کراچی : اعلیٰ ثانوی تعلیمی بورڈ کراچی میں 8برس بعد 19 گریڈ کے افسر عمران چشتی کو اعلیٰ ثانوی تعلیمی بورڈ کراچی کا سکریٹری مقرر کردیا گیا ہے۔
مذکورہ آسامی طویل عرصے سے خالی تھی۔ ان کے اعلیٰ ثانوی تعلیمی بورڈ کراچی کے سیکریٹری تعیناتی کا باقاعدہ نوٹیفکیشن جاری کردیا گیا ہے۔
تفصیلات کے مطابق گزشتہ طویل عرصے سے اعلیٰ ثانوی تعلیمی بورڈ کراچی میں سیکریٹری بورڈ کی نشست خالی تھی جس کی وجہ سے ادارے کے انتظامی امور کو چلانے میں کافی مشکلات درپیش تھیں۔
سیکریٹری اعلیٰ ثانوی تعلیمی بورڈ عمران خان چشتی اس سے قبل انٹر بورڈ کے سابق چیئرمین انوار احمد زئی کے دور میں بھی ناظم امتحانات کے حوالے سے اپنی ذمہ داریاں ادا کرچکے ہیں۔
سیکریٹری بورڈ کی ذمہ داریاں تفویض کئے جانے کے بعد انٹر کے سالانہ امتحانات سال دو ہزار تیئس کی انتظامی ذمہ داریاں بھی اہمیت کی حامل ہوں گی۔
عمران خان چشتی اس سے قبل انٹر بورڈ میں انتظامی ادوار سے امتحانات کے انعقاد میں انٹر کے امتحان میں اچھے اور معیاری نظام کے حوالے سے مشہور رہے ہیں۔
