ARYNews.tv | Urdu – Har Lamha Bakhabar

Tag: inaugurate

  • وزیر اعظم نے اسکول آن ویلز کے منصوبے کا افتتاح کردیا

    وزیر اعظم نے اسکول آن ویلز کے منصوبے کا افتتاح کردیا

    اسلام آباد: وزیر اعظم شہباز شریف نے اسکول آن ویلز کے منصوبے کا افتتاح کردیا، ان کا کہنا تھا کہ موبائل اسکولز کے ذریعے دیہات میں بھی بچوں کو تعلیم دی جائے گی۔

    تفصیلات کے مطابق وزیر اعظم شہباز شریف نے وفاقی دارالحکومت اسلام آباد میں اسکول آن ویلز کے منصوبے کا افتتاح کردیا، وزیر اعظم کو منصوبے پر بریفنگ دی گئی۔

    اس موقع پر وزیر اعظم کا کہنا تھا کہ بچوں کو تعلیم سے لیس کریں گے تو انشا اللہ یہ ملک کے معمار بنیں گے، یہ منصوبہ دیہات تک بھی پھیلائیں گے جو قومی خدمت ہوگی۔

    انہوں نے کہا کہ بچوں کی تعلیم کے لیے ہر ممکن اقدامات کیے جائیں، موبائل اسکولز کے ذریعے دیہات میں بچوں کو تعلیم دی جائے گی۔ امید ہے موبائل اسکولز کا پروگرام دیہات میں انقلاب لے کر آئے گا۔

    وزیر اعظم کا مزید کہنا تھا کہ اس منصوبے کو گلگت بلتستان اور آزاد کشمیر تک لے کر جائیں گے۔

  • وزیراعظم آج دنیا کے سب سے بڑے میواکی اربن فاریسٹ کا افتتاح کریں گے

    وزیراعظم آج دنیا کے سب سے بڑے میواکی اربن فاریسٹ کا افتتاح کریں گے

    اسلام آباد : وزیراعظم عمران خان آج لاہور میں میواکی اربن فاریسٹ کا افتتاح کریں گے، اس فاریسٹ میں منفرد میواکی ٹیکنالوجی سے ایک لاکھ 65ہزار پودے لگائے جائیں گے۔

    تفصیلات کے مطابق وزیر مملکت برائے اطلاعات فرخ حبیب نے سماجی رابطے کی ویب سائٹ ٹوئٹر پر اپنے پیغام میں کہا ہے کہ وزیراعظم عمران خان آج لاہور میں میواکی اربن فاریسٹ کا افتتاح کریں گے اور سگیاں پرمیوا کی درخت لگانے کی مہم آغاز کریں گے۔

    فرخ حبیب کا کہنا تھا کہ وزیراعظم عمران خان وزیراعلیٰ پنجاب سےملاقات بھی کریں گے ، جس میں انھیں آب پاک اتھارٹی،اسپیشل ٹیکنالوجی زون سےمتعلق بریفنگ بھی دی جائے گی۔

    خیال رہے یہ دنیا کا سب سے بڑا میواکی فاریسٹ ہے، جو 100کنال پر بنایا گیا ہے، اس میں نفرد میواکی ٹیکنالوجی سے ایک لاکھ 65ہزار پودے لگائے جائیں گے، جاپانی تکنیک سےدرخت 10 گنا تیز اور 30 گنا زیادہ گھنے ہوتے ہیں۔

    یاد رہے رواں سال فروری میں وزیراعظم عمران خان نے لاہور کے جیلانی پارک میں اربن فارسٹ منصوبے کا افتتاح کیا تھا ، افتتاحی تقریب سے خطاب کرتے ہوئے وزیراعظم نے کہا تھا کہ موسمیاتی تبدیلی سے نمٹنے کیلئے ہم سب کو بہت محنت کرنا پڑے گی، اس کے لئے پچاس مقامات پر اربن فاریسٹ لگانے کی سوچ اہم اور پہلا قدم ہے۔

  • وزیراعظم عمران خان آئندہ ہفتے رشکئی اکنامک زون کا افتتاح کریں گے

    وزیراعظم عمران خان آئندہ ہفتے رشکئی اکنامک زون کا افتتاح کریں گے

    پشاور : وزیراعلیٰ خیبر پختونخواہ محمود خان کا کہنا ہے کہ وزیراعظم عمران خان  نے رشکئی اکنامک زون کے قیام میں مدد کی، وہ آئندہ ہفتے رشکئی اکنامک زون کاافتتاح کریں گے۔

