Tag: ijlas

اقتصادی رابطہ کمیٹی: اسٹیل ملزملازمین کی تنخواہوں کے اجراء کی منظوری

اسلام آباد: اقتصادی رابطہ کمیٹی کے اجلاس میں پاکستان اسٹیل ملز کے ملازمین کی دو ماہ کی تنخواہ کے اجراء کی منظوری دے دی گئی۔

تفصیلات کے مطابق وفاقی وزیر خزانہ اسحاق ڈار کی زیرصدارت اقتصادی رابطہ کمیٹی کا اجلاس منعقد ہوا، اجلاس میں اسٹیل مل کے ملازمین کو دو ماہ کی تنخواہوں کی ادائیگی کی منظوری دے دی گئی۔

فیصلے کے مطابق تنخواہیں مارچ کے پہلے ہفتے میں جاری کر دی جائیں گی۔اس کے علاوہ ایندھن سے بجلی بنانے کے منصوبے کیلئے چالیس ارب روپے کے قرضے کی منظوری بھی دے دی گئی۔

حکومت قرضےکے لئےگارنٹی فراہم کرےگی۔ اقتصادی رابطہ کمیٹی کےاجلاس میں یوٹیلٹی اسٹور کارپوریشن کو اٹھائیس ہزارنو سو ٹن چینی کی فراہمی کی بھی منظوری بھی دی گئی۔

اجلاس میں عام استعمال کی اشیاء کی قیمتوں اورملکی معاشی کارکردگی کا جائزہ بھی لیا گیا۔

فروری 28, 2015
مذاکرات ناکام: سانحہ شکار پورکیخلاف تاحال دھرنا جاری

کراچی: سانحہ شکارپور شہدا کمیٹی سے حکومتی مذاکرات میں تاحال پیش رفت نہیں ہوسکی،علامہ امین شہیدی کا کہنا ہے کہ مذاکرات کی کامیابی کی خبریں بے بنیاد ہیں۔

سانحہ شکار پور کے خلاف نمائش چورنگی پر تاحال دھرنا جاری ہے ، شیعہ ایکشن کمیٹی کے رہنما علامہ امین شہیدی نے حکومت سے مذاکرات کی کامیابی کی خبروں کو مسترد کرتے ہوئے کہا ہے کہ شہدا کمیٹی کے حکومت سے مذاکرات جاری ہیں لیکن پیشرفت نہیں ہوسکی ہے۔

میڈیا سے گفتگو میں صوبائی وزیراطلاعات شرجیل میمن کا کہنا تھا کہ شہدا ایکشن کمیٹی سے مذاکرات میں پیشرفت ہوئی ہے اور ڈرافٹ تیارہوتے ہی مظاہرین دھرنا ختم کرنے کا اعلان کردینگے۔

شعیہ ایکشن کمیٹی کا کہنا ہےکہ انکے پچیس مطالبات کی منظوری تک دھرنا جاری رہے گا۔

دوسری جانب پشاورمیں امامیہ مسجدکے دورےپرمیڈیاسے گفتگومیں انہوں نے کہاکہ دہشت گردی کے پے درپے واقعات کے باجودحکومت دہشت گردی کی روک تھام میں ناکام ہوچکی ہے قومی ایکشن پلان سے جو امیدیں تھیں وہ بھی دم توڑگئی ہیں۔

علامہ ساجدنقوی نےبتایاکہ امامیہ مسجدپرحملے میں ملوث نیٹ ورک کوبے نقاب کیاجائے انہوں نے مطالبہ کیاکہ حکومت عوام کے تحفظ کویقینی بنائے۔

فروری 18, 2015
قومی اسمبلی کا اجلاس، اپوزیشن ارا کین کا واک آؤٹ

اسلام آباد: قومی اسمبلی سے اپوزیشن اراکین نے ٹیکسوں کے نفاذ کے خلاف واک آوٹ کیا، ایوان میں کورم پورا نہ ہو نے کے باعث اجلاس غیر معینہ مدت تک کے لئے ملتوی کر دیا گیا۔

