Tag: ICC

  • کرکٹ ورلڈ کپ : کل زمبابوے اور متحدہ عرب امارت کی ٹیمیں مدمقابل ہونگی

    کرکٹ ورلڈ کپ : کل زمبابوے اور متحدہ عرب امارت کی ٹیمیں مدمقابل ہونگی

    سڈنی: ورلڈ کپ دوہزار پندرہ میں کل زمبابوے اور متحدہ عرب امارات کی ٹیمیں مدمقابل ہونگی۔

    آسٹریلیا اور نیوزی لینڈ میں گیارہویں ورلڈ کپ کے سنسنی خیز میچز کا سلسلہ جاری ہے،عالمی کا آٹھواں میچ کل پول بی میں موجود زمبابوے اور یو اے ای کی ٹیموں کے درمیان نیلسن میں کھیلا جائے گا۔

     زمبابوے کو ایونٹ کے پہلے میچ میں جنوبی افریقہ کے ہاتھوں باسٹھ رنز سے شکست ہوئی تھی، متحدہ عرب امارات کی ٹیم ایونٹ میں اپنا پہلا میچ کھیلےگی۔

     یو اے ای کی ٹیم دوسری مرتبہ ورلڈ کپ کھیل رہی ہے، اس سے قبل یو اے ای کی ٹیم انیس سو چھیانوے میں ہونے والے عالمی کپ کا حصہ تھی، میچ پاکستانی وقت کے مطابق رات تین بجے شروع ہوگا۔

  • تاریخ برقرار: ورلڈ کپ میں پاکستان بھارت سے ہار کی روایت نہ توڑ سکا

    تاریخ برقرار: ورلڈ کپ میں پاکستان بھارت سے ہار کی روایت نہ توڑ سکا

    کراچی: پاکستانی شائینوں نے ایک بار پھر ورلڈکپ میں بھارت سے ہار جانے کی بھیانک روایت کو برقرار رکھا۔

    پاکستانی کرکٹ ٹیم ورلڈکپ کی تاریخ نہ بدل سکی، بم پھوڑنے کے ارمان ایک بار پھر ارمان ہی رہ گئے،انیس سو بانوے سے چلنے والی روایت آج بھی بھیانک خواب بن کر برقرار رہی ۔

    بھارتی سورماوں کا پلڑا اب پانچ نہیں چھ صفر پر جا پہنچا ہے، انیس سو چھیانوے میں بھارت نے پاکستان کو اُنتالیس رنز سے ہرایا، پھر ننانوے میں بھی سینتالیس رنز سے پاکستان بازی ہار گیا ۔

    قومی ٹیم نے تلخ حقیقت کو خوشیوں بدلنے کے لئے دو ہزار تین کے ورلڈکپ میں کوشش کی، تاہم بھارت نے یہ جیت بھی چھ وکٹوں سے چھین لی۔

    دو ہزار گیار ہ میں پاکستان کا سیمی فائنل میں سامنا ہوا بھارت سے لیکن ناکامی نے یہاں بھی پاکستانی ٹیم کا پیچھا نہ چھوڑا اور یہ میچ بھی انتیس رنز سے بھارت کے نام رہا ۔

    ایک بار پھر موقع آیا تھا کہ تاریخ کو بدل دیا جائے، لیکن پاکستانی ٹیم کی فیلڈنگ نے پہلے باولروں کی محنت پر پانی پھیرا اور پھر بیٹنگ لائن دھوکا دے گئی ۔

  • کراچی: پولیس کی کارروائی سٹہ باز گرفتار

    کراچی: پولیس کی کارروائی سٹہ باز گرفتار

    کراچی:پاک بھارت میچ کے دوران پولیس نے بہادرآباد سے چار ستے بازروں کو گرفتار کیا جن کو پہلے سے معلوم تھا پاکستان کو شکست ہوگی سٹے بازروں سے انکشاف کیا کہ بڑے ستے بازروں سے دو کرکڑز کی میچ سے ایک ماہ قبل کراچی میں ملاقات ہوئی۔