    تفصیلات کے مطابق وزیراعلیٰ خیبر پختونخواہ محمود خان نے تقریب سے خطاب کرتے ہوئے کہا کہ دعا ہے کورونا کےامتحان میں ہم سرخرو ہوں، کورونا وائرس قوم پر آزمائش کا وقت ہے۔

    محمود خان کا کہنا تھا کہ بی آرٹی کومکمل کیالوگ اس سےمستفیدہورہےہیں، بی آرٹی منصوبے کو میں نے چلایا اور لوگوں کو فائدہ مل رہا ہے۔

    وزیراعلیٰ کے پی نے کہا کہ صوبے میں اکنامک زون قائم کیے جارہے ہیں وزیراعظم نےرشکئی اکنامک زون کےقیام میں مددکی، آئندہ ہفتے وزیراعظم رشکئی اکنامک زون کاافتتاح کریں گے۔

    ان کا مزید کہنا تھا کہ صحافت کیلئےغیرجانبدارہوناضروری ہے، کوروناوائرس کی صورت میں امتحان آیا ہے، حکومت ملی تو بہت سے چیلنجز کا سامنا تھا۔

    بی آرٹی منصوبے کے حوالے سے محمود خان نے کہا کہ بی آرٹی منصوبہ گلے کی ہڈی بن گیا تھا،سب سوال کرتے تھے، لوگ پوچھتے تھےکہ بی آر ٹی منصوبہ کب مکمل ہوگا، بی آرٹی منصوبہ ہم نے مکمل کردیا،4سال گالیاں کھائیں۔

  • وزیراعظم عمران خان آج سیکیورٹی ڈائیلاگ کا افتتاح کریں گے

    وزیراعظم عمران خان آج سیکیورٹی ڈائیلاگ کا افتتاح کریں گے

    اسلام آباد : وزیراعظم عمران خان آج سیکیورٹی ڈائیلاگ اور مشاورتی پورٹل کا افتتاح کریں گے اور  جامع قومی سلامتی کے ویژن پر تبادلہ خیال بھی کریں گے۔

    تفصیلات کے مطابق اسلام آباد میں سیکیورٹی ڈائیلاگ آج سے 2 روز کیلئے نیشنل لائبریری میں ہورہا ہے، ڈائیلاگ قومی سلامتی ڈویژن اور قومی سلامتی مشاورتی بورڈ کے زیراہتمام منعقد کیا گیا ہے۔

    وزیراعظم عمران خان نیشنل لائبریری اسلام آباد میں سیکیورٹی ڈائیلاگ کی افتتاحی تقریب میں شرکت کر کے جامع قومی سلامتی کے وژن پر تبادلہ خیال کریں گے۔

    جامع قومی سلامتی ویژن روایتی اورغیر روایتی سلامتی کے ستونوں پر مبنی ہے ، ویژن میں معاشی خوشحالی اور انسانی فلاح وبہبود کو ترجیح دی گئی ہے۔

    وزیراعظم عمران خان مشاورتی پورٹل کابھی افتتاح کریں گے ، پورٹل سےتھنک ٹینک،یونیورسٹیاں پالیسی سفارشات شیئر کرسکیں گی۔

    اسلام آباد سیکیورٹی ڈائیلاگ کے5سیشن ہوں گے ، 2سیشن آج جبکہ 3سیشن کل ہوں گے ، پہلاسیشن جامع قومی سلامتی پرآج شام 4بجےہوگا ، جس میں ڈاکٹرمعیدیوسف مرکزی اسپیکرہوں گے

    دوسراسیشن معاشی تحفظ سےمتعلق ہوگا ، جس میں عبد الرزاق داؤد خصوصی اسپیکرہوں گے جبکہ تیسراسیشن انسانی فلاح اورتحفظ سےمتعلق کل3بجےہوگا ، تیسرےسیشن میں ثانیہ نشتر،فیصل سلطان،ملک امین اسلم مرکزی اسپیکرہوں گے۔

    چوتھاسیشن علاقائی امن و سلامتی سےمتعلق ہوگا ، جس میں میں وزیرخارجہ شاہ محمودقریشی مرکزی اسپیکرہوں گے جبکہ پانچواں سیشن ورلڈآرڈراورپاکستان پرہوگا اور اس سیشن میں حناربانی کھر،علی جہانگیر صدیقی اورمشاہد حسین سید مرکزی اسپیکر ہوں گے۔

