ARYNews.tv | Urdu – Har Lamha Bakhabar

Tag: Imran Khan

عمران خان نیازی پاکستانی سیاست دان, سابق کرکٹ کھلاڑی اور پاکستان کے سابق وزیر اعظم ہیں اور پی ٹی آئی کے بانی بھی ہیں۔ اس سے پہلے وہ 2002ء تا 2007ء اور 2013ء تا 2018ء تک پاکستان قومی اسمبلی کے رکن بھی رہ چکے ہیں۔ سیاست میں قدم رکھنے سے قبل عمران خان ایک کرکٹر اور مخیر تھے۔ انھوں نے دو دہائیوں تک بین الاقوامی کرکٹ کھیلی اور بعد میں خدمت خلق کے منصوبے بنائے جیسے کہ شوکت خانم میموریل کینسر ہسپتال اور ریسرچ سینٹر اور نمل کالج وغیرہ۔[10][11] عمران خان کی پیدائش لاہور میں اونچے درمیانے طبقے کے نیازی پشتون خاندان میں ہوئی، ان کے والد انجینئر اکرام اللہ خان نیازی تھے، عمران خان نے ابتدائی تعلیم ایچیسن کالج لاہور پھر رائل گرائمر اسکول ویلسٹڑ انگلینڈ اور بعد میں کیبل کالج آکسفورڈ سے حاصل کی۔ انھوں نے 13 سال کی عمر میں کرکٹ کھیلنا شروع کر دی تھی

اسلام آباد کی ضلعی اور سیشن عدالت کی جانب سے جاری کیے گئے وارنٹ گرفتاری کے نتیجے میں، اسلام آباد پولیس اور لاہور پولیس نے 14 مارچ 2023ء کو خان کی گرفتاری کے لیے آپریشن شروع کیا۔ [69] [70] 9 مئی کو، عمران خان کو اسلام آباد ہائی کورٹ سے نیم فوجی دستوں نے گرفتار کیا تھا۔ [71] [72] یہ القادر ٹرسٹ کیس میں ان کے مبینہ کردار پر تھا، [73] [73] [74] جس کے بعد پی ٹی آئی پارٹی کے اراکین نے ملک گیر احتجاج کی کال دی تھی۔ [75] [76] ان کی گرفتاری سے مظاہرے ہوئے اور 9 مئی کے فسادات ہوئ

  • پاکستان میں آئین، قانون اور شرافت کسی سطح پر تو باقی رہنے دیں، سلمان اکرم راجہ

    پاکستان میں آئین، قانون اور شرافت کسی سطح پر تو باقی رہنے دیں، سلمان اکرم راجہ

    اسلام آباد: رہنما پاکستان تحریک انصاف (پی ٹی آئی) سلمان اکرم راجہ کا کہنا ہے کہ ہمیں یقین ہے آپ عمران خان اور پارٹی کو ختم نہیں کر پائیں گے۔

    سلمان اکرم راجہ نے اپنے ایک بیان میں کہا کہ پی ٹی آئی پاکستان کی وفادار جماعت ہے اور ملک کے ساتھ جڑی ہے، ملک دباؤ کا شکار ہے اس پر مزید زخم نہ لگائیں۔

    انہوں نے کہا کہ ملٹری کورٹس میں سویلینز کا کیس غیر آئینی ہے، 26ویں آئینی ترمیم کے ذریعے ایک آئینی بینچ بنایا گیا جس سے سویلینز ٹرائل سے متعلق سپریم کورٹ فیصلے رد کروایا جائے گا۔

    یہ بھی پڑھیں: عمران خان نے اوورسیز کو زرمبادلہ نہ بھیجنے کی کال دے دی

    ان کا کہنا تھا کہ جو سابق صدرِ پاکستان ذوالفقار علی بھٹو کے ساتھ ہوا ہم ابھی تک اس سے نکل نہ سکے، پاکستان میں آئین، قانون اور شرافت کسی سطح پر تو باقی رہنے دیں۔

    آج فوجی عدالتوں نے سانحہ 9 مئی میں ملوث مجرمان کو سزائیں سنا دیں۔ آئی ایس پی آر کے مطابق 9 مئی 2023 کو قوم نے سیاسی طور پر بڑھکائے گئے اشتعال انگیز تشدد اورجلاؤ گھیراؤ کے افسوسناک واقعات دیکھے، پرتشدد واقعات پاکستان کی تاریخ میں ایک سیاہ باب کی حیثیت رکھتے ہیں۔

    سزا پانے والے 25 ملزمان کی تفصیلات:

