ARYNews.tv | Urdu – Har Lamha Bakhabar

Tag: imran nazir

  • ہم جتنی کرکٹ جانتے تھے اتنی ہی کھیلی ہے، عمران نذیر

    ہم جتنی کرکٹ جانتے تھے اتنی ہی کھیلی ہے، عمران نذیر

    پاکستان کرکٹ ٹیم کے بلے باز عمران نذیر نے کہا ہے کہ ہمیں جتنی کرکٹ آتی تھی اتنی ہی کھیلی ہے، امریکا ٹیم سپر ایٹ میں جا رہی ہے تو وہ اس کی حق دار تھی۔

    نجی ٹی وی کے پروگرام میں بات کرتے ہوئے سابق بلے باز عمران نذیر نے کہا کہ پاکستان ٹیم جتنی دباؤ میں کرکٹ کھیلی وہ سپر 8 میں جانے کی حق دار نہیں تھی، پاکستان ٹیم نے سارے میچز پریشر میں کھیلے۔

    اس سے قبل سابق کرکٹر باسط علی کا قومی ٹیم کی بری کارکردگی پر شدید تنقید کرتے ہوئے کہنا تھا کہ شاہین شاہ آفریدی پر دباؤ ڈالنے کیلئے محمد عامر کو قومی ٹیم میں شامل کیا گیا اور یہ کام بابر اعظم نے کیا۔

    انہوں نے بتایا کہ محمد عامر کی پرفارمنس کیا تھی؟ یہ ٹیم پاکستان کی ٹیم نہیں بلکہ بابر الیون اور وہاب ریاض الیون ہے۔ صرف پسند اور ناپسند کا کھیل کھیلا جارہا ہے۔

    باسط علی نے کہا کہ حسن علی ٹیم میں واپس کیسے آگیا، عرفان نیازی نے 30 آؤٹ کیے اس کا بھی نام نہیں آیا۔

    سابق کرکٹر کا کہنا تھا کہ پی سی بی میں موجود اسٹیبلشمنٹ نے چیئرمین کو الٹے سیدھے مشورے دیئے جس کا نتیجہ آج ہمارے سامنے آیا۔

    ’بابر اعظم نے شب خون مار کر ٹیم کی کپتانی حاصل کی تھی‘

    واضح رہے کہ امریکا اور آئرلینڈ کا میچ بارش کے باعث بے نتیجہ ختم ہونے کے بعد پاکستان کرکٹ ٹیم نے بھی اس میگا ایونٹ سے واپسی کیلیے اپنا رخت سفر باندھ لیا ہے، قومی ٹیم شیڈول کا آخری میچ کھیل کر وطن واپسی کا ٹکٹ کٹوا لے گی۔

  • ’’ٹی 20 ورلڈ کپ 2007 اکیلا ہی جتوا سکتا تھا‘‘

    ’’ٹی 20 ورلڈ کپ 2007 اکیلا ہی جتوا سکتا تھا‘‘

    لاہور: قومی ٹیم کے سابق جارح مزاج اوپنر عمران نذیر کا کہنا ہے کہ میں 2007 کا ٹی 20 ورلڈ کپ اکیلا ہی جتوا سکتا تھا۔

    تفصیلات کے مطابق قومی ٹیم کے سابق اوپنر بیٹسمین عمران نذیر نے ایک انٹرویو کے دوران کہا کہ 2007 میں بھارت سے کھیلے جانے والا ٹی ٹوینٹی ورلڈ کپ میں اکیلا ہی جتوا سکتا تھا، واضح رہے کہ 2007 کے ورلڈ کپ فائنل میں ایم ایس دھونی کی قیادت میں بھارت نے پاکستان کے خلاف 5 رنز سے کامیابی حاصل کی تھی۔

    انہوں نے کہا کہ میں فائنل میچ میں اچھا کھیل رہا تھا بدقسمتی سے رن آؤٹ ہوگیا اور میچ ہمارے ہاتھ سے نکلتا چلا گیا، مجھے اس پر آج بھی افسوس ہے۔

    عمران نذیر کا کہنا تھا کہ ہمیں یہ فائنل جیتنا چاہئے تھا، کرکٹ کے حوالے سے یہ میری زندگی کا سب سے افسوس ناک لمحہ رہے گا، یہ میری آخری سانس تک تکلیف دیتا رہے گا ہمیں تاریخ تخلیق کرنے کا موقع ملا تھا بدقسمتی سے ہار گئے۔

    سابق اوپنر نے کہا کہ فائنل میں اچھی شروعات اور ٹھوس شراکت قائم کی تھی لیکن اہم بات یہ ہے کہ آپ میچ کو ختم کیسے کرتے ہیں، ہم میچ کا اختتام جیت پر نہ کرسکے، ہار اور جیت کھیل کا حصہ ہے، یہ ایک بہت بڑا ٹورنامںٹ تھا۔