    قومی سلامتی سے جڑے موجودہ چیلنجز اور مواقع ، معاشی سلامتی کے ذریعے محفوظ اور خوشحال ملک کی تکمیل سیکورٹی ڈائیلاگ کاحصہ ہوں گے۔

  • کراچی پیکج میں شامل پہلا منصوبہ مکمل، بلاول بھٹو آج افتتاح کریں گے

    کراچی پیکج میں شامل پہلا منصوبہ مکمل، بلاول بھٹو آج افتتاح کریں گے

    کراچی : چیئرمین پیپلز پارٹی بلاول بھٹو آج کورنگی میں ابراہیم حیدری پر کراچی کے دوسرے پیپلز اسکوائر کا افتتاح کریں گے، ابراہیم حیدری کورنگی کو ملاح اسکوائر کا نام دیا گیا ہے۔

    تفصیلات کے مطابق سندھ حکومت کے ترجمان بیرسٹر مرتضیٰ وہاب نے سماجی رابطے کی ویب سائٹ ٹوئٹر پر اپنے بیان میں کہا کہ ذوالفقاربھٹوکی سالگرہ پرکورنگی کے ترقیاتی منصوبوں کی تکمیل کا تحفہ دیں گے ، کراچی پیکج میں شامل پہلا منصوبہ مکمل کرلیا گیا ہے ، جس کا بلاول بھٹوآج افتتاح کریں گے۔

    بیرسٹرمرتضیٰ وہاب کا کہنا تھا کہ ابراہیم حیدری میں کراچی کادوسراپیپلزاسکوائرمکمل ہوگیا ، ابراہیم حیدری کورنگی کوملاح اسکوائرکانام دیاگیاہے، ملاح پیپلزاسکوائرآج سےعوام کے لئے کھول دیا جائے گا۔


    ترجمان سندھ حکومت نے مزید کہا کہ ماضی میں بلدیاتی حکومتوں نےاس مقام کونظراندازکیا ، 14اگست 2020کواولڈسٹی ایریامیں پہلے پیپلزاسکوائرکا افتتاح کیا گیا تھا۔

    ان کا کہنا تھا کہ سندھ حکومت صوبے میں ترقیاتی کام کر رہی ہے، تیسرے پیپلز اسکوائر کا افتتاح بہت جلد ملیر کھوکھرا پار میں کیا جائے گا۔ سندھ حکومت صوبے میں ترقیاتی کام کر رہی ہے۔

  • وزیراعظم عمران خان آج چاپری ڈیم کے تعمیراتی کام کا افتتاح کریں گے

    وزیراعظم عمران خان آج چاپری ڈیم کے تعمیراتی کام کا افتتاح کریں گے

    اسلام آباد: وزیراعظم عمران خان آج میانوالی میں چاپری ڈیم کے تعمیراتی کام کا افتتاح کریں گے، تین ارب روپےکی لاگت کے منصوبہ سےڈیڑھ لاکھ افراد کو پینے کا صاف پانی ملے گا۔

    تفصیلات کے مطابق وزیراعظم عمران خان آج میانوالی کا دورہ کریں گے ، اس موقع پر وزیراعلیٰ پنجاب سمیت اہم وزرابھی ساتھ ہوں گے، میانوالی میں عمران خان چاپری ڈیم منصوبےپرتعمیراتی کام کا افتتاح کریں گے ، افتتاحی تقریب کیڈٹ کالج کوٹ چاندنہ میں ہوگی، جس سے وزیراعظم خطاب بھی کریں گے۔

    3 ارب لاگت کےمنصوبےسےڈیڑھ لاکھ عوام کو پینے کا صاف پانی ملے گا ، فراہمی آب کامنصوبہ 2 سال میں مکمل ہوگا ، اس کے علاوہ وزیراعظم پاکستان کا نمل کالج اور نمل نالج سٹی کا دورہ بھی متوقع ہے۔

    گذشتہ روز وزیراعظم عمران خان نے اے آروائی نیوز کے پروگرام دی رپورٹرز میں خصوصی انٹرویو میں کہا تھا کہ ’میرا اور آرمی چیف کا ایک ہی مقصد پاکستان کو بہتر کرنا ہے، دونوں کا مقصد ایک ہی ہے اس لیے پہلی مرتبہ سول عسکری تعلقات اچھے ہیں‘۔