    • جناح ہاؤس حملے میں ملوث جان محمد خان ولد طور خان کو 10 سال قید بامشقت
    • جناح ہاؤس حملے میں ملوث محمد عمران محبوب ولد محبوب احمدکو10 سال قید بامشقت
    • جی ایچ کیو حملے میں ملوث راجہ محمد احسان ولد راجہ محمد مقصود کو 10 سال قید بامشقت
    • پنجاب رجمنٹل سنٹر مردان حملے میں ملوث رحمت اللہ ولد منجور خان کو 10 سال قید بامشقت
    • پی اے ایف بیس میانوالی حملے میں ملوث انور خان ولد محمد خان کو 10 سال قید بامشقت
    • بنوں کینٹ حملے میں ملوث محمد آفاق خان ولد ایم اشفاق خان کو 9 سال قید بامشقت
    • چکدرہ قلعہ حملے میں ملوث داؤد خان ولد امیر زیب کو 7 سال قید بامشقت
    • جناح ہاؤس حملے میں ملوث فہیم حیدر ولد فاروق حیدر کو 6 سال قید بامشقت
    • ملتان کینٹ چیک پوسٹ حملے میں ملوث زاہد خان ولد محمد خان کو 4 سال قید بامشقت
    • پنجاب رجمنٹل سینٹر مردان حملے میں ملوث یاسر نواز ولد امیر نواز خان کو 2 سال قید بامشقت
    • جناح ہاؤس حملے میں ملوث عبدالہادی ولد عبدالقیوم کو 10 سال قید بامشقت
    • جناح ہاؤس حملے میں ملوث علی شان ولد نور محمد کو 10 سال قید بامشقت
    • جناح ہاؤس حملے میں ملوث داؤد خان ولد شاد خان کو 10 سال قید بامشقت
    • جی ایچ کیو حملے میں ملوث عمر فاروق ولد محمد صابرکو 10 سال قید بامشقت
    • پی اے ایف بیس میانوالی حملے میں ملوث بابر جمال ولد محمد اجمل خان کو 10 سال قید بامشقت
    • جناح ہاؤس حملے میں ملوث محمد حاشر خان ولد طاہر بشیرکو 6 سال قید بامشقت
    • جناح ہاؤس حملے میں ملوث محمد عاشق خان ولد نصیب خان کو 4 سال قید بامشقت
    • ملتان کینٹ چیک پوسٹ حملے میں ملوث خرم شہزاد ولد لیاقت علی کو 3 سال قید بامشقت
    • جناح ہاؤس حملے میں ملوث،محمد بلاول ولد منظور حسین کو 2 سال قید بامشقت
    • پنجاب رجمنٹل سینٹر مردان حملے میں ملوث سیِعد عالم ولد معاذ اللہ خان کو 2 سال قید بامشقت
    • آئی ایس آئی آفس فیصل آباد حملے میں ملوث لئیق احمد ولد منظور احمد کو 2 سال قید بامشقت
    • جناح ہاؤس حملے میں ملوث علی افتخار ولد افتخار احمدکو10 سال قید بامشقت
    • جناح ہاؤس حملے میں ملوث ضیا الرحمان ولد اعظم خورشید کو 10 سال قید بامشقت
    • پنجاب رجمنٹل سنٹر مردان حملے میں ملوث عدنان احمد ولد شیر محمد کو 10 سال قید بامشقت
    • پنجاب رجمنٹل سنٹر مردان حملے میں ملوث شاکر اللہ ولد انور شاہ کو 10 سال قید بامشقت

    آئی ایس پی آر کے مطابق 9 مئی کے واقعات واضح طور پر زور دیتے ہیں کہ کسی کو بھی سیاسی دہشتگردی کے ذریعے اپنی مرضی دوسروں پر مسلط کرنے کی اجازت نہیں دی جا سکتی، اس یوم سیاہ کے بعد تمام شواہد اور واقعات کی باریک بینی سے تفتیش کی گئی، ملوث ملزمان کے خلاف ناقابلِ تردید شواہد اکٹھے کئے گئے۔

  • بانی پی ٹی آئی نے اوورسیز پاکستانیوں کو زرمبادلہ نہ بھیجنے کی کال دے دی

    بانی پی ٹی آئی نے اوورسیز پاکستانیوں کو زرمبادلہ نہ بھیجنے کی کال دے دی

    راولپنڈی: اڈیالہ جیل میں قید بانی چیئرمین پاکستان تحریک انصاف (پی ٹی آئی) نے اوورسیز پاکستانیوں کو زرمبادلہ نہ بھیجنے کی کال دے دی۔

