Tag: Imran Khan

عمران خان نیازی پاکستانی سیاست دان, سابق کرکٹ کھلاڑی اور پاکستان کے سابق وزیر اعظم ہیں اور پی ٹی آئی کے بانی بھی ہیں۔ اس سے پہلے وہ 2002ء تا 2007ء اور 2013ء تا 2018ء تک پاکستان قومی اسمبلی کے رکن بھی رہ چکے ہیں۔ سیاست میں قدم رکھنے سے قبل عمران خان ایک کرکٹر اور مخیر تھے۔ انھوں نے دو دہائیوں تک بین الاقوامی کرکٹ کھیلی اور بعد میں خدمت خلق کے منصوبے بنائے جیسے کہ شوکت خانم میموریل کینسر ہسپتال اور ریسرچ سینٹر اور نمل کالج وغیرہ۔[10][11] عمران خان کی پیدائش لاہور میں اونچے درمیانے طبقے کے نیازی پشتون خاندان میں ہوئی، ان کے والد انجینئر اکرام اللہ خان نیازی تھے، عمران خان نے ابتدائی تعلیم ایچیسن کالج لاہور پھر رائل گرائمر اسکول ویلسٹڑ انگلینڈ اور بعد میں کیبل کالج آکسفورڈ سے حاصل کی۔ انھوں نے 13 سال کی عمر میں کرکٹ کھیلنا شروع کر دی تھی

اسلام آباد کی ضلعی اور سیشن عدالت کی جانب سے جاری کیے گئے وارنٹ گرفتاری کے نتیجے میں، اسلام آباد پولیس اور لاہور پولیس نے 14 مارچ 2023ء کو خان کی گرفتاری کے لیے آپریشن شروع کیا۔ [69] [70] 9 مئی کو، عمران خان کو اسلام آباد ہائی کورٹ سے نیم فوجی دستوں نے گرفتار کیا تھا۔ [71] [72] یہ القادر ٹرسٹ کیس میں ان کے مبینہ کردار پر تھا، [73] [73] [74] جس کے بعد پی ٹی آئی پارٹی کے اراکین نے ملک گیر احتجاج کی کال دی تھی۔ [75] [76] ان کی گرفتاری سے مظاہرے ہوئے اور 9 مئی کے فسادات ہوئ

  • ہم ایمپائرہیں، تھرڈایمپائرکوئی نہیں، زرداری

    ہم ایمپائرہیں، تھرڈایمپائرکوئی نہیں، زرداری

    لاہور: پاکستان پیپلز پارٹی کے شریک چیئرمین آصف علی زرداری نے میڈیا سے گفتگو کرتے ہوئے کہا کہ میں پارلیمنٹ کی بقا چاہتا ہوں، ہم سب آپس میں ایمپائر ہیں تھرڈ ایمپائر کوئی نہیں ہے۔

    انہوں نے کہا کہ پیپلزپارٹی جمہوریت کی بقا چاہتی ہے اور اسی جمہوریت کے لئے بینظیر بھٹو نے اپنی جان کی قربانی دی۔

    عمران خان کے ایمپائر سے متعلق سوال پر ان کا کہنا تھا کہ ہم سب آپس میں ایمپائر ہیں اور کوشش کررہے ہیں کہ معاملہ آپس میں حل کرلیں، تھرڈ ایمپائر کوئی نہیں ہے اوربات تھرڈ ایمپائر تک گئی تو پھر دور تک جائے گی۔

    ان کا کہنا تھا کہ اس پارلیمنٹ کو میں نے ہی طاقت ور بنایا ہے کسی نے مجھ سے اختیارات سرینڈر کرنے کا مطالبہ نہیں کیا تھا میں نے خود کمیٹی بنائی کہ پارلیمنٹ کو طاقتور کیا جاسکے۔

