اے آر وائی نیوز کے پروگرام سر عام کی ٹیم نے لاہور پولیس کے جرائم کا ایک اور پردہ چاک کردیا، لاہور پولیس غیر قانونی اسلحہ بیچنے میں بھی ملوث نکلی۔
جی ہاں ! ایک نہیں شہر کے 6بڑے تھانے اس دھندے میں ملوث ہیں، ٹیم سرِعام نے لاہور کے 6 تھانوں سے پسٹل خریدنے کی ڈیل کی اور اس کی آڑ میں غیر قانونی اسلحے کا ایک بڑا نیٹ ورک بے نقاب کر دیا۔
سوال یہ ہے کہ کیا یہ وہی اسلحہ ہے جو ڈکیتیوں اور قتل و غارت گری میں استعمال ہوتا ہے۔؟ کیا لاہور پولیس خود جرائم کی پشت پناہی کر رہی ہے؟ کیا تحفظ دینے کے دعوے دار غنڈوں اور مجرموں کے سرپرست بن چکے ہیں؟ شہر کے رکھوالے امن و امان کی صورتحال خود کیسے خراب کر رہے ہیں؟
ڈکیتیاں اغواء برائے تاوان منشیات کی خرید و فروخت اور اب غیر قانانی اسلحہ کا کاروبار شاید ہی کوئی جرم رہ گیا ہو جسے لاہور پولیس نے کرنے سے چھوڑ دیا ہو اگر یہ کہا جائے تو غلط نہ ہوگا کہ لاہور میں ہونے والے تمام جرائم پولیس خود کررہی ہے اگر نہیں تو سارے جرائم اسی کی سرپرستی میں کیے جارہے ہیں۔
اس سلسلے میں ٹیم سر عام نے لاہور کے چھ تھانوں جن میں تھانہ ڈیفینس اے تھانہ ہنجر وال تھانہ غازی آباد، ایس پی آفس اقبال ٹاؤن، تھانہ ساندہ کے اہلکار و افسران سے رابطے کیے جو غیر قانونی اسلحہ فروخت کرنے کیلیے تیار بیٹھے تھے۔
ٹیم سرعام نے ایس پی آفس اقبال ٹاؤن کے اہلکار فیصل علی سے ڈیل کی جس شخص کو اسلحہ فروخت کرنا ہے بعد میں اسی کو اغواء کرکے اس سے مزید رقم بھی نکلوانی ہے، بعد ازاں فیصل علی نے جس شخص سے اسلحہ لینا تھا وہ بھی لاہور پولیس کا سب انسپکٹر تھا اور اس کے پاس غیر قانونی ہتھیاروں کی بڑی کھیپ موجود تھی۔
جب پولیس نے اقرار الحسن کو گاڑی سے اتارا تو کیا ہوا؟
منصوبے کے تحت ٹیم سر عام کے ہیڈ اقرار الحسن کو مغوی کے روپ میں گاڑی میں بٹھایا گیا اور جیسے ہی علاقہ ایس ایچ او نے واردات شرع کی تو سامنے سے اقرار الحس کو دیکھ کر اس کی حالت دیکھنے والی تھی، بعد میں اس نے رنگے ہاتھوں پکڑے جانے پر ڈھٹائی کا مظاہرہ کیا اور چوری اور سینہ زوری کے مصداق دھمکیوں پر اتر آیا۔
بعد ازاں ٹیم سرعام نے ایف آئی آر کٹوانے کیلیے تھانہ ساندہ جاکر فیصل علی سے لیے گئے اسلحے اور اور دیگر ویڈیو ثبوت ایس ایچ اور کو فراہم کیے اور اپنی ذمہ داری مکمل کی۔