    جیل میں عمران خان سے ملاقات کے بعد ان کی ہمشیرہ نے میڈیا سے گفتگو میں بتایا کہ بانی پی ٹی آئی نے کہا ہے کہ کل سے اوورسیز پاکستانی زرمبادلہ نہ بھیجیں کیونکہ حکومت کی نیت بات چیت کی نہیں لگ رہی۔

    علیمہ خان نے قیدیوں کی رہائی، 9 مئی اور 26 نومبر پر جوڈیشل کمیشن بنانے کا مطالبہ کرتے ہوئے کہا کہ مذاکرات کے آغاز پر عمران خان اپنی کال واپس لے لیں گے۔

    چند روز قبل میڈیا سے گفتگو میں علیمہ خان نے کہا تھا کہ عمران خان نے کہا ہے کہ اگر اتوار تک حکومت نے مطالبات پورے نہ کیے تو اوورسیز پاکستانیوں کو کہوں گا زرمبادلہ نہ بھیجیں۔

    یہ بھی پڑھیں: عمران خان کیخلاف 190 ملین پاؤنڈ کیس کا فیصلہ محفوظ

    ’عمران خان بانی نے کہا کہ مطالبات نہ مانے تو پھر اوورسیز پاکستانیوں کو آواز دوں گا۔ اوورسیز کو ملک کا درد ہے اور وہ اس کیلیے روتے ہیں، بانی اووسیز کو کال دیں گے کہ وہ زرمبادلہ ملک بھیجنا بند کر دیں۔‘

    ان کا کہنا تھا کہ بانی پی ٹی آئی نے جوڈیشل کمیشن اور کارکنان کی رہائی کا مطالبہ کیا، ان کو آج جیل میں قید ہوئے 502 دن ہوگئے، وہ آئین و قانون کے مطابق 200 مقدمات کا سامنا کر رہے ہیں، وہ آئین و قانون کے مطابق چلتے ہیں اور لوگوں کو بھی یہی تلقین کرتے ہیں۔

    عمران خان کی ہمشیرہ کا کہنا تھا کہ لگ رہا ہے 190 ملین پاؤنڈ کیس میں انہیں سزا دی جائے گی جج کے رویے سے لگ رہا ہے پیر کو بانی پی ٹی آئی کو سزا دی جائے گی۔

    علیمہ خانم کا کہنا تھا کہ القادر یونیورسٹی مفت تعلیم کے لیے تھی اسی کے جرم میں سزا دی جارہی ہے، کیس سے پیغام دیا گیا عوام کی بھلائی کا کام کریں گے تو سزا ملے گی۔

  • فوجی عدالت سے سزاؤں کے اعلان پر پی ٹی آئی کا رد عمل

    فوجی عدالت سے سزاؤں کے اعلان پر پی ٹی آئی کا رد عمل

    اسلام آباد: فوجی عدالت سے سزاؤں کے اعلان پر پاکستان تحریک انصاف (پی ٹی آئی) کا رد عمل آ گیا۔

    تفصیلات کے مطابق پاکستان تحریک انصاف نے فوجی عدالت سے سویلینز کے خلاف سزائیں مسترد کر دیں، قومی اسمبلی میں اپوزیشن لیڈر عمر ایوب نے کہا کہ پی ٹی آئی کے زیر حراست افراد کے خلاف سزائیں انصاف کے اصولوں کے منافی ہیں۔

    عمر ایوب نے کہا فوجی عدالت سے سویلینز کے خلاف سزاؤں کو مسترد کرتے ہیں، زیر حراست افراد عام شہری ہیں، ان پر فوجی عدالتوں میں مقدمہ نہیں چلایا جا سکتا۔

    عمر ایوب نے ٹوئٹ میں لکھا کہ مسلح افواج ریاست کے انتظامی اختیار کا حصہ ہیں، ایسی عدالتوں کا قیام عام شہریوں سمیت عدلیہ کی آزادی کے خلاف ہے، ایسے فیصلوں سے آئین کی بنیادی خصوصیت طاقت کی تقسیم کی نفی ہوئی ہے۔

    سانحہ 9 مئی میں ملوث مجرمان کو سزائیں سنا دی گئیں

    سابق اسپیکر قومی اسمبلی اسد قیصر نے ملٹری کورٹ کا فیصلہ بنیادی انسانی حقوق کی خلاف ورزی قرار دیا، اور کہا کہ انصاف کے تقاضے پورے نہیں کیے گئے، سزائیں ہر فورم پر چیلنج کریں گے، اور انصاف کے حصول کے لیے پی ٹی آئی اپنی جدوجہد جاری رکھے گی۔

