لاہور: نائب صدر مسلم لیگ (ن) کا کہنا ہے کہ عوام نے پی ٹی آئی کی تخریبی سیاست کو مسترد کردیا ہے۔
تفصیلات کے مطابق اپنے سلسلہ وار ٹوئٹس میں مریم نواز نے کہا کہ عمران خان (فتنہ) کی گرفتاری کے بعد پاکستان میں کہیں بھی عوام باہر نہیں نکلی،صرف وہ تربیت یافتہ بلوائی باہرآئے جنہیں زمان پارک میں ٹریننگ ملتی تھی۔
یہ بھی پڑھیں: جو کام دشمن 75 سال نہ کر سکا وہ سیاسی لبادہ اوڑھے ایک گروہ نے کر دیا، پاک فوج
عمران خان کی گرفتاری کے بعد پی ٹی آئی رہنماؤں کی مبینہ آڈیو لیک سامنے آنے پر ردعمل دیتے ہوئے مریم نواز نے کہا کہ سامنے آنیوالی آڈیوز سےثابت ہوگیا کہ تخریب کاری کا منصوبہ عمران خان نےخود بنایا تھا، ان لوگوں نے وہ تنصیبات نشانہ پر رکھی ہوئی تھیں جہاں اسکی گرفتاری کی صورت میں حملہ کیاجاناتھا۔
فتنہ کی گرفتاری کے بعد پورے پاکستان میں کہیں بھی عوام باہر نہیں نکلی۔ صرف وہ تربیت یافتہ بلوائی باہر آئے ہیں جنہیں پچھلے کئی ماہ سے زمان پارک میں اس کی ٹریننگ دی جارہی تھی۔ آج سامنے آنے والی آڈیوز سے بھی یہ بات ثابت ہوگئی ہے کہ اس تخریب کاری کا منصوبہ عمران خان نے خود بنایا ہوا…
— Maryam Nawaz Sharif (@MaryamNSharif) May 10, 2023
نائب صدر مسلم لیگ (ن) کا کہنا تھا کہ عوام نے کسی احتجاج کا حصہ بننے سے انکار کردیا ہے اور تحریکِ انصاف کے ان دہشتگردوں کو اپنی آنکھوں سے دیکھ لیا،یہ عمران خان کی تخریبی سیاست کے منہ پر بہت بڑا طمانچہ ہے، حکومت کو ان شرپسندوں سے کسی قسم کی رعایت نہیں برتنی چاہیے۔
