ARYNews.tv | Urdu – Har Lamha Bakhabar

Tag: in pakistan

  • پاکستان میں کورونا سے مزید 8 اموات ، 531 نئے کیسز رپورٹ

    پاکستان میں کورونا سے مزید 8 اموات ، 531 نئے کیسز رپورٹ

    اسلام آباد : پاکستان میں کورونا کے مزید 8 مریض جاں بحق ہوگئے اور 531 نئے کیسز رپورٹ ہوئے ، جس کے بعد جاں بحق افرادکی تعداد6588 جبکہ کورونا کے فعال کیسز کی تعداد 8ہزار651 ہوگئی۔

    تفصیلات کے مطابق نیشنل کمانڈاینڈآپریشن سینٹر سے کوروناکیسزکےتازہ ترین اعداد و شمارجاری کردیئے ہیں، جس میں بتایا گیا کہ ملک میں 24 گھنٹے میں کورونا کے 8 مریض جاں بحق ہوئے ، جس کے بعد کورونا سے جاں بحق افراد کی تعداد 6588 ہوگئی۔

    این سی اوسی نے بتایا کہ ملک بھرمیں 24 گھنٹے میں 30 ہزار 22 کورونا ٹیسٹ کیے گئے، اس دوران کورونا کے مزید 531 کیس سامنے آئے ، جس کے بعد اب تک رپورٹ ہونے والے کیسز کی تعداد 3 لاکھ 19 ہزار 848 ہوگئی جبکہ کورونا کے فعال کیسز کی تعداد 8 ہزار 651 ہے۔

    نیشنل کمانڈاینڈآپریشن سینٹر کا کہنا ہے کہ گزشتہ 24 گھنٹےمیں کوروناکے424مریض صحت یاب ہوئے جبکہ اب تک 3لاکھ4ہزار609کورونامریض صحت یاب ہوچکے ہیں اور کورونا کے 516 کیسز تشویشناک اور سنجیدہ نوعیت کے ہیں۔

    اعدادو شمار کے مطابق ملک بھرمیں تاحال39لاکھ 14 ہزار 818 کورونا ٹیسٹ کیے جا چکے ہیں جبکہ سندھ میں کورونا کیسز کی تعداد ایک لاکھ 40 ہزار، پنجاب ایک لاکھ 892 ، خیبر پختونخوا میں 38 ہزار367، بلوچستان میں 15 ہزار541 ہوگئی، جبکہ اسلام آباد میں 17 ہزار428 ، گلگت بلتستان میں 3 ہزار 955 اور آزاد کشمیر میں3 ہزار131 کیسز رپورٹ ہوئے۔

    یاد رہے وزیراعظم عمران خان نے کہا تھا کہ قوم کو کورونا کی لہراور مزید نقصان سے بچانے کیلئےبروقت فیصلہ سازی ضروری ہے، سرد موسم میں کورونا کی وبا کے پھیلاؤ کا خطرہ بڑھے گا ، جس کے لیے وفاقی اور صوبائی حکومتوں کو ابھی سے حکمت عملی اختیار کرنےکی ضرورت ہے، حفاظتی اقدامات اور ماسک کے استعمال کو ہر صورت یقینی بنایا جائے۔

  • پاکستان میں کورونا کا زور ٹوٹنے لگا، کیسز اور اموات میں مسلسل کمی

    پاکستان میں کورونا کا زور ٹوٹنے لگا، کیسز اور اموات میں مسلسل کمی

    اسلام آباد : پاکستان میں گزشتہ 24گھنٹوں کے دوران کورونا وائرس نے 8 افراد کی جان لے لی، جس کے بعد اموات کی تعداد 6 ہزار 82 ہوگئی، پاکستان میں کورونا کے تصدیق شدہ کیسز کی تعداد 2 لاکھ 84 ہزار 121 ہوگئی۔

    تفصیلات کے مطابق پاکستان سے کورونا کا زور آہستہ آہستہ ٹوٹ رہا ہے، نئے کیسز اور اموات میں مسلسل کمی سامنے آرہی ہے، نیشنل کمانڈ اینڈ آپریشن سینٹر (این سی او سی) کے تازہ ترین اعداد و شمار کے مطابق 24گھنٹے میں ملک میں کورونا کے8مریض جاں بحق ہوگئے۔

