Tag: IK

اسلام آباد: چیئر مین تحریک انصاف ایوان میں ہنگامہ آرائی پر پھٹ پڑے اور اسمبلی کو بند کرنے کا مطالبہ کردیا۔

تفصیلات کے مطابق پانامہ لیکس کی سماعت کے آغاز سے قبل چئیرمین تحریک انصاف عمران خان نے سپریم کورٹ کے باہر میڈیا سے گفتگو کرتے ہوئے کہا کہ کل جواسمبلی میں ہوا وہ ن لیگ نے پہلی بار نہیں کیا ماضی میں بھی اس قسم کے واقعات رونما ہوتے رہے ہیں، کون جانا چاہتا ہے ایسی اسمبلی میں، ایسی اسمبلی کا کیا فائدہ، اسے بند کریں اورعوام کا پیسہ بچائیں۔

عمران خان نے کہا کہ آپ نے اسمبلی کا حال دیکھ لیا، اسمبلی میں پیسے بنانے اور کرپٹ اشرافیہ کو بچانے آتے ہیں، ملک کے سربراہ پر کرپشن کے الزامات ہیں، مگر اس پر بحث نہیں ہوتی۔

انھوں نے مزید کہا کہ جب ڈکٹیٹر نے نواز شریف کو دھکے دیکر نکالا تھا یہ غنڈے تب کہاں تھے،  قدم بڑھاؤ نواز شریف کا نعرہ لگانے والے2007 میں بلوں میں چھپ گئے تھے۔

پی ٹی آئی کے سربراہ کا کہنا تھا کہ قوم انصاف کی منتظر ہے جبکہ ماڈل ٹاؤن میں تشدد کیا گیا اور کوئی جواب دہ نہیں ہے، ہم انصاف کے حصول کے لئے سٹرکوں‌ پر آئے تھے تو ہمیں ڈنڈے مارے گے اور کہا گیا کہ ایوان میں آؤ، اسمبلی مینں آئے ےتو جواب کے بجائے کل ایسا رویہ اختیار کیا گیا۔

پانامہ لیک کی سماعت کا ذکر کرتے ہوئے کہا کہ جمہوریت میں چیف ایگزیکٹو جوابدہ ہوتا ہے جبکہ یہ جواب نہیں دیتے ہیں، نون لیگ نواز شریف سے جواب مانگنے کے بجائے کرپشن بچارہی ہے

چئیرمین تحریک انصاف نے مستقبل کی حکمت عملی بتاتے ہوئے کہا کہ ہمیں کہیں سے جواب نہیں ملا تو سڑکوں پر آئیں گے، انہوں نے مطالبہ کیا کہ قطری خط سے بے وقوف بنانے پر نوازشریف کو جیل میں ڈالنا چاہئے۔

چیئرمین پاکستان تحریک انصاف نے سپریم کورٹ کے باہر میڈیا سے گفتگو کرتے ہوئے کہا کہ آج ایک اور قطری خط آگیا ہے، لگتا ہے یہ تلور کے شکار کے اثرات ہیں، انہوں نے کہا کہ یہ خط ہمارے دلائل کے بعد ہی کیوں آتے ہیں.

تفصیلات کے مطابق سپریم کورٹ کے باہر میڈیا سے گفتگو کرتے ہوئے کہا کہ تحریک انصاف کے چیئرمین عمران خان نے اظہار خیال کرتے ہوئے کہا کہ میں ذاتی دشمنی کی وجہ سے یہ سب کچھ نہیں کررہا ہوں، ساری اپوزیشن حکومت سے جواب مانگ رہی ہے، انہوں کہا ہم نے تو 4 سوال اُٹھائے تھے جب ان کا جواب نہیں‌ملا تو ہم عدالت آنے کافیصلہ کیا.

چیئرمین پی ٹی آئی نے 1999 کا ذکر کرتے ہوئے کہا کہ جب 12 اکتوبر کو نوازشریف کاتختہ الٹا گیا تو قوم کے ساتھ مل کرخوشیاں منائی تھیں کیونکہ نوازشریف اس دور میں امیرالمومنین بننا چاہتے تھے.

عمران خان نے سوالیہ انداز میں کہا کہ مشرف کی آمریت اورنوازشریف کی نام نہاد جمہوریت میں کیا فرق ہے، ہم کہتے ہیں نوازشریف نے پارلیمنٹ اورسپریم کورٹ میں جھوٹ بولا ہے اس پاداش میں مجھے پرکیس ہے‘ میں اشتہاری ہوں جبکہ جہانگیر ترین کے خلاف تحقیقات ہورہی ہے، شیخ رشید کو لال حویلی سے نکالنے کی کوششیں ہورہی ہیں.

چیئرمین تحریک انصاف نے کہا کہ اب ایک نئی صورتحال رونما ہوئی ہے ، آج ایک اور قطری خط آگیا ہے، لگتا ہے یہ تلور کے شکار کے اثرات ہیں، عمران خان کا کہنا تھا کہ پاکستان کے عوام باشعور ہیں وہ قطری خط کی حقیقت جانتے ہیں‌۔   عمران خان نے کہا کہ ہمارا سوال صرف اتنا سا ہے کہ نوازشریف نے جب تقریریں کیں توقطری خط کاذکر کیوں نہیں کیا. انہوں نے کہا کہ ملک کا وزیراعظم دولت چھپانے کے لئے عوام سے جھوٹ بولتا ہے.

دوسری جانب تحریک انصاف کے رکن قومی اسمبلی جہانگیرترین کا کہنا تھا کہ میرا تمام کاروبار صاف اورشفاف ہے، میں اپنے کاروبار پر ٹیکس دیتا ہوں، جہانگیرترین نے کہا کہ ایک سال میں جتنا ٹیکس دیتا ہوں، نوازشریف نے ساری زندگی میں نہیں دیاہوگا۔