سابق آل راؤنڈر عماد وسیم نے قومی ٹیم کے نئے ہیڈکوچ مائیک ہیسن سے متعلق لب کشائی کردی۔
سابق آل راؤنڈر عماد وسیم نے مقامی اسپورٹس پلیٹ فارم کو دیے گئے انٹرویو میں کہا کہ نئے ہیڈ کوچ مائیک ہیسن کی تقرری پاکستان کرکٹ کیلئے ایک مثبت قدم ثابت ہوگی۔
سابق کرکٹر نے کہا کہ بنگلادیش کیخلاف پاکستان نے 3 ٹی20 میچز کی سیریز کا اچھا آغاز کیا ہے، مجھے امید ہے قومی ٹیم جلد جیت کے ٹریک پر واپس آجائے گی۔
عماد نے کہا کہ لاپرواہی، حماقت اور بے خوفی میں فرق ہوتا ہے، مائیک ہیسن کھیل کو اچھی طرح سمجھتے ہیں اور دور حاضر کیساتھ ٹیم کو ڈھالنے کی کوشش کریں گے۔
عماد نے کہا کہ مجھے اب بھی یقین ہے کہ اگر آپ انہیں 4 سے 6 ماہ یا پھر 3 سے 4 سیریز میں موقع دیں گے تو وہ بہترین کوچ ثابت ہوں گے۔ مائیک ہیسن کا سب سے بڑا چیلنج پاکستان کرکٹ کے اندرونی ڈرامے کو سنبھالنا ہوگا۔
اس سے قبل کئے ایک انٹرویو میں پاکستان کے سابق آل راؤنڈر عماد نے سکندر رضا کے پی ایس ایل کے فائنل میچ کے ٹاس سے قبل پاکستان واپسی کو پیسوں سے جوڑ دیا تھا۔
سکندر رضا نے ناٹنگھم میں انگلینڈ کے خلاف واحد ٹیسٹ میچ میں زمبابوے کی نمائندگی کرنے کے لیے قلندرز سے چھٹی لی جس کی وجہ سے ان کی پی ایس ایل فائنل میں شرکت غیر یقینی ہوچکی تھی۔
تاہم سکندر رضا نے ٹاس سے دس منٹ قبل قلندرز کے اسکواڈ میں دوبارہ شمولیت اختیار کی اور قلندرز کو فتح سے ہمکنار کروانے میں اہم کردار بھی ادا کیا۔
دوسرا ٹی ٹوئنٹی، پاکستان اور بنگلادیش آج مد مقابل ہوں گے
تاہم حالیہ انٹرویو میں عماد وسیم سے کہا گیا کہ وہ سکندر رضا کو ایک لفظ میں بیان کریں؟ جواب میں عماد نے کہا کہ جیسا شعیب اختر نے کہا پیسہ آپ کے لیے کام کرسکتا ہے۔
