Tag: ICC

  • آئی سی سی نے پاک بھارت میچ کےلیے گرین سگنل دے دیا

    آئی سی سی نے پاک بھارت میچ کےلیے گرین سگنل دے دیا

    لندن : ورلڈ کپ دو ہزارانیس کا کاؤنٹ ڈاؤن شروع ہوچکا ہے اور آئی سی سی نے پاک بھارت میچ کےلیے گرین سگنل دے دیا۔

    تفصیلات کے مطابق انگلینڈ میں ہونے والا ورلڈ کپ 2019 تیس مئی سے چودہ جولائی تک کھیلا جائے گا، شائقین کرکٹ اس میگا ایونٹ کو دیکھنے کے لیے بے تاب ہیں۔

    ورلڈ کپ میں آسٹریلوی ٹیم ٹائٹل کا دفاع کرنے کو تیار ہے تو قومی کرکٹ ٹیم بھی میچ میں جیت کے لیے پُرعزم ہے۔

    انٹرنیشنل کرکٹ کونسل (آئی سی سی) ورلڈ کپ 2019 کے شیڈول کا باضابطہ اعلان کرچکی ہے اور بھارتی میڈیا نے کہا ہے کہ ورلڈ کپ میں پاکستان اور بھارت کے درمیان ہونے والا میچ شیڈول کے مطابق کھیلا جائے گا۔

    آئی سی سی کے اعلان کردہ شیڈول کے تحت ٹورنامنٹ مئی 30 سے جولائی 14 کے درمیان انگلینڈ اور ویلز میں کھیلا جائے گا۔

    بھارتی بربریت کا شکار مقبوضہ کشمیر کے ضلع پلوامہ حملے کے بعد بھارت حواس باختہ ہوگیا ہے ساتھ ہی سابق کرکٹر ہربھجن سنگھ بھی اس میں پیش پیش نظر آرہے ہیں، بھارتی کرکٹر نے پلوامہ حملے کی مذمت کرتے ہوئے کہا تھا کہ ’ملک ہمارے لیے پہلے ہے۔‘ ہم سب کو اپنی فوج کو سپورٹ کرنے کی ضرورت ہے۔

    پلوامہ حملہ: بھارت ورلڈ کپ میں پاکستان سے میچ کا بائیکاٹ کرے، ہربھجن سنگھ

    سابق بھارتی اسپنر نے بی سی سی آئی سے مطالبہ کیا ہے کہ بھارتی ٹیم ورلڈ کپ 2019 میں پاکستان کے خلاف میچ نہ کھیلے اور اس کا بائیکاٹ کرے۔

    واضح رہے کہ پلوامہ خودکش حملے میں 44 بھارتی فوجی مارے گئے تھے جس کے بعد بھارت نے پاکستان کے خلاف محاذ کھول دیا، تجارتی پابندی کے ساتھ ساتھ پاکستانی اداکاروں پر بھارتی فلموں میں کام کرنے اور بھارت میں پاکستان سپر لیگ کے نشر کرنے پر بھی پابندی عائد کردی ہے۔

  • آئی سی سی نےمینز، ویمنز ٹی 20 ورلڈکپ کے شیڈول کا اعلان کردیا

    آئی سی سی نےمینز، ویمنز ٹی 20 ورلڈکپ کے شیڈول کا اعلان کردیا

    دبئی: انٹرنیشنل کرکٹ کونسل نے مینز اور ویمنز ٹی ٹوئنٹی ورلڈکپ 2020 کے شیڈول کا اعلان کردیا۔

    تفصیلات کے مطابق آئی سی سی نے میز اور ویمنز ٹی ٹوئنٹی ورلڈکپ کی تاریخوں کا اعلان کردیا جو آئندہ برس آسٹریلیا میں ہوگا۔

    ویمنز ٹی ٹوئنٹی ورلڈکپ 21 فروری 2020 سے 8 مارچ 2020 تک کھیلا جائے گا ایونٹ کی 10 ٹیمیں 23 میچز کھیلیں گی۔

    دوسری جانب مینز ٹی ٹوئنٹی ورلڈکپ کا انعقاد 18 اکتوبر2020 سے 15 نومبر 2020 تک ہوگا جس میں 16 ٹیمیں 45 میچز کھیلیں گے اور ایونٹ کے تمام میچز آسٹریلیا میں ہی کھیلے جائیں گے۔

