ARYNews.tv | Urdu – Har Lamha Bakhabar

Tag: inaugurate

  • 12نومبر کو ننکانہ صاحب ریلوے اسٹیشن کا افتتاح ہوگا، شیخ رشید

    12نومبر کو ننکانہ صاحب ریلوے اسٹیشن کا افتتاح ہوگا، شیخ رشید

    راولپنڈی:وزیرریلوے شیخ رشید نے ننکانہ صاحب ریلوے اسٹیشن کا نام باباگرونانک رکھنے کا اعلان کرتے ہوئے کہا 12نومبرکوننکانہ صاحب ریلوے اسٹیشن کاافتتاح ہوگا۔

    تفصیلات کے مطابق ،وفاقی وزیر ریلوے شیخ رشید احمد نے گردوارہ پنجہ صاحب حسن ابدال پہنچ کر سکھ یاتریوں سے ملاقات کی ، ملاقات میں شیخ رشید احمد نے کہا بھارت سےآئےسکھ یاتریوں کاخیرمقدم کرتےہیں، سکھوں کےمختلف مذہبی مقامات پاکستان میں موجودہیں۔

    وزیر ریلوے نے بتایا باباگرونانک کی 550 ویں سالگرہ سے دو دن قبل 12 نومبر کو ننکانہ صاحب ریلوے اسٹیشن کا افتتاح ہوگا اور ننکانہ صاحب ریلوے اسٹیشن کا نام باباگرونانک رکھا جائے گا۔

    ان کا کہنا تھا وزیر اعظم عمران خان کی ہدایت پر سکھ یاتریوں کو ذیادہ سے ذیادہ سہولیات فراہم کی جارہی ہیں ، شیخ رشید نے سکھوں کو یہ خوشخبری بھی دی کہ وزیر اعظم بارہ نومبر کو کرتارپور راہدی کا افتتاح کریں گے۔

    خیال رہے بھارت سمیت امریکہ ،برطانیہ اور یورپ کے مختلف ممالک سے سکھ یاتری گردوارہ پنجہ صاحب حسن ابدال پہنچے اور مذہبی رسومات ادا کیں اور مذہبی رسومات کی بعد واپس راونہ ہوگئے۔

    مزید پڑھیں : عمران خان کے ہوتے ہوئے سرکلر ٹرین نہ چلی تو قیامت تک نہیں چل سکے گی: شیخ رشید

    گردورہ پنجہ صاحب آنے والے سکھ یاتریوں کا کہناتھاکہ پاکستان میں انھیں اپنے گھر جیسا ماحول میسر آیا ہے جس کیلئے وہ حکومت پاکستان اور خاص طور پر وزیر اعظم عمران خان کے مشکور ہیں، سکھ یاتریوں نے کرتار پور راہداری کھولنے پر بھی حکومت پاکستان کا شکریہ ادا کیا۔

    گذشتہ روز کراچی سے پشاور 1760 کلو میٹر طویل ایم ایل ون منصوبے کا ذکر کرتے ہوئے کہا تھا کہ وزیر اعظم عمران خان 27 اپریل 2019 کو اس سلسلے میں معاہدے پر دستخط کریں گے، جس کے نتیجے میں کراچی سے پشاور کے لیے ایک نیا ڈبل ٹریک بچھایا جائے گا، جس پر ٹرین کی کم سے کم رفتار 160 کلو میٹر ہوگی۔

    شیخ رشید کا کہنا تھا کراچی سے پشاور ڈبل ٹریک کا منصوبہ اگلے 5 سالوں میں مکمل ہوگا، ایم ایل ون منصوبہ پاکستان کی تاریخ بدل دے گا، ہم چاہتے ہیں ایم ایل ٹو پر بھی کام شروع ہو جائے۔

  • وزیراعظم عمران خان آج پاکستان ریلوے میں 2 نئے منصوبوں کا افتتاح کریں گے

    وزیراعظم عمران خان آج پاکستان ریلوے میں 2 نئے منصوبوں کا افتتاح کریں گے

    اسلام آباد : وزیراعظم عمران خان پاکستان ریلوے میں 2 نئے منصوبوں کا افتتاح کریں گے، دونوں تقاریب آج شام وزیراعظم آفس میں ہوگی، افتتاحی تقریبات میں شرکت کی دعوت وزیر ریلوے نے وزیراعظم عمران خان کو دی ہے۔

    تٍصیلات کے مطابق وفاقی حکومت نے پاکستان ریلوے میں 2 نئے منصوبے شروع کرنے کا فیصلہ کیا ، وزیراعظم عمران خان پاک ریل لائیو ٹریکنگ سسٹم اور نئی ٹرین تھل ایکسپریس کا افتتاح کریں گے، دونوں تقریبات آج شام وزیراعظم آفس میں ہوں گی، تقریب میں وزیر ریلوے ،چیئرمین ریلوے اور دیگر حکام شرکت کریں گے