تفصیلات کے مطابق قومی اسمبلی کا اجلاس ڈپٹی اسپیکر مرتضیٰ جاوید عباسی کی صدارت میں ہوا ۔ایم کیو ایم کے عبدالرشید گوڈیل اور پیپلز پارٹی کی نفیسہ شاہ نے اظہار خیال کرتے ہوئے کہا کہ حکومت نے ٹیکسوں کا نفاذ کر کے عوام پر ڈاکہ ڈالاہے ، جس پر وزیرخزانہ ایوان کو مطمئن نہ کرسکے۔

اپوزیشن اراکین کا کہنا تھا کہ اپوزیشن حکومت کو ایوان کو بائی پاس کر نے کی اجازت نہیں دے گی، اپوزیشن نے ایوان سے احتجاج علامتی واک آؤٹ کیا۔

ایوان کو مشیر خارجہ سرتاج عزیز نے تحریری طور پر بتایا کہ پاکستان اور امریکہ کے درمیان ایبٹ آباد ،سلالہ چیک پوسٹ اور ریمنڈ ڈیوس واقعے کے بعد پاک امریکہ تعلقات میں کشیدگی آئی اب دونوں ممالک کے تعلقات معمول پرآگئے ہیں۔

انہوں نے کہا کہ دونوں ممالک مختلف شعبوں میں تعاون کر رہے ہیں، پاکستان امریکہ کو اہم اتحادی سمجھتا ہے، سرتاج عزیز نے بتایا کہ پاکستان اور افغانستان کے تعلقات میں بہتری آ ئی ہے،

مشیر خارجہ نے بتایا کہ افغانستان نے اپنی سرزمین پاکستان کے خلاف استعمال نہ کر نے کی یقین دہانی کرائی ہے اپوزیشن نے ایوان کی کارروائی سے واک آّوٹ کیا ایوان کا کورم ٹوٹ گیا،جس پر ڈپٹی اسپیکر نے اجلاس غیر معینہ مدت کے لئے ملتوی کردیا۔

فروری 13, 2015
دس کروڑ موبائل فون سمیں غیرتصدیق شدہ ہیں، چوہدری نثار

اسلام آباد : وفاقی وزیر داخلہ چوہدری نثارنے کہا ہے کہ پاکستان میں ساٹھ تنظیمیں کالعدم ہیں جنہیں قانون کے دھارے میں لائیں گے۔بھارت کے کہنے پر کسی کو دہشت گرد قرار نہیں دے سکتے۔

ان خیالات کا اظہار انہوں نے قومی اسمبلی میں خطاب کرتے ہوئے کیا۔ ان کا کہنا تھا کہ دس کروڑ موبائل فون سمیں غیر تصدیق شدہ ہیں۔

انہوں نے کہا کہ ہم تیرہ سال سے دہشت گردی کا سامنا کر رہے ہیں،تاریخ میں پہلی مرتبہ سویلین حکومت نے قیام امن کیلئے مذاکرات کئے،مسئلے کو افہام و تفہیم سے حل کرنے کی کوشش کی لیکن ہماری پرامن پالیسی کو کمزوری سمجھا گیا۔ ایک طرف جنگ بندی تو دوسری جانب خود کش دھماکے کئے گئے۔

انہوں نے کہا کہ دہشت گردوں کیخلاف کارروائی کا فیصلہ وزیراعظم میاں نواز شریف نے کیا، انہوں نے میڈیا کے کردار کو سراہتے ہوئے کہا کہ پاکستانی میڈیا نے مکمل طور پر حب الوطنی کا مظاہرہ کرتے ہوئے دہشت گردوں کی خبروں کو بڑھا چڑھا پیش نہیں کیا۔