    انہوں نے کہا کہ میں نے وزیر اعظم سے ملاقات میں بھی یہی کہا ہے کہ وہ صبر و تحمل سے کام لیں اور معاملے کو پارلیمانی طریقے سے مذاکرات کے ذریعے حل کریں۔

    انہوں نے پاک فوج کے کردار کو سراہتے ہوئے کہا کہ وہ اس وقت ان لوگوں سے نبرد آزما ہے جو ملک کو اندھیروں میں دھکیلنا چاہتے ہیں ہمیں اس وقت پاک فوج کے شانہ بہ شا نہ کھڑے ہونے کی ضرورت ہے۔

    ان کا کہنا تھا کہ ایک جمہوری حکومت کادوسری جمہوری حکومت کے خلاف اس طرح احتجاج کرنا درست نہیں ہے، سیاسی قوتوں کا ہونا پاکستان کے استحکام کے لئے بے حد ضروری ہے، انہوں نے کہا کہ پانچ سال تک ہمیں ہٹانے کی کوششیں کی جاتی رہیں لیکن ہم نے ساری آزمائشوں کا سامنا کیا۔

    ان کا کہنا تھا کہ معمالات کے درست اور بروقت حل کے لئے مسلم لیگ ق اور جماعت اسلامی سمیت تمام سیاسی قوتوں سے رابطہ کررہا ہوں کیونکہ اس وقت ملک کو اتحاد کی ضرورت ہے۔ سب نے مل کر بحران کے حل کے لئے کام کیا ہے۔

    ایک سوال کا جواب دیتے ہوئے انہوں نے کہا کہ معاملے کے حل کا فارمولہ تو حکومت خود بنائے گی ہم نے تو صرف انہیں یہ بتایا ہے کہ وہ معاملے کو پیار سے سلجھائے کہ جس طرح میں نے تمام معاملات اپنے دور میں سلجھائے۔

    مسلم لیگ ن اور پیپلز پارٹی کے اتحاد سے متعلق سوال کا جواب دیتے ہوئے کہا کہ ہم جمہوری رویوں پر یقین رکھتے ہیں اگر ہمارے خلاف کسی نے غلط زبان استعمال کی بھی تھی تو یہ وقت اس معاملات میں پڑنے کا نہیں ہے۔

    پرویز مشرف سے متعلق سوال کا جواب دیتے ہوئے انہوں نے کہا کہ یہ موضوع آج کی گفتگو میں زیرِبحث نہیں آیا۔ جمہوریت پر اگر کوئی برا وقت آیا تو دیکھ لیں گے۔

  • حکومت نے پنڈی، اسلام آباد کے درمیان آمد ورفت کنٹینر لگا کر بند کردی

    حکومت نے پنڈی، اسلام آباد کے درمیان آمد ورفت کنٹینر لگا کر بند کردی

    راولپنڈی: وفاقی حکومت کی ہدایت پر انتظامیہ نے راولپنڈی سے اسلام آباد آنے والے راستوں کو کنٹینر لگا کر ہر قسم کے ٹریفک کی آمد و رفت کے لئے بند کردیا گیا ہے جس کہ باعث سینکڑوں گاڑیاں لنک روڈ پر پھنس گئی ہیں۔

    اےآروائی نیوز کے نمائندے بابر ملک نے تفصیلات سے آگاہ کرتے ہوئے بتایا کہ یہ وہ وقت ہے کہ جب پاکستان تحریکِ انصاف کے کارکنان کی بڑی تعداد دھرنے میں شرکت کے لئے راولپنڈی سے اسلام آباد ریڈ زون کی جانب سفر کرتی ہے اور وفاقی انتظامیہ نے ان کارکنان کی آمد کو روکنے کے لئے مری روڈ ، فیض آباد ہائی وے اور لنک روڈ کو کنٹینر لگا کر کسی بھی قسم کے ٹریفک کی آمد و رفت کے لئے بند کردیا ہے۔