    افتتاحی تقریبات میں شرکت کی دعوت وزیر ریلوے شیخ رشید نے وزیراعظم عمران خان کو دی۔

    ریلوے میں جدیدلائیوٹریکنگ سسٹم نصب کرنےکی تیاریاں مکمل کرلی گئیں ہیں،  لائیوٹریکنگ سسٹم مسافراور فریٹ ٹرینوں کی لوکیشن کی معلومات دےگا اور ٹرینوں کی جگہ کی معلومات لی جاسکیں گی ۔

    افتتاح کے بعد تھل ایکسپریس کل13 فروری کو صبح 7 بجے راولپنڈی سے ملتان روانہ ہوگیا، راولپنڈی سے چلنے والی پہلی تھل ایکسپریس پر وزیرریلوے خود بھی سفرکریں گے جبکہ 13  فروری کو ہی ملتان سے بھی صبح 7بجے تھل ایکسپریس راولپنڈی کے لئے روانہ ہوگی ۔

    تھل ایکسپریس راولپنڈی سے براستہ کندیاں ،میانوالی ،لیہ کوٹ ادو،مظفر گڑھ سے ملتان پہنچے گی اور اس کے چلنے سے راولپنڈی اور ملتان کا سفر 4 گھنٹے تک کم ہوجائےگا۔

    شیخ رشید نے تھل ایکسپریس کی بحالی سے متعلق سوشل میڈیا پر اپنے ویڈیو پیغام میں کہا وزیر اعظم 12 فروری کو تھل ایکسپریس کا افتتاح کریں گے، ٹرین 13 فروری کو ملتان اور راولپنڈی سے بیک وقت صبح 7بجے سفر کا آغاز کرے گی۔

    وزیراعظم عمران خان کل پاک ریل لائیو ٹریکنگ سسٹم کا افتتاح کر یں گے، لائیو ٹریکنگ سسٹم سے مسافر اور فریٹ ٹرینوں کے جگہ کا پتہ معلوم کرسکیں گے۔

    ریلوے انتظامیہ کا کہنا ہے کہ ملتان ،راولپنڈی ،ملتان کے درمیان چلنے والی ٹرین کا نام تھل ایکسپریس سے تبدیل کر کے تھل میانوالی ایکسپریس رکھ دیا گیا ہے۔

    مزید پڑھیں : وزیرریلوے شیخ رشید نے ہر مزدور کیلئے 3ہزار روپے تحفہ دینے کا اعلان

    ترجمان ریلوے کے مطابق تھل میانوالی ایکسپریس صبح 7بجے ملتان سے روانہ ہو کر 7بجکر 30منٹ پر مظفر گڑھ ، 8بجکر 30منٹ پر کوٹ ادو، 9بجکر 23منٹ پر لیہ ، 10بجکر 28منٹ پر بھکر،12بجکر 35منٹ پر کندیاں، دوپہر ایک بجکر 14منٹ پر میانوالی ، سہ پہر 3بجکر 38منٹ پر جنڈ، 4 بجکر 58منٹ پرفتح جنگ اور اس کے بعد 5 بجکر28 منٹ پر ترنول ریلوے اسٹیشن پر سٹاپ کرتی ہوئی شام 6 بجے راولپنڈی پہنچے گی۔

    تھل میانوالی ایکسپریس راولپنڈی سے بھی صبح 7 بجے روانہ ہو کر ترنول ،فتح جنگ، جنڈ ، میانوالی ، کندیاں ، بھکر ،لیہ، کوٹ ادو اور مظفر گڑھ ریلوے اسٹیشن پر سٹاپ کرتی ہوئی شام 6 بجے ملتان پہنچ کر اپنا واپسی کا سفرمکمل کرے گی۔

  • پاکستان پوسٹ میں ای کامرس سروس کا افتتاح، مراد سعید کا وزیر اعظم کا خواب پورا کرنے کا عزم

    پاکستان پوسٹ میں ای کامرس سروس کا افتتاح، مراد سعید کا وزیر اعظم کا خواب پورا کرنے کا عزم

    اسلام آباد :وفاقی وزیر مراد سعید نے پاکستان پوسٹ میں ای کامرس سروس کا افتتاح کردیا، صارفین آن لائن شاپنگ اور کیش آن ڈیلیوری کی سہولت  حاصل کر سکیں گے، مراد سعید کا کہنا ہے نئی سروس سےادارہ معاشی خود کفالت کی طرف گامزن ہوگا۔

    تفصیلات کے مطابق پاکستان پوسٹ میں ای کامرس سروس کے آغاز کی تقریب آج اسلام آباد میں منعقد ہوئی، جس سے خطاب کرتے ہوئے وفاقی وزیر مواصلات و پوسٹل سروسز مراد سعید کا کہنا ہے کہ ملک میں ای کامرس کابزنس ایک ارب ڈالرتک جائے گا، پاکستان پوسٹ اہم ملکی ادارہ ہے، جو ترقی کی راہ پر گامزن ہے۔