    پاکستان اور بھارت کی ٹیمیں الگ الگ گروپ میں شامل ہیں گروپ ون میں پاکستان، آسٹریلیا، نیوزی لینڈ، ویسٹ انڈیز اور 2 کوالیفائر ٹیمیں شامل ہیں جبکہ گروپ ٹو میں بھارت، جنوبی افریقہ، انگلینڈ، افغانستان اور 2 کوالیفائر ٹیمیں شامل ہوں گی۔

    ٹی ٹوئنٹی ورلڈکپ کا پہلا سیمی فائنل 11 نومبر کو سڈنی اور دوسرا سیمی فائنل 12 نومبر کو ایڈیلیڈ میں کھیلا جائے گا اور ٹی ٹوئنٹی ورلڈکپ 2020 کا فائنل 15 نومبرکو میلبرن میں کھیلا جائے گا۔

  • چوتھا ون ڈے، پاکستان نے جنوبی افریقا کو 8 وکٹوں سے شکست دے دی

    چوتھا ون ڈے، پاکستان نے جنوبی افریقا کو 8 وکٹوں سے شکست دے دی

    جوہانسبرگ: پاکستان نے جنوبی افریقا کو چوتھے ون ڈے میچ میں 8 وکٹوں سے شکست دے دی، عثمان شنواری کو شاندار کارکردگی پر میچ کا بہترین کھلاڑی قرار دیا گیا۔

    تفصیلات کے مطابق پاکستان نے جنوبی افریقا کی جانب سے دیا جانے والا 165 رنز کا ہدف دو وکٹوں کے نقصان پر حاصل کرلیا، پانچ میچوں کی سیریز 2-2 سے برابر ہوگئی۔

    ہدف کے تعاقب میں پاکستان کے اوپنر نے شاندار پارٹنر شپ قائم کی، گرین شرٹس کی پہلی وکٹ 70 رنز پر گری جب فخر زمان 44 رنز بنا کر لیگ اسپنر عمران طاہر کی گیند پر کیچ آؤٹ ہوئے۔

    امام الحق 71 رنز بنا کر ربادا کی گیند پر ڈی کوک کو کیچ دے بیٹھے،  بابر اعظم نے ناقابل شکست  41 رنز بنائے، محمد رضوان 4 رنز بناکر ناقابل شکست رہے۔

    جنوبی افریقا کی جانب سے لیگ اسپنر عمران طاہر اور ربادا نے ایک، ایک وکٹ حاصل کی۔

    پاکستان اور جنوبی افریقہ کے درمیان پانچ ون ڈے میچز پرمشتمل سیریز کے چوتھے میچ میں عثمان شنواری کی شاندار باؤلنگ کی بدولت قومی ٹیم نے میزبان ٹیم کو 164 رنز تک محدود کردیا۔

     چوتھے ون ڈے میچ میں جنوبی افریقہ نے ٹاس جیت کر پہلے بیٹنگ کا فیصلہ کیا تو میزبان ٹیم کی جانب ہاشم آملہ اور کوئنٹن ڈی کوک نے اننگز کا آغاز کیا۔

    نوجوان فاسٹ باؤلرشاہین آفریدی نے شاندار باؤلنگ کرتے ہوئے 3 کے مجموعی اسکور پر کوئنٹن ڈی کوک کو ایل بی ڈبلیو کیا، وہ کوئی رنز نہ بناسکے جبکہ 18 کے مجموعی اسکور پرریزا ہینڈرکس بھی 2 رنز بنا کر آؤٹ ہوئے۔

    بعد ازاں جنوبی افریقا کی دوسری وکٹ 18 کے مجموعی اسکور پر گری، ہاشم آملہ اور کپتان ڈوپلیسی نے شراکت داری قائم کی اور اسکور 119 تک پہنچایا البتہ ڈوپلیسی شاداب خان کی گیند پر کیچ آؤٹ ہوکر پویلین گئے، عماد وسیم نے 130 کے مجموعی اسکور پر اوپنر آملہ کو کلین بولڈ کر کے پویلین کی راہ دکھائی۔

    نئے آنے والے کھلاڑی ملر صرف چار زنز کی انفرادی اننگز کھیل سکے اور وہ محمد عامر کی بال پر ایل بی ڈبلیو ہوکر پویلین روانہ ہوئے یوں 32ویں اوور میں 140 کے مجموعی اسکور پر جنوبی افریقا کی آدھی ٹیم پویلین لوٹ چکی تھی۔

