ARYNews.tv | Urdu – Har Lamha Bakhabar

Tag: ICC World Test Championship

  • آسٹریلیا کو شکست، جنوبی افریقا ٹیسٹ کرکٹ کا نیا چیمپئن بن گیا

    آسٹریلیا کو شکست، جنوبی افریقا ٹیسٹ کرکٹ کا نیا چیمپئن بن گیا

    لارڈز: آئی سی سی ٹیسٹ چیمپئن شپ کے فائنل میں جنوبی افریقا نے آسٹریلیا کو 5 وکٹ سے شکست دیکر تاریخ رقم کردی۔

    جنوبی افریقا پہلی مرتبہ ورلڈ ٹیسٹ چیمپئن بن گیا، افریقی ٹیم نے فائنل میں آسٹریلیا کو 5 وکٹوں سے شکست دی، لارڈز میں کھیلے گئے ورلڈ ٹیسٹ چیمپئن شپ کے فائنل میچ میں جنوبی افریقا بیٹر ایڈین مارکرم کی شاندار پرفارمنس نے ٹیم کو جیت کے قریب کیا، مارکرم نے 136 رنز کی شاندار اننگز کھیلی۔

    ورلڈ ٹیسٹ چیمپئن شپ کے میچ میں افریقی نے ٹاسٹ جیت کر فیلڈنگ کا فیصلہ کیا تھا، آسٹریلیا نے پہلی اننگز میں 217 رنز بنائے تھے، جبکہ جنوبی افریقی ٹیم پہلی اننگز میں محض 138 رنز پر ڈھیر ہوگئی تھی۔

    آسٹریلیا نے 74 رنز کی لیڈ کے ساتھ دوسری اننگز کی شروعات کی، تاہم کینگروز کی پوری ٹیم 207 رنز بنا کر پویلین لوٹ گئی تھی، افریقا کو جیت کیلئے 282 رنز کا ہدف ملا جو میچ کے تیسرے دن کے اختتام پر ٹیم نے 2 وکٹ پر 213 رنز بنالیے تھے۔

    جنوبی افریقا کو آسٹریلیا کے خلاف تاریخی کامیابی کے لیے 69 رنز درکار تھے پروٹیز نے 5 وکٹوں کے نقصان پر 282 رنز کا ہدف کو پورا کرتے ہوئے ٹیسٹ کرکٹ کا نیا چیمپئن بن گیا

    افریقی ٹیم کی جانب سے ایڈن مرکرم شاندار اننگز کھیلتے ہوئے 136 رنز بنا کر ٹاپ اسکورر رہے، ٹیمبا باووما 66 رنز بنا سکے، دونوں نے ٹیم کی فتح میں اہم کردار ادا کیا۔

  • انگلینڈ کو شکست، بھارت ورلڈ ٹیسٹ چیمپئن شپ کے فائنل میں

    انگلینڈ کو شکست، بھارت ورلڈ ٹیسٹ چیمپئن شپ کے فائنل میں

    احمد آباد: بھارت چوتھے ٹیسٹ میں مہمان انگلینڈ کو ایک اننگز اور 25 رنز سے شکست دیکر آئی سی سی ٹیسٹ چیمپیئن شپ کے فائنل میں پہنچ گیا ہے۔

    تفصیلات کے مطابق احمدآباد کے مودی اسٹیڈیم میں کھیلے گئے چوتھے ٹیسٹ میچ میں بھارت نے انگلینڈ کو اننگز اور 25 رنز سے شکست دے کر ٹیسٹ سیریز 3-1 سے اپنے نام کرلی اور ساتھ ہی تاریخ رقم کرتے ہوئے آئی سی سی ٹیسٹ چمپئن شپ کے فائنل کے لیے کوالیفائی کرلیا۔

    آئی سی سی ٹیسٹ چمپیئن شپ کے فائنل میں بھارت کا مقابلہ نیوزی لینڈ سے ہوگا دونوں ٹیمیں رواں سال 18 جون کو لارڈز میں آمنے سامنے ہونگی۔

    آج میچ کے چوتھے روز انگلینڈ کی ٹیم دوسری اننگز میں 135 رنز بنا کر آؤٹ ہوئی، بھارت کی جانب سے اشون اور اکشر پٹیل نے 5-5 وکٹیں حاصل کیں، انگلینڈ کی جانب سے لارنس نے سب سے زیادہ 50 رنز بنائے، اس کے علاوہ جو روٹ صرف 30 رنز بنا سکے۔