    مراد سعید کا کہنا تھا کہ پاکستان پوسٹ کا مجموعی خسارہ 52ارب روپے تھا، ای کامرس سروس سے 120 ادارے منسلک ہو چکے ہیں، کاروبار کرنے والوں کو ایک چھتری تلے جمع کریں گے، تمام چھوٹے بڑے کاروباری افراد کو ایک جگہ لائیں گے، عوام ہمیں خامیاں بتاتےجائیں ہم انہیں دورکریں گے۔

    وفاقی وزیر نے کہا کہ پاکستان کو بدلنے کاعمران خان کا خواب پورا کریں گے، عمران خان کی سیاسی تربیت سےبننے والی ٹیم پاکستان بدلے گی۔

    وفاقی وزیر نے کہا کہ عثمان بزدار کے وزیراعلی بننے پر سب کو خوش ہونا چاہیے تھا، انھیں عوامی مسائل کی بہتر سمجھ ہے، وہ پنجاب کی حالت زار بدلیں گے، ان کے گھر پرپولیس کی نفری تعینات نہیں۔

    عوام کو گھر بیٹھے ہر سہولت کم قیمت پر دینا ترجیح ہے، مراد سعید

    خیال رہے کہ اس سروس سے صارفین آن لائن شاپنگ اور کیش آن ڈیلیوری کی سہولت حاصل کر سکیں گے اور مہنگی نجی کوریئر سروسز کی نسبت پاکستان پوسٹ کم چارجز وصول کرے گا

    مراد سعید کا کہنا ہے کہ آن لائن بزنس کرنے والی بڑی کمپنیوں سے رابطہ کر رہے ہیں، عوام کو گھر بیٹھے ہر سہولت کم قیمت پر دینا ترجیح ہے، ، پاکستان پوسٹ کو صارفین کی آن لائن شاپنگ کا ڈیلیوری پارٹنر بنا رہے ہیں، عوام قومی ادارے پر انحصار کریں، بہتری محسوس کریں گے۔

    واضح رہے کہ گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

    مزید پڑھیں: وزیر مملکت نے پاکستان پوسٹ کی ون ڈے ڈیلیوری سسٹم کا افتتاح کردیا

    ان کا کہنا تھا کہ 50 ہزار روپے تک کی بھیجی گئی رقم گھر کے دروازے پر مل سکے گی۔ ون ڈے ڈیلیوری کی سہولت ابتدائی طور پر 25 شہروں میں ہوگی۔ الیکٹرانک منی آرڈر کی سہولت 80 شہروں میں دے رہے ہیں۔

  • وزیر اعظم عمران خان 9 فروری کو”پلانٹ فار پاکستان” کے نام سے شجر کاری مہم کا افتتاح کریں گے

    وزیر اعظم عمران خان 9 فروری کو”پلانٹ فار پاکستان” کے نام سے شجر کاری مہم کا افتتاح کریں گے

    اسلام آباد : وزیراعظم عمران خان 9 فروری کو شجر کاری مہم کاافتتاح کریں گے، 9فروری کو پورے پاکستان میں 25 لاکھ پودے لگائے جائیں گے جبکہ 3 ماہ  میں پورے پاکستان میں 15 کروڑ پودے لگانے کا منصوبہ بنایاگیا ہے۔

    تفصیلات کے مطابق وزیراعظم عمران خان 9 فروری کو شجر کاری مہم کا افتتاح کریں گے، شجر کاری مہم کو”پلانٹ فار پاکستان” کا نام دیاگیاہے، 9 فروری کو پورے پاکستان میں 25 لاکھ پودے لگائے جائیں گے۔

    3حکومت کی جانب سے 3 ماہ میں پورے پاکستان میں 15 کروڑ پودے لگانے کا منصوبہ بنایاگیاہے۔

    مزید پڑھیں : وزیر اعظم عمران خان نے کلین اینڈ گرین پاکستان مہم کا باقاعدہ آ آغاز کردیا

    یاد رہے اکتوبر میں وزیر اعظم عمران خان نے کلین اینڈ گرین پاکستان مہم کا باقاعدہ آغاز کیا تھا اور کہا تھا پاکستان کودرختوں کی بہت ضرورت ہے، پانچ سال بعد پاکستان یورپ سے زیادہ صاف نظر آئے گا، ایسا پاکستان چھوڑ کر جائیں گے کہ یقین ہی نہیں آئے گا۔

    وزیراعظم کا کہنا تھا کہ ہم نےفیصلہ کیا ہے کہ صاف اورسبز پاکستان مہم میں سب کوشامل کرناہے، یہ مہم صرف حکومت کامیاب نہیں بناسکتی سب کو کردار ادا کرناہے، مہم میں بچے، بوڑھے سب کوشامل ہوناہے، سب مل کرکچھ تبدیل کرسکتے ہیں اورگندگی کا خاتمہ بھی ہوسکتا ہے۔