    انہوں نے مزید بتایا کہ مجلسِ وحدت المسلمین کی ایک ریلی ڈاکٹر طاہر القادری کے انقلاب مارچ اور دھرنے کے شرکاء سے اظہار یکجہتی کے لئے جارہی تھی لیکن اسے بھی اسلام آباد میں داخلے کی اجازت نہیں ملی۔

    علاوہ ازیں یکایک کنٹینر لگا کر راستہ مکمل طور پر بند کردینے سے جڑواں شہروں کے باشندےبھی اپنی منزل ِ مقصود تک پہنچنے سے قاصر ہیں۔ لنک روڈ پر سینکروں گاڑیوں کی قطاریں لگ گئی ہیں جن میں کئی ایمبو لینسیں بھی پھنس گئی ہیں۔

    گذشتہ روز وفاقی وزیرِ داخلہ چوہدری نثار علی خان نے پریس کانفرنس میں میڈیا سے گفتگو کرتے ہوئے دعویٰ کیا تھا کہ کنٹینر صرف دھرنوں کے شرکاء کی سیکیورٹی کے لئے لگائے گئے ہیں لیکن آج کے واقعے نے ان کے اس دعوے کی قلعی کھول دی ہے۔

  • دھاندلی زدہ حکومت کبھی جمہوری نہیں ہوتی،عمران خان

    دھاندلی زدہ حکومت کبھی جمہوری نہیں ہوتی،عمران خان

    اسلام آباد: پاکستان تحریک انصاف کے سربراہ عمران خان نے کہا ہے اگر آج ہم دھاندلی زدہ الیکشن سے جیتے ہوئے حکمرانوں کے خلاف نہیں کھڑے ہوں گے تو ہماری آنے والی نسلیں ان کے بچوں کی غلامی کریں گی۔

    اسلام آباد میں دھرنے کے شرکاء سے خطاب کے دوران انہوں نے کہا کہ عدلیہ کی آزادی کی لئےبھی سڑکوں پر نکلے،عوام تاجروکلاء ودیگر طبقات نے مل کرعدلیہ کو آزاد کروایا تھا۔

    عمران خان نے کہا کہ وہ راستوں میں کنٹینر لگا کر آنے والے لوگوں کا راستہ روک سکتی ہے تو یہ اس کی بھول ہے حکمران پولیس کو غلط استعمال کررہے ہیں،عوام کے سمندر کو آنے سے کوئی نہیں روک سکتا۔

    ان کا کہنا تھا کہ اللہ تعالیٰ نے آپ  کے کپتان کو ایسی ٹریننگ دی ہے کہ وہ آخری گیند تک کھیل سکتا ہے۔ انہوں نے کہا کہ دھاندلی زدہ الیکشن کی حکومت جمہوری نہیں ہوتی ملک میں جمہوریت ہے ہی نہیں تو ڈی ریل کیا ہوگی؟؟

    عمران خان نے کہا کہ اب مجھے بہت اچھی نیند آتی ہے اور میں کنٹینر میں بہت مزے سے سوتا ہوں، کیونکہ میرے دل میں کوئی خوف نہیں،حکمرانوں کے دل میں خوف ہے کیونکہ یہ دھاندلی میں ملوث ہیں۔

  • پی ٹی آئی اورحکومت میں مذاکرات کادوسرا دور بےنتیجہ ختم

    پی ٹی آئی اورحکومت میں مذاکرات کادوسرا دور بےنتیجہ ختم

    اسلام اباد:تحریک انصاف اورحکومت کےدرمیان مذاکرات کادوسرا دوربھی بغیرکسی نتیجے کے ختم ہوگیا،شاہ محمودقریشی کہتےہیں مذکرات کاتیسرا دورآج ہوگا۔