    ملک بھرمیں کورونا وائرس سے اموات 6082ہوگئیں، 24گھنٹے میں کورونا کے23ہزار390ٹیسٹ کیے گئے،24گھنٹے میں634 افراد میں کورونا وائرس کی تصدیق ہوئی ہے۔

    ملک میں کورونا کے فعال کیسز کی تعداد 17791 ہے، اب تک کورونا کے 2 لاکھ 60 ہزار248مریض صحت یاب ہوچکے ہیں، ملک بھر میں کورونا کیلئے مختص 1859وینٹی لیٹرز میں سے153پر مریض موجود ہیں۔

    نیشنل کمانڈ اینڈ آپریشن سینٹر کے مطابق ملک بھر میں اب تک 21لاکھ 27ہزار89کورونا ٹیسٹ کیے جاچکے ہیں، اب تک 2لاکھ 84ہزار121کیس رپورٹ ہوچکے ہیں۔

  • کورونا وائرس : پاکستان میں 24 گھنٹوں کے دوران مزید 148مریض جاں بحق

    کورونا وائرس : پاکستان میں 24 گھنٹوں کے دوران مزید 148مریض جاں بحق

    کراچی : پاکستان میں کورونا کے متاثرین کی تعداد تیزی سے بڑھنے لگی،24گھنٹےکے دوران کورونا وائرس سے148افراد انتقال کرگئے، تعداد3ہزار903ہوگئی۔

    تفصیلات کے مطابق ملک بھر میں جان لیوا وبا کورونا وائرس کی تباہ کاریاں جاری ہیں، موجودہ صورتحال کے پیش نظر اب تک مجموعی طور پر مرنے والوں کی تعداد چار ہزار تک پہنچنے والی ہے۔

    این سی اوسی کی رپورٹ کے مطابق ملک میں24گھنٹے کےدوران کورونا وائرس سے148افراد انتقال کرگئے، پاکستان میں کورونا سے انتقال کرنے والوں کی تعداد3ہزار903ہوگئی، جبکہ24گھنٹے کے دوران4ہزار44نئے کیسز رپورٹ ہوئے۔

    پاکستان کے مختلف شہروں میں قائم اسپتالوں اور قرنطینہ مراکز میں کورونا کے ایک لاکھ7ہزار760مریض زیرعلاج ہیں، جس میں کورونا سے صحت یاب افراد کی تعداد81ہزار307ہے، ملک میں24گھنٹے کےدوران21ہزار835ٹیسٹ کئے گئے، پاکستان میں اب تک 11لاکھ71ہزار976کورونا ٹیسٹ کیے جاچکے ہیں۔

    نیشنل کمانڈ اینڈ آپریشن سینٹر کی رپورٹ کے مطابق سندھ میں کورونا کیسز کی تعداد74ہزار70،پنجاب میں71ہزار191ہوگئی
    جبکہ خیبرپختونخوا میں23ہزار887،بلوچستان میں9817کورونا کیسز رپورٹ ہوئے، اسلام آباد میں کورونا کیسزکی تعداد1 ہزار710ہوگئی، گلگت میں1365،آزاد کشمیر میں930کورونا کیسز رپورٹ ہوئے۔

    اس کے علاوہ پنجاب میں کورونا سےاموات کی تعداد1602 ہوگئی، سندھ میں1161،خیبرپختون خوامیں869افراد کورونا سےانتقال کرگئے، کوروناوائرس سے بلوچستان میں108،اسلام آبادمیں115اموات ہوئیں، گلگت بلتستان میں 23اور آزاد کشمیر میں25 اموات ریکارڈ کی گئیں۔

    این سی اوسی کی رپورٹ کے مطابق کورونا کےمریضوں کیلئےدستیاب 1539میں سے571وینٹی لیٹرز زیراستعمال ہیں
    آزاد کشمیر اور گلگت بلتستان میں کورونا کا کوئی مریض وینٹی لیٹر پر نہیں ہے۔