    ہر پاکستانی کو امید تھی کہ پاکستانی ٹیم جیتے گی، لیکن ایس آئی یولیس نے میچ کے دوران ہی بہادرآباد کے علاقے میں چھاپہ مارا اور ایک فلیٹ سے چار سٹے بازروں کو گرفتار کیا۔

    انہوں نے بتادیا کہ پاکستان کو شکست ہوگی اور اتنے میں پاکستان کی بیٹنگ شروع ہوئی اور ایک ایک کرکے وکٹ گرنے لگی تو ان سٹے بازروں کی بات بھی سچ ہوتی گئی اور ثابت ہوگیاکہ ان سٹے بازروں کو صحیح معلوم تھا۔

    گرفتار سٹے بازروں کے مطابق شہر میں 100 سے زائد مقامات پر سٹے کا سیٹ اپ موجود ہے جن میں ملیر گڈاپ کے فارم ہاؤس ڈیفینس اور لیاقت آباد سمیت کئی علاقے شامل ہیں سٹے بازوں کے مطابق صرف کراچی میں دس ارب کا سٹہ لگنا تھا۔

     ان کا ایک سیٹ اپ اب بھی پنجاب اور دبئی میں کام کررہا ہے ،زرائع کے مطابق سٹے بازوں نے بتایا کہ ان کے مالکان نے انہیں بتایا تھا کہ دو کرکڑز کی میچ سے ایک ماہ قبل بڑے سٹے بازوں کے ملاقات ہوئی ہے جس ٹیم کا کہیں بس وہ ہی جیتے گی۔

    زرائع کے مطابق ملزمان ضلع ایسٹ کی پولیس سمیت کئ پولیس افسران کو رقم فراہم کررہئے تھے اور ان کے ساتھ کئی اہم شخصیات اور پولیس افسران کا ہاتھ ہے اور کچھ پولیس افسران سٹے کے کام میں ان کے پارٹنر ہیں جبکہ ڈیفنس کے علاقے خیابان مجاہد اور محافظ پر سٹے کے اہم ٹھکانے موجود ہیں۔

  • آسٹریلیا بمقابلہ انگلینڈ :آئی سی سی نے امپائر کی غلطی تسلیم کرلی

    آسٹریلیا بمقابلہ انگلینڈ :آئی سی سی نے امپائر کی غلطی تسلیم کرلی

    میلبورن : ورلڈ کپ کے پہلے ہی روز امپائرنگ کابلنڈرسامنےگیا، آئی سی سی نے اینڈرسن کو غلط رن آؤٹ دینے کی غلطی تسلیم کرلی۔

    آئی سی سی نے آسٹریلیا اور انگلینڈ کے میچ میں امپائرنگ کی غلطی کا اعتراف کرلیا۔ آسٹریلوی بولر جوش ہیزل ووڈ نے انگلش ٹیم کے بلے باز جیمز ٹیلر کو ایل بی ڈبلیو آؤٹ کیا .

    فیصلے پر بیٹسمین نے ریویو لیا اور امپائر علیم ڈار کا فیصلہ بدل دیا گیا۔ اپیل کے دوران ہی میکس ویل کی ہٹ وکٹ پر لگی اور جیمز اینڈرسن کا رن آؤٹ دیکھنے کیلئے آن فیلڈ امپائر کو ایک بار پھر سے تھرڈ امپائر کا سہارا لینا پڑا۔

    کافی دیر بحث کے بعد فیصلہ آسٹریلیا کی حق میں آیا اور اینڈرسن کو آؤٹ قرار دے دیا گیا۔ آئی سی سی کے قانون تین اعشاریہ چھ کے مطابق فیصلہ ریویو ہونے کی کی صورت میں ایک گیند پردوسرا فیصلہ نہیں ہوسکتا ۔

    آئی سی سی نے اینڈرسن کوغلط رن آؤٹ دینے کے غلطی تسلیم کرتے ہوئے انگلش کرکٹ ٹیم سے تحریری طور پر معذرت کرلی ہے، میچ میں امپائرنگ کے فرائض سری لنکا کے کماردھرماسینا اور پاکستان کے علیم ڈار نے انجام دئیے۔