    واضح رہے کہ اس سے قبل وزیراعظم کی ہدایت پر ملک بھر میں ’پلانٹ فار پاکستان‘ کے نام سے ایک روزہ شجرکاری مہم کا چلائی گئی تھی، جس کے تحت ملک بھر میں 15 لاکھ پودے لگائے گئے تھے، جس کے بعد اے آر وائی نیوز نے بھی درخت اُگاؤ مہم شروع کیا، اور پاک فوج کی جانب سے بھی ایک مہم چلائی گئی تھی۔

  • وزیراعظم عمران خان نے پشاور میں غریبوں کے لئے شیلٹر ہوم کا افتتاح کردیا

    وزیراعظم عمران خان نے پشاور میں غریبوں کے لئے شیلٹر ہوم کا افتتاح کردیا

    پشاور : وزیراعظم عمران خان نے پشاور میں غریبوں کے لئے شیلٹرہوم کاافتتاح کردیا ہے، شیلٹرہوم میں 150 سے 200 مسافر رات گزار سکیں گے۔

    تفصیلات کے مطابق وزیراعظم عمران خان ایک روزہ دورے پر پشاور پہنچے ، جہاں عمران خان نے شیلٹر ہوم کا افتتاح کیا اور پناہ گاہ میں سہولتوں کاجائزہ لیا ، وزیراعظم کو پناہ گاہ سے متعلق بریفنگ دی گئی۔

    اس موقع پر وزیر اعلیٰ محمود خان اور گورنر خیبر پختونخوا بھی وزیراعظم عمران خان کے ہمراہ ہیں۔

    وزیراعظم عمران خان گورنر ہاوس جائیں گے، جہاں وزیر اعلیٰ محمود خان اور گورنر خیبر پختونخوا سے ملاقات کریں گے اور صوبائی کابینہ کے خصوصی اجلاس میں شریک ہوں گے، صوبائی حکومت کی جانب سے سو روزہ پلان سے متعلق تفصیلی بریفنگ وزیراعظم کو دی جائے گی۔

    وزیراعظم خیبر پختونخوا حکومت کی کارکردگی اور ترقیاتی سکیموں کا جائزہ لیں گے اور صوبائی حکومت کو نئے اہداف بھی دیں۔

    یاد رہے 10 دسمبر کو وزیراعظم عمران خان نے لاہور میں شیلٹر ہوم پروجیکٹ کا سنگ بنیاد رکھا تھا ، شیلٹرہومز بے سہارا اور غریب عوام کے لیے بنائے جائیں گے۔

    وزیراعظم عمران خان نے لاہور میں شیلٹر ہوم پروجیکٹ کا سنگ بنیاد رکھ دیا

    پہلے مرحلےمیں لاہور میں 5 شیلٹر ہوم قائم ہوں گے، ریلوے اسٹیشن کے سامنے بنایا گیا شیلٹر ہوم ایک کنال اراضی پر محیط ہے ، شیلٹر ہوم کی جگہ صوبائی حکومت اور ٹرانسپورٹ ڈیپارٹمنٹ کی ملکیت ہے ، اس میں 93 مرد اور 27 خواتین قیام کرسکیں گی۔

    بعد ازاں وزیراعظم عمران خان کی ہدایت پر بے گھرافراد کے لیے لاہور میں فٹ پاتھوں پرعارضی خیمےلگا دیئے گئے تھے۔

  • چیف جسٹس ثاقب نثار نے کوئٹہ سپریم کورٹ رجسٹری کی نئی عمارت کا افتتاح کردیا

    چیف جسٹس ثاقب نثار نے کوئٹہ سپریم کورٹ رجسٹری کی نئی عمارت کا افتتاح کردیا

    کوئٹہ: چیف جسٹس پاکستان میاں ثاقب نثار نے کوئٹہ سپریم کورٹ رجسٹری کی نئی عمارت کاافتتاح کردیا، اپنےخطاب میں انھوں نے کہا صرف عمارت بنانا ضروری نہیں، ہمارا مقصد عدل وانصاف کی فراہمی یقینی بنانا ہے۔

    تفصیلات کے مطابق چیف جسٹس آگ پاکستان جسٹس میاں ثاقب نثار نے کوئٹہ سپریم کورٹ رجسٹری کی نئی عمارت کاافتتاح کردیا، عمارت کے افتتاح کے موقع پر خطاب کرتے ہوئے چیف جسٹس نے کہا صرف عمارت بناناضروری نہیں، ہمارامقصد معاشرےمیں عدل وانصاف کی فراہمی یقینی بنانا ہے، یہ ایک ایسی عمارت ہوگی جہاں لوگوں کو فوری انصاف مہیا ہوگا۔