    وزیراعظم عمران خان کا کہنا تھا کہ خیبرپختونخواہ کے تمام شہریوں میں ہلیتھ کارڈ تقسیم کیے گئے، ہماری کوشش ہے کہ پنجاب کے سفید پوش طبقے کو بھی ہیلتھ کارڈ پہنچائے جائیں، حکومت پاکستانی تاریخ میں پہلی بار غریبوں اور تنخواہ دار طبقے کے لیے گھر بنا رہی ہے، ایک لاکھ گھر کے منصوبے میں شامل ہر گھر پر حکومت تین لاکھ روپے سبسڈی دے گی، بینکوں کو پابندکریں گےکہ 5 فیصد شرح سود پر شہریوں کو گھروں کےلیے قرض دیں، اگر شرح سود میں بہت زیادہ اضافہ بھی ہوا تو ہم 7 فیصد پر قرض دیں گے اور اگر شرح سود کم ہوگئی تو قرض پر بھی کم کردیں گے۔

  • وزیراعظم نے 40 دن کی ریکارڈ مدت میں تیار ہونے والے جدید اسپتال کا افتتاح کردیا

    وزیراعظم نے 40 دن کی ریکارڈ مدت میں تیار ہونے والے جدید اسپتال کا افتتاح کردیا

    اسلام آباد : وزیراعظم عمران خان نے آئسولیشن اسپتال اوروبائی امراض کے جدید اسپتال کا افتتاح کردیا، اسپتال40 دن کی ریکارڈ مدت میں تعمیر کیا گیا۔

    تفصیلات کے مطابق وزیراعظم عمران خان نے اسلام آباد میں آئسولیشن اسپتال اوروبائی امراض کے جدید اسپتال کا افتتاح کردیا ، افتتاح کے موقع پرآرمی چیف جنرل قم جاوید باجوہ، چینی سفیر ، وزیراطلاعات شبلی فراز اور وزیرمنصوبہ بندی اسدعمر اور دیگر حکام بھی موجود تھے۔

    خصوصی اسپتال250بیڈز پرمشتمل ہے، این ڈی ایم اے نے کورونا سے نمٹنےکے لئے اسپتال 40 دن کی ریکارڈ مدت میں تعمیر کیا ہے، اسپتال کی تعمیر سے وفاقی دارالحکومت کے اسپتالوں میں مریضوں کا دباؤ کم ہوگا۔

    وزیراعظم کوچیئرمین این ڈی ایم اے نے آئسولیشن اسپتال سے متعلق بریفنگ دی، وزیراعظم نے کورونا وائرس سے بچاؤ کے لیے قائم کردہ آئسولیشن سینٹر کے مختلف حصوں کا جائزہ لیا اور کورونا وائرس کی روک تھام کے حوالے سے آئسولیشن سینٹر کے قیام کو سراہا۔

    چیئرمین این ڈی ایم اے نے وزیر اعظم کو کورونا وائرس کی روک تھام کے لیے درکار ضروری طبی آلات و دیگر ضروری سامان کی دستیابی کو یقینی بنانے کے لیے کیے جانے والے انتظامات کے بارے میں بھی آگاہ کیا۔

    یاد رہے چند روز قبل وزیراعظم عمران خان نے نیشنل کمانڈ اینڈ کنٹرول آپریشن سینٹر کا دورہ کیا تھا ، وزیراعظم نے اسمارٹ لاک ڈاؤن کے مثبت اثرات کو سراہتے ہوئے ایس اوپیز پر سختی سے عملدرآمد کی ہدایت کی۔

    اس موقع پر وزیراعظم عمران خان کا کہنا تھا کہ نیشنل کمانڈ اینڈ آپریشن سینٹر (این سی او سی) نے جن مشکل حالات میں کام کیا قوم کو اس پر فخر ہے۔

  • شیخ رشید کا 100 روپے ٹکٹ والی ٹرین چلانے کا اعلان

    شیخ رشید کا 100 روپے ٹکٹ والی ٹرین چلانے کا اعلان

    گوجرانوالہ: وفاقی وزیر ریلوے شیخ رشید کا کہنا ہے کہ گوجرانوالہ لاہور ایکسپریس کا افتتاح کرنے جارہے ہیں، گوجرانوالہ تا لاہور ایکسپریس کا ٹکٹ 100 روپے رکھا ہے۔

    تفصیلات کے مطابق وفاقی وزیر ریلوے شیخ رشید کا کہنا ہے کہ گوجرانوالہ میں 6 ماہ میں چھوٹا ڈرائی پورٹ بنائیں گے، ایم ایل ون میں 1 لاکھ لوگوں کو نوکریاں دیں گے۔ عمران خان کی حکومت کا سب سے بڑا کام ایم ایل ون ہوگا۔

