ARYNews.tv | Urdu – Har Lamha Bakhabar

Tag: inaugurated

  • امام کعبہ عبدالرحمان السدیس نے حرمین شریفین اقدار پروگرام کا افتتاح کردیا

    امام کعبہ عبدالرحمان السدیس نے حرمین شریفین اقدار پروگرام کا افتتاح کردیا

    ریاض : سعودی حکام نے حرمین شریفین اقدار پروگرام کوحرمین پریزیڈنسی کے ماتحت کام کرنے والے 90 دوسرے پروگراموں میں شامل کیا ہے۔

    تفصیلات کے مطابق حرمین شریفین کے انتظامی امور کی ذمہ دار جنرل پریزیڈنسی کے چیئرمین اور امام کعبہ الشیخ ڈاکٹر عبدالرحمان بن عبدالعزیز السدیس نے حرمین شریفین اقدار کے عنوان سے ایک نئے پروگرام کا افتتاح کردیا۔

    غیر ملکی خبر رساں ادارے کا کہنا تھا کہ یہ پروگرام حرمین پریزیڈنسی کے ماتحت کام کرنے والے 90 دوسرے پروگراموں میں شامل ہوگا، حرمین شریفین اقدار پروگرام کا مقصد 1440ھ کے حج سیزن میں عازمین حج کی رہ نمائی کرنا ہے۔

    غیر ملکی خبر رساں ادارے کا کہنا تھا کہ حرمین پریزیڈنسی کے زیرانتظام دیگر پروگرامات میں آئمہ و موذنین حرمین، تراجم لغات، طواف امور، گائیڈنس ،آڈیو ویڈیو پروڈکشن، مصاحف اور کتب اور مسجد حرام کی انتظامی امور سے متعلق پروگرامات شامل ہیں۔

    ڈاکٹر عبدالرحمان السدیس نے حرمین شریفین اقدار پروگرام کے ذریعے عازمین حج کی ہر ممکن رہ نمائی اور حجاج کی سہولت کی خاطر کی جانے والی مساعی کو کامیاب بنانے پر زور دیا۔

    ان کا کہنا تھا کہ حرمین شریفین اقدار پروگرام کے ذریعے حج کے موقع پر گڈ گورننس کا مظاہرہ کرنے کے ساتھ حجاج کی قیام گاہوں اور ان کے مناسک حج کے موقع پر حجاج کی ہر معاونت کو یقینی بنانا اور انہیں ہرممکن رہ نمائی مہیا کرنا ہے۔

  • نیویارک میں ’محمد علی جناح‘ کے نام سے منسوب سڑک کا افتتاح

    نیویارک میں ’محمد علی جناح‘ کے نام سے منسوب سڑک کا افتتاح

    واشنگٹن : امریکی حکام نے بانی پاکستان قائداعظم محمد علی جناح کے نام منسوب نیویارک کی اہم ترین شاہراہ کا افتتاح کردیا۔

    تفصلات کے مطابق امریکی شہر نیویارک کی سٹی کونسل نے قائد اعظم کی خدمات کا اعتراف کرتے ہوئے ایک قرار داد کے تحت بروکلین ٹاؤن کی کونی آئی لینڈ شاہراہ کے ایک حصّے کا نام ’محمد علی جناح وے‘ رکھ دیا ہے جو پاکستانیوں کے لیے ایک اعزاز ہے۔

    ذرائع کا کہنا ہے کہ بروکلین ٹاؤن کونی آئی لینڈ کی شاہراہ کو قائد اعظم کے نام سے منسوب کرنے کا فیصلہ گزشتہ برس دسمبر میں کیا گیا تھا جس کا افتتاح اب کیا گیا ہے۔

    محمد علی جناح وے کی افتتاحی تقریب میں پاکستانی عوام کے علاوہ امریکی شہری بھی موجود تھے جبکہ تقریب کے مہمان خصوصی نیویارک میں تعینات پاکستانی قونصل جنرل نعیم اقبال چیمہ تھے۔

    نعیم اقبال چیمہ نے خطاب کرتے ہوئے کہا کہ افتتاح کی تقریب میں پاکستانی اور امریکی عوام کی موجودگی دونوں ملکوں کی عوام کے رابطوں اور اتحاد و اتفاق کی عکاسی کرتی ہے۔

    پاکستانی برادری کےلیے کام کرنے والی تنظیم ’پاکستانی امریکن یوتھ آرگنائزیشن صدر وکیل احمد کا کہنا تھا کہ ’لٹل پاکستان‘ کے نام سے مشہور کونی آئی لینڈ کو قائداعظم کے نام منسوب کرکے سٹی کونسل نے ہمارے دیرینہ مطالبے کو پورا کیا ہے۔