    افتتاحی تقریب میں جسٹس آصف سعید کھوسہ، جسٹس گلزار احمد، چیف جسٹس بلوچستان ہائی کورٹ، دیگر ججز، سینئر وکلا بھی تقریب میں شریک ہوئے جبکہ صدر سپریم کورٹ بار امان اللہ کنرانی اور دیگر عہدیدار بھی شریک ہوئے۔

    افتتاح کے بعد چیف جسٹس ثاقب نثار نے عمارت کے دیگر حصوں کا معائنہ بھی کیا جبکہ جسٹس ثاقب نثار کو نئی عمارت سے متعلق بریفنگ بھی دی گئی۔

    یاد رہے گذشتہ روز چیف جسٹس آف پاکستان میاں ثاقب نثار دو روزہ کوئٹہ پہنچے تھے، جہاں وزیر داخلہ بلوچستان اور صدر سپریم کورٹ بار نے ان کا استقبال کیا تھا۔

    مزید پڑھیں : ڈیم بنا کر عوام کو واٹر بم کے اثرات سے بچائیں گے، چیف جسٹس

    کوئٹہ میں چیف جسٹس میاں ثاقب نثار کے اعزاز میں سپریم کورٹ بار کے صدرکی جانب سے عشائیہ دیا تھا ، جس میں وکلااور سرکاری افسران کی بڑی تعداد شریک ہوئی جبکہ مقامی تاجرمحمد داؤد نے چیف جسٹس پاکستان کو ڈیم فنڈ کیلئے پچاس لاکھ روپےکا چیک پیش کیا تھا۔

    تقریب سے خطاب میں چیف جسٹس میاں ثاقب نثار کا کہنا تھا واٹر بم پاکستان کے لیے بہت بڑا خطرہ ہے، ڈیم بنا کر عوام کو واٹر بم کے اثرات سے بچائیں گے، اور جلد پانی کا مسئلہ حل کرلیں گے۔

    چیف جسٹس کا کہنا تھا کہ عدلیہ اور بار ایک دوسرے کی طاقت ہیں، انسانی حقوق کے معاملات پر جہاں ضروری ہوا ازخود نوٹس لیا، لوگوں کو انصاف کی فراہمی کے لیے ججز زیادہ محنت کریں۔

  • کراچی میں ملک کی سب سے بڑی دفاعی نمائش آئیڈیاز 2018 کا آغاز

    کراچی میں ملک کی سب سے بڑی دفاعی نمائش آئیڈیاز 2018 کا آغاز

    کراچی: کراچی میں صدر مملکت عارف علوی نے  ملک کی سب سے بڑی دفاعی نمائش آئیڈیازدوہزار اٹھارہ کا افتتاح کردیا، صدر عارف علوی کا کہنا ہے کہ پاک فوج دنیا میں دہشت گردی کے خلاف تجربہ کار فورس ہے، ہماری امن کی خواہش کو کمزوری نہ سمجھاجائے۔

    تفصیلات کے مطابق  صدرعارف علوی نے آئیڈیاز2018 کی افتتاحی تقریب سے خطاب کرتے ہوئے کہا میرے لیے دفاعی نمائش میں ہونا اعزازکی بات ہے، آئیڈیاز 2018 منعقدکرانے  پر مبارکباد دیتاہوں، دفاعی نمائش کےانعقاد پرانتظامیہ مبارکباد کی حقدارہے۔

    صدر مملکت کا کہنا تھا کہ پاک فوج دہشت گردوں کیخلاف سیسہ پلائی دیوارہے، میرےلیے دفاعی نمائش میں شرکت اعزازکی بات ہے، دہشت گردی کے خاتمے میں پاک فوج کا کردارقابل ستائش ہے، پاک فوج دنیامیں دہشت گردی کے خلاف تجربہ کارفورس ہے۔

    [bs-quote quote=”ہمیں پاک فوج کےشہداپرفخرہے
    اپنےملک کےدفاع کے لئے ہم ہر قدم اٹھائیں گے” style=”style-6″ align=”left”][/bs-quote]

    عارف علوی نے کہا افغانستان جنگ کے32 لاکھ متاثرین کوپاکستان میں پناہ دی ، ہم امن چاہتےہیں اورخطے میں استحکام کے خواہاں ہیں، ہمسایوں کے ساتھ بہترین تعلقات اور خوشگوار ماحول چاہتےہیں۔

    ان کا کہنا تھا کہ اپنےملک کےدفاع کے لئے ہم ہر قدم اٹھائیں گے، ہمارے ہتھیاردفاع کےلیے ہیں، دہشت گردوں نے ہماری معیشت کوبہت نقصان پہنچایا، ہمیں پاک فوج کے شہدا پر فخر ہے۔

