اسلام آباد: تحریک انصاف نے مذاکرات کی حکومتی پیشکش کا خیر مقدم کیا ہے ، شاہ محمود قریشی کہتے ہیں حکومت عدالتی کمیشن قائم کرےکراچی اور لاہور کا احتجاج روک دیں گے۔
وزیر خزانہ اسحق ڈار کی جانب سے غیر مشروط مذاکرات کی پیشکش پر شاہ محمود قریشی نے اسے خوش آئندقرار دیا ہے ،شاہ محمود قریشی کا کہنا تھا کہ وہ کوشش کریں گے کہ بات وہیں سے بڑھائیں جہاں یہ رکی تھی ، انہوں نے کہا کہ تحقیقاتی کمیشن کے طریقہ کار سے مذاکرات کا آغاز کریں گے۔
مذاکرات کی غیر مشروط بحالی کی پیشکش کا خیر مقدم کرتے ہوئے شیریں مزاری کا کہنا تھا کہ مذاکرات کی کامیابی تک احتجاج جاری رہے گا، البتہ جس دن جوڈیشل کمیشن نے کام کا آغاز کر دیا ، اس دن سے اسلام آباد سے باہر کا احتجاج ختم کر دیا جائے گا۔