    واضح رہے کہ فیلڈ جنرل کورٹ مارشل نے 9 مئی واقعات میں ملوث 25 مجرموں کو سزائیں سنا دیں، آئی ایس پی آر کے مطابق جناح ہاؤس حملے میں ملوث جان محمد خان، محمد عمران محبوب، عبدالہادی، علی شان اور داؤد خان کو دس، دس سال قید بامشقت کی سزا سنائی گئی، جی ایچ کیو حملے میں ملوث راجا احسان اور عمر فاروق کو بھی دس سال قید بامشقت کی سزا دی گئی۔

    پنجاب رجمنٹل سینٹر مردان حملہ کیس میں رحمت اللہ کو دس سال، پی اے ایف بیس میانوالی حملہ کیس میں انور خان، بابر جمال کو دس دس سال، بنوں کینٹ حملہ کیس میں محمد آفاق کو نو سال، چکدرہ قلعہ حملہ کیس میں داؤد خان کو سات سال، ملتان کینٹ چیک پوسٹ حملہ کیس میں زاہد خان چار، خرم شہزاد کو تین سال قید بامشقت کی سزا سنائی گئی۔

    آئی ایس پی آر کے مطابق ملوث مجرموں کے خلاف ناقابلِ تردید شواہد اکٹھے کیے گئے ہیں، آئی ایس پی آر نے مجرموں کے اعترافی بیانات بھی جاری کیے، مجرم کہتے ہیں کہ انھوں نے بانی کی گرفتاری کے بعد رہنماؤں کے اکسانے پر حملے کیے۔

    https://urdu.arynews.tv/9-may-jan-mohammad-pti/

  • بشریٰ بی بی نے خود کو اے ٹی سی میں سرنڈر کر دیا

    بشریٰ بی بی نے خود کو اے ٹی سی میں سرنڈر کر دیا

    راولپنڈی: 9 مئی کے 23 مقدمات میں بشریٰ بی بی نے خود کو اے ٹی سی میں سرنڈر کر دیا۔

    تفصیلات کے مطابق نو مئی کے تئیس مقدمات میں بشریٰ بی بی نے اینٹی ٹیررازم کورٹ میں سرنڈر کر دیا، بشریٰ بی بی عدالت میں وکلا کے ہمراہ درخواست ضمانت کی پیروی کے لیے پیش ہوئیں۔

    انسداد دہشت گردی کی خصوصی عدالت میں بشریٰ بی بی کی راولپنڈی، اٹک اور چکوال کے مقدمات میں عبوری ضمانتیں منظور کر لی گئیں، وکیل سردار قدیر نے کہا کہ اسلام آباد کے 14 مقدمات میں بھی عبوری ضمانت کی درخواستیں دائر کی جا رہی ہیں۔

    وکیل محمد فیصل ملک نے میڈیا سے گفتگو کرتے ہوئے کہا کہ بشریٰ بی بی پر راولپنڈی اسلام آباد میں اٹھائیس سے زائد مقدمات ہیں، اور یہ کیسز سیاسی انتقامی کارروائیاں ہیں۔

    ان کا کہنا تھا کہ بشریٰ بی بی کی 23 مقدمات میں 13 جنوری تک عبوری ضمانت منظور کی گئی ہے۔

    بانی پی ٹی آئی اور بشریٰ بی بی کے خلاف توشہ خانہ کیس کی سماعت بھی آج ہوگی، اسپیشل جج سنٹرل اسلام آباد شاہ رخ ارجمند اڈیالہ جیل میں کیس کی سماعت کریں گے، دوران سماعت استغاثہ کے گواہان کی شہادتیں قلم بند کی جائیں گی۔

    علی امین گنڈاپور کے خلاف درج مقامات کی تفصیلات سامنے آگئیں

    علاوہ ازیں بانی پی ٹی آئی عمران خان، سابق وزیر خارجہ شاہ محمود قریشی اور وزیر اعلیٰ خیبرپختونخوا علی امین گنڈا پور سمیت دیگر کے خلاف جی ایچ کیو حملہ کیس کی سماعت بھی آج ہوگی۔

