Tag: Imran Khan

اسلام آباد (23 اگست 2025): اے آر وائی نیوز سے منسلک سینئر صحافی حسن ایوب کا کہنا ہے کہ مذاکرات ہوں گے اور پی ٹی آئی کو ریلیف بھی ملے گا۔

انہوں نے اے آر وائی نیوز کے پروگرام ’دی رپورٹرز‘ میں گفتگو کرتے ہوئے اہم خبر دی کہ اگر پی ٹی آئی کو ریلیف چاہیے تو مذاکرات ہو سکتے ہیں اور ہوں گے، اس میں پی ٹی آئی کو ریلیف بھی ملے گا۔

یہ بھی پڑھیں: مذاکرات کا وقت ختم، اب فیصلے بانی پی ٹی آئی ہی کریں گے، بیرسٹر گوہر

سینئر صحافی نے پھر سے دہرایا کہ یہ ہونے جا رہے ہیں۔

پروگرام کے میزبان و سینئر صحافی خاور گھمن نے اہم خبر سے متعلق کہا کہ مذاکرات ہونے جا رہے ہیں اور پھر قائد (بانی پی ٹی آئی) سے بات ہوگی؟

اس پر حسن ایوب کا کہنا تھا کہ یہ ضروری نہیں ہے۔

خاور گھمن نے سوال کیا کہ قائد کے بغیر کیسے بات ہوگی تو حسن ایوب نے کہا ہو جائے گی۔

لاہور (23 اگست 2025): وزیر اعظم کے مشیر برائے سیاسی امور رانا ثنا اللہ کا کہنا ہے کہ بانی پی ٹی آئی عمران خان کو جیل میں 2، 2 اے سی لگوا دیں یا پی سی کھانے منگوا دیں ہمیں کوئی اعتراض نہیں۔

میڈیا سے گفتگو میں رانا ثنا اللہ نے کہا کہ نواز شریف نے مینار پاکستان پر کہا تھا ملک کو بھنور سے نکالنے کیلیے ادارے سر جوڑیں جبکہ اس سال یوم آزادی پر وزیر اعظم شہباز شریف نے میثاق استحکام پاکستان کا عنوان دیا، میثاق استحکام ہی پاکستان میں سیاسی و معاشی استحکام ہے جو ٹیبل پر بیٹھ کر ہوگا۔

رانا ثنا اللہ نے کہا کہ جب تک ٹیبل پر بیٹھ کر مسئلہ نہیں بتائیں گے معاملہ حل نہیں ہوگا، میثاق استحکام پاکستان پر بات ہو کر منطقی انجام تک پہنچنا چاہیے، ڈائیلاگ یا گرفتاریوں سے عدالتی فیصلوں کا کوئی تعلق نہیں ہوتا، جس تفتیشی کے پاس کیس ہوگا گرفتاری کرنے والے نے ڈائیلاگ نہیں کرنا، ریلیف ملتا ہے یا خلاف فیصلہ آئے تو تنقید قانونی آئینی حدود میں رکھیں۔

یہ بھی پڑھیں: بانی پی ٹی آئی کے بیٹے جو مناسب سمجھتے ہیں وہ کریں، رانا ثنا اللہ

انہوں نے کہا کہ بانی پی ٹی آئی عمران خان نے جیل میں اچھا وقت گزارا ہے، انہیں 2، 2 اے سی لگوا دیں یا صبح، دوپہر اور شام کھانے پی سی سے منگوا دیں ہمیں کوئی اعتراض نہیں۔

ان کا مزید کہنا تھا کہ پی ٹی آئی امیدوار کے کاغذات نامزدگی پر ہم نے کوئی اعتراض نہیں لگایا، 9 ستمبر کو ضمنی الیکشن ہوگا معزز ایوان فیصلہ کرے گا، کاغذات نامزدگی آئینی قانونی مرحلہ ہے جمہوری اور صحت مند روایت ہے۔

لاہور (22 اگست 2025): عظمیٰ بخاری نے بانی پی ٹی آئی عمران خان پر تنقید کرتے ہوئے کہا ہے کہ مقبولیت تو فرعون اور شیطان کی بھی بہت ہے لیکن وہ فرشتے نہیں بن سکتے۔