    اس سے قبل بھارت اپنی پہلی اننگز میں 365 رنز بناکر آؤٹ ہوگئی تھی، بھارت کی جانب سے رشبت پنت نے 101 اور سُندر 96 رنز کی دلکش اننگز کھیلی تھی، بھارت کو انگلینڈ کے خلاف دوسری اننگز میں 160 رنز کی برتری حاصل ہوئی تھی۔

    احمد آباد ٹیسٹ کے آغاز پر انگلینڈ نے ٹاس جیت کر پہلے بیٹنگ کا فیصلہ کیا تھا، مگر ایشون اور ایکشر پٹیل کی اسپن بولنگ کے سامنے انگلش بلے باز 205 رنز پر ڈھیر ہوگئے تھے، دونوں اسپنرز نے پہلی اننگز میں 7 انگلش بلے بازوں کو پویلین کی راہ دکھائی تھی۔

    شاندار سینچری پر مین آف دی میچ کا ایوارڈ رشبھ پنت کو دیا گیا جبکہ مین آف دی سیریز روی چندن ایشون کے نام رہا۔

  • آئی سی سی نے ورلڈ ٹیسٹ چیمپئن شپ کا اعلان کردیا

    آئی سی سی نے ورلڈ ٹیسٹ چیمپئن شپ کا اعلان کردیا

    دبئی: انٹرنیشنل کرکٹ کونسل (آئی سی سی) نے ورلڈ ٹیسٹ چیمپئن شپ کا اعلان کر دیا جس میں 9 ٹیمیں حصہ لیں گی۔

    تفصیلات کے مطابق آئی سی سی نے ورلڈ ٹیسٹ چیمپئن شپ کا اعلان کر دیا جس میں 9 ٹیمیں حصہ لیں گی۔ دو سال پر محیط چیمپئن شپ میں 27 سیریز کھیلی جائیں گی جس میں مجموعی طور پر 72 ٹیسٹ ہوں گے۔

    ورلڈ ٹیسٹ چیمپئن شپ کا پہلا ٹیسٹ انگلینڈ اور آسٹریلیا کے درمیان یکم اگست سے شروع ہوگا اور ورلڈ ٹیسٹ چیمپئن شپ کا فائنل جون 2021 میں انگلینڈ میں ہوگا۔

    ورلڈ ٹیسٹ چیمپئن شپ کے دوران ہر ٹیم تین ملکی اور تین غیر ملکی سیریز کھیلے گی اور ہر سیریز کے 120 پوائنٹس ہوں گے۔ دو ٹیسٹ میچ پر مشتمل سیریز کے 60، 60 پوائنٹس ہوں گے جبکہ 3 ٹیسٹ میچز پر مشتمل سیریز میں ہر میچ کے 40 پوائنٹس ہوں گے۔

    آئی سی سی کے مطابق اسی طرح 4 ٹیسٹ میچوں کی سیریز میں ایک میچ جتینے پر 30 پوائنٹس ملیں گے جبکہ میچ برابر ہونے کی صورت میں دونوں ٹیموں کو 15، 15 پوائنٹس ملیں گے اور میچ ڈرا ہونے کی صورت میں دونوں ٹیمیں 10، 10 پوائنٹس کی حقدار ٹھہریں گی۔

    انٹرنیشنل کرکٹ کونسل کے مطابق 5 ٹیسٹ میچوں کی سیریز میں ایک میچ جیتنے پر 24 پوائنٹس ملیں گے جبکہ برابر ہونے کی صورت میں 12 اور ڈرا ہونے پر 8 پوائنٹس ملیں گے۔

    جنرل منیجر انٹرنیشنل کرکٹ کونسل جیف آلارڈائس کا کہنا ہے کہ ورلڈ ٹیسٹ چیمپئین شپ سے باہمی سیریز میں مقابلہ بڑھے گا۔

    انگلش ٹیم کے فاسٹ باؤلر جیمی اینڈرسن نے ورلڈ ٹیسٹ چیمپئن شپ کو زبردست اقدام قرار دیتے ہوئے کہا کہ ٹیسٹ کرکٹ بڑی اہمیت کی حامل ہے جبکہ بھارتی کپتان ویرات کوہلی کہتے ہیں آئی سی سی ٹیسٹ چیمپئن شپ کے منتظر ہیں۔