ان کا کہنا تھا کہ قومی ایکشن پلان کے مطابق اب تک بائیس دہشت گردوں کو تختہ دار پر چڑھایا گیا، اور پھانسی پانے والے تمام مجرمان دہشت گردی کی سنگین کارروائیوں میں ملوّث تھے۔

ملٹری کورٹس کے حوالے سے ان کا کہنا تھا کہ اب تک فوجی عدالتوں میں بیس مقدمات بھیجے جاچکے ہیں،جن میں سے بارہ مقدمات پر جلد کام شروع ہو جائے گا۔

فروری 11, 2015
تاپی گیس پائپ لائن منصوبہ: اہم اجلاس آج اسلام آباد میں ہوگا

اسلام آباد : تاپی ممالک وزراء پیٹرولیم نے وزیراعظم نواز شریف سے ملاقات کی۔وزیر اعظم کا کہناتھا کہ یہ منصوبہ خطے کے تمام ممالک کیلئے اہم ہے ۔

تاپی گیس پائپ لائن منصوبے پر بات چیت کیلئے اہم اجلاس آج اسلام آباد میں ہورہا ہے، تاپی گیس پائپ لائن کے اجلاس میں منصوبے کا مجوزہ پلان اور دیگرامورپر بات چیت ہوگی۔

اجلاس میں ترکمنستان ، افغانستان، پاکستان اور بھارت کے وزراء پیٹرولیم سیمت اے ڈی بی کےمنیجنگ ڈائریکٹر بھی شامل ہونگے۔

وزیراعظم نواز شریف نےترکمانستان ،افغانستان اور بھارت کےوزرائےپیٹرولیم اور ایم ڈی ایشیائی ترقیاتی بینک سے ملاقات کی۔

وزیر اعظم کاکہناتھاکہ پاکستان اس منصوبے کی جلد تکمیل چاہتا ہے اوراس سلسلہ میں اپنا کردار ادا کرنے کوتیار ہے۔ وزیر اعظم کاکہنا تھا کہ منصوبےگیس کی کمی کو پورا کر نے میں مدد گار ثابت ہوگا۔

فروری 11, 2015
آئندہ پانچ سال کےلیےٹیکسٹائل پالیسی کی منظوری

اسلام آباد: آئی ایم ایف کی شرطیں پوری کرنےکےلیےمنی بجٹ کابم گرادیاگیا، میک اپ کاسامان،چاکلیٹس اورمشروبات پر ڈیوٹی میں اضافہ جبکہ فرنس آئل پر بھی ریگولیٹری ڈیوٹی لگادی گئی۔

وفاقی وزیرخزانہ اسحاق ڈارکی زیرصدارت پیرکو اسلام آباد میں کابینہ کی اقتصادی رابطہ کمیٹی کا اجلاس ہوا جس میں اقتصادی رابطہ کمیٹی نےدرجنوں در آمدی مصنوعات پر ریگولیٹری ڈیوٹی پانچ سے بڑھاکر10فیصدکرنےکا فیصلہ کیاہے۔

درآمدشدہ کاسمیٹکس،، چاکلیٹس اورمشروبات پرریگولیٹری ڈیوٹی بڑھادی گئی ہے، اسی طرح مکینکل اور الیکٹرونکس آلات پربھی ریگولیٹری ڈیوٹی پانچ سےبڑھاکر دس فیصدکرنےکافیصلہ کیاگیا ہے،فرنس آئل پر بھی ریگولیٹری ڈیوٹی لگادی گئی ہے جس سے بجلی مہنگی ہونے کا امکان ہے۔

اقتصادی رابطہ کمیٹی نے7 ماہ کی تاخیر سےبالاآخر آئندہ پانچ سال کیلئےنئی ٹیکسٹائل پالیسی کی منظوری بھی دےدی ہےجس کےتحت ٹیکسٹائل کی بر آمدات کو پانچ سال میں 26 ارب ڈالر تک پہنچایاجائیگا جو اس وقت بارہ ارب ڈالر کےلگ بھگ ہیں۔

