ARYNews.tv | Urdu – Har Lamha Bakhabar

Tag: IG Punjab Notice

  • لاہور: سوئمنگ پول سے گیارہ سالہ گھریلو ملازمہ کی لاش برآمد، دو ملزمان گرفتار

    لاہور: سوئمنگ پول سے گیارہ سالہ گھریلو ملازمہ کی لاش برآمد، دو ملزمان گرفتار

    لاہور : گھر کے سوئمنگ پول سے گیارہ سالہ گھریلو ملازمہ کی لاش برآمد ہوئی ہے جبکہ نارووال میں بچی کے ساتھ مبینہ زیادتی اور قتل کے واقعے کا آئی جی پنجاب نے نوٹس لے لیا۔

    تفصیلات کے مطابق لاہور کے علاقہ فیصل ٹاﺅن میں ایک گھر کے سوئمنگ پول سے گیارہ سالہ گھریلو ملازمہ کی لاش برآمد ہوئی ہے پولیس کے مطابق واقعہ کےبلاک میں واقع ایک گھر میں پیش آیا۔

    جہاں گھر میں بنائے گئے سوئمنگ پول سے گھریلو ملازمہ گیارہ سالہ حنا کی لاش برآمد ہونے کی اطلاع  پر پولیس اہلکار موقع پر پہنچ گئے۔

    پولیس نے فرانزک ماہرین کی مدد سے جائے وقوعہ سے شواہد اکٹھے کر کے مقتولہ کی لاش پوسٹ مارٹم کے لئے مردہ خانے منتقل کر دی، پولیس کا کہنا ہے کہ شک کی بنیاد پر دو افراد کو حراست میں لے لیا گیا ہے اور مختلف پہلوؤں پر تحقیقات کی جا رہی ہیں۔

    دوسری جانب نارووال میں بچی کے ساتھ مبینہ زیادتی اور قتل کے معاملے کا آئی جی پنجاب نے نوٹس لے لیا، انسپکٹر جنرل پولیس پنجاب کیپٹن ریٹائرڈ عارف نوازخان نے بچی کے ساتھ مبینہ زیادتی اور قتل سے متعلق ڈی پی او نارووال سے واقعہ کی رپورٹ طلب کر لی، آئی جی پنجاب نے ڈی پی او نارووال کو واقعہ میں ملوث ملزموں کی جلد گرفتاری کی ہدایت کردی ہے۔

  • فیصل آباد پولیس کا گھریلو ملازمہ پر انسانیت سوز تشدد، آئی جی نے رپورٹ طلب کرلی

    فیصل آباد پولیس کا گھریلو ملازمہ پر انسانیت سوز تشدد، آئی جی نے رپورٹ طلب کرلی

    فیصل آباد : چک جھمرہ پولیس کا تھانے میں گھریلو ملازمہ پر چار روز سے انسانیت سوز تشدد کے واقعے کا آئی جی پنجاب نے نوٹس لے کر رپورٹ طلب کرلی۔

    تفصیلات کے مطابق فیصل آباد کے علاقے چک جھمرہ تھانے میں پولیس نے چوری کے الزام میں گرفتار گھریلو ملازمہ صائمہ پر انسانیت سوز تشدد کیا گیا اے آر وائی نیوز نے پولیس گردی کی شکار صائمہ کا ویڈیو بیان حاصل کرلیا۔

    صائمہ کا کہنا ہے کہ میں بے قصور ہوں، مجھے بچاؤ، پولیس بہت مارتی ہے، پولیس اہلکار میرے منہ میں گرم پانی ڈالتے ہیں، اس حوالے سے ذرائع کا کہنا ہے کہ سیف نامی فیکٹری مالک نے اپنی ملازمہ صائمہ کو چوری کے الزام میں گرفتار کرایا تھا۔

    صائمہ کو مردانہ کانسٹیبل بیرک میں چار دن سے حبس بے جا میں رکھا گیا، ہاتھ پاؤں باندھ کر تشدد کرنے سے صائمہ چلنے سے بھی معذور ہوگئی ہے، میڈیا پر خبر آنے پر پولیس نے پھرتیاں دکھاتے ہوئے اس کیخلاف چوری کی آیف آئی آر درج کرلی۔

    اے آر وائی نیوز پر خبر نشر ہونے کے بعد آئی جی پنجاب نے واقعہ کا سختی سے نوٹس لے لیا، انہوں نے فیصل آباد میں تھانہ چک جھمرہ پولیس کے تشدد پر انکوائری کمیٹی بنادی. ترجمان پنجاب پولیس کے مطابق چوبیس گھنٹے میں واقعے کی مکمل آئی جی کو رپورٹ پیش کردی جائے گی۔

  • پنجاب میں دو بچوں سے مبینہ زیادتی، پولیس اہلکارسمیت چارگرفتار

    پنجاب میں دو بچوں سے مبینہ زیادتی، پولیس اہلکارسمیت چارگرفتار

    قصور / ہری پور : پنجاب میں ایک اور بچی سے زیادتی کی کوشش ناکام بنادی گئی، اہلیان محلہ نے ملزم کو رنگے ہاتھوں پکڑلیا، جبکہ ہری پور میں لڑکے سے دو ماہ تک زیادتی کے 3 ملزمان کو گرفتار کر لیا گیا، آئی جی پنجاب نے نوٹس لے لیا۔

    تفصیلات کے مطابق قصور میں انسانیت کے دشمن اب بھی باز نہ آئے، ضلع قصور کی تحصیل کوٹ رادھا کشن میں ایک اور بچی سے زیادتی کی کوشش اہل محلہ نے ناکام بنادی۔

    بچی کے شورمچانےپر اہل علاقہ نے ملزم کو پکڑ کر پولیس کے حوالے کر دیا۔ واقعہ کے خلاف اہل محلہ نے ٹائر جلا کر احتجاج بھی کیا۔ واقعے کا آئی جی نے نوٹس لے کر متعلقہ ڈی پی او سے رپورٹ طلب کرلی۔

    علاوہ ازیں ہری پور میں اے آر وائی نیوز کی خبر پر ایکشن لے لیا گیا، چودہ سالہ لڑکے سے دو ماہ تک زیادتی اور ویڈیوز بنانے کے الزام میں  پولیس اہلکار سمیت تین ملزمان دھر لیے گئے۔

    ایف آئی اے نے بچوں سے زیادتی کی ویڈیوز بنانے والوں کے خلاف کمر کس لی، تفتیش کیلئے سائبر کرائم ونگ کی دو رکنی ٹیم بنا دی گئی ہے۔

    دریں اثناء مردان کے علاقے خرکئی میں بھی آٹھ سال کی بچی سے مبینہ زیادتی کی کوشش کی گئی، پولیس نے ملزم کو گرفتار کرکے مقدمہ درج کرلیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