    واضح رہے کہ ہارڈ ہٹنگ اوپنر عمران نذیر نے 8 ٹیسٹ، 79 ون ڈے اور 25 ٹی ٹوینٹی انٹرنیشنل میں قومی ٹیم کی نمائندگی کی اور بالترتیب 427، 1895 اور 500 رنز بنائے۔

  • پی ایس ایل فائیو، شرجیل خان اور عمران نذیر گولڈ کیٹگری میں شامل

    پی ایس ایل فائیو، شرجیل خان اور عمران نذیر گولڈ کیٹگری میں شامل

    لاہور: اسپاٹ فکسنگ کیس میں سزا یافتہ اوپنر شرجیل خان اور جارح مزاج بلے باز عمران نذیر پی ایس ایل سیزن فائیو کی گولڈ کیٹگری میں شامل ہوگئے۔

    تفصیلات کے مطابق کرکٹر شرجیل خان اور عمران نذیر کے مداحوں کے لیے اچھی خبر ہے کہ پی ایس ایل سیزن فائیو کے لیے دونوں کھلاڑیوں کو گولڈ کیٹگری میں منتخب کرلیا گیا ہے۔

    ذرائع کا کہنا ہے کہ شرجیل خان اس وقت پاکستان کرکٹ بورڈ (پی سی بی) کے بحالی پروگرام سے گزر رہے ہیں اور ان کی شمولیت ان کی پیش رفت پر مبنی ہوگی۔

    پی سی بی کی جانب سے پی ایس ایل فائیو کے لیے گولڈ کیٹگری کا اعلان کیا گیا ہے جس میں 144 غیرملکی اور 27 لوکل کھلاڑی شامل ہیں، پی سی بی نے 325 ملکی کھلاڑیوں کو گولڈ، سلور اور ایمرجنگ کیٹگری میں شامل کیا ہے۔

    لوکل کھلاڑی

    لوکل کھلاڑی کی فہرست میں عابد علی، عدنان اکمل، اسد علی، اسد شفیق، اویس ضیا، اظہر علی، بلال آصف، بلاول بھٹی، احسان عادل، فواد عالم، عمران فرحت، عمران نذیر، عمران خان سینئر، عمران خان جونیئر، خرم منظور، منصور امجد، میر حمزہ، محمد طلحہٰ، مختار احمد، نعمان انور، رضا حسن، سعد نسیم، سمیع اسلم، شرجیل خان، عمر گل، عثمان صلاح الدین اور ذوالفقار بابر شامل ہیں۔

    غیرملکی کھلاڑی

    غیرملکی کھلاڑیوں میں افغانستان کے گلبدین نائب، حضرت اللہ ززئی، محمد شہزاد، رحمان اللہ، وقار سلام خیل اور ظاہر خان شامل ہیں۔

    آسٹریلیا کے بین ڈنک، جوناتھن ویلز، جوش لالر، نیتھن ریمنگٹن بھی پی ایس ایل فائیو کا حصہ ہیں۔

    بنگلہ دیش کے عبدالحسن راجو، عافف حسین، ال امین حسین، الوک کپالی، امین الاسلام، لٹن داس، مہدی حسن میراز، محمد متھن، مصدق حسین اور فاسٹ بولر تسکین احمد بھی غیرملکی کھلاڑیوں میں شامل ہیں، کینیڈا سے تعلق رکھنے والی نکھل دتہ بھی پی ایس ایل فائیو میں شرکت کریں گے۔

    اسی طرح انگلینڈ کے ایڈم لیتھ، کرس ووڈ، جیک ٹیلر، جیمی اورٹن، ثاقب محمود، سمیت پٹیل، اسٹیون کروف، ٹام ابیل ودیگر کھلاڑی شامل ہیں، آئرلینڈ کے پال اسٹرلنگ، کیون اوبرائن، جورج ڈوکریل اور نیدر لینڈز کے توبیاس وسے بھی فہرست کا حصہ ہیں.

    غیرملکی کھلاڑیوں کی فہرست میں سری لنکا، نیوزی لینڈ، جنوبی افریقا، امریکا، ویسٹ انڈیز اور زمبابوے کے کھلاڑی بھی شامل ہیں۔

    خیال رہے کہ کھلاڑیوں کو منتخب کرنے کے لیے پی سی بی جانب سے کھڑکی 1 دسمبر کو کھول دی جائے گی، ہر ٹیم اپنے 8 کھلاڑیوں کو برقرار رکھ سکتی ہے، پی ایس ایل فائیو کی ڈرافٹنگ کی تقریب دسمبر کے پہلے ہفتے میں منعقد ہوگی۔