    صدر مملکت نے کہا پاکستان کی معیشت کو اپنے پاؤں پرکھڑا کرنے کی کوشش کررہے ہیں ،  حکومت نئے پاکستان کے حصول کی راہ پر گامزن ہے، دہشت گردی کے خلاف پاکستان کی قربانیاں دنیا کے سامنے ہیں، مسائل حل ہونے چاہیئں، جنگ کوئی حل نہیں ہے۔

    ان کا کہنا تھا کہ آئین پاکستان ہرشہری کوبھرپورتحفظ فراہم کرتاہے، عوام کی فلاح وبہبوداوران کی حفاظت حکومت پاکستان کی ذمہ داری ہے، جے ایف تھنڈر، سپر مشاق طیاروں اوردیگر دفاعی آلات کی تیاری پر فخر ہے۔

    مسئلہ کشمیر کے حوالے سے عارف علوی نے کہا جنگ کسی مسئلےکاحل نہیں،مسائل باہمی مذاکرات سےحل ہوسکتےہیں، مسئلہ کشمیر سمیت تمام مسائل کا حل چاہتےہیں، بھارت طاقت سے کشمیریوں کو نہیں دبا سکتا، بھارت کومذاکرات کی میز پر آنا ہوگا۔

    [bs-quote quote=”بھارت طاقت سے کشمیریوں کو نہیں دبا سکتا، بھارت کومذاکرات کی میز پر آنا ہوگا” style=”style-6″ align=”left”][/bs-quote]

    صدر کا کہنا تھا کہ یقین سے کہتا ہوں پاکستان جیسا خوبصورت ملک کوئی نہیں، خطے میں امن واستحکام کے لئے بھرپور طریقے سے کوشاں ہیں، پاکستان جغرافیائی لحاظ سےبہترین مقام پرہے، پاکستان خطےکےمسائل کامذاکرات سےحل چاہتاہے۔

    انھوں نے مزید کہا کہ حکومت تاجراورسرمایہ کاروں کیلئےسازگارماحول فراہم کررہی ہے، پاکستان پوسٹل سروسزنےآئیڈیاز2018کاٹکٹ جاری کیاہے۔

    صدر  پاکستان کا کہنا تھا کہ پاکستان دفاع لحاظ سےخودانحصاری کی طرف جارہاہے، خطےکی ترقی علاقائی امن واستحکام سےوابستہ ہے، ہماری امن کی خواہش کوکمزوری نہ سمجھاجائے، پاکستان امن واستحکام اورترقی کی منزل حاصل کرلےگا۔

    خیال رہے دفاعی نمائش آئیڈیاز2018 میں اکیاون ملکوں سے دوسوباسٹھ مندوبین شریک ہوں گے جبکہ چھ ملکوں کے ائیرچیف خصوصی طور پر نمائش میں شرکت کررہے ہیں۔

    پاکستان سمیت دنیابھرکی دفاعی صنعت اپنی مصنوعات اورٹیکنالوجی پیش کرے گی، تین سو اکیس غیر ملکی کمپنیاں اور دوسوایک پاکستانی کمپنیاں شامل ہیں، دفاعی نمائش میں شرکت کرنے والے ملکوں میں امریکا،چین،اٹلی، جرمنی، اردن، پولینڈ،روس، جنوبی کوریا، یوکرائن، عرب امارات سمیت دیگر شامل ہیں۔

    ایکسپو سینٹر کراچی میں ملکی اور غیر ملکی کمپنیوں نے جدید ہتھیاروں سے لیس اسٹال سجالئے ہیں ، نمائش میں امریکا ، چین ، ترکی سمیت دیگر ممالک  حصہ لے رہے ہیں، دفاعی نمائش میں ڈرون، بغیر پائلٹ کے جاسوسی طیارے ،آبدوز،لڑاکا طیارہ ، ٹینک ، بکتر بند سمیت جدید اسلحہ رکھے گئے ہیں۔

  • صدر مملکت عارف علوی دفاعی نمائش آئیڈیاز2018 کا کل افتتاح کریں گے

    صدر مملکت عارف علوی دفاعی نمائش آئیڈیاز2018 کا کل افتتاح کریں گے

    کراچی : صدر مملکت عارف علوی دفاعی نمائش آئیڈیاز 2018کا کل افتتاح کریں گے، دفاعی نمائش میں50 سے زائد ممالک کے 262 سے زائد وفود شرکت کررہےہیں، نمائش 27 سے30 نومبر تک کراچی ایکسپو سینٹر میں جاری رہے گی۔

    تفصیلات کے مطابق صدر مملکت عارف علوی 2روزہ دورےپرآج شام کراچی پہنچیں گے ، صدرعارف علوی دفاعی نمائش آئیڈیاز 2018 کا کل افتتاح کریں گے۔

    دفاعی نمائش آئیڈیاز2018 کی تیاریاں مکمل کرلی گئیں ، دفاعی نمائش دو ہزار اٹھارہ ستائیس سے تیس نومبر تک کراچی ایکسپو سینٹر میں جاری رہے گی۔