     حکومت اورتحریک انصاف کےدرمیان مذاکرات کادوسرا دوربھی نتیجہ خیز ثابت نہ ہوسکا،وزیراعظم کے استعفے کے معاملے پرڈیڈلاک بدستور برقرار،شاہ محمودقریشی کہتے ہیں حکومت کانکتہ نظر سن کر تحفظات سے آگاہ کردیا۔

     حکومتی مذاکراتی ٹیم کے سربراہ گورنرپنجاب نےبتایا مذاکرات خوشگوارماحول میں ہوئے،احسن اقبال نے کہاایک دوسرےکانکتہ نظرسمجھنے کی کوشش کررہیں،عبدالقادربلوچ کاکہناتھامذاکرات میں تعطل نہیں بات چیت جاری رہےگی،مذاکرات سےقبل جاویدہاشمی کاکہناتھاوزیراعظم مستعفی ہوں ہاؤس کی تحلیل بعدکا معاملہ ہے۔

     حکومتی ٹیم میں شامل تھے گورنرپنجاب،پرویزرشید ،عبدالقادر بلوچ اوراحسن اقبال جب کہ پی ٹی آئی کی ٹیم کےکھلاڑی تھے شاہ محمود قریشی،جاوید ہاشمی ،اسد عمر ،پرویزخٹک ،جہانگیر ترین اورعارف علوی۔

  • کاش عمران خان غیر اخلاقی الفاظ استعمال نہ کرتے، شہباز شریف

    کاش عمران خان غیر اخلاقی الفاظ استعمال نہ کرتے، شہباز شریف

    لاہور: وزیراعلیٰ پنجاب شہبازشریف کا کہنا ہے کہ سیاست میں  شعلہ بیانی معمول کی باتیں ہیں،کاش عمران خان غیر مہذب اور اخلاقیات سے گرے ہوئے الفاظ استعمال نہ کرتے۔

    صحافیوں سےگفتگوکرتے ہوئے شہبازشریف کاکہناتھا کہ اپنےمؤقف کی صداقت پریقین رکھنےوالےسیاستدان گالی گلوچ سےکام نہیں لیتےپاکستان کی تاریخ میں کسی سیاستدان کی طرف سے پہلی مرتبہ سرِعام ایسی نازیبا باتیں کی گئی ہیں۔

    ان کا کہناتھا کہ عمران خان نےعوامی نمائندوں کےبارے میں جوباتیں کہیں،انہیں کوئی شریف آدمی دہرابھی نہیں سکتا شہبازشریف نےمزید کہاکہ مخالفین کےبارے میں سخت الفاظ کااستعمال ہوتاہے جبکہ فحش اور غیر مہذب الفاظ کا استعمال ایک بالکل غلط ہے۔

    شہازشریف نے کہاکہ میراوجدان کہتاہےکہ عمران خان اخلاقی جرات کامظاہرہ کرتے ہوئےمذکورہ الفاظ واپس لےلیں گے۔

  • حکومت کے پی اسمبلی کے باہراتنا بڑاعوامی اجتماع کرکے دکھائے، عمران خان

    حکومت کے پی اسمبلی کے باہراتنا بڑاعوامی اجتماع کرکے دکھائے، عمران خان

    اسلام آباد: پاکستان تحریک انصاف کے سربراہ عمران خان نے آزادی مارچ کے شرکاء سے خطاب کرتے ہوئے کہا کہ اگر اتنی عوام خیبر پختونخواہ اسمبلی کے خلاف جمع ہوجائے تو میں وسط مدتی انتخابات کرادوں گا۔

    عمران خان کا کہنا تھا کہ چوہدری نثار خود اعتراف کر چکے ہیں کہ ہر حلقے میں ساٹھ سے ستر ہزار ووٹ جعلی ڈالے گئے دنیا کا کوئی بھی ملک ہوتا تو عدالت اسی بیان کی بنیاد پر الیکشن کے نتائج کالعدم قرار دے دیتی۔