وزیر اطلاعات و نشریات پنجاب عظمیٰ بخاری نے اپنے ایک بیان میں کہا کہ 9 مئی کرنے اور کروانے والے کسی معافی کے مستحق نہیں، 9 مئی ایک ناکام بغاوت تھی جس کے تمام شواہد منظر عام پر آ چکے ہیں۔

عظمیٰ بخاری نے کہا کہ ناکام بغاوت اور سازش کے مرتکب کردار سیاسی لبادے میں نہیں چھپ سکتے، سیاست کی آڑ میں ریاست پر چڑھائی اور شہدا کے مجسمے جلا کر کون سی قوم کی خدمت کی گئی؟

انہوں نے کہا کہ ناکام بغاوت کے کردار انتقامی سیاست کا نام دے کر مظلوم نہیں بن سکتے، قوم 9 مئی کے ماسٹر مائنڈ اور سہولت کاروں کا مکمل احتساب چاہتی ہے، ماسٹر مائنڈ کے تمام کارڈ اور تحریکیں ناکام ہوگئی ہیں، 9 ان کا اپنے گناہوں کا حساب دینے کا وقت ہے۔

اس سے قبل عظمیٰ بخاری نے اپنے بیان میں کہا تھا کہ عمران خان اور ان کا فسادی گروہ انقلاب نہیں لا سکے تو قاسم اور سلیمان کیا تیر مار لیں گے، علیمہ خانم کو اپنے بھائی کی طرح تسلسل سے جھوٹ بولنے کی عادت پڑ گئی ہے، وہ کبھی کہتی ہیں کہ قاسم اور سلیمان پاکستان آ رہے ہیں تو کبھی کہتی ہیں نہیں آ رہے۔

صوبائی وزیر اطلاعات کا کہنا تھا کہ علیمہ خانم کبھی کہتی ہیں کہ ان کو عمران خان نے اجازت نہیں دی تو کبھی کہتی ہیں کہ ویزا نہیں مل رہا، وہ جن کے بچے ہیں پہلے ان سے تو پوچھ لیں وہ آنے کی اجازت دے رہے یا نہیں؟

ان کا کہنا تھا کہ علیمہ خانم کبھی کہتی ہیں کہ ان کے پاس نائکوپ ہے وہ پاکستانی ہیں اور کبھی ویزے مانگنے کی بات کرتی ہیں، قاسم اور سلیمان امریکا سیر سپاٹے کرنے گئے تھے اور گھوم پھر کے واپس لندن پہنچ گئے۔

اسلام آباد (21 اگست 2025): سپریم کورٹ میں بانی پاکستان تحریک انصاف (پی ٹی آئی) عمران خان کی ضمانت کی درخواستیں سننے والا بینچ تبدیل ہوگیا۔

بانی پی ٹی آئی عمران خان کی 9 مئی کے 8 مقدمات میں ضمانت کی درخواستیں سننے والے 3 رکنی بینچ میں جسٹس میاں گل حسن اورنگزیب کی جگہ جسٹس حسن اظہر رضوی شامل ہوگئے۔

چیف جسٹس پاکستان یحییٰ آفریدی کی سربراہی میں 3 رکنی بینچ ساڑھے 10 بجے سماعت کرے گا۔

گزشتہ روز کی سماعت کا احوال

گزشتہ روز چیف جسٹس پاکستان یحییٰ آفریدی کی سربراہی میں 3 رکنی بینچ نے عمران خان کی ضمانت کی درخواستوں پر سماعت کی تھی تاہم اسپیشل پراسیکیوٹر ذوالفقار نقوی کے پیش نہ ہونے پر سماعت ملتوی کی گئی تھی۔

معاون وکیل نے استدعا کی تھی کہ اسپیشل پراسیکیوٹر کو فوڈ پوائزنگ ہوئی ہے وہ آج نہیں آئے، کیس کی سماعت اگلے ہفتے تک ملتوی کریں۔

یہ بھی پڑھیں: بانی پی ٹی آئی کی ضمانت کی اپیلوں پر پنجاب حکومت کو نوٹسز جاری

اس پر چیف جسٹس پاکستان یحییٰ آفریدی نے کہا تھا کہ کل سماعت رکھ رہے ہیں کل دیکھ لیں گے۔ سپریم کورٹ نے عمران خان کی بہنوں کی عدالت میں بات کی اجازت دینے کی استدعا مسترد کر دی۔

