Tag: ijaz-shah

اسلام آباد : وفاقی وزیر داخلہ اعجاز شاہ نے کہا کہ وزیراعظم جنرل اسمبلی میں کشمیر کا مقدمہ بھرپور انداز میں پیش کریں گے، عالمی سطح پر کشمیر کے لئے عمران خان کی کوششیں قابل تعریف ہیں۔۔

تفصیلات کے مطابق وفاقی وزیر داخلہ اعجاز شاہ نے وزیراعظم کے یو این خطاب اور کشمیر کی صورتحال پر بیان میں کہا کہ وزیراعظم کشمیر کا مقدمہ جنرل اسمبلی میں بھرپور انداز میں پیش کریں گے، عالمی برادری کےضمیرکوزندہ کرنےکی کوشش کریں گے، عالمی سطح پر کشمیر کے لئے عمران خان کی کوششیں قابل تعریف ہیں۔

اعجازشاہ کا کہنا تھا کہ امید ہے کشمیریوں کوان کا حق دلانے کی یہ کاوش رائیگاں نہیں جائے گی اور کشمیریوں کو آزاد فضا میں سانس لینے کا موقع مل سکے گا۔

وفاقی وزیر داخلہ نے کہا کشمیر پاکستان شہ رگ ہے ،ان کا درد ہمارا درد ہے، کشمیریوں کو کسی بھی قیمت پر مایوس نہیں کریں گے۔

ان کا کہنا تھا کہ پانچ اگست سے تقریباً 13ہزار سے زائد کشمیریوں کو گرفتار کیا گیا، یہ انسانیت کی بھیانک حد تک تذلیل ہے، بھارتی افواج نہتے کشمیریوں کیخلاف نت نئے ہتھکنڈے استعمال کررہی ہے۔

مزید پڑھیں : مشن کشمیر، وزیراعظم عمران خان آج اقوام متحدہ کی جنرل اسمبلی سے خطاب کریں گے

اعجازشاہ نے مزید کہا کہ اس موقع پر اقوام عالم کی بے حسی قابل افسوس ہے، مودی کے ہندو فاشسٹ ایجنڈے کو روکنے کے لئے دنیا کو کردار ادا کرنا ہوگا۔

یاد رہے ملک بھرمیں آج مظلوم کشمیریوں سے اظہار یکجہتی کیلئے یوم کشمیر منایا جارہا ہے، یوم کشمیر منانے کا مقصد مقبوضہ وادی میں بھارتی مظالم کو دنیا میں بے نقاب کرنا ہے۔

خیال رہے وزیر اعظم عمران خان آج اقوام متحدہ کی جنرل اسمبلی میں خطاب کریں گے ، جس میں پوری دنیا کے سامنے کشمیر کا معاملہ اٹھائیں گے۔

اسلام آباد: وفاقی وزیرداخلہ اعجازشاہ نے کہا مزے کرنے کے دن اب ختم ہوگئے،تنے منصوبے ہیں ان میں کسی کو حرام کھانے نہیں دوں گا، جتنا پیسہ ہے سب منصوبوں پر ہی لگے گا، جو کرپشن کرے گا اس کانام سامنے لاؤں گا۔

تفصیلات کے مطابق وفاقی وزیرداخلہ اعجازشاہ نے تقریب سے خطاب کرتے ہوئے کہا 70سال تک ننکانہ صاحب کے عوام کو نظرانداز کیاگیا ننکانہ کے لوگوں پرگزشتہ 70سال پر مشتمل کتاب لکھ رہاہوں، لکھونگا زمینیں، اقتدار رکھنے والوں نے تعلیم اور ترقی کو کیسے روکا، 2005میں ننکانہ کومیں نےضلع بنایا،حسب توفیق پیسہ لایا۔

وزیرداخلہ نے پیپلزپارٹی پر تنقید کرتے ہوئے کہا مزدوروں کی پارٹی نے مزدوروں کے ساتھ کیا کیا اور پیسہ کہاں لے گئے جلد پتہ چل جائے گا،جتنے منصوبے ہیں ان میں کسی کو حرام کھانے نہیں دوں گا، جتنا پیسہ ہے سب منصوبوں پر ہی لگے گا۔

اعجازشاہ کا کہنا تھا وزیراعظم عمران خان کہتے ہیں کہ ان کی زندگی کا مقصد مزدوروں کا لوٹا ہواپیساواپس لانا ہے، دعا کریں کہ وہ کامیاب ہوجائیں۔

انھوں نے مزید کہ مزے کرنے کے دن اب ختم ہوگئے، جو کرپشن کرے گا اس کانام سامنے لاؤں گا۔

یاد رہے چند روز قبل وزیرداخلہ اعجازشاہ کا کہنا تھا کہ ملک کو امن و امان اور معیشت کے چیلنجز درپیش ہیں، ‏18 ویں ترمیم کےتحت امن وامان صوبوں کی ذمہ داری ہے۔

اعجازشاہ نے کہا تھا حکومت کی نیت ٹھیک ہو تو کوئی مسئلہ نہیں رہتا، ملک اور عوام کی بہتری کے لیے مشکل فیصلے کیے جا رہے ہیں۔