  • پاکستان نے کورونا وائرس کی تشخیص کی صلاحیت حاصل کرلی

    پاکستان نے کورونا وائرس کی تشخیص کی صلاحیت حاصل کرلی

    اسلام آباد : کورونا وائرس کی تشخیصی کٹس پاکستان پہنچ گئیں، ٹیسٹ کیلئے مریض کے گلے کے لعاب کا نمونہ لیا جائے گا، مذکورہ کٹس چین سے منگوائی گئیں ہیں۔

    تفصیلات کے مطابق چین کے شہر ووہان سے کچھ عرصہ قبل مہلک ترین کورونا نامی وائرس نے پھیلنا شروع کیا جو بہت مختصر وقت میں ہزاروں افراد کو اپنا شکار بناچکا ہے، جان لیوا وائرس کا دائرہ دنیا کے دیگر ممالک تک پھیل گیا ہے۔

    اس حوالے سے حفاظتی اقدامات کے تحت حکومت پاکستان کی درخواست پر کورونا ٹیسٹنگ کٹس پاکستان پہنچ گئیں،  ذرائع کا کہنا ہے کہ کورونا ٹیسٹنگ کٹس گزشتہ رات چین سے اسلام آباد پہنچیں۔

    قومی ادارہ صحت میں کل سے کورونا کے تشخیصی ٹیسٹ ممکن ہوسکیں گے، مرض کے ٹیسٹ کیلئے مریض کے گلے کے لعاب کا نمونہ لیا جائے گا، کورونا کے تشخیصی ٹیسٹ کی رپورٹ24گھنٹے میں تیار ہوگی۔

    ذرائع کے مطابق پہلے مرحلے میں کورونا کے تشخیصی ٹیسٹ قومی ادارہ صحت میں کرنے کا فیصلہ کیا گیا ہے، دوسرے مرحلے میں لاہور، کراچی میں ٹیسٹ کی سہولت دستیاب ہوگی۔

    ذرائع نے بتایا کہ چین کے بعد جاپان سے بھی کورونا ٹیسٹنگ کٹس 2روز میں پاکستان پہنچ جائیں گی، این آئی ایچ کے پاس 2ہزار مریضوں کے کورونا ٹیسٹ کی صلاحیت موجود ہے، آئندہ ہفتے این آئی ایچ کے پاس 3ہزار کورونا ٹیسٹ کی صلاحیت ہوگی۔

    علاوہ ازیں وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ پاکستان نے کورونا وائرس کی تشخیص کی صلاحیت حاصل کرلی ہے۔

    سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ الحمدللہ کرونا وائرس کی تشخیص کی صلاحیت حاصل ہو گئی ہے، پاکستان اب کروناوائرس کی تشخیص کی صلاحیت رکھتا ہے۔

    واضح رہے کہ چین میں کروناوائرس سے 304 افراد زندگی کی بازی ہار گئے جبکہ 12 ہزار افراد متاثر ہوئے، چین کے مختلف شہروں میں نظام زندگی مفلوج ہے ، چودہ صوبوں میں چھٹیاں اور لوگ گھروں میں محدود ہیں جبکہ چین کی معشیت کو اربوں ڈالر کے نقصان کا سامنا ہے۔

  • سائبیریا سے ہجرت کرنیوالے ہزاروں پرندے منگلا ڈیم اور ہیڈ رسول پہنچ گئے

    سائبیریا سے ہجرت کرنیوالے ہزاروں پرندے منگلا ڈیم اور ہیڈ رسول پہنچ گئے

    جہلم : سائبیریا اور دیگر ملکوں سے ہجرت کرکے ہزاروں پرندے منگلا ڈیم اور ہیڈ رسول پر پہنچ گئے، گزرتے وقت کے ساتھ قدرتی حسن کو دوبالا کرنے والے ان مہمان پرندوں کی تعداد مسلسل کم ہو رہی ہے۔

    تفصیلات کے مطابق ہر سال کی طرح روس اور سائیبیریا اور دیگر ممالک میں شدید سردی اور جھیلوں میں برف جم جانے کی وجہ سے ہزاروں مہمان پرندوں کی پاکستان آمد کا سلسلہ جاری ہے۔