  • کرکٹ ورلڈ کپ: آسٹریلیا نے انگلینڈ کو 111 رنز سے شکست دے دی

    کرکٹ ورلڈ کپ: آسٹریلیا نے انگلینڈ کو 111 رنز سے شکست دے دی

    میلبورن: کرکٹ ورلڈ کپ دو ہزار پندرہ کے دوسرے میچ میں میزبان آسٹریلیا نے انگلینڈ ایک سو گیارہ رنز سے آؤٹ کلاس کردیا۔

    پہلے میچ کی طرح ایونٹ کا دوسرا میچ بھی یکطرفہ ثابت ہوا، انگلش بولرز نے تباہ کن بولنگ کی بدولت آسٹڑیلیا کے تین مہرے جلد کھسکائے، لیکن جارج بیلی اور ارون فنچ کی شراکت نے میچ کا نقشہ بدل دیا۔

    میلبورن کرکٹ گراؤنڈ میں کھیلے گئے میچ میں انگش ٹیم کے کپتان ای این مورگن نے ٹاس جیت کر پہلے فیلڈنگ کا فیصلہ کیا اور آسٹریلیا کو بیٹنگ کی دعوت دی جس کا کینگروز نے بھرپور فائدہ اٹھایا اور مقررہ 50 اوورز میں 9 وکٹوں کے نقصان پر 342 رنز بنائے۔

    ہدف کے تعاقب میں انگلینڈ کی ٹیم آغاز سے مشکلات کا شکار رہی اور پوری ٹیم 42ویں اوور میں 231 رنز پر ڈھیر ہوگئی، جیمز ٹیلر کے علاوہ انگلینڈ کا کوئی بھی بلے باز آسٹریلوی بولر کا جم کر مقابلہ نہ کر سکا تاہم ان کے 98 رنز بھی ٹیم کو فتح نہ دلا سکے اور کینگرو بولرز نے ایک کے بعد ایک انگلش کھلاڑی کو پویلین کی راہ دکھائی۔

     جیمز ٹیلر کے بعد انگلینڈ کی جانب سے سب سے زیادہ رنز بنانے والے کرس ووکس تھے جنہوں نے 37 رنز بنائے جب کہ ای این بیل 36 رنز بنا کر آؤٹ ہوئے۔

     بہترین بلے بازی پر ایرن فنچ کو میچ کا بہترین کھلاڑی قرار دیا گیا۔

  • ڈسپلن کی خلاف ورزی، پی سی بی کا 8 کھلاڑیوں پر جرمانہ

    ڈسپلن کی خلاف ورزی، پی سی بی کا 8 کھلاڑیوں پر جرمانہ

    سڈنی: پاکستان کرکٹ بورڈ نے سڈنی میں دیر سے ہوٹل پہنچنے پر آٹھ پاکستانی کھلاڑیوں پر جرمانہ عائد کردیا۔

    ذرائع کے مطابق پی سی بی نے ورلڈ کپ کیلئے آسٹریلیا میں موجود ٹیم کے آٹھ کھلاڑیوں پر ڈسپلن کی خلاف ورزی پر پانچ سو سے ہزار ڈالرزتک جرمانہ عائد کیا ہے۔

     شاہد آفریدی سمیت ٹیم کے کچھ کھلاڑی سڈنی میں تاخیر سے ہوٹل پہنچے جس پر پی سی بی نے انہیں مستقبل میں محتاط رہنے کی ہدایت کی ہے۔

    بورڈ نے احمد شہزاد پر چار سو ڈالرز جرمانہ لگایا ہے، بورڈ نے کھلاڑیوں کو خبردار کیا ہے کہ آئندہ ایسا ہوا تو خلاف ورزی کرنے والے کھلاڑی کو وطن واپس بھیج دیا جائے گا۔