    عثمان شنواری نے 38 ویں اوور میں تین بلے بازوں کو پویلین کی راہ دکھائی اور میچ کا نقشہ ہی پلٹ دیا، انہوں نے پہلے ڈوسسین، اسٹین، ربادا کی وکٹیں حاصل کیں اگلے اوور میں پاکستانی باؤلر نے ایک اور وکٹ حاصل کی۔

    مجموعی طور پر جنوبی افریقا کی ٹیم 41 ویں اوور میں 164 رنز بنا کر آل آؤٹ ہوئی، عثمان شنواری نے چار، شاہین آفریدی اور شادان خان نے 2، 2 وکٹیں حاصل کیں، میزبان ٹیم کے 7 بلے باز ڈبل فیگر میں بھی داخل نہ ہوسکے۔

    اسکور کارڈ باؤلرز کی کارکردگی

    بگ بیش کھیل کر قومی ٹیم کو جوائن کرنے والے پاکستانی باؤلر نے اپنی شاندار کارکردگی کینسر کے مریضوں کے نام کردی۔

     

    یاد رہے کہ آئی سی سی نے سرفراز احمد پر چار میچز کی پابندی عائد کردی جس کے بعد  شعیب ملک قومی کرکٹ ٹیم کی کپتانی کررہے ہیں۔

    شعیب ملک کا کہنا ہے کہ سرفرازدوسرے ون ڈے میں ہونے والے واقعے کی وجہ سے نہیں کھیل رہے، سرفرازسے متعلق آئی سی سی کا فیصلہ آنا ہے، مزید بات نہیں کرنا چاہتا۔

    دوسری جانب جنوبی افریقہ کے کپتان فاف ڈوپلیسی کا کہنا ہے کہ بتایا گیا ہے سرفرازاحمد 4 میچزکے لیے باہرہے، سرفرازاحمد سے متعلق آئی سی سی کا فیصلہ جلد آجائے گا۔

    اسکواڈ پاکستانی ٹیم

    قومی ٹیم محمد حفیظ، بابر اعظم، امام الحق، کپتان شعیب ملک، شاداب خان، حسن علی، رضوان احمد حسین طلعت، فہیم اشرف اور شاہین آفریدی پر مشتمل ہے۔

    جنوبی افریقا ٹیم اسکواڈ

    دوسری جانب جنوبی افریقہ کی ٹیم میں کوئنٹن ڈی کوک، کپتان فاف ڈوپلیسی، ہاشم آملہ، ریزا ہینڈرک، ریسی وین دیر ڈیسن، اینڈلے فلکوایو، ڈیوڈ ملر، ڈیل اسٹین، کگیسورا بادا، بیرون ہینڈرکس، اور تبریز شمسی پرمشتمل ہے۔

    ڈک ورتھ لوئس قانون: پاکستان کو جنوبی افریقا کے ہاتھوں شکست

    یاد رہے کہ دو روز قبل پاکستان اور جنوبی افریقہ کے درمیان کھیلے جانے والے تیسرے ون ڈے میچ میں ڈک ورتھ لوئس قانون کے تحت میزبان ٹیم کو 13 رنز سے فتح یاب قرار دیا گیا تھا۔

    واضح رہے کہ پانچ میچوں کی سیریز میں جنوبی افریقہ کو 1-2 کی برتری حاصل ہے۔

  • سرفراز پر چار میچز کی پابندی، آئی سی سی کے فیصلے پر پی سی بی کا ردعمل

    سرفراز پر چار میچز کی پابندی، آئی سی سی کے فیصلے پر پی سی بی کا ردعمل

    لاہور: پاکستان کرکٹ بورڈ نے انٹرنیشنل کرکٹ کونسل کے فیصلہ پر مایوسی کا اظہار کرتے ہوئے کپتان سرفراز احمد کو فوری وطن واپس بلانے کا فیصلہ کرلیا۔

    تفصیلات کے مطابق انٹرنیشنل کرکٹ کونسل نے نسل پرستانہ جملے کسنے کی پاداش میں قومی کرکٹ ٹیم کے کپتان سرفراز احمد پر چار میچز کی پابندی عائد کردی۔

