دبئی: قومی کرکٹ ٹیم کے کپتان اور مایہ ناز بلے باز بابراعظم نے ایک اور اعزاز اپنے نام کرلیا ہے۔
تفصیلات کے مطابق آئی سی سی نے اپریل کے پلیئر آف دی منتھ کے لئے جن ناموں کو شارٹ لسٹ کیا تھا، ان میں قومی ٹیم کے کپتان بابراعظم اور اوپنر فخرزمان شامل تھے، اس کے علاوہ انٹرنیشنل کرکٹ کونسل نے اس کیٹگری میں نیپال کے بلے باز کوشال کو بھی شارٹ لسٹ کیا تھا جنہوں نے اس ماہ دو سو اٹھہتر رنز بنائے تھے۔
تاہم آئی سی سی مین آف دی منتھ کا قرعہ قومی ٹیم کے کپتان بابراعظم کے نام نکلا۔
سماجی رابطے کی ویب سائٹ ٹوئٹر پر جاری بیان میں آئی سی سی نے بابراعظم کو اس اعزاز سے نوازا۔
🔸 Three ODIs, 228 runs at 76.00
🔸 Seven T20Is, 305 runs at 43.57
🔥 Became the No.1 ODI batsmanWell done, @babarazam258 for winning the ICC Men's Player of the Month for April 👏#ICCPOTM pic.twitter.com/CuCaodFEk7
— ICC (@ICC) May 10, 2021
کپتان بابراعظم کے لئے گذشتہ مہینہ شاندار رہا تھا، جہاں مایہ ناز بلے باز بابراعظم بھارتی کپتان ویرات کوہلی سے نمبر ون کی پوزیشن چھین کر آئی سی سی کی ون ڈے رینکنگ میں پہلے نمبر پر آگئے تھے، ماہ اپریل میں ہی بابراعظم نے ٹی ٹوئنٹی رینکنگ میں دوسری پوزیشن پر قبضہ جمایا تھا۔
قومی ٹیم کے کپتان نے جنوبی افریقہ کیخلاف ٹی ٹوئنٹی میں شاندار سنچری سمیت ون ڈے انٹرنیشنل میں میچ وننگ چورانے رنز بھی بنائے تھے۔
یہ بھی پڑھیں: بابراعظم اور فخرزمان اہم ایوارڈ کے لئے شارٹ لسٹ
خواتین کٹیگری میں آسٹریلیا کی ایلساہیلی وومن پلیئرا ٓف دی منتھ قرار پائیں۔
یاد رہے کہ سال دوہزار اکیس کے آغاز پر انٹرنیشنل کرکٹ کونسل (آئی سی سی)نے کھلاڑیوں کی بہترین پرفارمنس کے پیش نظر نئے ایوارڈز متعارف کرائے تھے، جن میں پلئیرآف دی منتھ ایوارڈ بھی شامل تھا، پلئیر آف دی منتھ کا ایوارڈ ووٹنگ کے ذریعے کامیاب ہونے والے کھلاڑی کو دیا جاتا ہے، یہ ایوارڈ مرد اور خواتین دونوں کرکٹرز کی بہترین پرفارمنس کی تفویض کیا جاتا ہے۔
قوم ٹیم کے کپتان نے جنوبی افریقہ کیخلاف ٹی ٹوئنٹی میں شاندار سنچری سمیت ون ڈے انٹرنیشنل میں میچ وننگ چورانے رنز بھی بنائے تھے۔