  • آف اسپنرسعید اجمل کا بولنگ ایکشن درست قرار

    آف اسپنرسعید اجمل کا بولنگ ایکشن درست قرار

    چنائی : آئی سی سی نےسعید اجمل کابالنگ ایکشن قانونی قراردےدیا،چنئی کےکوچز کی کلین چٹ، سعید اجمل کہتےہیں ورلڈ کپ کے لئے تیار نہیں سیلکٹرز نےبھیجا توجاؤں گا۔

    تفصیلات کے مطابق آئی سی سی نےپاکستانی آف اسپنر سعیداجمل کا ایکشن قانونی قراردیدیاہے، اس حوالے سےسعید اجمل نے میڈیا سے گفتگو کرتے ہوئے کہا کہ ورلڈکپ کیلئےتیارنہیں ہوں اگر سیلکٹرز نے بھیجا تو ضرور جاؤں گا۔

    جبکہ پی سی بی کے چیئرمین شہریار خان کا کہنا ہے کہ قوانین کے مطابق سعید اجمل ورلڈکپ نہیں کھیل سکتے، کوئی انجری ہوئی تو ہی سعید کو زیر غور لایا جاسکتا ہے۔

    سعید اجمل کی مشکلات ٹل گئیں۔ سعید اجمل ایک بار پھر بیٹسمینوں کی گلیاں اڑائیں گے۔ بیٹسمینوں کے لئے خوف کی علامت اجمل نئے ایکشن کے ساتھ ایکشن میں دکھائی دیں گے۔

    اور دوسرا ، تیسرا کے ذریعے ایک کے بعد دوسرا پویلین بھیجیں گے۔دوسرا کے موجد سابق پاکستانی آف اسپنر ثقلین مشتاق کی پانچ ماہ کی کوششیں رنگ لے آئیں۔

    چنئی کی بائیو میکنک لیب نے سعید اجمل کو کلین چٹ دے دی۔ اجمل کی دوسرا، کیرم اور تیز گیندیں قانون کے حد میں آگئیں۔ سعید اجمل کا بولنگ ایکشن ٹیسٹ چوبیس جنوری کو چنئی میں ہوا تھا۔ جس میں ان کے بازو کا خم پندرہ ڈگری کے اندر آگیا ہے۔

    آئی سی سی کا کہنا ہے کہ اجمل انٹرنیشنل کرکٹ میں بولنگ کرسکتے ہیں۔ ون ڈے کی عالمی رینکنگ میں اجمل کا پہلا نمبر ہے۔ ٹی ٹوئنٹی میں انہیں سب سے زیادہ وکٹیں لینے کا اعزاز بھی حاصل ہے۔

    کلین چٹ کے بعد قوم کو خوشیاں تو ہیں مگر ورلڈ کپ میں پاکستانی جادوگر کے ایکشن میں نہ ہونے کا دکھ بھی ہے۔

  • ورلڈ کپ کی تیاریاں زوروشور سے جاری

    ورلڈ کپ کی تیاریاں زوروشور سے جاری

    میلبورن : آئی سی سی کرکٹ ورلڈ کپ کے آغاز میں اب صرف سات روز باقی رہ گئے ہیں۔میگا ایونٹ کی افتتاحی تقریبات کی تیاریاں عروج پر پہنچ گئی ہیں۔

    وارم اپ میچز کا آغاز کل سے ہوگا۔آئی سی سی کرکٹ ورلڈ کپ میں دنیا بھر سے ستارے جگمگائیں گے تو شائقین بھی ان کا جوش گرمائیں گے۔ انچاس دن خوب ہوگا ہلہ گلہ۔ کرکٹ ہی کرکٹ۔ کھلاڑیوں نے کمر کس لی ہے۔ تو شائقین نے بھی دل تھام لئے ہیں۔

    میگا ایونٹ کے میچز کی ٹکٹس کی فروخت بھی تیزی سے جاری ہے۔ شائقین کو ایونٹ کا بے صبری سے انتظار ہے۔ ایونٹ کی تیاریاں بھی عروج پر پہنچ گئی ہیں۔

