لندن: پاکستان کے اسٹار آل راؤںڈر بوم بوم شاہد آفریدی کو آئی سی سی ورلڈ الیون کا کپتان مقرر کردیا گیا.
تفصیلات کے مطابق شاہد آفریدی ورلڈ الیون اور ویسٹ انڈیز کے مابین کھیلے جانے والے میچ میں کپتانی کے فرائض انجام دیں گے، یہ میچ31 مئی کو لارڈز میں کھیلا جائے گا.
آفریدی کو یہ ذمے داری معروف انگلش کرکٹر ایون مورگن کے زخمی ہونے کے بعد سونپی گئی، جو اب اسکوڈ سے الگ ہوگئے ہیں.
بوم بوم کہتے ہیں کہ ورلڈ الیون کی قیادت کرنا اعزاز کی بات ہے، فنڈ ریزنگ ٹی ٹوئنٹی میچ اچھے مقصد کے لئے کھیلا جاررہا ہے.
انھوں نے سماجی رابطے کی ویب سائٹ ٹویٹر پر اپنے خیالات کا اظہار کرتے ہوئے امید ظاہر کی کہ دونوں ٹیموں کے کھلاڑی بھرپور جذبے کے ساتھ میدان میں اتریں گے اور ناظرین کو معیاری کرکٹ دیکھنے کو موقع ملے گا.
“It’s a great honour to be leading the ICC World XI side, that too for such a good cause. I’m sure all the players from either side are looking forward to the match with great enthusiasm and people will get to see some high-quality cricket on Thursday.”
— Shahid Afridi (@SAfridiOfficial) May 29, 2018
یاد رہے کہ ابتدا میں خدشہ ظاہر کیا جارہا تھا کہ انجری کے باعث شاہد آفریدی اس مقابلے میں شرکت نہیں کرسکیں گے، وہ پاکستان سپر لیگ سیزن تھری میں پریکٹس سیشن کے دوران گھنٹے کی انجری کا شکار ہوئے تھے.
ڈاکٹرز نے بوم بوم کو ایک ماہ آرام کا مشورہ دیا تھا. البتہ 18 مئی کو آفریدی نے اپنے مداحوں کو یہ خوش خبری سنائی کہ وہ اس مقابلے میں شرکت کریں گے.
تازہ ترین خبر یہ ہے کہ اب شاہد آفریدی اس میچ میں کپتانی کے فرائض نبھائیں گے.
شاہد آفریدی کا ورلڈ الیون کی جانب سے میچ کھیلنے کا اعلان
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
