اسلام آباد : حکومت نے درآمدی موبائل فونز پر ڈیوٹی دگنی کرنے کی تجویز دے دی، موبائل فون پر ڈیوٹی 6000 سے 44000 روپے کرنےکی تجویز سامنے آئی۔
تفصیلات کے مطابق آئی ایم ایف کی سخت شرائط کے مطابق بجٹ 23-2022کی تیاریاں جاری ہے ، حکومت نے امپورٹڈ اشیا پر ڈیوٹی بڑھانے کی تجویز دے دی۔
نئے بجٹ میں درآمدی اشیا پر ڈیوٹیزکی شرح میں 100 فیصد تک اضافے کا امکان ہے، ذرائع کا کہنا ہے کہ موبائل فون پر ڈیوٹی دگنی کرنے کی بھی تجویز دی گئی ، موبائل فون پر ڈیوٹی 6000 سے44000 روپے کرنےکی تجویز سامنے آئی ہے۔
ذرائع نے بتایا کہ پاورجنریشن مشینری ریگولیٹری میں 30 فیصد اضافے ، اسٹیل مصنوعات کی ریگولیٹری ڈیوٹی میں 10 فیصد اضافے کی تجویز دی گئی۔
ایف بی آر کا کہنا ہے کہ درآمدی ٹائروں پر ریگولیٹری ڈیوٹی میں 50 فیصد ، مشینری پرریگولیٹری ڈیوٹی میں 10 اور گھریلوآلات پر50 فیصد اضافے کا امکان ہے۔
ذرائع کے مطابق 1000 سی سی سے اوپر کی گاڑیوں پر 100 فیصد ریگولیٹری ڈیوٹی لگانے اور درآمدی ٹائلزپر ریگولیٹری ڈیوٹی میں 40 فیصد اضافے کی تجویز سامنے آئی ہے ، ٹیکسز بڑھانے سے درآمدات حوصلہ شکنی بھی ہو گی۔