    آئی سی سی نے سماجی رابطے کی ویب سائٹ ٹویٹر پراپنے پیغام میں کہا کہ سرفراز احمد پر4 میچزکی پابندی عائد کردی گئی، سرفراز احمد جنوبی افریقہ کے خلاف ون ڈے سیریز میں آج سمیت بقیہ ون ڈے اور 2 ٹی ٹوئنٹی میچز میں پاکستان کی قیادت نہیں کرسکیں گے۔

    مزید پڑھیں: آئی سی سی نے سرفرازاحمد پر4 میچوں کی پابندی لگا دی

    آئی سی سی نے ٹویٹر پر اپنے پیغام میں کہا کہ سرفراز احمد کے خلاف نسل پرستانہ جملوں پر کارروائی کی اور  وہ آئی سی سی اینٹی ریس از کوڈ کی خلاف ورزی کے مرتکب پائے گئے ہیں۔

    پاکستان کرکٹ بورڈ نے آئی سی سی کے فیصلے پر مایوس کن قرار دیتے ہوئے کپتان کو فوری وطن واپس بلانے کا فیصلہ کیا۔ پی سی بی نے اپنے جاری اعلامیے میں کہا کہ نسل پرستی پرمبنی رویےکی سخت مخالفت کرتےہیں، شعیب ملک سیریزکے باقی تمام میچز میں کپتان ہوں گے۔

    یہ بھی پڑھیں: سرفراز کی بات کا ترجمہ کیوں نہیں کیا؟ رمیز راجہ نے بتادیا

    اسے بھی پڑھیں: سرفراز کی بات کا ترجمہ کیوں نہیں کیا؟ رمیز راجہ نے بتادیا

    پاکستان کرکٹ بورڈ کے مطابق محمد رضوان کو ٹی ٹوئنٹی اسکواڈ میں بطور کپیر شامل کرلیا گیا۔

    واضح رہے کہ دوسرے ون ڈے میچ کے دوران قومی کرکٹ ٹیم کے کپتان جنوبی افریقی کھلاڑی فلک کوائیو کے خلاف سخت جملے کسنے پر تنقید کی زد میں رہے۔

  • ثنا میر کے لیے ایک اور اعزاز

    ثنا میر کے لیے ایک اور اعزاز

    کراچی: پاکستان ویمن ٹیم کی سابق کپتان ثنا میر نے ایک اور اعزاز حاصل کرلیا۔ ثنا میر انٹرنیشل کرکٹ کاؤنسل ویمن ون ڈے ٹیم آف دی ایئر کا حصہ بن گئیں۔

    تفصیلات کے مطابق انٹرنیشل کرکٹ کاؤنسل (آئی سی سی) نے سال کی بہترین ٹی 20 اور ون ڈے ٹیم کا اعلان کردیا۔

    ٹی 20 ٹیم میں کوئی پاکستانی کھلاڑی شامل نہیں البتہ ون ڈے ٹیم میں پاکستان کی سابق کپتان ثنا میر جگہ بنانے میں کامیاب ہوگئیں۔

    ثنا میر کو سال 2018 میں ورلڈ ٹی 20 کی بہترین گیند کروانے کا بھی اعزاز حاصل ہے۔

    گزشتہ برس انہیں آئی سی سی کی جانب سے جاری کردہ خواتین کی ون ڈے رینکنگ میں باؤلنگ میں صف اول پر رکھا گیا۔

    سنہ 2005 میں سری لنکا کے خلاف اپنے کرکٹ کیریئر کا آغاز کرنے والی ثنا اب تک 108 ون ڈے میچز کھیل چکی ہیں۔ 108 ون ڈے میچز میں ثنا 1 ہزار 4 سو 91 رنز بنا چکی ہیں جبکہ انہوں نے 127 وکٹیں حاصل کی ہیں۔

    ثنا میر ون ڈے میچز میں 100 وکٹیں حاصل کرنے والی پہلی پاکستانی خاتون کرکٹر بھی ہیں۔

  • ’’امپائر پر کیوں چیخے؟‘‘ آئی سی سی نے شکیب الحسن پر جرمانہ عائد کر دیا

    ’’امپائر پر کیوں چیخے؟‘‘ آئی سی سی نے شکیب الحسن پر جرمانہ عائد کر دیا

    دبئی: آئی سی سی نے بنگلہ دیش کے کپتان شکیب الحسن پر میچ فیس کا 15 فیصد جرمانہ عائد کرنے کا اعلان کر دیا۔