ویلیوایڈڈ ٹیکسٹائل سیکٹرکورعایتی شرح سودپر قرضےفراہم کئےجائیں گے،کئی شہروں میں ٹیکسٹائل کےخصوصی صنعتی زون تعمیر ہونگے۔

کمیٹی نےادویات کی قیمتوں میں استحکام کیلئےنئی ڈرگ پالیسی کی بھی منظوری دےدی ہےجبکہ پنجاب اورسندھ کوایک ایک لاکھ ٹن آٹا برآمدکرنےکی بھی اجازت دے دی گئی ہے۔

فروری 9, 2015
سندھ اسمبلی میں کراچی کو 650 میگاواٹ بجلی کی فراہمی پر قرارداد منظور

کراچی: شہر قائد کو نیشنل گرڈ سے چھ سوپچاس میگاواٹ بجلی فراہم کرنے کے معاہدے پرعملد رآمد کی قرارداد سندھ اسمبلی میں متفقہ طورپر منظورکر لی گئی۔

قرارداد ایم کیو ایم کے رکن سید خالد احمد نے پیش کی۔ انکا کہنا تھا کہ سندھ حکومت کیجانب سے وفاق کومعاہدے پرعمل کے لیے خط بھی لکھا گیا۔

اس سے پہلےاقلیتی کوٹے پرعملدرآمد کی قرارداد بھی اسمبلی نے متفقہ طور پر منظور کرلی، قرارداد مسلم لیگ فنکشنل کےنندکمارنے پیش کی۔

فنکشنل لیگ کی نصرت سحرعباسی نے سرکاری ڈاکٹرز کو ترقیاں نہ دیے جانے پرنجی قرارداد اسمبلی میں پیش کی جبکہ اپوزیشن لیڈر شہریارمہر نے سندھ یونیورسٹی لاء ترمیمی بل دوہزارچودہ ایوان میں پیش کی۔

فروری 3, 2015
سندھ اسمبلی اجلاس : سانحہ شکار پورکیخلاف قرارداد متفقہ طور پرمنظور

کراچی : سانحہ شکارپورکے حوالے سےسندھ اسمبلی میں متقفہ مذمتی قرارداد پیش کردی گئی۔ امدادی کارروائیوں
میں تاخیر پراپوزیشن نے حکومت کو کڑی تنقید کا نشانہ بھی بنایا۔ سندھ اسمبلی کےاجلاس میں سانحہ شکارپورکارروائی کا مرکز رہا۔

تفصیلات کے مطابق اسپیکر سندھ اسمبلی آغا سراج درانی کی زیرصدارت اجلاس میں سانحہ کیخلاف مذمتی قرارداد مشترکہ طورپر پیش کی گئی۔جسے متفقہ طور پر منظور کرلیا گیا۔

اپوزیشن ارکان نے سانحہ متاثرین کے لئے امدادی کارروائیوں میں تاخیرپرحکومت پرشدیدتنقید کی۔ ایم کیوایم کے رکن اسمبلی اظہارالحسن کا کہنا تھا سانحہ پشاوراورشکارپورصوبائی حکومتوں کی غفلت کا نتیجہ ہے۔

اس موقع پر پیپلز پارٹی ،مسلم لیگ فنکشنل، ایم کیو ایم ،ودیگر جماعتوں نے اظہار یکجہتی کیا، اور کی بھرپور مذمت کی ،رہنماؤں کا کہنا تھا کہ صوبائی حکومت دہشت گردوں کا نیٹ ورک توڑنے کیلئے مؤثر اقدامات کرے۔

کراچی آپریشن کا دائرہ کاراندرون سندھ تک وسیع کیا جائے۔اپوزیشن لیڈر شہریارمہرکا کہنا تھا شکارپوردوہزار
دس سے دہشت گردوں کے نشانے پرہے۔

