مانچسٹر:ریحام خان کی اچانک آمد نے انٹرنیشنل میڈیا کانفرنس میں سب کو حیران کر دیا، ریحام خان نے اپنے خطاب میں میڈیا اور زندگی میں خواتین کے مختلف پہلوؤں پر بات کی.
برطانیہ کے شہر مانچسٹر میں انٹر نیشنل میڈیا کانفرس کے تیسرے مرحلے پر کانفرس کے اختتام سے کچھ ہی دیر قبل تحریک انصاف کے چیئرمین عمران خان کی سابقہ اہلیہ ریحام خان کی اچانک آمد نےجاری سکوت توڑ دیا.
میڈیا کانفرنس کے پہلے پروگرام میں ریحام خان کی شرکت متوقع کی لیکن وہ شریک نہ ہو سکیں لیکن وہ اپنی آمد اور انداز و اطوار سے مطمئن اور ہشاش بشاش نظر آرہیں تهیں۔
ریحام خان نے کانفرس سے خطاب کرتے ہوئے کہا کہ زندگی کے اصل میدان میں چهکے چوکے نہیں بلکہ لمبی پارٹنرشپ اہمیت کی حامل ہوتی ہے، پاکستان میں تبدیلی کے خواہاں اور انصاف کے علمبرداروں کو پہلے خواتین کی عزت کرنا سیکھنی ہوگی۔
انہوں نے عورت پرکیچڑ اچھالنے کو نا مناسب قرار دیتے ہوئے میڈیا کو خبر پیش کرنے کی باریکیاں بھی سمجھائیں، ریحام خان نےکہا کہ پاکستان میں خواتین عدم تحفظ کاشکارہیں۔ انہوں نے مزید کہا کہ جب کسی معاشرے میں خواتین کے متعلق غلط شائع ہوتی ہیں تو پھر عورت برا سلوک اختیار کرتی ہے۔
ریحام خان نے اس موقع پر پاکستان میں میڈیا کو درپیش چیلنجز اور مسائل پر بھی بات کی، اپنے خطاب میں زیادہ دیر انہوں نے آزادیٔ صحافت اور صحافت میں خواتین کے کردار پر بات کی جبکہ انہوں نے اپنی نجی زندگی اور طلاق پر گفتگو سے گریز کیا۔