    مختلف ممالک سے ہجرت کرکے آنے والے ہزاروں پرندے منگلا ڈیم اور ہیڈ رسول پر پہنچے ہیں، جس کی وجہ سے علاقے کی خوبصورتی میں مزید اضافہ ہوگیا ہے اور نظارے دلفریب ہوگئے۔

    سرد ملکوں کے پرندے خوراک کی تلاش میں پاکستان کا رخ کرتے ہیں، مہمان موسمی پرندوں جن میں کونج، شاہین، تلور، بٹیر اور مرغابیاں شامل ہیں ان کی آمد کا سلسلہ ماہ کے آخر تک جاری رہے گا۔

    اسی طرح پنجاب میں مختلف ہیڈورکس جن میں ہیڈبلوکی ، خانکی، سدھنائی ، سلیمانیکی ، قادرآباد اورمرالہ شامل ہے یہاں بھی ہزاروں کی تعداد میں مہمان پرندے قیام کرتے ہیں۔

    اسی طرح مختلف جھیلیوں پر بھی ان پرندوں کی اچھی خاصی تعداد ڈیرے ڈالتی ہے، بد قسمتی سے گزرتے وقت کے ساتھ قدرتی حسن کو دوبالا کرنے والے ان مہمان پرندوں کی تعداد مسلسل کم ہو رہی ہے۔

    ماہرین کے مطابق ایک براعظم سے دوسرے براعظم ہجرت کر نے والے یہ پرندے زمین پر اترے بغیر مسلسل دس ماہ تک اڑنے کی صلاحیت رکھتے ہیں۔

    مزید پڑھیں : سائبیریا سے آئے نایاب مہمان پرندوں کا سکھر میں شکار

    ماہرین کا کہنا ہے کہ ہجرت کرکے آنے والے پرندوں کی تعداد میں پچاس فیصد سے زائد کمی آئی ہے جس کی ایک وجہ ان پرندوں کا بڑے پیمانے پر ہونے والا غیرقانونی شکار ہے۔

  • مختلف ممالک کا پاکستان کے لیے اپنا فضائی آپریشن شروع کرنے کا عندیہ

    مختلف ممالک کا پاکستان کے لیے اپنا فضائی آپریشن شروع کرنے کا عندیہ

    کراچی : دنیا کے مختلف ممالک نے پاکستان میں اپنا فضائی آپریشن شروع کرنے میں دلچسپی کا اظہار کیا ہے، اس سلسلے میں فرانس جرمنی، آذر بائیجان اور ترکی کی نجی ائیر لائنز نے وزارت خارجہ اور وزارت ہوا بازی سے رابطوں کا آغاز کردیا۔

    تفصیلات کے مطابق وزیراعظم عمران خان کی کامیاب خارجہ پالیسی کے ثمرات آنا شروع ہوگئے، پاکستان کا امیج دنیا بھر میں ابھر کر سامنے آنے لگا، ملک میں امن وامان کی صورتحال بہتر ہونے کی وجہ سے ہوابازی کی صنعت کو فروغ حاصل ہونا شروع ہوگئے۔

    یورپی ممالک فرانس جرمنی، آذر بائیجان اور ترکی کی نجی ائیر لائنز نے پاکستان کے لیے اپنا فضائی آپریشن شروع کرنے کیلئے دلچسپی کا اظہار کردیا۔

    اس حوالے سے ذرائع کا کہنا ہے کہ فضائی آپریشن شروع کرنے کیلئے وزارت خارجہ اور وزارت ہوا بازی سے خط وکتابت کے ذریعے رابطے شروع کردیئے، برٹش ایئرویز نے پاکستان کیلئے دوبارہ فضائی آپریشن شروع ہونے کے بعد یورپی ممالک، آذر بائیجان اور ترکی کی فضائی کمپنی پیگاساس ایئرلائن نے دلچسپی کا اظہار کردیا۔

    جرمن ایئرلائن لوفتھنسا ایئر لائن، ایئرفرانس اور ناروے کی ایئرلائن نے بھی پاکستان کیلئے اپنا فضائی آپریشن شروع کرنے میں دلچسپی ظاہر کردی ہے، ذرائع کے مطابق یورپین ایئرلائن کی جانب سے سول ایوی ایشن اتھارٹی سے رابطے شروع کردیئے گئے ہیں۔