    انہوں نے کہا کہ خیبر پختونخواۃ میں مسلم لیگ ن بھی ہے، جمعیت العلمائے اسلام بھی ہے، عوامی نیشنل لیگ کی بھی نمائندگی ہے اگر یہ سب مل کر کے پی اسمبلی کے باہراتنا بڑا اجتماع کرلیں تو تحریک انصاف اگلے دن الیکشن کرادے گی۔

    انہوں نے دعویٰ کیا کہ اگر کے پی کے سارے پٹواری بھی نواز شریف کو دے دئے جائیں تب بھی وہ اتنا بڑا اجتماع نہیں کرسکتے ہیں۔


    Imran Khan Speech 22 Aug – Azadi March by arynews

    انہوں نے وزیراعظم پر کرپشن کے الزامات دہراتے ہوئے مطالبہ کیا کہ نواز شریف حکومت چھوڑدیں۔

    انہوں نے  چیلینج کیا کہ نیوٹرل ایمپائرنامزد کرکے نواز شریف پورے ملک میں اور تحریک انصاف خیبر پختونخواہ میں الیکشن کروائے نتیجہ دنیا کے سامنے آجائے گا۔

    انہیں نواز شریف کے ٹیکس کھاتوں پر تنقید کرتے ہوئے کہا کہ نواز شریف نے چار سال پہلے پانچ ہزار روپے ٹیکس ادا کیا ان کا نام بینظیر انکم سپورٹ پروگرام میں درج کرادینا چاہئے

    انہوں پی ٹی آئی کے کارکنوں کو جوش دلاتے ہوئے کہا کہ نواز شریف کا استعفیٰ بنیادی مطالبہ ہے اور ہم اس سے کسی بھی صورت پیچھے نہیں ہٹیں گے۔

  • امریکہ نے عمران خان کے الزامات کی تردید کردی

    امریکہ نے عمران خان کے الزامات کی تردید کردی

    واشنگٹن: امریکہ کی وزارتِ خارجہ نے عمران خان کی جانب سے عائد کئے گئے الزامات کی تردید کردی ہے۔ ترجمان امریکی وزارت ِ خارجہ کے مطابق پاکستان میں کسی بھی قسم کے ماورائے آئین اقدام کی حمایت نہیں کرتے۔

    امریکی وزارتِ خارجہ نے تحریکِ انصاف کے سربراہ عمران خان کی جانب سے لگائے گئے الزامات کی تردید کردی ہے۔ امریکی محکمہ خارجہ کی ترجمان میری ہارف کے مطابق امریکا پاکستان کے اندرونی سیاسی حالات میں ملوث نہیں ہے اور نہ ہی امریکہ کسی بھی طرح فریقین کے درمیان ہونے والی بات چیت میں شامل ہے۔

    محکمہ خارجہ کی ترجمان کے مطابق امریکہ پاکستان کی سیاسی قوتوں کے درمیان پر امن مذاکرات کا چاہتا ہے اور پاکستانی حکومت کو غیرآئینی طریقوں سے تبدیل کرنے کا حامی نہیں ہے۔

    ترجمان کا مزید کہنا تھا کہ امریکہ حالیہ سیاسی محاذ آرائی کا پر امن حل چاہتا ہے اور پاکستان میں کسی بھی قسم کے ماورائے آئین اقدام کی حمایت نہیں کرتا۔

  • بٹ برادری کاعمران خان سےکردار کشی کرنے پر معافی مانگنے کا مطالبہ

    بٹ برادری کاعمران خان سےکردار کشی کرنے پر معافی مانگنے کا مطالبہ

    لاہور: اسلام آباد میں جاری حکومت مخالف دھرنوں میں بٹوں کے خلاف تقاریر پر ملک کی بٹ برادری میں شدید غم وغصہ پایا جارہا ہے۔