    تفصیلات کے مطابق ویسٹ انڈیز اور بنگلہ دیشں کے مابین ہونے والے ٹی ٹوئنٹی میچ میں امپائر پر چلانے پر بنگلہ دیشی کپتانی پر جرمانہ عائد کیا گیا۔

    شکیب الحسن نے بنگلہ دیش کی بیٹنگ کے 14 ویں اوور کی ایک گیند کو ’وائیڈ‘ قرار نہ دینے پر شدید احتجاج کیا تھا، شکیب الحسن پہلے امپائر پر چلائے، بعد ازاں ان کے اور امپائر کے درمیان بحث ہوئی۔

    واضح رہے کہ میچ میں شکیب کی نصف سنیچری کے باوجود بنگلہ دیش کو شکست کا سامنا کرنا پڑا تھا۔

    آئی سی سی کے مطابق شکیب کا رویہ افسوس ناک تھا، انھوں نے میچ کے بعد اپنی حرکت کا اقرار کیا۔

    بنگلہ دیشی آل راؤنڈر کے جارحانہ رویے پر ان کی کارکردگی کے پوائنٹس میں بھی کٹوتی کی گئی ہے، 2016 میں پوائنٹس میں کمی کا نظام متعارف ہونے کے بعد یہ دوسرا موقع ہے، جب شکیب الحسن کو اس مسئلے کا سامنا کرنا پڑا۔


    مزید پڑھیں: فکسنگ اسکینڈل: ناصر جمشید پر برطانیہ میں فرد جرم عائد


    خیال رہے کہ ویسٹ انڈیز کی ٹیم ان دنوں بنگلہ دیش کے دورے پر ہے، دونوں ٹیموں کے درمیان تین ٹی ٹوینٹی میچز کھیلے جائیں گے۔

    واضح رہے کہ بنگلہ دیش ویسٹ انڈیز کے خلاف ٹیسٹ اور ون ڈے سیریز اپنے نام کر چکی ہے۔

  • آئی سی سی نے ورلڈ ٹی ٹوئنٹی کا نام تبدیل کردیا

    آئی سی سی نے ورلڈ ٹی ٹوئنٹی کا نام تبدیل کردیا

    دبئی: انٹرنیشنل کرکٹ کونسل نے ورلڈ ٹی ٹوئنٹی کا نام تبدیل کر دیا، قومی کرکٹ ٹیم کے کپتان سرفراز احمد نے نام کی تبدیلی کو خوش آئند قرار دیا۔

    تفصیلات کے مطابق انٹرنیشنل کرکٹ کونسل نے جمعے کے روز ورلڈ ٹی ٹوئنٹی کا نام تبدیل کرنے کے حوالے سے اعلامیہ جاری کیا جس کے مطابق آئندہ ایونٹ کو ’ٹی ٹوئنٹی ورلڈکپ‘ لکھا اور پڑھا جائے گا۔

    آئی سی سی نے سن 2020 میں ہونے والے ٹی ٹوئنٹی ورلڈ کپ کا شیڈول بھی جاری کیا جس کا انعقاد آسٹریلیا میں کیا جائے گا۔

    دوسری جانب قومی کرکٹ ٹیم کے کپتان سرفراز احمد کا ورلڈ ٹی ٹوئنٹی کے نام کی تبدیلی کو خوش آئند قرار دیتے ہوئے کہنا تھا کہ پاکستان ٹی 20 کی بہترین ٹیموں میں سے ایک ہے۔

    مزید پڑھیں: ٹی ٹوئنٹی رینکنگ، پاکستان کی پہلی پوزیشن اوربابراعظم بہترین بلے باز قرار

    اُن کا کہنا تھا کہ امید ہے 2020 کے ٹی20 ورلڈ کپ تک پاکستان ٹیم مزید مضبوط ہوجائے گی اور ہم اس ٹرافی کو حاصل کریں گے۔

    یاد رہے کہ انٹرنیشنل کرکٹ کونسل نے ایک اننگز میں 20 اوورز کا مختصر کھیل 2007 میں متعارف کرایا تھا جس کا پہلا میچ 2007 میں جنوبی افریقا کے اسٹیڈیم میں کھیلا گیا تھا۔ جس میں پاکستان اور روایتی حریف بھارت کی ٹیمیں آمنے سامنے تھیں۔

