ریاض: سعودی عرب میں حکام نے ایسی غیر قانونی رہائش کا پتہ لگایا ہے جس کا دروازہ ریفریجریٹر کے اندر سے بنایا گیا تھا اور دیکھنے میں بند دروازہ ریفریجریٹر لگتا تھا۔
اردو نیوز کے مطابق سعودی عرب کے درالحکومت ریاض میں وزارت تجارت نے تفتیشی مہم کے دوران کارکنوں کی غیر رہائش کا پتہ لگایا ہے جس میں داخلے کا راستہ ایک ریفریجریٹر کے دروازے سے تھا۔
غیر قانونی گودام میں رہائش کو خفیہ رکھنے کے لیے حیران کن طریقہ اختیار کیا گیا، ریفریجریٹر کے دروازے کو داخلے کا راستہ بنا رکھا تھا۔
اختبؤا في وكر يتم الدخول له من "باب ثلاجة!” في مستودع مخالف بالرياض..
كشفنا حيلتهم؛ وأحلناهم للجهات المختصة.
ضبطناهم أثناء جولات البرنامج الوطني لمكافحة التستر التجاري@saudicanp
بمشاركة فرقنا الرقابية و @Amanatalriyadh pic.twitter.com/HW2cXVfT1e— وزارة التجارة (@MCgovSA) June 3, 2023
وزارت تجارت نے ٹویٹر پر بیان میں کہا کہ تفتیشی کارروائی کے دوران پکڑے گئے غیر ملکی کارکنان کو متعقلہ حکام کے حوالے کردیا گیا۔
وزارت تجارت نے ایک ویڈیو کلپ بھی شیئر کیا ہے جس میں ریفریجریٹر کا وہ دروازہ دیکھا جاسکتا ہے جس کے ذریعے دوسرے کمرے میں جایا جاسکتا تھا۔
