کراچی: شہر قائد کے علاقے شادمان ٹاؤن سے ایک ٹارگٹ کلر کو گرفتار کرلیا گیا، ملزم مہدی موسوی مذہبی افراد کی ٹارگٹ کلنگ میں ملوث ہے۔
نمائندہ اے آر وائی نیوز کامل عارف کے مطابق حساس ادارے نے کراچی کے علاقے شادمان ٹاؤن میں کارروائی کرکے ایک اہم ٹارگٹ کلر مہدی موسوی کو گرفتار کرلیا، ملزم مذہبی ٹارگٹ کلنگ کی متعدد وارداتوں میں ملوث بتایا جارہا ہے۔
یہ پڑھیں:پارٹی قیادت کے حکم پر اپنے دو دوستوں کو قتل کیا، ٹارگٹ کلرکا انکشاف
نمائندےکے مطابق حساس ادارے نے ملزم کو گرفتار کرکے تفتیش کے لیے نامعلوم مقام پر منتقل کردیا ہے۔
ذرائع کا کہنا ہے کہ ملزم کے تفتیش کے بعد اس کے سہولت کاروں اور مالی اعانت کرنے والوں کے گرد بھی گھیرا تنگ کیا جائے گا۔