معاون وکیل نے عدالت کو بتایا تھا کہ اسپیشل پراسیکیوٹر سے میری 6 منٹ تک ٹیلی فون پر گفتگو ہوئی وہ اسپتال میں ہیں۔ اس پر عمران خان کے وکیل سلمان صفدر نے کہا تھا کہ یہ مناسب نہیں ہے کم از کم ہمیں اپنے دلائل عدالت میں دینے کی اجازت دیں۔

چیف جسٹس پاکستان یحییٰ آفریدی نے کہا تھا کہ ہم آپ سے پہلے استغاثہ کو سنیں گے، استغاثہ کو پہلے اس پیمانے سے گزرنا پڑے گا کہ ہائیکورٹ کا فیصلہ برقرار کیسے رہ سکتا ہے؟

سلمان صفدر نے عمران خان کی فیملی ممبر کی عدالت میں بات کرنے کیلیے اجازت دینے کی استدعا کی تھی تاہم چیف جسٹس نے فیملی ممبر کو روسٹرم پر بولنے کی اجازت نہیں دی۔

یحییٰ آفریدی نے کہا تھا کہ وکیل بات کریں کسی فیملی ممبر کو عدالت میں بولنے کی اجازت نہیں۔

عمران خان کے وکیل نے بتایا تھا کہ لاہور ہائیکورٹ نے بانی پی ٹی آئی کی ضمانت گزشتہ سال نومبر میں خارج کی جبکہ 6 ماہ کیس زیر التوا رہا، ہائیکورٹ میں اس کیس کی 16 سماعتیں ہوئیں 8 پراسیکیوٹرز تبدیل ہوئے، کیس میں استغاثہ کی طرف سے بہت زیادہ التوا کی درخواستیں دی گئیں، ہم اب اکتا گئے ہیں۔

اس پر چیف جسٹس کا کہنا تھا کہ بے فکر رہیں ہم طویل التوا نہیں دیں گے۔

اسلام آباد (20 اگست 2025): سپریم کورٹ نے بانی پی ٹی آئی عمران خان کی ضمانت کی درخواستوں پر سماعت کل ساڑھے 10 بجے تک ملتوی کر دی۔

چیف جسٹس پاکستان یحییٰ آفریدی کی سربراہی میں 3 رکنی بینچ نے عمران خان کی ضمانت کی درخواستوں پر سماعت کی تاہم اسپیشل پراسیکیوٹر ذوالفقار نقوی کے پیش نہ ہونے پر سماعت ملتوی کی گئی۔

معاون وکیل نے استدعا کی کہ اسپیشل پراسیکیوٹر کو فوڈ پوائزنگ ہوئی ہے وہ آج نہیں آئے، کیس کی سماعت اگلے ہفتے تک ملتوی کریں۔

یہ بھی پڑھیں: بانی پی ٹی آئی کی ضمانت کی اپیلوں پر پنجاب حکومت کو نوٹسز جاری

اس پر چیف جسٹس پاکستان یحییٰ آفریدی نے کہا کہ کل سماعت رکھ رہے ہیں کل دیکھ لیں گے۔ سپریم کورٹ نے عمران خان کی بہنوں کی عدالت میں بات کی اجازت دینے کی استدعا مسترد کر دی۔

معاون وکیل نے عدالت کو بتایا کہ اسپیشل پراسیکیوٹر سے میری 6 منٹ تک ٹیلی فون پر گفتگو ہوئی وہ اسپتال میں ہیں۔ اس پر عمران خان کے وکیل سلمان صفدر نے کہا کہ یہ مناسب نہیں ہے کم از کم ہمیں اپنے دلائل عدالت میں دینے کی اجازت دیں۔

چیف جسٹس پاکستان یحییٰ آفریدی نے کہا کہ ہم آپ سے پہلے استغاثہ کو سنیں گے، استغاثہ کو پہلے اس پیمانے سے گزرنا پڑے گا کہ ہائیکورٹ کا فیصلہ برقرار کیسے رہ سکتا ہے؟

سلمان صفدر نے عمران خان کی فیملی ممبر کی عدالت میں بات کرنے کیلیے اجازت دینے کی استدعا کی تاہم چیف جسٹس نے فیملی ممبر کو روسٹرم پر بولنے کی اجازت نہیں دی۔

یحییٰ آفریدی نے کہا کہ وکیل بات کریں کسی فیملی ممبر کو عدالت میں بولنے کی اجازت نہیں۔