    تحریک انصاف اور عوامی تحریک کے دھرنوں میں گلوبٹ، پومی بٹ اور بلو بٹ کے کرداروں کا ذکر روزمرہ کا معمول بنا چکا ہے مگر ان تقاریر سے ملک کی بٹ برادری میں شدید غصے کی فضاءپائی جارہی ہے

    مال روڈ پر بٹ برادری کی کثیر تعداد نے اسلام آباد دھرنوں میں ان کے خلاف ہونیوالی نازیبا گفتگوکی مذمت کرتے ہوئے مظاہرہ کیا اورحکومت کو الٹی میٹم دینے والے عمران خان کو چوبیس گھنٹے کا الٹی میٹم دے دیا ہے کہ وہ بٹ برادری سے معافی مانگیں

    لاہورکی بٹ برادری کا کہناتھا کہ وہ پرامن قوم ہیں اوراگران کےخلاف پراپیگنڈہ بند نہ کیا گیا تو کراچی سے پشاور تک بٹ مارچ کریں گے۔

  • وزیر اعظم نے سابق صدر زرادری کو ظہرانے پر مدعو کرلیا

    وزیر اعظم نے سابق صدر زرادری کو ظہرانے پر مدعو کرلیا

    اسلام آباد: وزیراعظم نواز شریف نے ملک میں جاری سیاسی بحران پر مشاورت کرنے کے لئے سابق صدر آصف زرداری کو ظہرانے پر مدعو کیا ہے۔

    تفصیلات کے مطابق میاں نواز شریف نے آصف زرداری جو کہ پیپلز پارٹی کے شریک چیئرمین بھی ہیں، ان کو سیاسی مشاورت کے لئے رائیونڈ آنے کی دعوت دی ہے۔

    ذرائع کے مطبق آصف علی زرداری نے وزیر اعظم کا دعوت نامہ قبول کرلیا ہے اور کل (ہفتہ)کسی وقت وہ لاہور کے لئے پرواز کر جائیں گے۔

    تجزیہ کاروں کے مطابق ڈاکٹر طاہر القادری کے انقلاب مارچ اور عمران خان کے آزادی مارچ سے حکومت پر بننے والے دباوٗ کی وجہ سے نواز شریف کو سابق صدر سے مشورہ کرنے کی ضرورت پیژ آٰئی ہئے کیونکہ آصف زردارہ اپنے دور ِ حکومت میں ڈاکٹر طاہر القادری کے مارچ دھرنےکے سیاسی دباؤ کوباآسانی ختم کرنے میں کامیاب رہے تھے۔

  • عمران خان انتخابی اصلاحاتی کمیٹی کے چیئرمین بن جائیں،خورشید شاہ

    عمران خان انتخابی اصلاحاتی کمیٹی کے چیئرمین بن جائیں،خورشید شاہ

    اسلام آباد: قائدِ حزبِ اختلاف سید خورشید شاہ نے کہا ہے کہ سپریم کورٹ کا جوڈیشل کمیشن انتخابات میں دھاندلی ثابت کردے تو وزیر اعظم سے استعفی مانگنا آسان ہوگا۔ پارلیمنٹ ہاؤس کے باہرمیڈیا سےگفتگو میں سید خورشید شاہ نے کہا کہ ان کا مشورہ ہے کے عمران خان انتخابی اصلاحاتی کمیٹی کے چیئر مین بن جائیں ۔

    انہوں نے کہا کہ حکومت کو چاہئے کے عمران خان اور طاہر القادری کو کوئی باعزت راستہ دے، سیاستدان جب اس حد تک آگے آجائے تو انہیں واپسی کاراستہ درکار ہوتا ہے۔

    سید خورشید شاہ کا کہنا تھا کہ چوہدری نثار کی آرمی چیف سے ملاقات کوئی حیرت کی بات نہیں ہمیں شک نہیں ہونا چاہئے کہ فوج کوئی کھیل کھیل رہی ہے فوج آئین کے دفاع کے لئے اپنا کردارادا کرہی ہے۔