    شیخ رشید کا کہنا تھا کہ ایم ایل ون کے بعد لاہور سے کراچی 8 گھنٹے میں پہنچیں گے، عمران خان کی حکومت میں گوجرانوالہ لاہور ایکسپریس کا افتتاح کر رہے ہیں۔

    70 سال میں کسی نے نہیں سوچا کہ روڈ کی کیا حالت ہے، شٹل ٹرین 6 بار گوجرانوالہ اور لاہور کے درمیان چلے گی۔ گوجرانوالہ تا لاہور ایکسپریس کا 100 روپے کا ٹکٹ رکھا ہے۔

    شیخ رشید کا کہنا تھا کہ گوجرانوالہ لاہور ایکسپریس میں اے سی بوگیاں بھی لگائیں جس کا ٹکٹ 300 ہوگا۔

    انہوں نے مزید کہا کہ اپریل میں دنیا کی بڑی شخصیت ایم ایل ون کی بنیاد رکھے گی۔ ایک دو ماہ کے اندر ریلوے میں انقلاب آرہا ہے۔ کوشش ہے ایم ایل ون کو جلال آباد تک لے کر جائیں گے۔

    وزیر ریلوے کا کہنا تھا کہ ریلوے کے مقامی ٹریک کی حالت کو بھی بہتر کیا جارہا ہے، شٹل ٹرین کے باعث تاجروں کو بے حد فائدہ ہوگا۔

  • وزیراعظم عمران خان کا مستحق افراد کے لئے ایک اور منصوبہ

    وزیراعظم عمران خان کا مستحق افراد کے لئے ایک اور منصوبہ

    اسلام آباد : وزیراعظم عمران خان 31 جنوری کو ‘احساس کفالت پروگرام’ کا آغاز کریں گے، پروگرام کےتحت بیوہ خواتین سمیت نادارافرادکی مالی امداددی جائے گی اور  انتہائی مستحق افرادکو2ہزارروپےماہانہ رقم دی جائےگی۔

    تفصیلات کے مطابق وزیراعظم عمران خان کا مستحق افراد کے لئے ایک اور منصوبہ سامنے آگیا ، وزیراعظم 31 جنوری کو احساس کفالت پروگرام کا آغاز کریں گے، کفالت پروگرام سےبیوہ خواتین سمیت نادارافرادکی مالی امداددی جائے گی۔

    غربت کی لکیرسےنیچے زندگی گزارنے والوں کیلئے امدادی پیکج کی تیاریاں مکمل کر لی گئیں ہیں ، وفاقی وزیرمواصلات مرادسعیداور ڈاکٹرثانیہ نشتر نے پروگرام کی تیاریوں کا جائزہ لیا ، کفالت پروگرام سے5 لاکھ افرادمستفید ہوں گے، مستحق افرادتک احساس کفالت کارڈکی ترسیل پاکستان پوسٹ کےذریعےہو گی۔

    وفاقی وزیرمواصلات مرادسعید نے کہا کارڈکےاجراسےامدادکی وصولی تک مکمل نظام شفافیت پرمبنی ہوگا، وزیراعظم کااحساس پروگرام عوامی فلاح کاسب سےبڑامنصوبہ ہے، اس سےپہلےعمران خان نےہزاروں بےگھروں کوریاست کامہمان بنایا۔

    مرادسعید کا کہنا تھا کہ وزیراعظم نےلنگرخانےکاآغازکیاتا کہ کوئی بھوکا نہ سوئے ، احساس کفالت کےتحت بھی لاکھوں لوگ فائدہ اٹھائیں گے۔

    مزید پڑھیں : وزیراعظم عمران خان نے اسلام آباد میں“احساس لنگر” اسکیم کا افتتاح کردیا

    ڈاکٹرثانیہ نشتر نے کہا کہ پروگرام کےتحت انتہائی مستحق افرادکو2ہزارروپےماہانہ رقم دی جائےگی، رقم کی فراہمی کےلئےبینک اکاؤنٹ کھول کر دئیے جائیں گے، بینکوں کےساتھ معاہدوں کوبھی حتمی شکل دےدی گئی، افتتاح ہوتےہی5لاکھ افرادکوانرولمنٹ کےخطوط بھیج دئیے جائیں گے۔