    تقریب میں موجود سٹی کونسل کے رکن جمانے ولیمز کا کہنا تھا کہ ’یہ میرے لیے اعزاز کی بات ہے کہ ’محمد علی جناح وے‘ کی افتتاحی تقریب موقع پر موجود ہوں۔

    جمانے ولیمز نے کہا کہ مجھے اس بات کا علم ہے کہ’پاکستانی عوام نائن الیون کے بعد سے مشکلات کا شکار ہے‘ لیکن پاکستانی قوم مشکلات کا سامنا کرنے کے بعد ایسے مقام پر پہنچ گئی ہے کہ سٹی کونسل نے ان کے بانی کے اعزاز میں ان کے نام سے شاہراہ منسوب کردی۔

    یاد رہے کہ نیویارک کی سٹی کونسل میں رکن ’جمانے ولیمز‘ نے 25 دسمبر کو قائد اعظم کی سالگرہ کے موقع پر قرار داد پیش کی گئی تھی جسے اکثریت رائے سے منظور کیا گیا تھا۔

  • بلوچستان کو حقوق دینے کے دن آگئے، وزیراعظم، سبی کوہلو شاہراہ کا افتتاح

    بلوچستان کو حقوق دینے کے دن آگئے، وزیراعظم، سبی کوہلو شاہراہ کا افتتاح

    سبی: وزیراعظم پاکستان نواز شریف نے کہا ہے کہ بلوچستان کو جس طرح حقوق سے محروم رکھا گیا یہ ایک الگ داستان ہے لیکن اب اس کے حقوق دینے کے دن آگئے ہیں،سبی تا کوہلو شاہراہ لوگوں سے ان کا فاصلہ 600 کلومیٹر سے سمٹ کر 174 کلومیٹر پر آگیا۔

    Prime Minister salutes army FC for bringing peace by arynews

    سبی سے کوہلو تک 174 کلومیٹر طویل شاہراہ کے افتتاح کے بعد خطاب کرتے ہوئے وزیراعظم نے کہا کہ ہم نے دہشت گردی کی کمر توڑ دی، اندرونی و بیرونی دشمن بے نقاب ہوچکے ہیں، فوج، ایف سی اور پولیس کی محنت سے دشمنوں کو منہ کی کھانی پڑی جس میں سیاسی جماعتوں نے بھی ساتھ دیا، امن و امان کے بغیر سرمایہ کاروں کو راغب نہیں کیا جاسکتا۔

    انہوں نے کہا کہ بلوچستان کے حقوق واپس دینے کا دن آگیا ہے، ان کی برسوں کی محرومیوں کا ازالہ ہورہا ہے آج سبی تاکوہلو سڑک مکمل ہوگئی ہے، یہاں کوئی راستہ نہیں تھا سبی سے کوہلو آنے جانے کے لیے لوگوں کو 600 کلومیٹر کا طویل فاصلہ طے کرنا پڑتا تھا اب یہاں کے لوگ یہ فاصلہ 174 کلومیٹر میں طے کرکے اپنی منزل پر پہنچ جائیں گے۔
    انہوں نے کہاکہ اس سڑک سے بلوچستان کے دور دراز علاقے ہائی وے سے منسلک ہوجائیں گے، کسانوں، اور تاجروں کو اپنا مال بڑی منڈی تک پہنچانے میں مدد ملے گی ساتھ ہی کوئٹہ اور پنجاب کے مابین فاصلے میں 180 کلومیٹر کی کمی آئے گی جس سے دلوں کے فاصلے بھی کم ہوں گے۔

    انہوں نے کہا کہ بلوچستان کی خوشحالی ہماری منزل ہے، سبی اور کوہلو کے درمیان ترقی کا نیا دروازہ کھل رہا ہے،ہم آئے تو بلوچستان کو دہشت گردی اور غربت کا سامنا تھا، اسے محروم رکھا گئے یہ ایک الگ داستان ہے لیکن اب اس کے حقوق کی ادائیگی کے دن آگئے ہیں۔

    انہوں نے کہا کہ ترقی اور خوشحالی کے امکانات صرف بڑے شہروں تک نہیں چھوٹے شہروں تک بھی ہونے چاہئیں،گوادر کے چین سے جڑنے پر ساری دنیا کا سرمایہ اس طرف آئے گا کیوں کہ گوادر پاکستان اور پاکستان گوادر ہے۔

    مزید ازاں انہوں نے کوہلو سے رکھنی تک 80 کلومیٹر طویل ایک اور شاہراہ سمیت دو سڑکیں بنانے کا اعلان کیا۔