابق آئی سی سی نے ٹیسٹ کرکٹ کی نئی رینکنگ جاری کی ہے جس کے مطابق بھارت پہلے، نیوزی لینڈ دوسرے، جنوبی افریقہ تیسرے، انگلینڈ چوتھے، آسٹریلیا پانچویں، سری لنکا چھٹے، پاکستان ساتویں، ویسٹ انڈیز آٹھویں، بنگلہ دیش نوویں اور زمبابوے دسویں نمبر پر ہے۔

    اس کے علاوہ بلے بازوں اور آل راﺅنڈرز کی فہرست میں ایک بھی پاکستانی جگہ بنانے میں کامیاب نہیں ہو سکا البتہ باﺅلنگ میں محمد عباس 9 ویں نمبر پر ہیں۔

    نئی ٹیسٹ رینکنگ کے مطابق بلے بازوں کی فہرست میں بھارتی کپتان ویرات کوہلی بدستور پہلے نمبر پر براجمان ہیں جبکہ اسٹیو اسمتھ دوسرے، کین ولیمسن تیسرے، چتیشور پجارا چوتھے، ہینری نکولس پانچویں، دیموتھ کرونا رتنے چھٹے، جو روٹ ساتویں، ٹام لاتھم آٹھویں، ایڈن مارکرم نوویں اور کوینٹن ڈی کوک دسویں نمبر پر ہیں۔

    اس کے علاوہ باﺅلرز کی فہرست میں آسٹریلیا کے پیٹ کومنز پہلے، جنوبی افریقہ کے کاگیسو ربادا دوسرے، انگلینڈ کے جیمز اینڈرسن تیسرے، جنوبی افریقہ ویرنون فلینڈر چوتھے، نیوزی لینڈ کے ٹرینٹ بولٹ پانچویں، نیوزی لینڈ ہی کے نیل ویگنر چھٹے، بھارت کے جسپریت بمرا ساتویں، ویسٹ انڈیز کے کیمار روچ آٹھویں، پاکستان کے محمد عباس نوویں اور بھارت کے رویندرا جدیجہ دسویں نمبر پر ہیں۔

    آل راﺅنڈرز کی فہرست میں ویسٹ انڈیز کے جیسن ہولڈر کی اجارہ داری برقرار ہے جبکہ انگلینڈ کے بین سٹوکس دوسرے، بنگلہ دیش کے شکیب الحسن تیسرے، بھارت کے رویندرا جدیجہ چوتھے، جنوبی افریقہ کے ویرنون فلینڈر پانچویں، آسٹریلیا کے پیٹ کومنز چھٹے، بھارت کے روی چندرن ایشوین ساتویں، آسٹریلیا کے مچل سٹارک آٹھویں، انگلینڈ کے کرس ووکس نوویں اور ویسٹ انڈیز کے روسٹن چیز دسویں نمبر پر ہیں۔

  • آئی سی سی کی ٹیسٹ کی نئی رینکنگ جاری : پاکستان ٹیم کی ساتویں سے چھٹی پوزیشن

    آئی سی سی کی ٹیسٹ کی نئی رینکنگ جاری : پاکستان ٹیم کی ساتویں سے چھٹی پوزیشن

    دبئی : آئی سی سی نے ٹیسٹ کی نئی رینکنگ جاری کردی، پاکستان نے ایک درجہ بہتری حاصل کرکے ساتویں سے چھٹی پوزیشن پر قبضہ جمالیا۔

    تفصیلات کے مطابق انٹر نیشنل کرکٹ کونسل (آئی سی سی) نے نئی رینکنگ جاری کی ہے، جس کے مطابق پاکستان نے ایک درجہ بہتری حاصل کی ہے، پاکستان ٹیم نے ساتویں سے چھٹی پوزیشن لے لی۔

    سری لنکا کی انگلینڈ سے شکست نے پاکستان کی رینکنگ بہتر بنائی، نیوزی لینڈ سے ٹیسٹ سیریز میں کامیابی قومی ٹیم کو پانچویں پوزیشن دلاسکتی ہے۔

    آئی سی سی کی نئی ٹیسٹ رینکنگ جاری، ٹاپ ٹین میں کوئی پاکستانی شامل نہیں