    یاد رہے گذشتہ سال اکتوبر میں وزیراعظم عمران خان نے نادار اور مستحق افراد کیلئے ایک اور احسن قدم اٹھاتے ہوئے اسلام آباد میں “احساس لنگر” پروگرام کا آغاز کیا تھا، پروگرام کے تحت مستحق اور غریب افراد کے لئے کھانے کا اہتمام کیا جائے گا۔

    اس سے قبل یاد رہے وزیراعظم عمران خان نے کہا تھا کہ احساس پروگرام کو ملک گیر سطح تک پھیلایا جائے گا، احساس پروگرام کے ثمرات پورے پاکستان کوملیں گے، پروگرام کا مقصد پسے ہوئے طبقے کی زندگی کو بہتر کرنا ہے، حکومت نے احساس پروگرام کے لیے 190 ارب روپے مختص کیے ہیں۔

  • ملک بھر کے نوجوانوں کو ہنرمند بنانے کا عزم، وزیر اعظم نے اہم پروگرام کی منظوری دے دی

    ملک بھر کے نوجوانوں کو ہنرمند بنانے کا عزم، وزیر اعظم نے اہم پروگرام کی منظوری دے دی

    اسلام آباد: وزیر اعظم عمران خان نے ہنر مند پاکستان منصوبے کی منظوری دے دی، منصوبے کے لیے 30 ارب روپے کی خطیر رقم مختص کی گئی ہے۔ وزیر اعظم کل پروگرام کا افتتاح کریں گے۔

    تفصیلات کے مطابق وزیر اعظم عمران خان کی زیر صدارت نوجوانوں کی فلاح و بہبود سے متعلق اجلاس منعقد ہوا، اجلاس میں معاون خصوصی عثمان ڈار اور شفقت محمود سمیت اعلیٰ حکام نے شرکت کی۔

    وزیر اعظم عمران خان نے ہنر مند پاکستان منصوبے کی منظوری دے دی، منصوبے کے لیے 30 ارب روپے کی خطیر رقم مختص کی گئی ہے۔ وزیر اعظم کل ہنرمند پاکستان پروگرام کا افتتاح کریں گے۔

    اس موقع پر وزیر اعظم عمران خان کا کہنا تھا کہ نوجوان ملک کا اصل اثاثہ ہیں، بدقسمتی سے ماضی کی حکومتوں نے نوجوانوں کو نظر انداز کیا۔ نوجوانوں کو تعلیم کے باوجود نوکری کے لیے مشکلات کا سامنا کرنا پڑتا ہے۔

    وزیر اعظم نے کہا کہ تعلیمی اداروں اور صنعت میں مضبوط روابط کی اشد ضرورت ہے۔ تکنیکی اور پیشہ وارانہ تعلیم کے اداروں کو عالمی اداروں سے منسلک کرنا ہوگا۔ درپیش مسائل کا حل ٹیکنالوجی کو بروئے کار لانے میں پوشیدہ ہے۔

    اجلاس میں وزیر اعظم نے تکنیکی اداروں میں اعلیٰ معیار کو یقینی بنانے کی اہمیت پر زور دیتے ہوئے کہا کہ نوکریوں کے حصول میں دشواری سے تکنیکی اداروں کے معیار پر سوال اٹھتا ہے۔ جدید علوم اور آرٹیفشل انٹیلی جنس پر خصوصی توجہ دی جائے۔

    انہوں نے مزید کہا کہ نوجوان ملکی تعمیر و ترقی میں بھرپور کردار ادا کریں گے۔ چاہتے ہیں نوجوان عالمی اداروں میں صلاحیتوں کا مؤثر استعمال کریں۔

    خیال رہے کہ ہنرمند پاکستان پروگرام نیشنل اسکل اسٹریٹجی ٹاسک فورس کی تجاویز پر تیار کیا گیا ہے، پرگرام کے تحت لاکھوں نوجوانوں کو فنی مہارت دی جائے گی۔

    پروگرام کے تحت ٹیچر ٹریننگ، اسمارٹ لیب اور بزنس انکیوبیشن سینٹر قائم ہوں گے۔ تربیت پانے پر نوجوانوں کو بین الاقوامی اجازت نامے ملیں گے، ہنر کی تربیت دینے والے اداروں کی صلاحیت میں بھی اضافہ کیا جائے گا۔

    ہنرمند پاکستان کا منصوبہ کامیاب جوان پروگرام کے بینر تلے شروع کیا جائے گا، وزیر اعظم کامیاب جوان پروگرام کے لیے 100 ارب مختص کر چکے ہیں۔