ARYNews.tv | Urdu – Har Lamha Bakhabar

Tag: ICC Test rankings

  • آئی سی سی نے بابراعظم کو بڑی خوشخبری سنادی

    آئی سی سی نے بابراعظم کو بڑی خوشخبری سنادی

    دبئی: انٹرنیشنل کرکٹ کونسل (آئی سی سی) نے کپتان قومی کرکٹ ٹیم بابراعظم کو بڑی خوشخبری سنادی ہے۔

    تفصیلات کے مطابق انٹرنیشنل کرکٹ کونسل ( آئی سی سی ) نے ٹیسٹ کرکٹ کی نئی درجہ بندی جاری کی ہے، جس کے مطابق کپتان بابراعظم ایک درجے ترقی پاکر چوتھی پوزیشن پر براجمان ہوگئے۔

    بلے بازوں کی فہرست میں آسٹریلیا کے مارنس لبو شین کی پہلی پوزیشن برقرار ہے، انگلینڈ کے جوروٹ کو نیوزی لینڈ کے خلاف تاریخی سینچری اسکور کرنے کا صلہ مل گیا اور وہ دو درجے ترقی پاتے ہوئے دوسرے نمبر پر آ گئے۔

    آسٹریلیا کےاسٹیو اسمتھ تیسرے اور نیوزی لینڈ کے کپتان کین ولیمسن دو درجے تنزلی کے ساتھ پانچویں پوزیشن پر ہے۔

    ٹیسٹ بولرز میں آسٹریلیا کے پیٹ کمنز پہلے ،بھارت کے روی چندرن ایشون دوسرے ، نیوزی لینڈ کے کائل جیمیسن تیسرے، بھارت کے جسپریت بھمرا ایک درجے تنزلی کے بعد چوتھے نمبر پر، جبکہ پاکستان کے شاہین آفریدی ایک درجے تنزلی کے بعد پانچویں نمبر پر موجود ہیں۔

    یہ بات ذہن نشین رہے کہ بابر اعظم کی ون ڈے اور ٹی ٹوئنٹی میں بادشاہت برقرار ہے۔

  • کیوی کپتان کو بھارت کے خلاف میچ وننگ اننگز کا صلہ مل گیا

    کیوی کپتان کو بھارت کے خلاف میچ وننگ اننگز کا صلہ مل گیا

    دبئی: بھارت کو ورلڈ ٹیسٹ چیمپئن شپ میں شکست دینے والی کیوی ٹیم کے کپتان کو آئی سی سی نے بڑی خوشخبری سنادی ہے۔

    تفصیلات کے مطابق ورلڈ ٹیسٹ چیمپئن شپ کے اختتام پر انٹرنیشنل کرکٹ کونسل نے ٹیسٹ پلیئرز کی نئی رینکنگ جاری کی ہے، آئی سی سی رینکنگ میں کین ولیمسن نے آسٹریلیا کے اسٹیو اسمتھ سےپہلی پوزیشن چھین لی ہے۔

    کین ولیمسن نے بھارت کیخلاف ورلڈ چیمپئن شپ کے فائنل میں اننچاس اور باون رنز کی میچ وننگ اننگز کھیلی تھی، جس پر انہیں ٹیسٹ کے نمبر ون بلے باز کا اعزاز دیا گیا۔

    آئی سی سی کی جانب سے ٹیسٹ بلے بازوں کی فہرست میں آسٹریلیا کے اسٹیو اسمتھ دوسرے نمبر پر موجود ہیں جبکہ بھارتی کپتان ویرات کوہلی کی ایک درجے تنزلی ہوئی ہے جس کے باعث وہ ٹیسٹ رینکنگ میں چوتھے نمبر پر چلے گئے ہیں، آسٹریلیا کے مارنس لیبس شیگن نے تیسری پوزیشن حاصل کی، قومی ٹیم کے بلے باز بابر اعظم بھی ٹاپ ٹین کھلاڑیوں میں جگہ نہ بناسکے۔

    بولرز رینکنگ میں آسٹریلوی فاسٹ بولر پیٹ کمنز پہلے نمبر پر موجود ہیں، بھارتی اسپنر ایشون دوسرے، کیوی بولر ٹم ساؤتھی تیسرے، جوش ہیزل ووڈ چوتھے، کیوی بولر نیل ویگنر پانچویں نمبر پر براجمان ہیں۔