    آئی سی سی کے تحت اب تک 5 بار ٹی ٹوئنٹی ورلڈکپ کا انعقاد کیا گیا، ان مقابلوں میں 16 ٹیمیں شامل ہیں جن میں 10 مستقبل اور 6 غیر مستقل ٹیمیں ہیں۔

    ورلڈ کپ کا انعقاد ہر دو سال بعد منعقد کیا جاتا تھا مگر آخری بار 2016 میں ورلڈکپ کا انعقاد کیا گیا تھا جس کے بعد اب 2020 میں مقابلوں کا انعقاد کیا جائے گا۔

    یہ بھی پڑھیں: ٹی ٹوئنٹی رینکنگ: پاکستان کی پہلی پوزیشن برقرار

    ٹی ٹوئنٹی ورلڈ کپ کا پہلا مقابلہ 2007 میں جنوبی افریقہ میں منعقد ہوا جس میں بھارتی ٹیم فائنل میں پاکستان کو ہرا کر فاتح قرار پائی تھی بعد ازاں 2009 میں انگلینڈ میں ایونٹ کا انعقاد ہوا جس میں پاکستان نے فائنل میں سرلنکا کو شکست دی تھی جبکہ تیسرے ورلڈکپ کا انعقاد 2010 میں ویسٹ انڈیز میں ہوا جس میں انگلینڈ نے آسٹریلیا کو شکست دی تھی۔

    چوتھے ورلڈ کپ کا انعقاد سری لنکا میں ہوا جہاں ویسٹ انڈیز نے فائنل میں میزبان ٹیم کو شکست دے کر ٹرافی اپنے نام کی تھی اسی طرح پانچویں ٹی ٹوئنٹی ورلڈکپ کا انعقاد بنگلہ دیش میں ہوا تھا جس میں سری لنکا کی ٹیم چیمپئن بنی تھی۔

  • آئی سی سی نے بھارت کے خلاف پاکستان کی درخواست خارج کردی

    آئی سی سی نے بھارت کے خلاف پاکستان کی درخواست خارج کردی

    دبئی : انٹرنیشنل کرکٹ کونسل نے بھارت کے خلاف پاکستان کرکٹ بورڈ کا کیس خارج کردیا، آئی سی سی نے فریقین کے دلائل سننے کے بعد درخواست پرفیصلہ سنایا۔

    تفصیلات کے مطابق پاکستان کرکٹ بورڈ نے سیریزنہ کھیلنے پرہرجانے کی رقم کے لیے آئی سی سی میں بھارتی کرکٹ بورڈ کے خلاف درخواست دائرکی تھی۔

    انٹرنیشنل کرکٹ کونسل نے درخواست پرفریقین کے دلائل سننے کے بعد فیصلہ سناتے ہوئے پاکستان کی درخواست خارج کردی۔

    پاکستان کرکٹ بورڈ نے گزشتہ سال مئی میں معاہدے کی خلاف ورزی پر آئی سی سی کی تنازعات کے حل کے لیے قائم کمیٹی کے تحت بھارتی کرکٹ بورڈ کو نوٹس بھجواتے ہوئے 60 ملین ڈالر ادا کرنے کا مطالبہ کیا تھا۔

    پی سی بی اور بھارتی کرکٹ بورڈ کے درمیان ایک معاہدے کی یاداشت پردستخط کیے گئے تھے جس کے تحت 2015 سے 2022 تک دونوں ملکوں کے درمیان 6 دو طرفہ سیریز کھیلی جانی تھیں۔

    پاکستان اور بھارت کے درمیان 2007ء میں بھارت میں گئی کرکٹ سیریز کے بعد سے کوئی باقاعدہ مکمل کرکٹ سیریز نہیں کھیلی گئی۔

    یاد رہے کہ رواں سال 25 ستمبرکو آئی سی سی کے چیف ڈیوڈ رچرڈسن کا کہنا تھا کہ پاکستان اور بھارت کو آپس کے تنازعات خود حل کرنے ہوں گے، آئی سی سی معاونت فراہم کرسکتی ہے۔

  • آئی سی سی کی ٹی 20 رینکنگ جاری، بابراعظم کی پہلی پوزیشن برقرار

    آئی سی سی کی ٹی 20 رینکنگ جاری، بابراعظم کی پہلی پوزیشن برقرار

    دبئی: آئی سی سی نے ٹی 20 کی نئی رینکنگ جاری کردی، فارمیٹ کی نمبر ون ٹیم پاکستان کے کھلاڑی فہرست میں نمایاں پوزیشن حاصل کرنے میں‌ کامیاب رہے.