    پاکستان میں تیار ہونے والے دفاعی سازو سامان کی دسویں بین الاقوامی نمائش آئیڈیاز دو ہزاراٹھارہ میں50سے زائد ممالک کے262سے زائد غیر ملکی وفود شرکت کر رہے ہیں ۔

    مزید پڑھیں: دفاعی نمائش آئیڈیاز،  شہریوں کی سہولت کیلئے متبادل ٹریفک پلان کا اعلان

    اس مرتبہ نمائش میں اسٹالز لگانے والوں کی تعداد ماضی کی آئیڈیاز سے زیادہ ہوگی، دفاعی نمائش میں522سے زائد کمپنیاں نمائش میں اپنی مصنوعات کو نمایاں کر یں گی، جن کا تعلق دنیا کے 52ملکوں سے ہے، 321غیر ملکی کمپنیاں اور201پاکستانی کمپنیاں شامل ہیں۔

    آئیڈیاز دو ہزار اٹھارہ میں مزید ممالک شرکت کر رہے ہیں، جن میں امریکہ،اٹلی،جرمنی،اردن،پولینڈ،روس،جنوبی کوریا،یوکرائن،عرب امارات اور دیگر شامل ہیں۔

    ڈائریکٹر کورآڈنیشن ڈیپوبریگیڈیئروحید کے مطابق پاکستان کی ڈیفنس کی برآمد مسلسل بڑھ رہی ہے، برآمد تیس کروڑ ڈالر سے بھی تجاوز کرچکی ہے۔

    خیال رہے عالمی سطح کی نمائش کا کراچی میں انعقاد شہریوں کیلئے بھی ایک اعزاز ہے۔

    واضح رہے کہ ہر دو سال بعد منعقد ہونے والی اس نمائش کے انعقاد سے پاک فوج کے تینوں شعبہ جات کو اپنی عسکری قوت نمایاں کرنے کا موقع ملتا ہے۔ اس موقع پر ثقافتی پروگرام بھی منعقد کیے جاتے ہیں، حکومت اور نجی اداروں کے درمیان بھی کئی طرح کے معاہدے تشکیل دیئے جاتے ہیں۔

  • وزیراعظم عمران خان کل 4 نئی ٹرینوں کا افتتاح کریں گے

    وزیراعظم عمران خان کل 4 نئی ٹرینوں کا افتتاح کریں گے

    اسلام آباد : وزیراعظم عمران خان کل 4 نئی ٹرینوں کا افتتاح کریں گے، ترجمان ریلوے کا کہنا ہے کہ 100دن کے ٹارگٹ میں 10ٹرینیں چلانے کا ہدف پورا کرلیں گے۔

    تفصیلات کے مطابق وزیراعظم عمران خان کل 4 نئی ٹرینوں کا افتتاح کریں گے، جن میں سندھ ایکسپریس ، شاہ عبداللطیف بھٹائی ایکسپریس، فیصل آباد ایکسپریس کی ملتان تک توسیع اور رحمان بابا ایکسپریس شامل ہیں۔

    ترجمان ریلوے کا کہنا ہے کہ 100 دن کےٹارگٹ میں 10ٹرینیں چلانےکاہدف پوراکرلیں گے، سندھ ایکسپریس کراچی سے سکھر چلائی جائے گی، شاہ عبداللطیف بھٹائی ایکسپریس کراچی سے میرپور خاص چلے گی جبکہ فیصل آباد، رحمان بابا ایکسپریس پشاور سے کراچی چلائی جائے گی۔

    دوسری جانب پاکستان ریلوے نے 24 نومبر سے 3نئی ٹرینیں چلانے کااعلان کیا اور نئی ٹرینیں چلانےکانوٹی فکیشن جاری کردیا، سندھ ایکسپریس کراچی سے صبح ساڑھے 8بجے سکھر کے لئےروانہ ہوگی اور سکھر سے صبح 11 بجے کراچی کے لئے روانہ ہوگی۔

    کراچی سے چلنے والی دھابے جی شٹل کا روٹ میرپورخاص تک بڑھادیاگیا، 24 نومبرسے دھابیجی شٹل کو دھابیجی سے میرپورخاص کے درمیان چلایاجائےگا، دھابیجی ایکسپریس کو شاہ لطیف ایکسپریس کے نام سے چلایا جائے گا۔

    یاد رہے 2 روز قبل پاکستان اور چین میں ریلوے کے شعبے میں تعاون کے معاہدے پر دستخط ہوئے ہیں، جو خوش آئند ہیں، اس منصوبے کے بارے میں14 سال پہلے سوچا تھا، آج خواب پورا ہوا۔