    آل راؤنڈر رینکنگ میں بھارتی آل راؤنڈر رویندر جڈیجا کا پہلی پوزیشن پر قبضہ برقرار ہے، ویسٹ انڈین کپتان جیسن ہولڈر دوسرے، بین اسٹوکس تیسرے، ایشون چوتھے اور شکیب الحسن پانچویں نمبر پر موجود ہیں۔

  • آئی سی سی نے وکٹ کیپر بلے باز کو بڑی خوشخبری سنادی

    آئی سی سی نے وکٹ کیپر بلے باز کو بڑی خوشخبری سنادی

    دبئی: انٹرنیشنل کرکٹ کونسل (آئی سی سی) نے ٹیسٹ کی نئی رینکنگ جاری کردی، راولپنڈی ٹیسٹ میں یادگار سینچری کی بدولت وکٹ کیپر محمد رضوان کو بڑی خوشخبری ملی ہے۔

    تفصیلات کے مطابق آئی سی سی نے نئی ٹیسٹ رینکنگ جاری کردی ہے، ٹاپ ٹین بیٹسمین رینکنگ میں انڈیا کے کپتان ویرات کوہلی کو بڑا دھچکا لگا ہے، جہاں وہ ٹیسٹ رینکنگ میں چوتھے نمبر پر چلے گئے ہیں، نیوزی لینڈ کے کین ولیمسن پہلے، آسٹریلیا کے اسٹیو اسمتھ دوسرے اور کیویز کے ہی مارنس لیبس شیگن تیسرے نمبر پر قابض ہوگئے ہیں۔

    راولپنڈی ٹیسٹ میں جنوبی افریقا کے خلاف شاندار سینچری کی بدولت پاکستان ٹیم کے وکٹ کیپر محمد رضوان کیریئربیسٹ 16ویں نمبر پر آگئے ہیں، محمد رضوان نے راولپنڈی ٹیسٹ میں اپنی کیرئیر کی پہلی سینچری اسکور کرتے ہوئے پاکستان کی فتح میں اہم کردار ادا کیا تھا۔

    آئی سی سی ٹیسٹ رینکنگ کے مطابق قومی ٹیم کے کپتان بابراعظم چھٹےنمبرپر موجود ہیں۔

    انٹر نیشنل کرکٹ کی جانب سے ٹاپ ٹین بولرز میں آسٹریلیا کے پیٹ کمنز پہلے، انگلینڈ کے اسٹیورٹ براڈ دوسرے جبکہ چنائی ٹیسٹ میں بھارت کو گھٹنے ٹیکنے پر مجبور کرانے والے جیمز اینڈرسن تیسرے آگئے ہیں، نیوزی لینڈ کے نیل وینگر چوتھے نمبر پر براجمان ہیں، آسٹریلیا کے جوش ہیزل ووڈ پانچویں پوزیشن پر قابض ہیں، تاہم پاکستان کا کوئی بھی بولر اس بار بھی ٹاپ ٹین میں جگہ نہیں بناسکا ہے۔

    بولرز رینکنگ میں محمد عباس ترقی کے بعد 12ویں نمبر پر موجود ہیں جبکہ حسن علی کی رینکنگ میں بھی بہتری آئی ہے اور وہ 32ویں نمبر پر آگئے ہیں۔

    آل راؤنڈر رینکنگ میں انگلینڈ کے بین اسٹوک سرفہرست ہیں، ویسٹ انڈیز کے جیسن ہولڈر دوسرے جبکہ بھارت کے رویندر جڈیجا تیسرے اور بنگلہ دیش کے شکیب الحسن چوتھے نمبر پر موجود ہیں۔

    آئی سی سی کی جانب سے تازہ ترین ٹیسٹ رینکنگ بنگلہ دیش بمقابلہ ویسٹ انڈیز، پاکستان بمقابلہ جنوبی افریقا اور انڈیا بمقابلہ انگلینڈ کے درمیان کھیلے گئے پہلے ٹیسٹ کے بعد جاری کی گئی ہیں۔