Tag: illegal-land-allotment-case

کراچی : احتساب عدالت نے غیر قانونی زمین الاٹمنٹ کیس میں پاک سرزمین کے سربراہ مصطفی کمال سمیت دیگر پر فرد جرم عائد کردی۔

تفصیلات کے مطابق کراچی کی احتساب عدالت نے کلفٹن میں سرکاری زمین کی غیرقانونی الاٹمنٹ کے کیس کی سماعت ہوئی، دوران سماعت عدالت نے مصطفی کمال اور دیگر پر فرد جرم عائد کردی تاہم تمام ملزمان نے صحت جرم سے انکار کردیا۔

دیگر ملزمان میں افتخار قائمخانی، ممتاز حیدر، سید نشاط علی ، محمد داؤو، محمد رفیق، محمد عرفان ، نذیرزرداری، محمد یعقوب، فضل الرحمان شامل ہیں۔

:ملزمان کی جانب سے ٹرائل چلانے کی استدعا کی گئی ، جس پر عدالت نے ریفرنس کے گواہوں کو نوٹس جاری کردیا اور سماعت 5 دسمبر تک ملتوی کردی۔

عدالت کے باہر مصطفی کمال نے میڈیا سے گفتگو کرتے ہوئے کہا کہ بلدیاتی نظام ختم ہوئے 14 ماہ گزرگئے مگرالیکشن نہیں ہوئے، اختیارات نچلی سطح پردینے میں حکومت کی جان نکلتی ہے، وزیراعظم کی الیکٹورل اصلاحات کا خیرمقدم کرتے ہیں۔

مصطفی کمال کا کہنا تھا کہ حکومت اور اپوزیشن کو اختلافات ختم کرکے مذاکرات کرنے چاہئیں ، بلاول کوزیب نہیں دیتاپی ڈی ایم پلیٹ فارم سے انقلاب کی بات کریں۔

کراچی : کراچی میں سرکاری پلاٹوں کی غیرقانونی الاٹمنٹ کیس میں مصطفی کمال کوریفرنس کی نقول فراہم کردی گئیں، مصطفی کمال نے کہا نیب میرے سامنے کھڑا ہو اور بتائے کہ مجھ پر کیا الزام ہے۔

تفصیلات کے مطابق احتساب عدالت میں سرکاری پلاٹوں کی غیرقانونی الاٹمنٹ سےمتعلق کیس کی سماعت ہوئی ، پی ایس پی کے سربراہ مصطفیٰ کمال پیش ہوئے۔

سماعت میں مصطفی کمال نے عدالت میں کیس کےغلط عنوان اور غلط سرخیوں پر گلہ کیا اور کہا یہ غیر قانونی الاٹمنٹ نہیں تھی، سرخیوں میں غیر قانونی الاٹمنٹ لکھاجارہاہے، ریفرنس میں الاٹمنٹ کاکہیں ذکرہی نہیں، اس سے میری ساکھ متاثر ہورہی ہے۔

جس پر عدالت نے کہا آپ ہمیں درخواست دیں، پھر باقاعدہ حکم نامہ جاری کریں گے جبکہ مصطفی کمال کو ریفرنس کی نقول فراہم کردی گئیں۔

بعد ازاں حتساب عدالت نے سماعت17 اگست تک ملتوی کردی۔

یاد رہے مصطفی کمال نے سندھ ہائی کورٹ سے ضمانت قبل از گرفتاری حاصل کررکھی ہے، ریفرنس میں مصطفی کمال سمیت 11ملزمان نامزد ہیں ، ملزمان پر ساحل کے قریب ساڑھے5 ہزار گز زمین کی غیر قانونی الاٹمنٹ کاالزام ہے ، ملزمان نے قومی خزانے کو ڈھائی ارب سے زائد کا نقصان پہنچایا۔

مزید پڑھیں : الزام ثابت ہوجائے تو مجھے چوک پر پھانسی دینا ، مصطفی کمال

سماعت کے بعد پی ایس پی کے سربراہ مصطفیٰ کمال نے میڈیا سے گفتگو کرتے ہوئے کہا ریفرنس کےعنوان پر مجھےغیر قانونی الاٹمنٹ کیس میں شامل کیا گیا ، کیس میں کہیں غیر قانونی الاٹمنٹ کا ذکر نہیں۔

مصطفیٰ کمال کا کہنا تھا کہ دنیا بھر میں کہا جاتا ہے کہ میں نے الاٹمنٹ کی ، عدالت میں کہاکہ جوعنوان مجھ سےمنسوب کیا گیا اسے ہٹایا جائے ، الاٹمنٹ 1982 میں ہوئی اور میں 2005 میں مئیر منتخب ہوا ، خبرچل رہی ہے مصطفیٰ کمال غیرقانونی الاٹمنٹ کیس میں پیش ہورہے ہیں۔

انھوں نے مزید کہا میں اب لڑوں گا،جوبھی عدالت مجھےبلائےگی میں جاؤں گا، نیب میرے سامنے کھڑاہو اور بتائے کہ مجھ پر کیا الزام ہے۔