    وزیر برائے ریلوے کا کہنا تھا کہ پاکستان اورچین ایک دوسرے کی دوستی پر فخر کرتے ہیں، بدقسمتی سے ہماری ریلوے بہت پیچھے رہ گئی، اسے آگے لے کر جائیں گے، پاکستان اورچین ایک د وسرے کی دوستی پربھروسا کرتے ہیں، جلد ریلوے میں دس ہزار ملازمتوں کا اشتہار دیا جائے گا۔

    اس سے قبل وفاقی وزیر برائے ریلوے شیخ رشید احمد نے پریس کانفرنس کرتے ہوئے کہا تھا کہ کہنا تھا کہ قوم سے 100 دن میں 10 نئی ٹرینیں چلانے کا وعدہ کیا تھا جس میں سے صرف دو نئی گاڑیوں کا آغاز باقی ہے۔

    رواں سال 31 اکتوبر کو صدر مملکت عارت علوی نے دھابیجی ایکسپریس کا افتتاح کیا تھا۔

  • عوام کی خدمت کیلئے روزانہ 18 گھنٹے جاگتا ہوں، وزیراعلیٰ پنجاب عثمان بزدار

    عوام کی خدمت کیلئے روزانہ 18 گھنٹے جاگتا ہوں، وزیراعلیٰ پنجاب عثمان بزدار

    ڈی جی خان: وزیراعلیٰ پنجاب عثمان بزدار نے بجلی کے منصوبے کاافتتاح کردیا اور کہا میرے علاقے میں 71 سال کے بعد بجلی آئی،عوام کی خدمت کے لیے روزانہ 18 گھنٹے جاگتا ہوں، علاقے کے لوگوں کی دعاؤں سے وزیراعلیٰ بنا ہوں۔

    تفصیلات کے مطابق ڈی جی خان میں بارتھی اورملحقہ علاقوں میں بجلی کی فراہمی کے منصوبے کا افتتاح کردیا گیا، وزیراعلیٰ پنجاب عثمان بزدار نے بجلی کے منصوبے کا افتتاح کیا۔

    اس موقع پر وزیراعلیٰ پنجاب نے قبائلی علاقوں کے لیے ترقیاتی منصوبوں ، قبائلی علاقے کوہ سلیمان کو ریونیو تحصیل بنانے، بارڈر ملٹری پولیس میں 533 خالی آسامیوں پر بھرتی کرنے کا اعلان کیا۔

    عثمان بزدار نے میڈیکل انجینئرنگ ودیگرتعلیمی اداروں میں قبائلی طلبہ کے کوٹہ میں اضافے اور ملازمین کے لیے ہل الاؤنس 500 سے بڑھا کر 1000 روپے کرنے کا اعلان کیا۔

    وزیراعلیٰ پنجاب نے کہا کہ میرےعلاقےمیں71 سال کےبعدبجلی آئی، علاقے کے لوگوں کی دعاؤں سے وزیراعلیٰ بنا ہوں، عوام کی خدمت کیلئے روزانہ 18 گھنٹے جاگتا ہوں۔

    مزید پڑھیں : وزیراعلیٰ پنجاب نےڈیرہ غازی خان اربن بس سروس کا افتتاح کردیا

    عثمان بزدار کا کہنا تھا کہ ڈیرہ غازی خان کے قبائلی علاقوں کو بجلی فراہم کریں گے، ایک لاکھ 73 ہزار ایکڑ اراضی سیراب کرنے کیلئے5چھوٹے ڈیم بنائیں گے، کوہ سلیمان کے علاقوں کو بھی ٹورازم بیلٹ میں شامل کریں گے اور پی سی بی کے تعاون سے نوجوانوں کے لئے کرکٹ اکیڈمی بھی بنائیں گے.

    اس سے قبل وزیراعلیٰ پنجاب عثمان بزدار نے ڈی جی خان میں سی ٹی ڈی آفس کی نئی عمارت کاافتتاح کیا اور سی ٹی ڈی کی پیشہ ورانہ صلاحیتوں کو سراہتے ہوئے کہا تھا بہادرسپوت قوم کےہیرو ہیں، سی ٹی ڈی کومزیدمضبوط بنائیں گے، فنڈ کی کمی نہیں ہونے دیں گے۔

    وزیراعلی پنجاب نے کمشنر آفس میں امن وامان سے متعلق اجلاس کی صدارت بھی کی ،  اجلاس میں  عثمان بزدار نے جرائم پیشہ عناصر کے خلاف بلا امتیاز کارروائی کا حکم دیا اوراسٹریٹ کرائمز کی روک تھام کیلئے پولیس کو فرائض انجام دینے کی ہدایت کی ۔

    وزیراعلیٰ پنجاب نے گورنمنٹ گرلزڈگری کالج ماڈل ٹاؤن ڈی جی خان کا بھی دورہ کیا اورکالج کےمسائل ترجیحی بنیادوں پرحل کرنے کی یقین دہانی کرائی۔