    پی ٹی آئی نے گلوکار سلمان احمد کی پارٹی رکنیت ختم کردی

  • 190 ملین پاؤنڈ کیس کے فیصلے سے مذاکرات پر کوئی اثر نہیں پڑے گا، رانا ثنا اللہ

    190 ملین پاؤنڈ کیس کے فیصلے سے مذاکرات پر کوئی اثر نہیں پڑے گا، رانا ثنا اللہ

    اسلام آباد: وزیر اعظم کے مشیر برائے سیاسی امور رانا ثنا اللہ کا کہنا ہے کہ عمران خان کے خلاف 190 ملین پاؤنڈ کیس کے فیصلے سے پی ٹی آئی کے ساتھ مذاکرات پر کوئی اثر نہیں پڑے گا۔

    نجی نیوز چینل سے گفتگو کرتے ہوئے رانا ثنا اللہ نے کہا کہ سیاسی معاملات کا حل سیاسی ڈائیلاگ سے ہی ممکن ہے، وزیر اعظم شہباز شریف نے فلور آف دی ہاؤس اپوزیشن کو مذاکرات کی دعوت دی جو یقینی طور پر پارٹی لیڈر کی اجازت اور اسٹیبلشمنٹ کو آن بورڈ لے کر دی ہوگی۔

    رانا ثنا اللہ نے کہا کہ اسپیکر قومی اسمبلی ایاز صادق کا وزیر اعظم شہباز شریف سے رابطہ ہوا ہے، ایک آدھ دن میں حکومت کی مذاکراتی کمیٹی بن جائے گی، ہماری خواہش ہے اپوزیشن حکومت میں مذاکرات ہونے چاہئیں۔

    انہوں نے کہا کہ اسپیکر سے پی ٹی آئی کی مذاکراتی کمیٹی رابطے میں ہے، جن چیزوں کی یہ بات کر رہے ہیں وہ ہم پہلے بھگت چکے ہیں۔

    سربراہ جمعیت علمائے اسلام (ف) کی وزیر اعظم سے ملاقات کے بارے میں رانا ثںا اللہ نے کہا کہ مولانا فضل الرحمان کی آج شہباز شریف سے ملاقات ہوئی، دونوں کے درمیان اچھے ماحول میں گفتگو ہوئی اور تلخیاں ختم ہو چکیں۔

    رانا ثنا اللہ نے مزید کہا کہ مولانا فضل الرحمان کا مؤقف ہے مدارس کو سوسائٹی ایکٹ کے تحت رجسٹر کیا جائے،ان سے گفتگو میں ایسی صورتحال آگئی ہے کہ مسئلہ حل ہو جائے گا، مذاکرات سے متعلق ایک آدھ دن میں پیش رفت سامنے آ جائے گی۔

    مشیر وزیر اعظم نے کہا کہ فضل الرحمان کی طرف سے بھی لیگل ٹیم موجود تھی، ان کا مؤقف ہے صدر کے اعتراضات 10 دن کے اندر نہیں آئے یہ تکنیکی معاملہ ہے، وزیر اعظم نے ان کی بات سنی اور لیگل ٹیم کو کہا کہ آئینی پوزیشن پر رپورٹ دیں۔

    انہوں نے کہا کہ مدارس اپنے نظام میں پوری طرح آزاد ہیں، آئندہ 2، 4 دنوں میں مدارس کا معاملہ افہام و تفہیم سے حل ہو جائے گا۔

  • علی امین گنڈاپور کیخلاف درج مقامات کی تفصیلات سامنے آگئیں

    علی امین گنڈاپور کیخلاف درج مقامات کی تفصیلات سامنے آگئیں

    پشاور: وزیر اعلیٰ خیبر پختونخوا علی امین گنڈاپور کے خلاف دارالحکومت اسلام آباد اور صوبے پنجاب میں درج مقدمات کی تفصیلات اے آر وائی نیوز نے حاصل کر لیں۔

    علی امین گنڈاپور کے خلاف 65 کے قریب مقدمات درج ہیں جن میں سے اسلام آباد میں 32 اور پنجاب میں 33 میں درج ہیں۔ مقدمات میں دہشتگردی، اقدام قتل اور ریاست کے خلاف سرگرمیوں کی دفعات شامل ہیں۔

    دستاویز کے مطابق فیصل آباد میں 4، اٹک میں 3 اور گوجرانوالہ میں ایک مقدمہ درج ہے، اسلام آباد کے 15 تھانوں میں مقدمات درج کیے گئے، راولپنڈی کے 11 تھانوں میں 16 مقدمات درج ہیں۔

    یہ بھی پڑھیں: سول نافرمانی شروع کرنے کیلئے بانی کے حکم کا انتظار ہے، علی امین گنڈاپور