    میلبورن میں ورلڈ کپ کی شاندارافتتاحی تقریب بارہ فروری کو منعقد ہوگی جس میں اسٹارز اور فنکار دنیا بھر کے شائقین کی توجہ کا مرکز ہونگے۔ایونٹ کے وارم اپ میچز کا آغاز کل سے بھارت اور آسٹریلیا کے درمیان میچ سے ہورہا ہے۔

    دنیائے کرکٹ پر حکمرانی کی باقاعدہ جنگ چودہ فروری سے شروع ہوگی۔ ورلڈ کپ کا افتتاحی میچ کرائسٹ چرچ میں میزبان نیوزی لینڈ اور سابق ورلڈ چیمپئن سری لنکا کے درمیان کھیلا جائے گا۔

  • کرکٹ ورلڈ کپ: اب تک ساڑھے سات لاکھ ٹکٹس فروخت

    کرکٹ ورلڈ کپ: اب تک ساڑھے سات لاکھ ٹکٹس فروخت

    دبئی : آئی سی سی کے چیف ایگزیکٹیو افیسر ڈیوڈ رچرڈسن کا کہنا ہے کہ گیارہواں کرکٹ ورلڈ کپ تاریخ کا سب سے کامیاب ایونٹ ثابت ہوگا۔ میگا ایونٹ کے لئے اب تک ساڑھے سات لاکھ ٹکٹس فروخت ہوچکے ہیں۔

    دنیائے کرکٹ کے سب سے بڑے مقابلےکے آغاز میں اب صرف سات دن باقی رہہ گئے ہیں۔ جیسے جیسے ورلڈ کپ قریب آرہا ہےکھلاڑیوں کے ساتھ ساتھ شائقین کا جوش خروش بھی عروج پر جارہا ہے۔

    آئی سی سی کے مطابق گیارہویں ورلڈ کپ کے لئے اب تک ساڑھے سات لاکھ ٹکٹس فروخت ہوچکے ہیں۔ آسٹریلیا اور نیوزی لینڈ میں مشترکہ طور پر منعقد ہونے والے اس ٹورنامنٹ کا آغاز 14 فروری سے ہو رہا ہے۔

    امید کی جا رہی ہے کہ اس بار ٹورنامنٹ کے میچ دیکھنے کے لیے دس لاکھ سے زیادہ پرستار میدانوں میں آئیں گے۔ پندرہ فروری کو ہونے والے پاک بھارت مقابلے کو ایونٹ کا سب سے بڑا میچ قرار دیاجارہاہے جس کے تمام ٹکٹس فروخت ہوچکے ہیں۔

  • محمد حفیظ کا بولنگ ٹیسٹ اب بارہ فروری کو ہوگا

    محمد حفیظ کا بولنگ ٹیسٹ اب بارہ فروری کو ہوگا

    لاہور : محمد حفیظ کا آج ہونے والا بولنگ ایکشن ٹیسٹ انجری کے سبب مؤخر کردیا گیا۔ محمد حفیظ پر غیر قانونی بولنگ ایکشن کے سبب پابندی عائد ہے۔

    آئی سی سی کے تحت آج ہونے والا حفیظ کا بولنگ ایکشن ٹیسٹ مؤخر کردیا گیا ہے۔ محمد حفیظ نیوزی لینڈ کے خلاف دوسرے ون ڈے میں گھٹنے کی انجری کا شکار ہوگئے تھے جس کے سبب پی سی بی نے انٹرنیشنل کرکٹ کونسل سے ٹیسٹ مؤخر کرنے کی درخواست کی۔

         پاکستان کرکٹ بورڈ (پی سی بی) ترجمان کے مطابق محمد حفیظ کے بولنگ ایکشن ٹیسٹ کی نئی تاریخ کا اعلان دس فروری کے بعد کیا جائے گا۔

    محمد حفیظ انجری کے سبب بنگلہ دیش کے خلاف ہونے والے وارم اپ میچ میں بھی شرکت نہیں کریں گے۔ ذرائع کے مطابق حفیظ کا بولنگ ایکشن ٹیسٹ اب بارہ فروری کو ہوگا اور اس کی رپورٹ پندرہ فروری کو آئے گی۔