پاکستان تحریک انصاف کی رہنما اور سابق صوبائی وزیر صحت یاسمین راشد نے کہا ہے کہ پنجاب اسمبلی میں نئے وزیراعلیٰ کیلیے الیکشن ہوئے ہی نہیں۔
پی ٹی آئی رہنما یاسمین راشد نے پنجاب اسمبلی کے باہر میڈیا سے گفتگو کرتے ہوئے کہا کہ جس دن الیکشن ہو اس روز ایک امیدوار کو مارپیٹ کر وہاں سے باہر نکال دیا جائے تو وہاں الیکشن کیسے ہوسکتا ہے۔
یاسمین راشد نے کہا کہ اس روز وزیراعلیٰ کے ایک امیدوار پرویز الہٰی و مارپیٹ کرک باہر نکال دیا گیا تو یہ الیکشن تو ہوئے ہی نہیں، پھر 26 اراکین نے اپنی پارٹی کے خلاف جاکر ووٹ دیے، منحرف ارکان نااہل ہیں تو وہ الیکشن کیسے جیت سکتے ہیں۔
پی ٹی آئی رہنما نے مزید کہا کہ جو عدالتی فیصلے ہورہے ہیں ان پر دکھ ہوتا ہے کہ اگر یہ اسی طرح یکطرفہ فیصلے کرتے رہے تو معاملات کیسے چلیں گے۔
مزید پڑھیں: حمزہ شہباز کا الیکشن اور حلف برداری غیر آئینی ہے، پنجاب کابینہ کا اعلامیہ
واضح رہے کہ اس سے قبل عثمان بزدار کی زیرصدارت پنجاب کابینہ کے اجلاس میں بھی کابینہ نے وزیراعلیٰ کیلیے حمزہ شہباز کے حلف کو غیر آئینی قرار دیا تھا۔