    24 نومبر کے احتجاج کے خلاف عمران خان، بشریٰ بی بی، علی امین گنڈاپور اور دیگر کے خلاف راولپنڈی میں 2 درج مقدمات ہیں، پچھتر ملزمان میں علیمہ خان، عمر ایوب، حماد اظہر، اسد قیصر اور عارف علوی بھی نامزد ہیں۔

    7 دسمبر کو انسداد دہشتگردی عدالت (اے ٹی سی) نے جی ایچ کیو حملہ کیس میں علی امین گنڈاپور سمیت 25 ملزمان کے ناقابل ضمانت وارنٹ گرفتاری جاری کیے تھے۔

    اے ٹی سی راولپنڈی کے جج امجد علی شاہ نے شبلی فراز، شہریار آفریدی، زین قریشی، کنول شوزب، طاہر صادق اور تیمور مسعود ملک کے بھی وارنٹ گرفتاری جاری کیے۔

    عدالت نے کیس کی سماعت کے دوران سی پی او راولپنڈی کو ملزمان کی گرفتاری کے احکامات جاری کیے اور ہدایت کی تھی کہ ملزمان کو گرفتار کر کے 10 دسمبر کو پیش کیا جائے۔

    ادھر، جناح ہاؤس حملہ کیس میں جیل ٹرائل کیلیے پیش نہ ہونے پر انسداد دہشتگردی عدالت لاہور نے عالیہ حمزہاور طیبہ راجہ سمیت 11 ملزمان کے وارنٹ گرفتاری جاری کیے تھے۔

    اے ٹی سی لاہور نے ملزمان کو 19 دسمبر کو گرفتار کر کے پیش کرنے کا حکم جاری کیا تھا۔

  • بانی پی ٹی آئی نے کمیٹی بنائی مگر حکومت کو مذاکرات میں دلچسپی نہیں: عمر ایوب

    بانی پی ٹی آئی نے کمیٹی بنائی مگر حکومت کو مذاکرات میں دلچسپی نہیں: عمر ایوب

    پشاور: پاکستان تحریک انصاف کے رہنما عمر ایوب نے کہا ہے کہ بانی پی ٹی آئی نے کمیٹی بنائی مگر حکومت کو مذاکرات میں دلچسپی نہیں۔

    تفصیلات کے مطابق پی ٹی آئی رہنما اور قومی اسمبلی میں اپوزیشن لیڈر عمر ایوب نے پشاور ہائیکورٹ میں میڈیا سے گفتگو کرتے کہا کہ بانی پی ٹی آئی کے القادر ٹرسٹ کیس میں کل دیر تک عدالت میں سماعت جاری رہی، کیس میں کل دیر تک سماعت کیوں ہوئی؟کیس کا محفوظ فیصلہ 23 دسمبر کو آئے  گا تو پتا چلے گا۔

    پی ٹی آئی رہنما اور قومی اسمبلی میں اپوزیشن لیڈر عمر ایوب نے کہا کہ پی ٹی آئی کے کارکنان کو گنجائش سے زیادہ جیلوں میں رکھا ہوا ہے،  ہم کسی سے ڈرنے والے نہیں ہیں۔

    عمر ایوب کا کہنا تھا کہ مذکراتی کمیٹی بانی پی ٹی آئی نے تشکیل دی ہوئی ہے، لگتا ہے حکومت کو مذاکرات میں کوئی دلچسپی نہیں ہے، ہم کسی کے پاس نہیں جارہے،کسی نے مذاکرات کرنے ہیں تو کریں نہیں تو نہ کریں۔

    واضح رہے چند دنوں سے حکومت اور تحریک انصاف کے درمیان مذاکرات کی خبریں زیر گردش ہیں مگر اب تک کسی جانب سے باقاعدہ مذاکرات شروع ہونے کی تصدیق نہیں کی گئی۔

  • بانی پی ٹی آئی کی ویڈیو لنک پیشی کے خلاف درخواست منظور، لاہور ہائیکورٹ نے بڑا حکم جاری کر دیا

    بانی پی ٹی آئی کی ویڈیو لنک پیشی کے خلاف درخواست منظور، لاہور ہائیکورٹ نے بڑا حکم جاری کر دیا

    لاہور: لاہور ہائیکورٹ نے بانی پی ٹی آئی کی درخواست پر فیصلہ دیتے ہوئے اے ٹی سی میں ویڈیو لنک پر پیشی کا نوٹیفکیشن کالعدم قرار دے دیا۔