عمران خان کے وکیل نے بتایا کہ لاہور ہائیکورٹ نے بانی پی ٹی آئی کی ضمانت گزشتہ سال نومبر میں خارج کی جبکہ 6 ماہ کیس زیر التوا رہا، ہائیکورٹ میں اس کیس کی 16 سماعتیں ہوئیں 8 پراسیکیوٹرز تبدیل ہوئے، کیس میں استغاثہ کی طرف سے بہت زیادہ التوا کی درخواستیں دی گئیں، ہم اب اکتا گئے ہیں۔

اس پر چیف جسٹس کا کہنا تھا کہ بے فکر رہیں ہم طویل التوا نہیں دیں گے۔

راولپنڈی (20 اگست 2025): انسداد دہشتگردی عدالت نے پی ٹی آئی رہنما عمر ایوب، شبلی فراز، زرتاج گل سمیت 14 ملزمان کے ناقابل ضمانت وارنٹ گرفتاری جاری کر دیے۔

اے ٹی سی میں جی ایچ کیو حملہ سمیت 9 مئی کے 12 مقدمات کی سماعت جج امجد علی شاہ نے کی۔ اس دوران 14 ملزمان کے ناقابل ضمانت وارنٹ گرفتار جاری کیے گئے جن میں کنول شوزب اور چوہدری آصف بھی شامل ہیں۔

عدالت نے ملزمان کو آئندہ سماعت پر گرفتار کر کے پیش کرنے کا حکم دیا۔

یہ بھی پڑھیں: پی ٹی آئی کے 50 بڑے رہنماؤں کے وارنٹ گرفتاری جاری

دوران سماعت پراسیکیوٹر ظہیر شاہ اور وکلا صفائی عدالت میں پیش ہوئے۔ 9 مئی کے 14 ملزمان کی جانب سے حاضری سے استثنیٰ کی درخواست دائر کی گئی، 14 ملزمان فیصل آباد لاہور کی عدالتوں سے سزا یافتہ اور روپوش ہیں، پراسیکیوٹر ظہیر شاہ کی حاضری سے استثنیٰ کی دائر درخواست کی مخالفت میں دلائل دیے۔

پراسیکیوٹر ظہیر شاہ نے استدعا کی کہ ضمانتیں حاصل کرنے کے بعد پیش نہیں ہوئے ضمانت خارج کی جائے۔ انہوں نے حاضری سے استثنیٰ کی دائر درخواست کی مخالفت میں دلائل دیے۔

عدالت نے دلائل سے اتفاق کر کے 14 ملزمان کے ناقابل ضمانت وارنٹ گرفتاری جاری کیے، مقدمات کی سماعت 3 ستمبر تک ملتوی کر دی گئی۔

راولپنڈی (19 اگست 2025): انسداد دہشتگردی عدالت نے 26 نومبر احتجاج کیس میں پاکستان تحریک انصاف (پی ٹی آئی) کے 4 کارکنوں کو قید کی سزا سنا دی۔

26 نومبر احتجاج کیس کی سماعت انسداد دہشتگردی عدالت کے جج امجد علی شاہ نے کی، اس موقع پر پراسیکیوٹر ظہیر شاہ اور ملزمان کے وکلا عدالت میں پیش ہوئے۔

اے ٹی سی نے تھانہ انجرا اٹک میں درج مقدمے میں 4 پی ٹی آئی کارکنان کو 4، 4 ماہ قید کی سزا سنائی۔ عدالت نے جلاؤ گھیراؤ کی دفعات کے تحت مقدمے میں فیصلہ سنایا۔

پی ٹی آئی کارکنوں میں عامر خان، سردار خان، خان محمد اور جاوید اقبال شامل ہیں جنہوں نے عدالت میں اقبال جرم کیا، ملزمان نے عدالت میں اپنے اقبالی بیانات بھی جمع کروا دیے۔

پی ٹی آئی کارکنوں کا کہنا تھا کہ قیادت کے اکسانے پر پُرتشدد احتجاج میں شریک ہوئے، غریب مزدور انسان ہیں لہٰذا سزاؤں میں نظر ثانی کی جائے۔

واضح رہے کہ مئی میں اسلام آباد ہائیکورٹ نے 26 نومبر احتجاج کے دوران گرفتار پی ٹی آئی کے 86 کارکنان کو رہا کرنے کا حکم دیا تھا۔