حالات کا مقابلہ کرنے کے لئے یکجہتی کی ضرورت ہے۔امتیاز شیخ کا کہنا تھا کہ وزیراعظم اوروزیرداخلہ کی کراچی میں موجودگی کے باوجود متاثرین سے رابطہ نہ کرنا افسوسناک ہے۔

چیف جسٹس معاملے کا ازخود نوٹس لیکر واقعہ کی عدالتی تحقیقات کرائیں۔ اس بعد اسمبلی کا اجلاس کل صبح تک کیلئے ملتوی کردیا گیا۔

فروری 2, 2015
سینیٹ کا اجلاس: اپوزیشن اراکین کا احتجا جاً واک آؤٹ

اسلام آباد : سینیٹ میں اپوزیشن اپوزیشنصدارت ڈپٹی چیئرمین صابر بلوچ نے کی۔

اجلاس میں اپوزیشن جماعتوں کی جانب سے مدارس کی بیرونی فنڈنگ کا معاملہ اٹھایا گیا۔ جس پر اپوزیشن جماعتوں نے بتایا کہ آئی جی پنجاب کہتے ہیں کہ صوبے میں مدارس کو بیرونی مالی امداد نہیں مل رہی۔

حکومت بتائے کہ پنجاب میں مدارس کو بیرونی مالی امداد کے شواہد ہیں کہ نہیں ؟اس پر حکومت کی جانب سے خاطر خواہ جواب نہیں دیا گیا۔ڈپٹی چیئرمین نے مدارس سے متعلق معاملہ استحقاق کمیٹی کے سپرد کیا۔ اور آئی جی پنجاب کو طلب کر لیا۔

سینیٹ میں اپوزیشن نے وزیر داخلہ کی عدم موجودگی پر شدید احتجاج کرتے ہوئے ایوان سے واک آؤٹ کیا۔سینیٹ کا اجلاس پیر کی شام چاربجے تک کے لئے ملتوی کردیاگیا۔

جنوری 30, 2015
حکومت چھوٹے تاجروں کو تحفظ فراہم کرے، کراچی چیمبر

کراچی : کے سی سی آئی کی کمیٹی برائے اسمال ٹریڈرز نے حکومت سے مطالبہ کیا ہے کہ وہ چھوٹے تاجروں کے تحفظ کے لیے ٹھوس اقدامات کرے۔

ان خیالات کا اظہاراسمال ٹریڈرز کے چیئر مین عبدالمجید نےگارڈن مارکیٹ میں تاجروں کے اجلاس سے خطاب کرتے ہوئےکیا،انہوں نے کہا کہ کراچی میں جرائم پیشہ عناصر کیخلاف آپریشن کے باوجود کراچی میں بھتہ ،پرچی اور ڈکیتی کی وارداتوں میں اضافہ ہوا ہے۔

اجلاس سے خطاب کرتے ہوئے عبدالمجید میمن کا کہنا تھا کہ ملک کی معاشی شہ رگ کو ایک سازش کے تحت جرائم کی آماجگاہ بنا کر کاروبار کرنا مشکل بنادیا گیا ہے۔

ملزمان آئے روز دکان داروں سے بھتہ طلب کررہے ہیں اور نہ دینے پر سنگین نتائج کی دھمکیاں دی جا رہی ہیں،انہوں نے کہا کہ مارکیٹوں کی صفائی ستھرائی کے ناقص انتظامات اور گٹر کے پانی کا جگہ جگہ جمع ہونا بھی عوام اور تاجروں کو شدید پریشانی کا سامنا کرنا پڑ رہا ہے۔

انہوں نے متعلقہ حکام سے مطالبہ کیا کہ مارکیٹوں میں ہنگامی بنیادوں پر صفائی ستھرائی کے انتظامات کئے جائیں۔

جنوری 30, 2015