    تفصیلات کے مطابق لاہور ہائیکورٹ نے بانی پی ٹی آئی کو جسمانی ریمانڈ میں ویڈ یولنک پر عدالت پیش کرنے کا نوٹیفکیشن غیر قانونی قرار دے دیا، ہائیکورٹ نے فیصلہ دیا کہ قانون کے مطابق معاملے کو کابینہ کے سامنے پیش کیا جاتا۔

    عدالت کا کہنا تھا کہ انسداد دہشت گردی قوانین کے تحت کسی ایک ملزم کی پیشی کے لیے انفرادی نوٹیفکیشن نہیں کیا جا سکتا، محکمہ داخلہ نے کابینہ کی منظوری کے بغیر ویڈیو لنک پر پیشی کا نوٹیفکیشن جاری کیا۔

    لاہور ہائیکورٹ نے فیصلے میں کہا کہ اے ٹی اے کے تحت جرائم انتہائی خطر ناک ہوتے ہیں، آئین ملزمان کے بنیادی حقوق کی بات کرتا ہے، جسمانی ریمانڈ میں ملزمان کو ویڈیو لنک پر پیش کرنے سے بنیادی حقوق متاثر ہو سکتے ہیں۔

    شہباز حکومت اس لیے قائم ہے کہ پی ٹی آئی اور اداروں کی لڑائی ہے، فواد چوہدری

    تحریری فیصلے کے مطابق اے ٹی اے کے قانون میں کئی ترامیم ہو چکی ہیں، جسمانی ریمانڈ کی سیکشن 21 ای میں کوئی تبدیلی نہیں ہوئی، ٹرائل کے دوران عدالت میں ملزم کو ویڈیو لنک پر پیش کیا جا سکتا ہے، تاہم جسمانی ریمانڈ پر ویڈیو لنک کے ذریعے پیش نہیں کیا جا سکتا۔

    جسٹس طارق سلیم کی سربراہی میں 2 رکنی بینچ نے یہ تفصیلی تحریری فیصلہ جاری کیا ہے، جس میں کہا گیا کہ عدالت 15 جولائی 2024 کو ویڈیو لنک پر پیشی کا نوٹیفکیشن کالعدم قرار دیتی ہے، اور بانی پی ٹی آئی کی درخواست کو منظور کیا جاتا ہے۔

    واضح رہے کہ بانی پی ٹی آئی نے 9 مئی کے 12 مقدمات میں جسمانی ریمانڈ کے لیے ویڈیو لنک کا نوٹیفکیشن چیلنج کیا تھا۔

  • بانی پی ٹی آئی کیخلاف 190 ملین پاؤنڈ کیس کا فیصلہ محفوظ

    بانی پی ٹی آئی کیخلاف 190 ملین پاؤنڈ کیس کا فیصلہ محفوظ

    بانی پی ٹی آئی کیخلاف 190 ملین پاؤنڈ کیس کا فیصلہ محفوظ کر لیا گیا جو پیر کو سنایا جائے گا۔

    نمائندہ اے آر وائی نیوز کے مطابق 190 ملین پاؤنڈ کیس کی سماعت اڈیالہ جیل میں احتساب عدالت کےجج ناصر جاوید رانا نے کی جس میں بانی پی ٹی آئی، بشریٰ بی بی کے وکلا اور پراسیکیوشن ٹیم نے دلائل مکمل کیے۔

    چھ گھنٹے تک جاری رہنے والی سماعت کے دوران فریقین کے وکلا کی جانب سے حتمی دلائل مکمل ہونے پر کیس کا فیصلہ محفوظ کر لیا گیا جو 23 دسمبر بروز پیر کو سنایا جائے گا۔

    پراسیکیوشن

    وکلا نے کہا کہ 190 ملین پاؤنڈ کا کیس سیاسی بنیادوں پر بنایا گیا جس سے بانی پی ٹی آئی اور بشریٰ بی بی کو کوئی مالی فائدہ نہیں ہوا جب کہ پراسیکیوشن کے وکیل امجد پرویز نے کہا کہ ملزمان نے بیرون ملک سے غیرقانونی طور پر رقم منگوا کر ایڈجسٹمنٹ کی۔

    وکیل امجد پرویز نے کہا کہ 6 نومبر 2019 کو ڈیڈ سائن اور رقم کی پہلی قسط 29 نومبر 2019 کو سپریم کورٹ کے اکاؤنٹ میں آ چکی تھی جبکہ ڈیڈ کی منظوری کابینہ سے 3 دسمبر 2019 کو لی گئی تھی لیکن کابینہ کو بھی نہیں بتایا گیا کہ پہلی قسط پاکستان پہنچ چکی ہے۔