    اس سلسلے میں غیرملکی ایئرلائنز کی سیکیورٹی ٹیمیں اسلام آباد اور کراچی ایئرپورٹ کا سروے بھی کرچکی ہیں، فرانسسی ایئرلائن کے وفد نے گزشتہ ہفتے اسلام آباد ایئرپورٹ کا دورہ بھی کیا تھا، غیرملکی سیکیورٹی ایجنسیوں نے پاکستان میں امن وامان کی صورتحال اور ایئرپورٹس پر سیکیورٹی کے انتظامات پر اپنی اطمینان کا اظہار کیا ہے۔

    ذرائع کا مزید کہنا ہے کہ یورپی ممالک کے پاکستان میں فضائی آپریشن شروع ہونے سے ملک میں سرمایہ کاری کے ساتھ ساتھ سیاحت کو فروغ حاصل ہوگا۔

  • بھارت میں ناکامی کے بعد موٹاپے کی شکارخاتون کی پاکستان میں کامیاب سرجری

    بھارت میں ناکامی کے بعد موٹاپے کی شکارخاتون کی پاکستان میں کامیاب سرجری

    لاہور : بھارت میں آپریشن کی ناکامی کے بعد موٹاپے کی شکار بھارتی خاتون کی پاکستان میں کامیاب سرجری کردی گئی، جس کے بعد ان کا وزن150سے کم ہوکر صرف 80 کلو گرام رہ جائے گا۔

    تفصیلات کے مطابق موٹاپے کی شکار 37سالہ بھارتی خاتون مولی ساسن کا کامیاب آپریشن کرکے پاکستانی ڈاکٹر نے ملک کا نام روشن کردیا۔ بھارتی شہریوں نے بھی علاج کروانے کے لیے پاکستان کا رخ کرلیا۔150کلو گرام وزنی بھارتی خاتون کی پاکستان میں کامیاب سرجری کر دی گئی جس کے بعد اس کا وزن صرف 80 کلو گرام رہ جائے گا۔

    مذکورہ خاتون نے پہلا آپریشن بھارت کے شہر ممبئی میں کروایا تھا جو ناکام ثابت ہوا جس کے بعد وہ دیگر پریشانیوں میں مبتلا ہوگئیں، بعد ازاں کچھ دوستوں کے مشورے کے بعد وہ اپنی والدہ کے ہمراہ پاکستان آئیں اور لاہور کے ایک نجی اسپتال میں علاج کی غرض سے داخل ہوئیں جہاں گزشتہ روز ان کا کامیاب آپریشن کیا گیا۔

    موٹاپے کی وجہ سے مولی ساسن بلڈ پریشر اور شوگر کے مرض میں مبتلا ہیں، ان کا آپریشن کرنے والے پاکستانی ڈاکٹر معاذ کا کہنا ہے کہ مولی ساسن کا دوبارہ آپریشن کرکے معدہ چھوٹا کیا گیا ہے اور چھ ماہ کے دوران ان کا وزن 150 سے کم ہوکر80کلو گرام ہوجائے گا۔ ان کا مزید کہنا تھا کہ خوشی ہے کہ دیگر ممالک کے مریض بھی پاکستانی ڈاکٹرز پر اعتماد کر رہے ہیں۔

  • ہانگ کانگ کی21سالہ مارشا سائیکل پر پاکستان پہنچ گئیں، لاہورکے گن گانے لگیں

    ہانگ کانگ کی21سالہ مارشا سائیکل پر پاکستان پہنچ گئیں، لاہورکے گن گانے لگیں

    لاہور : دنیا بھر کے کئی ملکوں کا سفر کرنے کے بعد ہانگ کانگ کی اکیس سالہ مارشا سائیکل پر پاکستان پہنچ گئیں، کہتی ہیں کہ زندہ دلان لاہور بہت مہمان نواز ہیں، اس جیسا شہر پہلے نہیں دیکھا۔

    تفصیلات کے مطابق ہانگ کانگ کی چینی نژاد سائیکلسٹ مارشاہ سائیکل پر پاکستان پہنچ گئیں، اکیس سالہ مارشا اپنی سائیکل پر اب تک دنیا بھر کے کئی ممالک کا سفر طے کرچکی ہیں۔