    تفصیلات کے مطابق آئی سی سی کی نئی ٹی 20 درجہ بندی  میں پاکستان کے اسٹار بیٹسمین بابر اعظم پہلی پوزیشن پر براجمان ہیں.

    [bs-quote quote=” فاسٹ بولر فہیم اشرف کی پوزیشن میں واضح بہتری آئی ہے، وہ لمبی چھلانگ، ساتویں نمبر پر آگئے” style=”style-7″ align=”left”][/bs-quote]

    یاد رہے کہ ٹی 20 میں تیز ترین ہزار رن اسکور کرنے کا ریکارڈ بھی بابر اعظم ہی کے پاس ہے.

    اچھی کارکردگی کے بدولت فاسٹ بولر فہیم اشرف کی پوزیشن میں بھی واضح بہتری آئی ہے، وہ لمبی چھلانگ لگا کر ساتویں نمبر پر آگئے، پاکستان کے باصلاحیت اوپنر فخر زمان کی پانچویں پوزیشن برقرار ہے.

    بولرز کی رینکنگ میں افغانستان کے راشد خان ٹاپ پر ہیں، جب کہ عماد وسیم دو درجے ترقی کے بعد آٹھویں نمبر پر پہنچ گئے۔


    مزید پڑھیں: دبئی: پاکستان اور نیوزی لینڈ کا میچ بارش کی نذر، سیریز 1-1 سے برابر


    پاکستانی آل راؤنڈ محمد حفیظ کو بھی اپنی عمدہ کارکردگی صلہ مل گیا، آل راونڈرز رینکنگ میں وہ گیارہویں نمبر پر آگئے ہیں.

    واضح رہے کہ پاکستان اس وقت ٹی 20 کی نمبر ون ٹیم ہے، رواں برس اس نے آسٹریلیا اور نیوزی لینڈ جیسی بڑی ٹیم کو ٹی 20 سیریز میں وائٹ واش کیا.

  • ٹی 20 رینکنگ: بابر اعظم نمبر ون بیٹسمین بن گئے

    ٹی 20 رینکنگ: بابر اعظم نمبر ون بیٹسمین بن گئے

    انٹرنیشنل کرکٹ کونسل کی نئی ٹی 20 کی رینکنگ میں پاکستان کے بابر اعظم بیٹسمین رینکنگ میں پہلے نمبر پر آگئے۔

    تفصیلات کے مطابق انٹرنیشنل کرکٹ کونسل نے ٹی 20 کی نئی رینکنگ جاری کر دی۔ پاکستان کے بابر اعظم بیٹسمین رینکنگ میں پہلے نمبر پر آگئے۔

    آئی سی سی رینکنگ میں فخر زمان پانچویں نمبر پر موجود ہیں۔ بولرز رینکنگ میں پاکستان کے شاداب خان کی دوسری پوزیشن برقرار ہے۔

    آئی سی سی ریکنگ کے مطابق عماد وسیم بھی ٹاپ ٹین بولرز میں شامل ہیں۔ آل راؤنڈرز رینکنگ میں شعیب ملک کا بارہواں نمبر ہے۔

    خیال رہے کہ چند روز قبل بھی انٹرنیشل کرکٹ کونسل کی خواتین ون ڈے رینکنگ میں پاکستانی خواتین کرکٹ ٹیم کی سابق کپتان ثنا میر خواتین بولرز میں پہلے نمبر پر براجمان ہوئیں۔

    خواتین بولرز میں پہلی 3 میں سے 2 پوزیشن پاکستان کے پاس تھیں۔ ثنا میر رینکنگ میں 663 ریٹنگ پوائنٹس کے ساتھ سرفہرست رہیں۔

    ٹی 20 بولرز کی رینکنگ میں پاکستان ویمن ٹیم کی ایک اور کھلاڑی انعم امین بھی شامل تھیں جو تیسرے نمبر پر تھیں۔