ARYNews.tv | Urdu – Har Lamha Bakhabar

Tag: Imaran Khan

  • وزیراعظم عمران خان نے پاکستان کے ایئرپورٹس سے متعلق اہم اجلاس کل طلب کرلیا

    اسلام آباد  : وزیر اعظم عمران خان کی زیر صدارت پیر کو پاکستان کے ایئرپورٹس سے متعلق اہم اجلاس طلب کرلیا گیا۔ اجلاس میں وفاقی وزیر برائے ہوا بازی غلام سرور خان ،سیکریٹری ایوی ایشن،شاہ رخ نصرت اور سول ایوی ایشن کے اعلیٰ افسران شرکت کریں گے۔

    اس حوالے سے ذرائع کا کہنا ہے کہ وزیر اعظم کی زیر صدارت اجلاس میں پاکستان کے ایئرپورٹس کو بین الاقوامی معیار کے مطابق بنانے اور سی اے اے کے مستقبل کا بھی فیصلہ ہوگا۔

    سول ایوی ایشن اتھارٹی کے دو اہم شعبوں کو الگ کرنے کی باقاعدہ منظوری بھی دی جائے گی، سول ایوی ایشن کے شعبہ ریگولٹری کو بھی الگ کردیا جائے گا، ذرائع کے مطابق اجلاس میں سول ایوی ایشن اتھارٹی کے شعبہ ایئرپورٹ سروسز کو بھی آؤٹ سورس کرنے کے حوالے اہم فیصلے ہوں گے۔

    وزیر اعظم عمران خان کا وژن ہے کہ پاکستان کے ایئرپورٹس دنیا کے جدید ترین ایئرپورٹ ہوں، وزیر اعظم کے وژن کے مطابق مسافروں کو زیادہ سے زیادہ سہولت میسر ہو اور سیاحت کو فروغ حاصل ہو، سال 1982میں سول ایوی ایشن اتھارٹی کو ایک خودمختار ادارہ بنایا گیا تھا۔

    مزید پڑھیں: قطرپاکستان کے ہوائی اڈوں کو جدید بنانے کا خواہش مند

    ذرائع کا مزید کہنا ہے کہ سول ایوی ایشن اتھارٹی کے ریگولٹری کو الگ کرنے کا مقصد بین الاقوامی سول ایوی ایشن اتھارٹی کے معیار کے مطابق ہوا بازی کی صنعت کو فروغ دینا ہے۔

  • مشعال قتل کیس: مکمل انصاف نہیں ملا، والد مشعال

    مشعال قتل کیس: مکمل انصاف نہیں ملا، والد مشعال

    کراچی: مشتعل ہجوم کے ہاتھوں ہلاک ہونے والے طالب علم مشعال خان کے والد نے کہا ہے کہ فوٹیج میں نظر آنے کے باوجود بھی ملزمان کو نہیں پکڑا گیا، ہمیں مکمل انصاف نہیں ملا۔

    ان خیالات کا اظہار انہوں نے اے آر وائے کے پروگرام الیونتھ آور میں خصوصی گفتگو کرتے ہوئے کیا، عدالتی فیصلے کے بعد مشعال کے والد کا کہنا تھا کہ مشعال کے قتل کے بعد مجرمانہ خاموشی اختیار کی گئی۔

    انہوں نے کہا کہ مشعال قتل سے پہلے اے پی ایس، باچا خان یونیورسٹی واقعہ بھی ہوا لیکن موثر اقدامات نہیں کئے گئے، کسی کو بلاوجہ قتل کرنا ایک انتہائی شرمناک جرم ہے۔

    مشعال کیس فیصلہ : مقتول کے بھائی کا عمران خان کو فون

    مشال کے والد کا کہنا تھا کہ میرا بیٹا کسی غلط سرگرمیوں میں ملوث نہیں تھا، اس پر جھوٹے الزامات لگا کر قتل کیا گیا، اب فیصلہ سامنے ہے ثابت ہوگیا مشعال بے گناہ تھا۔

    ان کا مزید کہنا تھا کہ فوٹیج میں نظر آنے والے تمام افراد کے خلاف بھی کاروائی ہونی چاہیے جس کے لیے ہم عدالت جائیں گے۔

    مشال قتل کیس کے دیگرملزمان کو بھی گرفتارکیاجائے، مشال کے بھائی کا مطالبہ

    یاد رہے کہ گزشتہ سال اپریل میں عبدالولی یونیورسٹی مردان میں ایک مشتعل ہجوم نے طالب علم مشعال خان پر اہانت مذہب کا الزام لگا کر بہیمانہ تشدد کا نشانہ بنایا اور اسے موت کے گھاٹ اتار دیا تھا۔

    خیال رہے مشعال خان کے قاتل کو سزائے موت کے فیصلے کے بعد مقتول کے بھائی ایمل خان نے چیئرمین پی ٹی ائی عمران خان کو ٹیلی فون کرکے اظہار تشکر کیا ہے جبکہ اس موقع پر مشعال کے والد کا کہنا تھا کہ کیس میں مفرور 3 ملزمان کو بھی جلد گرفتار کیا جائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

  • عابد شیر علی کی عمران خان اور طاہرالقادری کے خلاف ہرزہ سرائی

    عابد شیر علی کی عمران خان اور طاہرالقادری کے خلاف ہرزہ سرائی

    لاہور: وفاقی وزیر برائے بجلی اور پاکستان مسلم لیگ ن یوتھ ونگ کے صدر عابد شیر علی نے چیئرمین تحریک انصاف عمران خان اور پاکستان عوامی تحریک کے قائد ڈاکٹر علامہ طاہر القادری کے خلاف نازیبا الفاظ استعمال کیے ہیں۔

    تفصیلات کے مطابق عابد شیر علی نے سماجی رابطے کی ویب سائٹ پر ایک ٹوئیٹ کیا جس میں انہوں نے چیئر مین تحریک انصاف اور عوامی تحریک کے قائد کے خلاف نازیبا زبان استعمال کی جس کے بعد سماجی رابطے کی ویب سائٹ پر اُن کے اس عمل کے خلاف سوشل میڈٰیا کے صارفین سراپا احتجاج بن گئے۔

      عوام کی جانب سے وفاقی وزیر کے اس رویے اور غلط زبان کے خلاف شدید احتجاج کیا گیا اور انہیں شدید تنقید کا نشانہ بناتے ہوئے سائبر کرائم بل کی یادہانی کروائی گئی.


    یاد رہے کہ حکمران جماعت کی جانب سے 10 روز قبل سائبر کرائم کے حوالے سے ایک بل سینیٹ سے منظور کیا ہے تاہم اُن کے ہی اپنے وزیر نے اس بل کی پرواہ کیے بغیر غلیظ زبان استعمال کی۔

    پڑھیں:  سائبر کرائم بل سینیٹ میں متفقہ طور پر منظور

    دوسری جانب پاناما لیکس کے انکشاف کے بعد تحریک انصاف کی جانب سے ’’تحریک احتساب‘‘ سے گورنمنٹ کے خلاف تحریک کا آغاز کردیا گیاہے، جبکہ علامہ طاہر القادری کی جماعت منہاج القرآن بھی اس وقت سڑکوں پر موجود ہے اور آج انہوں نے سانحہ ماڈل ٹاؤن میں قتل عام کے حوالے سے چلائی جانے والی تحریک قصاص کے سلسلے میں پنجاب کےمختلف اضلاع میں اپنے کارکنان سے بذریعہ ویڈیو لنک خطاب کیا تھا۔