اُس وقت کے قائم مقام چیف جسٹس سرفراز ڈوگر اور جسٹس محمد آصف نے پی ٹی آئی کارکنوں کی ضمانتیں منظور کیں، علی بخاری کی کارکنان کے ضمانتی مچلکے کم کرنے کی استدعا منظور کی۔

پی ٹی آئی کارکنوں کی ضمانتیں 10، 10 ہزارمچلکوں کے عوض منظور کی گئیں۔

فروری میں بھی اسلام آباد ہائیکورٹ نے 26 نومبر احتجاج کیس میں گرفتار تمام 120 کارکنوں کی ضمانتیں منظور کی تھیں۔ قائم مقام چیف جسٹس سرفرازڈوگر اورجسٹس محمد آصف نے ضمانتیں منظورکیں اور فوری رہا کرنے کا حکم دیا تھا۔

اسلام آباد (13 اگست 2025): اپوزیشن کی مخالفت کے باوجود قومی اسمبلی نے انسداد دہشتگردی ترمیمی بل 2025 منظور کر لیا۔

قومی اسمبلی کے اجلاس کے دوران وزیر مملکت برائے داخلہ طلال چوہدری نے انسداد دہشتگردی ترمیمی بل 2024 پیش کیا جسے ایوان نے کثرت رائے سے منظور کرتے ہوئے اپوزیشن کی پیش کردہ ترامیم مسترد کر دیں۔

انسداد دہشتگردی ترمیمی بل 2025 کے تحت مشکوک شخص کو 3 کے بجائے 6 ماہ تک حراست میں رکھا جا سکے گا، قانون کا اطلاق تین سال کیلیے ہوگا اور یہ صرف دہشتگردی سے متاثرہ علاقوں میں نافذ العمل ہوگا۔

طلال چوہدری نے انسداد دہشتگردی ایکٹ ترمیمی بل 2025 پیش کیا اور کہا کہ ملک میں 13-2012 والی صورتحال ہے روزانہ کی بنیاد پر 2 سے 3 اہلکار اور سویلین شہید ہو رہے ہیں۔

طلال چوہدری نے کہا کہ قانونی ہتھیار کے بغیر دہشتگردی کے خلاف جنگ نہیں لڑی جا سکتی، دہشتگردی کے خلاف جنگ سے متعلق قوانین کو سخت کرنا ہوگا۔

یہ بھی پڑھیں: قومی اسمبلی کی قائمہ کمیٹی نے یوٹیلیٹی اسٹورز بند کرنے کی مخالفت کر دی

چیئرمین پی ٹی آئی بیرسٹر گوہر نے انسداد دہشتگردی ترمیمی بل کی مخالفت کرتے ہوئے کہا کہ ایوان ماورا آئین قانون سازی نہ کرے بنیادی حقوق کے منافی کوئی قانون نہیں بن سکتا۔

انہوں نے کہا کہ سپریم کورٹ اس قسم کے قوانین کی مخالفت کر چکی ہے کسی مشتبہ کو 3 ماہ حراست میں رکھنے کے بعد مزید 3 ماہ کی توسیع کی جا رہی ہے، عوام کا اعتماد ختم ہوتا جا رہا ہے۔

اس پر وزیر قانون اعظم نذیر تارڑ نے کہا کہ جس شخص کو گرفتار کیا گیا اسے عدالت میں فوری پیش کرنا ہے کسی شخص کو 90 دن کیلیے سکیورٹی کے اعتبار سے نظر بند کیا جا سکتا ہے، دہشتگردی کی وجہ سے آج حالات بدل چکے ہیں۔

رہنما پیپلز پارٹی نوید قمر نے کہا کہ جب ملک نارمل حالات میں چل رہا ہو تو آئین تحفظ دیتا ہے کچھ حالات ایسے ہو جاتے ہیں تو عوام کو تحفظ دینا ہوتا ہے، دو صوبوں میں آگ لگی ہوئی ہے آج اس قانون کی ضرورت ہے۔

نوید قمر نے کہا کہ آج ضرورت پڑ گئی ہے ان دو صوبوں میں پاور دی جائے جہاں دہشتگردی کے شواہد موجود ہوں وہاں اس قانون کا اطلاق ہوگا۔