    امجد پرویز نے کہا کہ پیسے وفاقی حکومت کے اکاؤنٹ کے بجائے سپریم کورٹ کے اکاؤنٹ میں منگوائے گئے، عمران خان نے بطور وزیر اعظم فیور دی جس کے بدلے میں ڈونیشن ملی، معاملہ پبلک آفس ہولڈر کے پاس زیر التوا ہو تو اس شخص سے کوئی بھی چیز لینا رشوت ہے، فرحت شہزادی اور زلفی بخاری کے نام پر زمین منتقل ہوئی جبکہ زمین منتقلی کے وقت بھی ٹرسٹ کا وجود نہیں تھا۔

    انہوں نے حتمی دلائل میں کہا کہ 190 ملین پاؤنڈ کی ایڈجسٹمنٹ ہونے کے بعد ٹرسٹ بنایا گیا اور رولز آف بزنس 1973 کی بھی خلاف ورزی کی گئی، کابینہ میں کوئی بھی معاملہ زیر بحث لانے سے 7 روز قبل اسے سرکولیٹ کرنا ہوتا ہے، کیا جلدی تھی کہ اس معاملے کو 7 دن پہلے کابینہ ممبران کو سرکولیٹ نہیں کیا گیا؟

    عمران خان، بشریٰ بی بی

    12 دسمبر کو سماعت کے دوران عمران خان اور بشریٰ بی بی نے 342 کا حتمی بیان جمع کروایا تھا اور اس پر دستخط بھی کیے تھے۔ ملزمان نے 342 کے بیان میں ترمیم کی تھی۔

    عمران خان نے 342 کے بیان میں دفاع میں گواہ پیش نہ کرنے کا کہا تھا۔ عدالت نے فریقین کے حتمی دلائل کیلیے 17 دسمبر کی تاریخ مقرر کرتے ہوئے سماعت ملتوی کی تھی۔

    احتساب عدالت نے 6 نومبر کو ریفرنس پر سماعت کے دوران ملزمان کے 342 کے بیان کیلیے 8 نومبر کی تاریخ مقرر کی تھی۔ سماعت کے موقع پر عمران خان کو کمرہ عدالت میں پیش کیا گیا تھا جبکہ بشریٰ بی بی پیشی کیلیے اڈیالہ جیل آئی تھیں۔

    دوران سماعت ریفرنس میں وکلا صفائی نے 35 گواہوں پر جرح مکمل کی تھی۔ عمران خان کے وکیل ظہیر عباس جبکہ بشریٰ بی بی کے وکیل عثمان گل نے گواہوں پر جرح کی تھی۔

    نیب پراسیکیوٹر نے بتایا کہ 190 ملین پاؤنڈ ریفرنس میں مزید کوئی شواہد پیش نہیں کرنا چاہتے۔ اس پر عدالت نے ملزمان کے 342 کے بیان کیلیے 8 نومبر کی تاریخ مقرر کر دی۔

  • سول نافرمانی تب شروع ہوگی جب کوئی دوسرا راستہ نہیں ہوگا: شیر افضل مروت

    سول نافرمانی تب شروع ہوگی جب کوئی دوسرا راستہ نہیں ہوگا: شیر افضل مروت

    پاکستان تحریک انصاف (پی ٹی آئی) کے رہنما شیر افضل مروت نے کہا ہے کہ سول نافرمانی تب شروع ہوگی جب کوئی دوسرا راستہ نہیں ہوگا۔

    تفصیلات کے مطابق پاکستان تحریک انصاف کے رہنما شیر افضل مروت نے میڈیا سے گفتگو میں انکشاف کیا کہ حکومت اور پی ٹی آئی کے درمیان 25 نومبر سے مذاکرات جاری تھے پھر تعطل پیدا ہوا ہے۔

    انہوں نے کہا کہ مذاکرات کے بغیر ملک نہیں چل سکتا، اب سب کو اس بات کا اندازہ ہے، مذاکرات کیلئے کمیٹی بنی ہے، مذاکرات اب بھی ہونے چاہئیں۔

    شیرافضل مروت نے کہا کہ سول نافرمانی تب شروع ہوگی جب کوئی دوسراراستہ نہیں ہوگا، پاکستان تحریک انصاف کو ملک کی ضرورت کا احساس ہے۔

    پی ٹی آئی رہنما نے مزید کہا کہ معاشی استحکام سے بڑھ کر پاکستان کوآزاد عدلیہ کی ضرورت ہے، مسائل سنگین صورتحال اختیار کرچکے، مذاکرات ناگزیر ہے۔