کراچی : پاکستان تحریک انصاف نے ڈاکٹر عمران علی شاہ کی پارٹی رکنیت معطل کردی ، عمران علی شاہ کی شہری پر تشدد کی ویڈیو سامنے آئی تھی۔
تفصیلات کے مطابق پی ٹی آئی کے نومنتخب رکن سندھ اسمبلی عمران علی شاہ کوشہری پرتھپڑوں کی بارش کرنا مہنگا پڑگیا، پارٹی نے ڈاکٹر عمران علی شاہ کی پارٹی رکنیت معطل کردی۔
پی ٹی آئی کے ایم این اے نجیب ہارون کا کہنا ہے کہ معاملے کی سنجیدگی دیکھتے ہوئے رکنیت ایک ماہ کے لئے معطل کی ہے، فیصلہ ڈسپلنری کمیٹی معاملات کرے گی۔
تحریک انصاف کے رہنما علی زیدی نے کہا کہ معاملہ انضباطی کمیٹی کےسپرد کر دیاگیاہے، کمیٹی کی تحقیقات مکمل ہونے تک عمران شاہ معطل رہیں گے، انضباطی کمیٹی کو ایک ماہ میں معاملے کی تحقیقات کرنی ہے۔
یاد رہے چند روز قبل تحریک انصاف کے ایم پی اے عمران علی شاہ نے کراچی میں سڑک پر ایک شہری کو سرعام تشدد کا نشانہ بنایا تھا، جس کی ویڈیو سوشل میڈیا پروائرل ہوگئی تھی، جس کے بعد سے انہیں شدید تنقید کا سامنا تھا۔
بعد ازاں نو منتخب رکن نے شہری کے گھر جاکر ان سے معافی مانگی تھی۔
Thereby, I sincerely and unconditionally apologise to Mr. Dawood and my voters and suppprters for my behaviour. I hope that you all will accept my apology and I promise to observe my conduct that is expected of me both morally and officially by the party's code of conduct. 2/2 pic.twitter.com/zeEnoMgOo0
— Dr. Imran Ali Shah (@dr_imranshah) August 14, 2018
تحریک انصاف نے واقعے کا نوٹس لیتے ہوئے عمران علی کو شوکاز نوٹس جاری کیا اور جواب طلب کیا تھا۔
خیال رہے پی ٹی آئی رہنما نے تشدد کا نشانہ بنایا وہ ایک سرکاری افسر تھا۔
