بنوں : پاک فوج کے ترجمان میجر جنرل اختر راؤ نے کہا ہے کہ اب تک ساڑھے نو لاکھ آئی ڈی پیز کی رجسٹریشن ہو چکی ہے، جس میں سے چھ لاکھ کی تصدیق ہو چکی ہے۔
بنوں میں میڈیا بریفنگ کے دوران ان کا کہنا تھا کہ شمالی وزیرستان میں حکومت نے ہنگامی بنیادوں پر کام کر کے آئی ڈی پیز کو باہر نکالا، انہوں نے بتایا کہ ساڑھے نو لاکھ آئی ڈی پیز کی رجسٹریشن جبکہ چھ لاکھ کی تصدیق ہو چکی ہے۔
میجر جنرل اختر راؤ کا کہنا تھا کہ اب تک آئی ڈی پیز میں بارہ ہزار ٹن راشن تقسیم ہو گیا ہے، پاک فوج کے ترجمان کا کہنا تھا کہ متاثرین کی امداد کے حوالے سے بیرونی این جی اووز کو ویلکم کرینگے اور انہیں ہر طرح کی سہولیات دینگے۔
مییجر جنرل اختر راؤ نے بتایا کہ آئی ڈی پیز کے حوالے سے ہم نے اپنے منصوبے کو تین مرحلوں میں تقسیم کیا ہے۔