    پاکستان پہنچنے پر ان کا پرتپاک استقبال کیا گیا، اس موقع پر انہوں نے لاہور کے مختلف مقامات کی سیر کی، اس موقع پر میڈیا سے گفتگو میں ان کا کہنا تھا کہ لاہور ایک دلچسپ، سرسبزاور بہت خوبصورت شہر ہے، لاہور کے لوگ بھی بہت مہمان نواز ہیں۔

    مارشاہ کہتی ہیں کہ وطن واپس جا کر انٹرنیٹ پراپنے بلاگ میں سفر نامہ لکھ کر پاکستان کا مثبت تشخص اجاگر کروں گی۔

    علاوہ ازیں لاہور میں مارشاہ کے میزبان ایڈوکیٹ شاہد جامی نے اے آر وائی نیوز سے گفتگو کرتے ہوئے کہا کہ مارشا سائیکل پر اکیلی پاکستان گھومنے آئیں، مارشاہ جیسے غیر ملکی لوگ واپس جا کر اپنی بہتر یادوں کے ساتھ پاکستان کے ایمبسیڈر کا کام کرسکتے ہیں۔

  • دودھ کی پیدوار میں‌ اضافے کے لیے گایوں پر وائی فائی ڈیوائس نصب

    دودھ کی پیدوار میں‌ اضافے کے لیے گایوں پر وائی فائی ڈیوائس نصب

    کراچی: دودھ کی پیداوار میں اضافہ کے لیے کمپنیوں نے گایوں کو وائے فائی ڈیوائسز پہنادیں۔

    تفصیلات کے مطابق پاکستان دنیا بھر میں دودھ کی پیداوار کے لحاظ سے پانچواں بڑا ملک ہے تاہم آج بھی قدیم طریقہ کار کی وجہ سے فی جانور دودھ کی پیداوار ترقی یافتہ ممالک کے لحاظ سے کم ہے، نجی دودھ کمپنیاں صحت مند دودھ کی پیداوار اور دودھ کی فراہمی کے لیے جدید ڈیری فارمز میں وائی فائی ڈیوائس سے گائے کی نگہداشت کررہی ہیں۔

    اے آر وائی نیوز کے نمائندہ انجم وہاب کے مطابق وائی فائی ڈیوائسز سے گائے کی نگہداشت کسی اور ملک میں نہیں بلکہ پاکستان میں کی جارہی ہے، نجی کمپنیوں نے سرسبز ماڈل فارم پتوکی میں اعلیٰ نسل کی آسٹریلین گائے کو وائی فائی ڈایوئسز پہنا دی جس سے انہیں دودھ کی زیادہ مقدار حاصل ہورہی ہے۔

    یہ ڈیوائس چھوٹی سی ہوتی ہے جو کہ گلے میں پہنادی جاتی ہے۔

    گایوں کے لیے پنکھے اور پانی کے فوارے بھی نصب

    ان ڈایوئسز سے گائے کی خوراک، صحت اور دودھ دینے سے پہلے اور بعد کی کیفیت مانیٹر کی جاتی ہے، سرد علاقوں سے در آمد کی گئی ان گایوں کی گرم موسم میں دیکھ بھال کے لیے پنکھے اور پانی کے فوارے بھی نصب ہیں۔

    غیر ملکی گائے درآمد کی جارہی ہیں جو زیادہ دودھ دیتی ہیں

    جن گایوں کے گلے میں ننھی سی وائی فائی ڈیوائس نصب کی گئی ہے نشانی کے طور پر ان گایوں کے کان پر پیلے رنگ کا ٹیگ لگادیا گیا ہے

    پاکستان میں دودھ کی پیدوار 36 ملین ٹن سالانہ ہے دودھ کی پیداوار میں اضافے کے لیے غیرملکی نسل کی گائے درآمد کی جا رہی ہیں جو مقامی ساہیوال نسل بھینسوں کے مقابلے میں زیادہ دودھ دیتی ہیں۔

    سرسبز فارم میں اعلیٰ نسل کی درآمد شدہ گائے جن میں فریزن، جرسی اور ان دونوں کی مقامی کراس نسل رکھی گئی ہیں۔

    جدید ڈیری فارمز سے دودھ کو ابتدائی جانچ کے بعد ملک پروسیسنگ پلانٹ تک پہنچایا جاتا ہے، صارفین تک دودھ کی ترسیل سے پہلے مختلف ٹیسٹ کیے جاتے ہیں۔

    لائیو اسٹاک کے شعبے کے ماہرین کے مطابق لائیو اسٹاک شعبے کی ترقی اور دودھ کی ملکی پیداوار بڑھانے کے لیے جامع پالیسی کی ضرورت ہے۔

  • انٹرنیشنل کرکٹ کی واپسی: آفریدی کردار ادا کرنے کیلئے بے چین

    انٹرنیشنل کرکٹ کی واپسی: آفریدی کردار ادا کرنے کیلئے بے چین

    کراچی: قومی کرکٹ ٹیم کے اسٹار آل راؤنڈر شاہد خان آفریدی ملک میں انٹرنیشنل کرکٹ کی واپسی میں کردار ادا کرنے کے لیے بے چین ہیں۔

    تفصیلات کے مطابق اسٹار آل راؤنڈر شاہد خان آفریدی ملک میں جلد انٹرنیشنل کرکٹ کی واپسی کے خواہاں ہیں۔ اے آر وائی اسپورٹس سے خصوصی گفتگو کرتے ہوئے شاہد آفریدی کا کہنا تھا کہ ملک میں انٹرنیشنل کرکٹ واپس آئی تو اس کا سہرا پی سی بی کو جائے گا۔

    انہوں نے مزید کہا کہ ویسٹ انڈیز ٹیم دورہ پاکستان پر آجاتی ہے تو یہ پاکستان کرکٹ بورڈ کی بڑی کامیابی ہوگی،پاکستان میں امن و امان کی صورتحال اب کافی بہتر ہے، غیر ملکی ٹیموں کو اب پاکستان کا دورہ کرنا چاہیے۔

    36 سالہ آفریدی کا کہنا تھا کہ وسیم اکرم اور رمیز راجہ کو بھی غیر ملکی کھلاڑیوں کو دورہ پاکستان کے لیے آمادہ کرنا چاہیے، میں بھی اپنی طرف سے غیر ملکی کرکٹرز کرس گیل، مارلون سیموئیل سے بات کروں گا۔

    یاد رہے کہ  گزشتہ روز پاکستان کرکٹ بورڈ کی ایگزیکٹو کمیٹی کے چیئرمین نجم سیٹھی نے کہا تھا کہ پی ایس یل کا فائنل لاہور میں ہوگیا تو پاک ویسٹ انڈیز سیریز پاکستان میں یقینی ہوجائے گی۔

    آفریدی کا کہنا تھا کہ یونس خان اور مصباح الحق کی پاکستان کرکٹ کے لیے بڑی خدمات انہیں ریٹائرمنٹ کا فیصلہ سوچ سمجھ کر نا چاہیے۔

    واضح رہے کہ شاہد آفریدی کی طویل عرصے بعد ڈومیسٹک کرکٹ واپسی ہوئی، آفریدی نیشنل اسٹیڈیم کراچی میں کھیلے جانے والے ون ڈے ٹورنامنٹ کے میچ جس میں سوئی سدرن گیس کمپنی (لمیٹڈ) اور حبیب بینک (ایچ بی ایل) کی ٹیمیں مدمقابل تھیں، آفریدی ایچ بی ایل کی نمائندگی کررہے تھے۔

     احمد شہزاد کی کپتانی میں کھیلے جانے والے ون ڈے ٹورنامنٹ میں حبیب بیک نے سوئی سدرن گیس کمپنی کو 5 وکٹوں سے شکست دی۔ آفریدی نے دس اوورز میں 42 رنز دے کر ایک کھلاڑی کو آؤٹ کیا۔

    یہ بھی پڑھیں: ویسٹ انڈیز لاہور میں ٹی ٹوئنٹی میچز کھیلے گی، نجم سیٹھی

    http://www.arynews.tv/ud/chairman-pcb-executive-committee-najam-sethi-says-pcl-final-will-b-held-in-lahore/